鼎尚燒鵝湯館

營業中

休息中

放假揸車上山頂， 行完Donki 「熱情小店」都冇乜啱食， 不如飲下湯同食下燒味， 棋哥呢間餐廳喺個好選擇。 今次叫咗個二人餐， 有佢哋最出名嘅燒鵝， 自選燒味一碟， 大家可以選擇叉燒、切雞 油雞、 燒腩仔、燻蹄， 如果要食乳豬， 需要加50蚊， 套餐仲包括油菜一碟， 自選燉湯， 如果唔食飯， 可以選擇米粉或者瀨粉， 套餐跟熱飲加8蚊， 凍飲加10蚊。 佢哋個燒鵝真係幾出色， 個皮燒得好脆， 隻鵝油脂分佈均勻， 唔會太肥或者太瘦， 上次食過乳豬， 啲皮真係好脆； 今次試咗油雞， 沒有什麼驚喜。 燉湯叫咗兩款， 西洋菜陳腎無花果湯， 火候夠， 味道清甜； 綠豆章魚蓮藕湯就沒有什麼驚喜。 奶茶唔夠熱， 可以唔叫。 呢度服務態度好， 淨係分數有中上。 會再來。

山頂之選🤣幾經波折嚟到山頂見到間餐廳嘅裝潢，咩都唔諗就趕係晚上六點前入到去！裏面嘅擺設好靚，古典得嚟帶點新潮😂🥳除咗室內位置，仲有可以睇到凌霄閣嘅室外...兩個燉盅都非常鮮甜，味道10分濃郁口水雞配上陳村粉，香辣惹味，令人忍唔住一啖接一啖，而且雞件好滑身重頭戲當然唔少得燒味飯：一碗燒鵝配叉燒，另一碗燒鵝燒腩仔；燒味能夠做到呢個程度同水準真係令人回味無窮！大家有機會嚟到山頂，不妨試一試啦👌🏼😊！

鼎爺私房菜未試過你都應該聽過！😌疫市期間佢更加成為逆市奇葩大展拳腳勁開分店 喺山頂呢間鼎尚棋哥燒鵝湯館成為避疫好去處港人冇地方好去唯有走上山頂放電所以呢間店平時係午餐時候迫爆人好多好味嘅食材一早已經清光就好似佢最出名嘅燒鵝喺4:30pm已經冇晒了 ...唯有睇吓佢嘅餐牌仲有啲咩好食由於係旅客區 價錢都偏貴留意到佢個燉湯原來好足料 叫咗西洋菜陳腎無花果湯同埋寧神川芎天麻燉雞湯好鍾意川芎天麻嘅味道 藥材慢慢浸入舌頭中 味道唔係個個頂得順但我就反而好享受 可以做到抗疫保健嘅效果何樂而不為？當然要叫下佢哋呢度最出名嘅燒味飯油雞燻蹄又係我自愛！大大碗燒味保證你夠晒飽 切雞亦都好肥美加埋少少薑蓉 將香港嘅味道完美呈現仲有糖水無花果雪梨糖水 係冬日滋潤嘅好選擇

除夕沒有倒數，反正沒什麼可以慶祝，男友提意到山頂行返轉，廣場翻新後重開，有𣎴少熟悉的店舖，亦有不少食肆進駐，這邊新廣場比舊的好行好多。反正肚仔餓餓地，又要係六點前完成晚飯， 就決定係新廣場呢邊食晚飯。近排食得西餐多，不如食下中菜，  就決定試下【鼎尚棋哥燒鵝湯館】 湯館夠寬敞，可惜窗邊位無晒，無得望住靚境嘆除夕晚飯。 Anyway 要快些點菜， 趕時間完成呀。今晚一於要食好啲，踏走衰到貼地既2020 我地由前菜開始【皮蛋千頁豆腐】$88整磚豆腐既份量，加上皮蛋和木魚絲；以甜甜地既涼伴汁調味，清爽又好味既前菜。 天熱寒冷，當然小不了滋補養生燉湯， 我們也是湯控，所以一人一盅先夠喉。 有睇過阿爺廚房既都知阿爺出手既燉湯有幾講究，用料足見稱。男友既【西洋菜陳腎無花果燉湯】$90燉湯夠大盅，這盅燉湯是秋冬必飲的湯水，有潤肺、下火功效 ， 用料足有西洋菜、陳腎、南杏、無花果、瘦肉、陳皮、薑片等。 一打開蓋就見到出晒煙，香氣撲鼻，湯色清澈，點點的咸香，加上西洋菜的獨特香氣完全溶化在湯內，喜歡清潤味道既朋友絕對不能錯過。 我還是首次喝【日月魚淮山合桃湯】$128褐色湯頭， 未喝已感到非常濃郁， 果然

