點·子·巷

營業中

休息中

🥣 台式肉燥噹 HK$42好搞笑上面好多粟米，差啲睇唔到佢啲肉燥，汁都幾多，但味道唔濃。.🍶 伯爵珍珠奶茶 飲品升級HK$16少甜味道但仲幾甜，個人幾伯爵茶嘅味道，雖然茶味無咁濃，但奶味會香啲。.🧀 芝心釀雞翼 套餐加配HK$34最唔抵都係呢個，芝士味道得好少，一份得兩隻。.📌 下午茶時段 (星期一至日14:00-18:00)

第三次突登過黎食藥膳雞米線！！可以食到藥膳雞米線既台灣小店不多，好食既更可遇不可求。終於係朋友介紹下俾我遇上左佢～藥底係有少少藥既甘味，加了些乾菊花、杞子、紅棗等藥材，十分入味，味道特別，一試難忘🤩🤩通常套餐都會附一款小食，腐皮魚角不要看它平平無奇，加上兩種沙律醬溝成既醬汁，令其提升到另一層次✨✨花枝丸加那款醬汁，味道都夾的，值得一試。香腸不過不失，就咁食有種台灣腸有既甜味。飲品方面，胚芽珍珠奶茶好香，珍珠煙靭得黎吾會太膠，要咬好耐。想養生一點配合藥膳主題，可叫紅棗桂圓杞子茶，真材實料！一杯入面有一半係材料，泡耐一點就會出味😋😋價錢上都不便宜，兩個午餐套餐加兩杯飲品再加一個小食，都要二百元呢，但值得一試既👍🏻

話說呢入嚟等開男朋友收工順便買蛋糕就一於決定搵吓附近有咩食見下午茶時間餓餓地見到附近有呢間台式嘅餐廳因為見佢入面裝修得好靚好pink 就一於坐低食個下午茶見到價錢一啲都唔貴咁我就嗌左一個台式配方豬扒飯加嘢飲嘅套餐另外我見佢下面仲有唔同嘅台式小食可以加配我就嗌左好耐都冇食過嘅炸花枝丸本身飲品我都打算要返最普通嘅熱飲但係店員好好人咁介紹咗我有一個乳酪飲品都幾正係玫瑰荔枝yogurt 一上到菜嘅時候見到台式豬扒飯分量下午茶來講都算好大就算係lunch都一個女仔好夠食而且佢嘅特製配方同一般嘅炸豬扒飯唔同佢應該首先用咗好多唔同嘅香料去醃左塊豬扒先仲食得出好香嘅八角味而且佢嘅飯仲用咗粟米去打底配合埋蔥花更加好味至於個炸花枝丸新鮮炸起非常好食仲勁彈牙呀添至於杯嘢飲一上黎嘅時候我真係好surprise因為用嚟打卡真係一流佢整到成杯係淡粉紅色玫瑰同荔枝味都好香Yogurt 亦唔會太酸100分

呢間台灣食店真係夠曬隱蔽，係個巷入面，唔係八卦入去睇睇都發現唔到。叫咗個雞髀肉燥飯同桂花藥膳雞煲，雞髀肉燥飯個雞髀有d咸香咸香咁，而且整得好淋，筷子一督就整到d肉出黎，加埋d肉燥送飯幾好食，不過略嫌雞髀有d細，同埋個賣相真係麻麻地，個雞髀太細，收$62蚊一個雞髀肉燥飯朋友同我都覺得有d貴。藥膳雞煲不過不失，呢個價錢對得住呢個size，不過有d驚訝雞煲無配主食，就咁食雞真係有d寡，如果有配飯或者米線就好啦，

1.糖心蛋肉燥丼 $54-肉燥咸甜味道互相交融，送飯能力爆登-肉燥肥肉比例較少，食完成碗都冇油膩感，適合正減肥又想放縱一下自己啲朋友-糖心蛋非常入味，蛋黃有流心效果2.阿婆蔥油雞絲撈蕎麥冷麵 $52-菜名搞鬼，味道卻驚喜萬分-手撕雞肉都幾滑，但竟然成為咗麵食嘅小配角-冷麵完美奪去鎂光燈，帶有淡淡蔥油香但唔會有強烈油膩感，另外麵上沾有香甜嘅芝麻脆脆，營造出非常獨特嘅味覺享受3.黑糖珍珠鮮奶 (跟餐加26蚊)-鮮奶味幾濃，亦有黑糖香-可惜珍奶可能未煮熟，有啲偏硬，唔似市面上有種軟綿綿號口感，略為有點失望小結：店內裝修以粉紅色cafe為主題，雖然店鋪空間有限，但規劃令座位之間仍有相對充裕嘅空間感，再配埋一杯台式飲料，幾適合渡過一個悠閒假期。口水指數🤤：4分 (5分為滿分)溫提：*晚市堂食收加一服務費*除接受現金外，亦提供AlipayHK 支付，最岩成日唔記得帶銀包嘅朋友

