鼓堡音樂餐廳

營業中

休息中

不同的餐廳各有格調，我覺得livehouse 屬於啤酒與live band music 體驗的餐廳。即現場環境令你心底有點熱血，聽電音的騷動，再呷一口啤酒。嗯，聽落都覺得自己不羈。因為餐廳有 live band show，現場音樂與播碟，氣氛差好遠。livehouse 啤酒選擇幾多元化。你睇下！！！！！手工啤呀！！！仲有中間黑啤。我一直覺得手工啤係精品，味道濃郁好多，普通啤酒真係及唔上。下酒菜有雞翼拼盤，鍾意外皮炸得酥脆，或者酸酸辣辣的都滿足到，閣下自便吧！夏威夷pizza ，薄身，餅底脆，上枱熱，芝士夠，做到我想睇嘅拉上嚟芝士絲連的效果。我諗起余佩芝個故 orz......芝士薯條。薯條香脆+芝士足料，再點乳酪，咁香口，返唔到轉頭咖喎，會一條一條咁食落去，然後再飲下啤酒過。實在太邪惡。蘋果乳酪。我覺得平時啲樓上cafe 昆咗我咁多年囉，人哋呢杯真係有一粒粒新鮮蘋果粒，真係有奶製品嗰種稠嘅質地。我見人哋食咸豬手，個樣好吸引，今次無叫，好期待下一次呀！

今日終於黎到聖誕聚會啦，今次再去返livehouse食飯，我地一行6人大約7點半到達都差不多滿座，今日2030有liveshow一個鐘，佢唱得都吾錯，但可能始終地庫關係，其實都偏嘈，傾計講真一般，可能坐返遠少少同2-3人傾會好點！～之後我地坐左大約3小時每人$250左右，價錢只屬可以接受啦，我地共$1528，我簽完名睇返原來收左$1582…所以講真簽單時要睇清楚，而食品質素一半半好味道啦，又未至於樣樣吾得。吾錯食品：沙律份量偏少但味道吾錯。夏威夷薄餅多料同底薄夠脆好味。牛扒份量大而肉嫩，但薯條一般。小食併盤芝士薯條反而吾錯多芝士又冇黑，雞翼同魷魚圈朋友都有讚好味。正常食品：豬手份量大而味道可以，但醬汁吾得冇味。吾得食物：炸魚薯條吾得，炸魚有股怪味道，薯條炸得太耐黑晒。意粉講真味道吾錯但堅少，吾抵食。三文魚薄餅好咸好咸，三文魚好似比好多鹽咁…吾得！～飲品叫左3枝啤酒和2杯熱檸水….熱野飲差不多叫冇得叫，之後我地叫佢比熱水都話要煲過先有。

好多時經過旺角都見到呢間餐廳 有live band ， 咁吸引就試下啦，係boxing day 訂了兩位 九點鐘, 落到去 餐廳坐了15分左右唱歌的人已經走了, 諗住可能係休息一陣啦, 點知坐到十點零鐘都冇人再唱歌了。 一間有live band嘅餐廳係咁早已經冇人唱歌嘅咩？ 講到食物呢一方面， 頭盤 三文魚 caesar salad 同埋雞翼都算唔錯， main course order了 安格斯西冷 同埋寶雲羊架， 侍應送到嚟嘅時候，個樣好吸引， 但食落去西冷 牛扒 同埋羊扒都非常之靭。 太難食了， 非常之失望。

是晚Boxing Day、選了這間懷舊裝修、又有live聽既餐廳共進晚餐！選了4人套餐，豐富得很！特別推介德國咸豬手、好好食！配啤酒一流！大家食得飽飽，渡過一個開心既Boxing Day晚上！P.S. 不過，唯一缺點係上菜較慢!

星期日Family Day, 同屋企人諗住唔煮飯出街食餐好！上openrice見到有cocktail優惠，所以打電話book左4位。黎到之後點選左cocktail放題，一定要4個人都飲，我老媽子唔飲cocktail, 不過原來都可以揀飲紅酒或者啤酒，咁都okay~ 用優惠可以有半價主菜，仲唔限數量，我地叫左3款主菜，分別係德國豬手、燒牛肋骨同埋芝士龍蝦。每款加埋一都唔使二百，好抵。最讚地方係半價主菜份量都係咁大，唔會同正價有分別，我知道係因為隔離枱客人冇飲cocktail，所以要正價食主菜，比較下，我覺得自己好著數，好似唔使錢送野飲咁囉。所以我強烈推介大家都飲cocktail食半價主菜！任飲的選擇都算多，我想飲既都有，而且每杯即時調配出來，味道都很似樣，比得上中環高級酒吧，只是中環的賣相較討好，但中環賣成二百呢......推介: Apple Yogurt, 酸酸地好醒胃。德國脆豬手，好香好脆，同某大連鎖店的豬手比較下，size算是中上。呢度日日都有樂手唱歌，唱得都唔錯，不過有時客人飲左少少酒講野大聲左就會阻住其他人聽歌，不過氣氛又幾好，好熱鬧，我好唔鐘意靜英英個d西餐，好悶囉。呢度可以