今日係專程上去山頂，試一試這間餐廳！時間大約下午四時半，不用等位！由於專程上山頂，所以點餐時沒有看價錢，想食乜就叫！燒鵝拼燒腩仔例牌，鵝唔夠熱，我皮唔夠脆，不過有鵝髀，算是加分，但燒腩仔啲皮浸晒落啲汁到，如果反一反，皮唔係接觸到啲汁，應該會好食啲！$178嚟講有啲貴，賣$128會感覺好一些！豬油撈飯唔夠熱，不過豬油渣幾脆，啲炸乾蔥都好香，但$58也是算貴，我認為只值$45！黑松露燒賣，黑松露唔夠香，但燒賣夠熱，味道一般，$58也是有點貴，也是應該值$45！鮮蝦菜苗餃，蝦夠新鮮彈牙，菜苗夠鮮嫩，味道也好好，值得一試！$58算是正常價位！奶茶也好味！但$25也算是貴，$20就差不多！整體來說，食物質素尚有改善空間，價錢可以略略調低一些就完美了，可能打住鼎爺個招牌，大家唔多唔少都會有些少期望！

2021年第1日，登高最好，早上來到山頂，先走了一圈，才 10時半，店未開，逛了一陣子，11時 20分到了這店，已有4桌客人。這店裝修風格是老HK懷舊路線，地方算ok乾淨，不能算茶樓或茶居，因為入座並沒有 serve中囯茶，只有一壺50, 60年代風格的保温瓶，內有熱水，倒出來喝，蠻好，起碼不需另收茶錢呢！餐廳主打燒味，燉湯及小量点心，也就点了這些了，分別是叉燒併燒鵝飯，川弓天麻燉雞湯，叉燒包，黑松露燒賣，菜苗蝦餃及炸春卷。飯方面，叉燒是超瘦，外層色澤淺，蜜汁味亦欠奉，叉燒亦比較乾，中下吧，燒鵝很好，不肥，皮很脆，肉汁多，滲出鵝肉臊味，調汁很鮮甜，完全是燒味飯的精髓所在，大家記住要求多加汁！！！燉湯先摸盅蓋，那種熱度，一定是全完盅燉的，盅內湯料足夠，川弓天麻味很濃，雞帶骨，但入口即軟，一咬即碎，也就連骨吃了，可見這湯應燉了3小時，在今天9度的寒冷早上，也就顯得特別好喝了，比蛇王芬好太多太多。点心全是即叫即做，炸春卷上檯仍熱到入不了囗，很脆，蝦亦爽。菜苗餃及燒賣普通，胡椒粉下得太多了。叉燒色亦是正常水平。離開時 12時半，全店已坐滿人，應是山頂廣場除麥當勞外最好生意的餐廳。燉湯及燒鵝做得

去咗山頂玩一入商場上一層就見到好有特色嘅擺設，港式燒味檔好有香港色彩鼎尚棋哥主打食燒味可惜當日燒鵝賣晒無得一試小食叫咗川式皮蛋青瓜麻辣涼菜好開胃！就叫左叉燒拼燒腩仔叉燒拼燻蹄燒腩仔好岀色，皮脆肉淋，肥瘦剛好入口溶化燻蹄切得好薄，所以好易咬又唔會硬！叉燒師傅比得太瘦我地，柴口少少西洋菜陳腎無花果湯寧神川芎天麻燉雞湯兩款湯好足料！好多湯渣，所以湯水好入味！冬天飲一碗熱辣辣嘅湯真係好舒服！無花果雪梨糖水，雪梨燉到爛晒，夠甜好滋潤。窗外望到凌霄閣風景非常美麗！

