點天下

南豐紗廠~點天下係寵物友善餐廳. 好多人會帶狗狗一齊去飲茶. 坐得舒服, 人狗都開心. 點心精緻好味. 我家狗狗特別鍾意食呢度嘅馬拉糕. 今日推薦潮式鹹菜豬肚, 為什麼？因為「好食」. 佢嘅味道層次極其豐富： · 鹹香：來自於鹹菜，提供基礎的鹹味和酸爽，非常開胃。 · 鮮美：豬肚有濃郁的肉香和鮮味。 · 胡椒的辛香：這道菜通常會落大量的白胡椒粒來煲煮，胡椒的辛辣溫暖感能去除豬肚的些微異味，並帶來畫龍點睛的風味，食完身體暖暖的，特別適合天氣涼的時候吃。 · 湯底濃郁：所有材料的精華都融於湯中，鹹、酸、鮮、辣（胡椒的辣）完美結合，味道平衡得恰到好處。2. 口感絕佳： · 豬肚：煮得恰到好處的豬肚，口感應該是軟嫩中帶有彈牙的嚼勁，絕對不會韌到咬不動。 · 鹹菜：鹹菜提供了爽脆的口感，與豬肚的軟韌形成對比。 · 湯汁：濃郁的湯汁用來拌飯，簡直係一流.所以值得推介.…查看更多

晚市叫三個小菜等30分鐘都未上第一碟，舉手示意左好多次都冇人理，侍應眼尾見你舉人都扮見唔到。雖然話即叫即整都預左等廿分鐘以上，但態度唔係咁囉，到過左30分鐘上第一碟菜時仲話依度出菜30分鐘以上係好正常，咁不如繁忙時間接單前落前同客人交代聲，或者喺餐牌寫清楚基本預備時間為30分鐘，比人有個預算。食物味道ok但不算太突出，服務態度要檢討。餐廳內大部分都係大桌，如太少人一圍又坐得入就預左冇人理，但明明人手唔算少又未坐滿…查看更多

出菜極晚。晚市坐唔滿既情況下，叫個前菜，蟹肉粉絲煲同牛肉炒飯，等咗30分鐘咩都冇，問完又催，員工只係不斷話「慢係正常」，完全冇跟進，到話要取消cut單，先有員工入廚房跟進，再過5分鐘左右先出到個炒飯。生拆蟹肉粉絲煲，全部都係蟹柳，搵晒成個煲，一粒蟹肉都見唔到，可能食咗唔覺啦，但係蟹柳就好多。見佢寫唔係預製菜，所以要等，完全明白，亦十分欣賞唔係預製菜，不過我樓下茶餐廳同即整點心既餐廳，都未試過30分鐘先整到個炒飯，可能我理解錯佢非預製既意思啦。個人認為，如果有好多時間同耐性可以慢慢等，加上對食物0要求既，都可以考慮下優點係：pet friendly restaurant 另外南豐紗廠其他餐廳都好早休息。如果攰，唔想出返市中心搵野食，呢間可以有飯食…查看更多

今朝去飲茶，坐低左第一時間交「點心紙」然後，等，又再等，一碟碟，一籠籠嘅點心都冇我份吹下D亞姐，吹了，又再吹了、又再吹了。 原來，張「點心紙」根本冇入機。 咁樣，D亞姐唔係話幫我跟咩？ 跟咩啊？真係嬲到爆…查看更多

我第一次聽到有咁既答案，食食下食到鋼絲刷上面嘅鋼線，叫啲吖姐黎俾佢睇，本身諗住俾佢知就算，點知答我一句「有呢啲先乾淨」，我真係第一次聽咁既說話，諗得出唔奇，夠膽講出口我先佩服！…查看更多

今次係直接同老闆講，我想食啲咩嘢，今次試咗幾款海鮮，整體感覺幾唔錯：首先，椒監5頭鮑魚真係特別，呢隻係包咗5頭鮑魚，鮑魚肉質鮮甜彈牙，椒鹽調味恰到好處，令人口感層次豐富，仲有啲炸蒜頭，絕對係重點推介。其次，蒜蓉粉絲蒸扇貝非常新鮮多汁，蒜香濃郁，粉絲吸滿扇貝的鮮味，味道細膩又滋味。最後，胡椒蟹，兩隻都好多肉，蟹肉鮮甜，真係係甜架！且多汁，胡椒的香辣味令人胃口大開，食完令人回味無窮。整體嚟講，呢啲海鮮都保持住新鮮同埋味道，值得一試！下次再嚟，希望試多啲其他特色菜…查看更多