食物幾高質，但份量較少。個人認為最值得推介的是芝士乳酪薯條，食過咁多炸薯條呢間真心高質。環境氣氛良好，裝飾很用心，但燈光太暗拍不到照片😂 有人表演自彈自唱，客人生日會唱生日歌很驚喜服務水準不錯

Monday is always gloomy, what is the best way to cheer up yourself with the remaining four days ahead of you?Alcohol, Food and Music definitely help!!!Especially if they are with a super good deal!The Live House in Mong Kok is a restaurant with live music played on stage. We choose here because we wanna use the Openrice Coupon which is $109 free-flow of cocktails for 90 minutes.You can choose from a list of cocktails, here are some examples, such as grasshopper, tequila sunrise, long island etc.

又到左好朋友生日既時候喇！梗係要揾反間特別少少嘅餐廳食下！其中一位朋友介紹旺角the live house，從來未食過嘅我有得試新野梗係贊成啦！我地四個人，嗌左德國豬手，Hawaiian pizza，雞翼魷魚圈薯條拼盆，黑松露焗蟹肉西蘭花，大蝦risotto同埋墨魚汁魷魚麵豬手略嫌切得有點大件，不過好脆好好食！Hawaiian pizza同炸野拼盆不過不失黑松露焗蟹肉西蘭花竟然有一大pat黑松露係上面，好正呀！點大蝦risotto嘅時候店員話個飯會有少少硬...點知...係好硬....我地食左隻蝦同幾啖飯就無食嚕...浪費左...墨魚汁魷魚麵好好食！但個墨汁太勁棚牙都黑哂..抹極都有黑色...好狼狽呀！最後要讚揚下個特色啤酒，佢有好多款，其中我地最愛嘅係有桃味果款，好香，又大枝，抵飲！食食吓有人唱live...但我地傾得起勁突然要收聲真係有點掃興...不過唱live果位歌手係唱得好聽嘅！之後餐廳變得好嘈，我地講野愈來愈大聲...持續左成個中之後...我地個個喉嚨痛離開餐廳其實店員嘅服務態度會係客人再次光臨嘅重要因素，希望將來有機會再來時可以見到有笑容嘅店員啦...

首次到這餐廳，環境不錯，是晚下雨天一半沒坐滿，限時90分鐘。被帶位後想調位置，未坐下想開口黑面侍應已離開，找了另一侍應安排。點了西冷，Peperoni比薩，豬手。牛扒肉質好，生熟控制不錯。比薩的Peperoni夠香，豬手份量大。餐廳沒主動提供水，點啤酒沒提供杯。結賬及離開時，沒有謝謝。侍應業餘水準，服務不敢恭維。價錢定位與服務不成正比

預約左6點，5點10已到達門口，落左樓下後，侍應好唔願意咁講未開門，於是我同朋友周圍行下，等到六點二先入去。入到去就同我地講用餐時間只有一個半鐘，心諗都算啦，快D 食完咪走囉~點餐時問佢，我有一張加$159 free flow cocktails coupon 同埋打卡有discount既 coupon (係OPENRICE DOWNLOAD) , 問佢可唔可以共用，侍應一下就答唔得，我再問，明明張COUPON 下面既 Terms and Condition 寫明如一同使用可有95折，佢先話: 「哦，咁95折囉!」，予人感覺差勁。用餐時間好快過，眨個眼已經7點5，佢地亦即刻拎張單過黎，我問佢，free flow drink 係咪可以飲多半個鐘(佢個MENU上面係寫飲兩個鐘)，佢話唔得，要交檯! 算啦，下次唔黎呢間喇! 佢地D食物好一般，以咁既價錢 ($779 兩人, 已折) 其實可以有好多選擇!