朋友約我上山頂行大運😆，我哋喺盧吉道同夏力道行咗個圈，其實不費吹灰之力，不過又凍又大風，行完就有啲肚餓，咁就入去山頂廣場睇吓有乜嘢食，見到呢間餐廳位置相當好，決定入去食個early dinner😁凍冰冰就想飲熱湯，我叫咗$128嘅「日月魚淮山核桃湯」，朋友就叫咗$98嘅「寧神川芎天麻燉雞湯」，兩個湯上枱嘅時候都係熱辣辣，真係帶比我哋及時嘅溫暖😁；我嘅「日月魚湯」色澤深紅味道濃郁，感覺非常滋潤；朋友嘅「燉雞湯」好有雞味；兩個湯都見到落足材料😋我仲點咗$98嘅「燒鵝燒腩仔雙拼飯」，朋友要咗$88嘅「叉燒豉油雞雙拼飯」，兩個都幾好食😋亦叫咗$128嘅「麻香口水雞」，好惹味開胃😋；最後加個$68嘅「無花果雪梨糖水」兩份食😁，又係好滋潤😋呢間餐廳喺山頂廣場入邊，可以坐室內或室外；我哋今次坐窗邊卡位，觀景好好😁。食完個early dinner順便睇埋日落先落山😁

假日山頂好多人就揀就哩間食價錢唔算特別貴接受到叫左燒味双拼飯叉燒太瘦，柴口好彩切得夠薄叫咬到燒腩仔就唔錯，夠肥入口肥膏溶化但都有啲咸反而最好係個西洋菜湯，足料夠味！不過餐廳裝潢幾好，又見到對面風景

疫情期間好多地方都無得去🥺所以就搭車上去山頂行下⛰打咗陣卡見有啲肚餓就去咗鼎尚棋哥燒鵝湯館 見完飯先走😉.麻香口水雞🐔口水雞起咗骨，食落啖啖肉☺️唔會太肥，底下嘅粉皮😲表面佈滿麻辣帶酸嘅口水汁，非常惹味🌶.醬皇燒鵝拼秘製叉燒飯🍚燒鵝外皮薄脆，中間油脂較多😬食落滿滿肉香🤤點埋酸梅醬就好正，叉燒燒到焦香🔥多瘦少肥🐷食落主要係蜜汁同甘香肉味🍯.醬皇燒鵝拼桂香切雞飯🐓帶淡淡荔枝木香嘅燒鵝香脆結實🦆油脂入口即溶😋切雞肉質鮮美嫩滑.日月魚西施骨淮山合桃湯🥣淮山合桃嘅味道頗重，同時飲到日月魚嘅鮮甜味🐟.寧神川芎白芷天麻燉雞湯🥄聞落藥材味重🪴但飲落只係少少甘甜味😗雖係燉雞湯卻唔油膩😌.黑松露燒賣🥢濃郁黑松露香氣🖤燒賣大粒飽滿且爽口

間唔時都去中環行上山頂, 行到上去再食個BURGER咁, 今日行到上去見到山頂廣場除左開左DONKI, 仲有鼎尚棋哥! 天氣凍凍地就一於唔食BURGER, 入去食個飯再飲個燉湯!山頂分店空間更大, 裝潢同樣充滿懷舊港味, 而且窗外既山景同採光令人份外舒適。蟹籽燒賣皇3件大大粒又飽滿, 可以食到原隻蝦肉, 加上黑魚子既鮮味, 愛一盅兩件既必食。麻香口水雞口水雞已經拆骨, 啖啖肉而且肉質嫩滑, 底部有滑溜既粉皮, 配上調得又麻又辣既口水汁同埋少許麻醬, 好惹味~寧神川芎天麻燉雞湯燉雞湯濃郁香甜再帶藥材既甘甜味, 湯頭足料,  不負呀爺靚湯之名!日月魚淮山核桃湯日月魚熬出既魚香同鮮甜味出眾, 滋補又好飲! 燒鵝拼叉燒飯  燒鵝拼燒腩仔飯燒鵝皮脆肉香, 咬落去既時候皮位油脂滲出, 滿咀油香之餘仲帶淡淡荔枝木香, 點埋酸梅醬, 出色! 燒腩仔皮脆卜卜, 肥瘦均勻, 夠咸香, 不錯。而家無得旅行, 依個天氣上到山頂可以飲到熱辣辣靚湯, 食個靚燒鵝飯都係一大樂事!