作為毛孩嘅家長，要和家人一起食海鮮，就只有去西貢呢啲地方。 而到點天下，就係貪佢方便，又有冷氣，同埋可以同毛孩一齊食。有次問老闆，原來除咗可以來料加工海鮮，仲可以代買埋. 第一次只係要咗條班，okay 喎！第二次，要咗條東升斑、龍蝦伊面、胡椒蟹, 炸蠔，嘩，全部都好得因為都冇打算寫食評，只係影咗一張相。真係好得，D龍蝦🦞好好大隻，又爽口。 條魚好鮮呀！ 胡椒蟹好正！…查看更多

星期六晚19:15坐低見到唔係多人 加加埋埋都係8-9枱叫咗3個菜-金銀蛋莧菜-咕嚕肉-豉油王炒麵心諗 呢啲廚房好快出啫點知坐咗成粒鐘 淨係食咗碟菜喺20:10催一催侍應姐姐終於！20:25上埋個咕嚕肉喇！隔多5分鐘仲有埋個麵☺️見隔籬枱打邊爐 個湯底都過咗45分鐘先上所以 姐姐同廚房係絕對冇漏單！如果大家想體驗食中菜都好似fine dine咁呢間餐廳一定幫到你！公道講句 食物嘅味道係唔差同埋係幾好坐好彩有茶可以慢慢飲 如果唔係我都唔知自己點樣捱到呢一個鐘…查看更多

我好感恩能夠搵到南豐紗廠點天下第一次同自己隻狗仔陪同媽咪去飲茶第一次到南豐紗廠覺得好有文化藝術氣息今日星期二早上完全唔多人我哋揀選點天下嘗試比自己隻狗仔坐寵物手推車我哋叫咗啲點心都覺得好好食尤其個菠蘿叉燒包新鮮熱辣好好味鳳爪都好大隻，南瓜排骨又好味喺飲茶期間都會遇上其他狗仔啲狗主都好友善主動同我哋打招呼認識我隻狗仔我又可以帶領自己隻狗仔行咗兩個圈呢個係我嘅好好經驗俾我訓練自己隻狗仔有什麼可以改善嘅地方，原來可以俾自己隻狗仔坐一張凳安靜，原來可以自己狗仔着禮集尿片呢啲都係我今日好難忘經驗可以日後去第二啲寵物餐廳鞏固自己隻狗仔社交禮儀，多謝點天下安排🙏🏻🙏🏻🙏🏻…查看更多

南豐沙廠是可以讓寵物自由活動的地點，這裡有不同類型的食肆及小店。沒想到，這裡竟然都有一間「點心店」。這一天，便到這裡試一試吧（午餐）。地方比我想像中大，可能由於可以給寵物內臟，因此座位相對比較寬闊。我們點了一籠叉燒包，一個芥末嘅蝦餃，鳳爪，煎鴛鴦糕（蘿蔔糕及芋頭糕），還有一籠燒賣。蝦餃，雖然size唔算好大粒，不過啲蝦肉都算新鮮，幾好味。叉燒包的包都鬆軟，叉燒餡唔算好肥。至於蘿蔔糕加芋頭糕，沒有想到竟然是同一件高，一半是蘿蔔糕，一半是芋頭糕，我覺得好特別。不過蘿蔔味唔算好重，芋頭正常。燒賣都係正常，都算好食！至於鳳爪，比正常稍微辣咗少少，可能我個人並不太喜歡吃爽皮的鳳爪，因此我覺得這個鳳爪唔夠「林」身。我自己就麻麻哋。這裏的茶，是用茶包，並不是用真正的茶葉，對於並不10分講究的哦，倒是沒有所謂的。整體都算唔錯，性價比算高！原來這裏晚市也有小菜提供，有機會我都想試一試這裏的炒粉麵飯。當然這裏休息的地方就是能夠與自己的寵物，一起享用美食🥰…查看更多

