影片
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
8點57分已落單，等到9點27分都未有半個小心出過，呢樣都未算癲，都未試過可以喺一間甜心度坐低半個鐘，茶都未有杯，係連個杯都無‼️😑😑😑催咗n次先有人拎一杯嚟，其實係咪而家有社交媒體網站就唔使做香港人生意？如果大家想受氣一定要去試吓呢間，不停同你講機壞咗，入唔到單，又不停比客人入，咁即係點？最後我等到9點57分都係仲係有兩樣點心冇到，即係足足等咗一個鐘都未到🙄🙄如果唔係有小紅書養住應該一早就執笠😡
繼續閱讀
問佢攞多碟喼汁，就話我好似差佢錢，之後隔咗陣攞四五碟過嚟，我話我要一碟咋喎，之後佢就話呢度乜都有㗎啦，仲話我好似差佢錢，真係好串。之後仲見到佢話啲客垃圾。腸粉啲皮太厚，難食到呢燒賣
繼續閱讀
榮獲香港最佳點心、全球一百零一家最佳食府、世界名廚全球飲食指南等知名美食家鑒定的點心鋪。本身見門面冇乜特別咁，但又有好多唔同國家嘅遊客排隊食，但食左幾款之後發現係好高水準😋絕對想去多次再食！▪柚子蝦多士($28)🦐上到枱熱辣辣！鬆脆可口，配上大大隻蝦，調味香口，真係想食多隻🤣▪川汁釀茄子($30)🍆🌶️茄子整得好淋身，肉餅煎到脆邊😍加分位係有辣椒油配埋一齊食！超惹味！好值得叫黎食😋▪金沙肥豬仔($27)🐷超級流沙嘅包🤣食到入面有一粒粒蛋黃口。賣相係豬頭，超可愛！▪林奇苑茶行 銀毫香片($8)🍃每一杯茶含一包獨立茶包，可自行添加開水繼續沖泡。▪真係菠蘿包($25)🍍入面係奶黃餡加上有熱辣辣嘅菠蘿粒，真係幾好食🤤中意菠蘿嘅人必叫！▪蟹籽鮮蝦燒賣($36)🦐蝦肉同豬肉比例好好，咁大粒真係加晒分！▪蟹籽蟹肉小籠包($34)🦀餡薄多肉，咬落去爆曬汁，不過蟹肉味唔算好出。.📍點點心旺角通菜街106號地舖
繼續閱讀
服務態度極差🥲特別係收銀個位啊姐，唔知係唔係食左火葯🥲2人枱俾3人坐。仲有碗蝶好油🥲簡直難以置信😅如果想坐得舒服又唔想受氣，千奇千奇唔好黎。良心comment，不回頭😓😓
繼續閱讀
我都好耐無打過食評，打呢篇純粹係想比店家睇，雖然我都知店家睇完都只會一樣，唔會改變任何事，但都可以比其他人知。我1點半坐低，因為我地兩個人，只係嗌好少嘢，所以好快用落單紙落完，大概7、8分鐘分鐘，好記得我地岩岩落完單，隔離枱一對泰國人就坐低左，開始研究落單紙。過左10分鐘左右，對泰國人都落單啦。（呢個係時間點！）我明點心要蒸，咁都可以比左嘢飲我先呀！我嗌左一罐可樂，同一杯胎菊茶（講明！係茶包！）我同阿姐講，可以比左嘢飲我先嗎？（此刻我都仲有禮貌）個阿姐居然同我講，話多單要沖。吓……茶包，要等……再過5分鐘，阿姐拎住一盤可樂同兩三杯茶包茶去到我面前，仲要同我講‘’你睇下幾多飲嘢要沖‘’，吓，阿姐，你玩我咩～可樂要沖架咩～跟著再等6、7分鐘先上到一碟凍既咸水角再過兩、三分鐘，隔離枱都同我地同時上點心，咁好明顯我地漏左單啦！！！！！漏單就漏單啦！認左咪算囉！同我講咩可樂要沖呀！我大概1點36分落單，正常比你3分鐘入機落單你張單顯示13：46先落到單，漏單既證據自己都打埋出黎啦～
繼續閱讀
您可能會有興趣的...