想試棋哥燒味已久，上山頂看見了專門進去試試，結論：不會來第二次，點咗雙拼燒味飯，份量少得驚人，唔係講笑，失望到極點。有幾誇張？燒鵝拼乳豬，6塊乳豬皮（超薄超細塊，無肉）加6塊燒鵝（每塊得半啖）⋯⋯未嚟得切影相已經食晒啲肉。加1超過150蚊，真係想講句wt 唔係講笑啊？臘味拼盤，份量ok，等咗半個鐘先上。不過啲潤腸，真心未試過咁off嘅⋯加1超過180蚊。絕對唔會嚟第二次，大家入去之前最好諗過⋯唔介意份量或味道的可以打卡，想醫肚嘅，落去雪奈食個包好過。。

行完山後入山頂廣場搵地方食午餐，見到有鼎尚棋哥燒鵝湯館，而我又未試過，即管試吓！店內裝修有六、七十年代感，從前的暖水壺、碗筷，好有特色餐牌有燉湯拼燒味飯推介，我點了個寧神川芎白芷天麻燉雞湯，另加$10叫了碗燒鵝豬骨湯米粉先講湯！落足料煲，完全飲唔到有落味精，好濃好有藥材味，成碗湯我連啲藥材都食晒，好好味，飲完成身暖晒👍燒鵝豬骨湯米粉燒鵝較為一般，好似鵝頸橋間棋哥嘅燒鵝好味啲！豬骨湯米粉也只是一般的豬骨湯米粉！總結：燉湯好飲有水準，燒鵝湯米粉就較為失望了

約了朋友去山頂行山。行完順便在山頂廣場吃飯。被鼎尚棋哥燒鵝湯館的裝飾和餐牌吸引，便入內吃午餐。燉湯燒味飯套餐很吸引。我們便選了兩份，再叫了一碟前菜和一份甜品。日月魚淮山核桃湯香濃鮮甜，飲落順喉滋補，正! 寧神川芎天麻燉雞湯有少少甘味，飲落足料有益清甜。飲完湯已很滿足。不愧是湯是阿爺濃。燒鵝拼义燒飯和燒鵝拚燒腩仔飯大大碗，令人垂涎欲滴。果真是鵝是棋哥香。鵝皮脆有淡淡荔枝木香味。鵝肉結實有肉味，鵝油香入口溶化。點埋酸梅醬更好味。燒腩仔皮脆肉嫩，芥辣香。义燒美味有水準。燒味肉質靚不咸。酒香話梅蝦有特色，美味。蝦結實鮮甜。加埋話梅酸甜開胃，淡淡酒香。碟內的椰菜絲沙律清爽新鲜。最後來碟千層馬蹄糕，真材實料清甜，又好看又好吃。上到山頂都享受到美食，幸福，感恩!坐在近窗卡位可在享受美食之餘，欣賞埋山頂風景，開心，悶氣全消。最後買了臘肉和臘腸回家孝敬爸媽。

這日風和日麗，與家人在山頂行山，之後去鼎尚棋哥燒鵝湯館午餐，點了四人套餐，有燒鵝、油菜、雙併燒味(鼓油雞、叉燒、湯品、白飯、清蒸紅鮪，另點蝦餃.........Overall , 除了白飯及開水可入口外，樣樣都失望至極。燒鵝上來時已是賣相差、又乾又瘦，冇滴油水，份量也不多，總之感覺是" 吓" 一聲，當然入口不會抱有期望，果然.......好柴口。雙併燒味(鼓油雞、叉燒) 也是同一品種--- 乾、瘦、柴......我明的, 我們要半肥瘦，但也不是奀到咁。湯品吧，叫湯水吧，因真是水來，是味精水。最極品是清蒸紅鮪，是"枚" 的，簡單如豉油、薑也水皮過人，不像樣，還不夠，蝦餃皮是一團漿糊，連油菜也渣到不識形容，最後埋單一千 !!! 早知如此, 在屋企附件料好過，鼎尚棋哥......真食到人氣頂。