點心廊

移左民既朋友難得返左黎香港，我地就去左山頂都行下，經過呢間中餐廳，發現有四人餐，而且價錢唔貴，好抵食。呢度用QR code 落單，好方便。我地4個人，點呢個晚市4人餐就岩岩好。套餐包括傳統點心同埋特色小菜。，點心方面，有燒賣皇、鮮竹卷、醬皇蒸鳳爪同埋蒜香蒸排骨。燒賣大大粒，鳳爪幾入味，水準好高。小菜方面，有招牌烤三黃雞、麻婆豆腐同埋欖菜肉燥四季豆。我最鍾意佢嘅燒三黃雞，皮脆肉嫩，啲肉超juicy。仲有成個電飯煲咁多既白飯，啱晒我呢個飯桶。…Read More

台灣朋友黎香港玩，約埋上山頂睇夜景兼食飯，見哩間4人餐有點心有小菜，岩哂朋友想飲茶既慾望👍🏻點心有燒賣皇，鮮竹卷，醬皇蒸鳳爪同埋蒜香排骨。全部即叫即蒸，燒賣大大粒鮮蝦係入面，鳳爪好入味，最中意係鮮竹卷咬入去有d鮮甜湯汁咇出黎。有個驚喜有趣既位係😂上小菜時突然上埋個飯煲，以為佢做咩送個飯煲比我地，原來係熱辣辣白飯自己添🤣煲飯堅大煲，不過我地都清哂，因為佢個麻婆豆腐同埋欖菜肉燥四季豆都係勁好餸飯，麻婆豆腐微微香辣，豆腐滑溜，筆一羹可以餸到半碗飯😋四季豆咸香惹味，正正‼️招牌烤三黄雞個皮位好好食，薄又脆又有椒鹽好香口，雞肉嫩得黎又幾juicy☑️成餐飯食得好舒服，環境寧靜又有夜景睇，服務亦好好，山頂食飯黎講哩度cp值極高!!…Read More

朋友話未去過山頂，忽發奇想一齊上山頂食飯睇夜景，近排遊客少左，上山頂好輕鬆又少人，好舒服因為朋友揸車，任何消費都免費泊3個鐘車，第二張單夠$100 再free 2 個鐘，total 5個鐘，好抵今次去左食點心，因為點心廊算係山頂價錢比較親民，4人餐只係$588有點心有小菜，仲有一桶飯，4個人食吾晒點心有排骨/鳳爪/鮮竹卷/燒賣點心都真材實料燒賣有原隻蝦係入面鳳爪好味又吾咸鮮竹卷肉多汁多排骨多肉少肥，肉質又滑主菜有半隻雞/四季豆/麻婆豆腐雞皮薄肉滑，份量都唔少四季豆好爽口，香味夠麻婆豆腐送飯一流，少少辣，豆腐滑…Read More

帶外國朋友上山頂睇夜景，呢度有個露台，個景都幾開揚山頂雖然好多餐廳，但有香港特色嘅唔多，唔通帶佢哋去食西餐咩😂 行過點心廊門口見到有個四人餐，啲點心小菜都幾有特色，我哋咁啱四個人就試試佢。最重要本身我同佢哋講通常日頭先有點心，但而家夜晚都有得食，算完咗佢哋嘅心願😂原來入面都幾多位，反而本地客人居多，雖然主要係我用英文介紹食物比啲朋友，但店員都幾有禮貌幾幫手呢個四人餐$588有四款點心三款小菜，再加送一個電飯煲白飯，都算抵食套餐包括燒賣皇 ( 4 件 )鮮竹卷 ( 4 件 )醬皇蒸鳳爪蒜香蒸排骨招牌烤三黃雞（半隻）麻婆豆腐欖菜肉燥四季豆外國人最like麻婆豆腐😂 不過我都覺得調味真係唔錯，濃郁得來唔會太鹹👍🏻…Read More

同屋企人睇完日落搵嘢食，呢間係山頂廣場嘅點心幾就腳，地方好大，店員安排咗我哋坐玻璃窗側邊，可以睇住纜車站夜景食點心小菜，果然係全港最高露台餐廳見到好多一家大細嚟食飯，叫咗個四人餐，人均百幾蚊，喺山頂嚟講都算抵食，三黃雞好滑超正，四人餐餸一煲白飯，但啲餸都好好餸飯，每人一兩大碗就食晒😁另外仲有幾款點心，燒賣啖啖肉幾實淨，鳳爪同排骨都係經典點心，大家都啱食。小菜方面除咗三黃雞，個四季豆都好入味，送飯一流…Read More