今天帶貓貓來南豐紗廠遊玩，難得看見一間寵物友善的中菜餐廳，我當然立即來這裡飲茶。我們點了一系列的點心，以及試了招牌咕嚕肉。蝦餃：它的皮其實不算薄身，不過蝦肉都算爽口彈牙，味道可以的。燒賣：燒賣內的豬肉都算鮮嫩多汁，而且蝦肉亦香甜可口，其味無窮，珍饈美味。牛肉球：雖然牛肉味道不濃郁，但是口感相當不錯，挺美味的。冬陰功鮮竹卷：冬蔭湯湯底其實相當少 見，而且和鮮竹卷的味道都幾夾的，味道相當不錯。拔絲脆皮咕嚕肉：拔絲就看不見了，咕嚕肉是脆皮的，不過醬汁有點過酸，味道一般。價錢方面，兩人總共$249。總結來說，很少中菜餐廳是寵物友善，而且這裡上菜速度又快，值得推薦給大家。…查看更多

都黎過無數次的寵物有善餐廳 諗住同狗仔開心飲個茶 俾員工話：你隻狗吾好扒係張枱！態度十分惡劣 然後放食物都是大大力放枱 明明狗仔只係掂住枱邊！黎甘多次都未俾人甘話 一係餐廳貼曬告示啦…查看更多

每逢週末，要帶毛孩出街嘅話，想搵一間舒服又性價比高嘅餐廳，首選就一定係南豐紗廠呢一間，價錢好抵食，而且點心嘅選擇亦都好豐富！ 自己最鍾意食嘅就係呢道蝦餃，皮薄餡靚，最重要係個蝦夠晒大隻，茶水嘅選擇亦都好多，茶味好香濃！ 值得一提嘅係佢除咗好多唔同嘅點心之外，都有好多碟頭飯食，唔夠飽嘅朋友可以嗌乾炒牛河，楊州炒飯等等⋯都係唔錯嘅選擇！ 另外亦都好欣賞佢哋嘅服務態度，嚟得呢度全部都係有帶狗狗嘅朋友，姐姐完全唔驚狗，有陣時亦都會同狗狗玩，夠晒人情味…查看更多

好耐冇去食點心,搵間人少少又可以坐得舒服既餐廳食lunch 呢間係紗廠入面既中式餐廳 一於去試試佢叫左幾款點心:叉燒包 / 芥末蝦蛟/牛肉球/泰式冬陰公湯鮮竹卷/燒賣芥末蝦蛟 好可愛, 一粒大既蝦蛟 加上一粒細既芥末醬蝦蛟有3粒大蝦, 皮薄 加埋芥末醬一齊食又幾夾叉燒包黎到台面係熱辣辣叉燒包既蜜汁可以再濃多少既話會更好食燒賣大粒又足料, 蝦彈牙新鮮 同以前細個同屋企去酒樓食既味道一樣陳皮牛肉球 宜家好少牛肉球係加左陳皮同香菜,呢個好得 試左fushion 菜泰式冬陰公湯鮮竹卷   似用冬陰公湯打邊爐 加腐皮卷 ,好搞笑鮮竹卷又索哂冬陰公湯汁, 想試下Crossover可以叫呢個 所有點心上台都係熱辣辣,即叫即蒸 可以保留到傳統風味又加入新既 Crossover 元素下次會再過黎食野!!…查看更多

新年檔期難得無加價就試下價錢公道 點心質素出色叫左蝦餃, 燒賣, 金錢肚, 牛肉球,炬流沙包, 炸韮菜餃, 春卷, 叉燒腸粉, 同埋炒牛河無野差, 只有好食同幾好食分別春卷有芝士幾特別, 不過未必人人鍾意 (但唔會反感)有時飲茶就係想簡簡單單食傳統野最驚喜係炒牛河, 勁香, 下次會再叫 佢有分卡位/圓枱, 圓枱坐到6個人左右可能因為南豐紗廠冷氣夠, 天氣熱同潮濕都坐得好舒服最緊要係唔迫我午市去, 同事話呢間餐廳人流時多時少如果人多建議打電話落去留枱…查看更多