好掛住台灣呀，唯有搵間台灣嘢黎止下痕喇點子巷呢間舖我地試過幾次，最令我想回頭既就係呢個肉燥鹹雞髀當～雞髀肉汁多，好鮮嫩，配合肉燥飯，好台灣呀當然唔少得叫多杯伯爵珍珠奶茶大滿足！

成日想去台灣走一轉，不過未搵到時間，放工見到附近開咗一間台灣小店，環境幾清新，就同同事入去食個下午茶。我哋叫咗蝦醬炸豬腩肉配湯粉。豬腩肉非常香脆入味，好邪惡，店員仲畀咗千島醬同沙律醬我哋，原來味道都幾夾，但湯粉有啲碎。同事嗌咗剁椒擔擔撈米線非常香口，肉碎帶有陣陣花生味，撈埋米線一齊食，感覺唔錯，雖然佢寫刴椒，但其實無咩辣味。兩個餐都包咗一杯熱羅漢果茶，一解油膩。

1️⃣阿婆蔥油雞絲撈蕎麥麵價錢：$52好特別既撈麵！因為佢係撈蕎麥麵😍好香既雞絲配上蔥油，加上粟米同蒜粒一齊撈落啲麵度，成個口感好豐富！甜甜地嘅蕎麥麵配上鹹香嘅雞絲，回味無窮🤤🤤🤤2️⃣肉燥咸香雞髀噹價錢：$62呢個飯又係超讚😍👍🏻非常多既肉燥係飯上面，用黎撈飯一流🤤加上佢隻咸香雞髀，非常之淋同入味！只需要用筷子輕輕一夾，啲肉就夾左出黎，所以唔洗驚要用手食雞髀咁失儀態😏必試呀！👍🏻 👍🏻同埋而家只要like點子巷既Facebook,就會送2粒花枝丸😍

雖然位置係一條小巷入面，但勝在裝修清新、帶點文青嘅風格，好似真係去左台灣旅行咁😍台心蛋肉燥飯嘅蛋非常幼滑，而且肉燥味道香濃又唔肥膩，而且加上白芝麻令飯香上面有多一個層次，好似我平時咁細食嘅女仔都可以食晒成碗🤤剁椒擔仔撈米線🍜香辣味道十足，食落去好香口，米線都好爽口，但係就略嫌配料比較簡單。食台灣野點可以唔叫一杯台式飲品？今次我就試咗黑糖珍珠鮮奶，奶香濃郁，珍珠都彈牙，不過就比較甜，如果大家下次去飲建議叫少黑糖，應該會更好味😋

午餐想食台灣野喺太古坊附近無乜選擇好在仲有間點·子·巷Bistro Lane堂食坐位約6-7檯左右廢事等位所以叫外賣返上公司食要左個糖心蛋肉燥噹+椒鹽台腸片跟餐加左杯伯爵珍珠奶茶+ $18單點要$22飯的份量唔算太大份肉燥+汁份量都好多，可以撈飯但略嫌有啲鹹台腸燒得好香，如果再多幾片就好喇糖心蛋好正一切開就漏啲蛋黃汁出黎伯爵珍珠奶茶杯蓋塞係心心型好靚奶茶底全部都已一早調較好喺雪櫃拎出黎所以無得要求少糖，不過飲落都唔算甜好處凍得黎係無落冰去溝淡奶茶味伯爵茶味都好香珍珠有煙靭口感，個人比較喜歡爽/淋啲既質地成個餐加埋珍奶$77外賣自取減$5未算好抵食

夜晚8點幾開完會係鰂魚涌想搵啖飯食都幾難，行嚟行去去到一個巷仔入邊搵到呢間台灣野，但係都係收9點，所以好快就坐低食個快飯。點左一個豬扒飯，同埋一份豆腐。再加一杯羅漢果菊花茶。羅漢果菊花茶算係成餐入邊最正常嘅一樣野，冇加糖，所有甜味都係源自羅漢果。個豬扒飯真係好辛苦先食晒落肚，塊豬扒硬到我有正常牙齒嘅人都咬得好辛苦。啲豆腐上面鋪嘅蒜真係夠我食一個禮拜，只可以用來送飯。呢度竟然又係淨係收現金，鰂魚涌呢啲山旮旯地方，真係唔知去邊度撳錢。奉勸大家嚟呢度之前，要確保銀包有錢呀。

