點茶

營業中

休息中

今日因爲落雨冇街去醒起附近開左一間手調飲品店於是落街買黎飲本身我係為左黑糖珍珠鮮奶而去不過睇左menu之後發覺其他飲品仲吸引最後㨂左點點水蜜桃我見佢地真係用水蜜桃打成果汁所以入口第一啖已經好香水蜜桃味 好清新仲帶住桃既肉碎再試一啖芝士奶蓋 好濃芝士味 不過略嫌多泡 可以再打得綿密啲～不過整體成杯飲品都幾驚喜絕對會回頭再飲～

當我係好多社交平台到見到好多土瓜灣既朋友仔都去點茶叫黑糖珍珠鮮奶飲,所以我都要跟風。特登走左落去叫左杯離飲,ok既之後先再評評佢。首先從員工既態度開始講起先,幾nice,當你等緊杯野飲既時候,佢都會同你傾下計,令到你等緊既期間都冇咁悶。然後就講下杯黑糖珍珠鮮奶,D珍珠幾有咬口,而且都幾重奶味,但係我覺得杯嘢飲既黑糖味唔夠重,但整體都好飮既

知道呢度開左間飲品舖，一直無機會試，今晚食完飯行過決定買杯解解渴。呢間舖以水果茶為主，我地叫左杯芝士奶蓋水蜜桃。最上層係好濃厚既芝士咸味，mix埋下面好清新甘甜既水蜜桃味，一流水蜜桃好爽好甘甜，唔似得其他飲品飲完更口渴，呢杯真係飲完好爽好好好味飲到最底飲到d果皮，好堅料31蚊好好飲，下次會試下其他味

土瓜灣新開茶店之前有同事試過黑糖珍珠鮮奶話幾好飲今日同同事去試下買了一杯芝士玫瑰烏龍.同事就試了珍珠奶茶.芝士烏龍茶幾好飲.珍珠奶茶晤算太甜珍珠有黑糖味都不錯應該會再幫襯.

今日試左季節限定芝士荔枝水果茶..都幾好飲.荔枝水果茶好清新真係飲到粒粒荔枝果肉.之前上網都講芝士奶蓋麻麻哋..今日試過芝士奶蓋都幾好..都不錯有芝士味...店員親切有禮.送印仔咭買10杯第11杯免費印仔咭送..應該會繼續買

見到土瓜灣新開飲品店，番工前特登行過黎買野飲 諗住歎住茶番工點知大失所望！芝士又稀又淡，烏龍茶味都好淡，拎住行左兩三分鐘芝士已經溶左落茶到，杯野都好細杯，肯定無500mL。性格比低味道又唔好，唔會再試

是日好熱想飲杯野，於是行到呢間鋪，叫左一杯點點水蜜桃同點點金桔檸檬。2杯野唔算好甜，而且應該有生果係入面，飲落去都算清新。應該係岩岩開張，主打芝士類飲品，茶類如玫瑰烏龍，烏龍，普洱以及生果飲品，珍珠奶茶類別好似只得兩三種。整體門面簡潔，飲品唔太甜，可推介。不過凍飲只得700ml size, 如果可以有得飲細杯d， 就唔駛一野飲700ml 飲品落肚咁多。熱飲佢會有細杯少少既。門面小巧簡潔，多人就不能企曬入面，較適合外賣。

開張不久既小店。試了點點芝士芒果，飲品一到手發現奶蓋呈液體狀已經心感不妙🙈結果⋯奶蓋係敗筆！首先，芝士味不重。最令人不解的一點是，奶蓋理應呈半固體狀態，但此店的奶蓋非常稀，100%液體狀態，口感與下層果汁一樣，絲毫沒有芝士奶蓋應有既濃郁。🤦🏻‍♀️🤦🏻‍♀️下層芒果果汁，有少許芒果果肉，芒果味不假，算是挽回分數的地方。值得稱讚的地方：店員有禮貌，裝修亦具時尚感。下次都係試下其他非奶蓋類的飲品吧。😂