又同朋友慶祝生日，見到呢間有live~就book咗Thursday晚上七點。六點半去到得一張檯有人，地方唔算大。staff安排咗我地最近舞台同音響的位置。講真，由於好近音響，有d嘈and環境有d暗live八點半開始。雖然話九點要交檯，不過成晚都唔見餐廳坐滿芝士薯條正~熱辣辣上檯雖然d薯條唔係脆脆咁，但係配上芝士果然冇的輸滿滿一盤，分量幾足啤酒青口個汁雖然唔算creamy，都夠味。but真係試唔出啤酒味wor。青口數量有十幾隻，偏細隻~墨魚意大利麵~味道算ok，唔會話太出彩。重點指出係個墨魚好淋，口感唔多好。最愛就係呢個豬手皮烤的好脆，鹹鹹的好適合配啤酒，美中不足係個豬手較細呢個天使面唔知點解要等成個鐘？！d大蜆一d味都冇不過個面就夠味我地六個人點咗五份食物，埋單都覺得平。本身真係覺得應該點多一兩份，不過上菜速度勁勁勁慢。你要做好食完一份都未有第二份的準備。如果hea下，都算係不錯選擇。最後切蛋糕🎂時有live生日歌

姊妹們每月一聚，今次揀左呢間試😁Book左1900，我地1845到就已經可以比我地入座喇。估唔到咁有Halloween 氣氛，連侍應都係halloween裝扮。三個女仔叫了三支手工啤，小食拼盤，豬手，卡邦尼意粉，鐵板朱古力蛋糕。非常飽😂埋單每人$263

朋友今日生日收左工當然要好好慶祝一番 其實一早想泥試好耐 因為去好多朋友都泥過話啲野唔錯 又有 live band 不過有啲難 book枱 今次好彩一早訂左 我地7點左右到左 間餐廳已經半爆 我地兩個女仔唔食得多野 只係叫左個小食拼盤 一個 卡邦尼意粉 同個牛仔鞍 同兩杯野飲我就叫左 sex on the beach 而朋友就叫左支手工啤小食拼盤到喇 味道普通 不過個薯條好好味 超多芝士 再點埋個 sour cream 正 個卡邦尼就不過不失啦 味道ok既 不過略嫌個汁有啲太稀 可以杰返少少主角牛鞍到喇 超大份 個size同我個頭差唔多大 仲好香添 肉質都好林唔會又鞋又乾 不過唯一美中不足就係太多薯條 冇乜配菜 不過用左 coupon 咁大份都係88蚊咋 抵到我地食完有個侍應拎左個蛋糕出泥話請我地食 因為我係 book 枱既時候有 mention 過朋友生日問佢有冇得叫甜品寫 happy birthday, 點知我地未落單佢就拎左泥 台上既 live band 見到有人生日都會唱生日歌 好細心好好呀 值得一讚

一直都想試吓呢間，趁朋友生日就黎啦，加上近旺角比較方便，去嘅時候真係要望一望路牌，因為好容易行過龍我地order佐「二人輕食晚餐」$328 for 2，起初以為份量好少，但其實份量都算大大大碟芝士薯條，沙律就普通沙律雞亦等佐好久先上黎，味道本人覺得全部煮法一樣，左上邊數起係酸辣醬，中間係檸汁，右下邊原味意粉味道就不過不失啦套餐+$48有個甜品「冰火朱古力軟餅」，賣相好差，但朱古力味道不錯，不太甜，其實下邊係心太軟，中間係雪糕，再用朱古力係上邊淋落黎餐飲本人叫佐杯白酒，起初口感有點澀，慢慢飲落還可以啦

朋友話旺角有間飲野食野吾錯，所以專登打去訂2位約今日去試下去食，今日7點多到達已經門口要等位，好彩訂左位等左一陣就可以入去，入到去見到有band野添，吾知係米太早所以冇live band…我地見到啤酒類都吾少又吾太貴…＄78左右，而且見到都好大枝，但因為朋友想要的桃味沒有，所以最後都係叫左果汁飲品和2個主食。每人$240價錢都抵食同傾下計睇下打拳都吾錯喎，下次會夜多少少希望碰到聽live 啦！～我地等左大約15分鐘野食都黎到了，芝士忌簾汁焗蟹肉意粉超熱黎到桌面，甲起來都見到吾少芝士絲已十分吸引，之後見到配料有不少菇係度，食落去已十分濃香蟹肉味但吾腥味道不錯喎，而且又夠熱呼呼，意粉口感剛好吾淋身有口感而且仲有吾少蟹肉係入面添，白汁味剛好吾太杰，講真自已對白汁麻麻地都覺得這個意粉好味道。之後不久西班牙黑毛豬扒都黎到啦，份量原來都吾少，豬扒切左好嫩身而且豬扒味道濃而香，面仲有少少脆口好吸引，配菜都吾少有菜有蕃茄之類，驚喜薯仔面仲有蕃茄醬蓉，薯仔仲要應該煮時吾係就咁用水煮，所以有股香味，似橙香感覺，味道幾特別不錯喎飲品叫左2杯….Smoothie和Apple yogurt…見到原來這裡果汁係用