好有家的味道嘅台灣野👅 d main 份量比較大👍🏻👍🏻 牛肉超多舊真心🤩🤩 麵底係船麵好特別，但又幾滑幾好食❤️ 雞比飯好推薦！雞比又大又嫩滑！肉躁有d脆粒，口感一流👅👅跟餐加16蚊就有野飲，要左一杯earl grey bubble tea~ 茶底幾出earl grey味，珍珠好煙韌！百香果yoghurt jeng jeng~ so fresh!!! #hkfoods #hkfoodie #hkfooddiary#hkfoodblogger#hkdessert#soup#hkig#goodwest#hkfoodies#hkfoodporn##點子巷

女女放學後，帶她食下午茶。這間位於小巷內的小店，下午茶的價錢好抵食，一份才三十幾蚊，每份餐都送一杯伯爵珍珠奶茶。奶茶不過甜，但就嘗不出伯爵茶的味道。食物方面,大多是油炸食物，最喜歡芝士餃子，餃子內包著餡料，炸得不過乾。也喜歡蝦多士，外脆內軟，夠惹味。不過那隻雞比卻十分難食，非常老和鞋，弄得像煲湯肉，連女女都看不上眼不肯吃，我估是因為冷藏肉不新鮮之估故。最大問題是這間餐廳竟然沒有廁所，帶著小朋友不方便，我想我應該不會再去了。

呢個星期六，接咗女友放學後，決定過咗鰂魚涌⋯⋯即時用個APP搵搵有咩食，搵到呢間，有八折😁雖然在巷裡，但細細間都好整潔，入去坐低亦覺得好舒服，店裡得一個店員仔⋯⋯哈！因為對我哋黎講，絕對係一個細路😄 咸覺傻下傻下咁，問下佢嘢，又好似唔係勁清楚，但ok嘅，都算有禮貌，都會笑下 😊同女友研究咗好一陣，就決定叫一個飯:肉燥咸香雞脾噹，一個麵: 阿婆葱油雞絲撈蕎麥麵 ，一個小食: 椒鹽寶島花枝丸，仲有叫咗個杞子菊花茶😌麵仔到先，一上枱⋯⋯噢！真係冷麵黎，研究緊叫咩時，我哋都有諗過，不過最後都叫咗。 好彩，碗麵都跟一個熱湯，都可以暖暖咁食😅 碗仔細細咁，但份量就唔少呀，女友都一路食一路話⋯⋯都好多麵，我都有挾黎試下，都唔錯，但蒜味都幾重下，怕蒜嘅食家們可能要諗諗 😅跟住我個飯仔都到，嘩！份量都唔細，成隻脾，肉燥好香，望落仲要係無肥肉的😁 一食⋯⋯好味呀！雞肉是軟軟的，不費吹灰之力啲肉就可甩出黎，味道亦不錯，雖然咸香味唔重，至於個肉燥，無論個味道同賣相，本人都好鐘意😋👍🏼 但真係幾大碗，我好努力咁將佢食哂😝 攪到我都只係食到兩粒半嘅花枝丸，好彩呢個椒鹽花枝丸係女友至愛，係可以幫手完成哂成碟 😁😁

點·子·巷 (鰂魚涌)上網見到呢間台式餐廳有興趣想試😅搵咗一陣搵唔到😖可能因為本身我唔識路啦😛咁我就打電話上去餐廳問🧐估唔到嘅係佢哋嘅職員好好咁樣出嚟搵我帶我去間餐廳😳😳呢個服務真係要比好高分🥺🤩🤩呀台式肉燥噹🍚+羅漢果茶熱飲 $42下午茶來講份量都好足夠😗，都幾唔錯炸腐皮魚角🐟 $24呢個佢既酸酸甜甜嘅醬都幾開胃😛點子炸雞🐓 $38食落唔會覺得超級熱氣🤓唔會覺得非常有罪惡咁哈哈！🤣 另外只要Like佢嘅Facebook專頁👍就會送兩粒花枝丸🍡行開食下tea☕️同朋友傾吓計呢度都幾舒服🙃