黑門水產すいさん (Fashion Walk)

營業中

休息中

出開銅鑼灣，順便嚟埋呢間save低咗好耐嘅餐廳食飯，都幾唔錯餐廳位置旺中帶靜，佈置非常日式，唔講又呃到人我去咗日本海膽蟹味噌甲羅燒我會推介呢個係必食item!! 好打卡able，足料、口感一流，重點係海膽好大嚿！每一啖都係蟹籽粒喺口中爆開+海膽嘅咸鮮味，仲撈埋隻鵪鶉蛋，好滑不一啖上去梳打餅上面咁食法唔會太漏，非常精緻睇住佢慢慢烤熱，就算同怕食生嘅人嚟食應該都會好安心（btw今晚咁啱見到有啲年紀比較大嘅長者都嚟食haha)北海道蜜柑鯛薄切刺身名符其實嘅薄切刺身，好薄但都好多片，配搭個醬汁唔會蓋過佢原本嘅味道，very nice~黑門令龍蝦湯煮海鮮睇menu見到呢個係人氣之選，點啱咗而家坊間嘅海鮮鍋好濫，是但比啲急凍嘅又賣到好貴，呢碟就唔同！睇落差唔多嘅海鮮，但一食就知唔係啲普通嘅海鮮，有咬口! 而且大致上都係每款兩件，兩個人一齊食好方便,同埋最後嗰啲龍蝦湯真係好濃郁，好似順便點埋個湯飲咁至於有咩海鮮就睇相啦：燒雞腎（一串）配埋杯Asahi生啤，更有日本居酒屋feel!壽司小卷呢度嘅壽司都有好多款，我揀呢個，食完都唔怕太飽，冇咁有罪惡感！磯燒芝士魚蛋呢個夠晒特別，第一次食到，係有香港魚蛋特

黑門水產すいさん內部裝修極似係日本，而且有好多宮崎駿動畫嘅海報，沉浸感十足。所有燒物都有師傅親自係枱邊處理，客人唔洗自己郁手之餘味道又有保證，最重要係價錢公道，每人都係食左二百幾蚊姐！黑門令爆汁芝士炸雞濃郁的芝士、酥脆的炸雞配合得恰到好處，微辣的口感增添了一點刺激，又不會搶走芝士的地位，值得一試。海膽蟹味噌甲羅燒海鮮愛好者必點！海膽、飛魚子、蟹肉、鵪鶉蛋和蔥花融合在一起，味噌的鹹香襯托出海膽的濃郁，每一口都能品嚐到不同層次的鮮味。極上大漁貝燒元貝、三文魚籽、蠔、海蝦和海膽的組合，非常奢華。每一口都感覺大海的精華都匯聚在這一道菜中。黑門令龍蝦湯煮海鮮湯頭以龍蝦湯煮成，濃郁而不膩，海味十足。配料有魷魚、海螺和蠔，充分吸收了湯底的鮮味。蔥吞拿魚腩卷，吞拿魚腩的肥美配上蔥花的清香，口感豐富而不油膩。

日式的裝修好似真係身處係日本嘅居酒屋，勁Chill。枱與枱之間亦有足夠嘅空間，即使多客都唔會覺得逼，牆身仲有好多宮崎駿嘅壁畫，真係好靚。# 黑門鰻魚玉子燒蛋皮薄又柔軟, 一食覺得蛋好滑又濕潤，唔會煎到乾晒，入面包住嘅鰻魚肉入口即溶，口感十分好。而蛋嘅柔軟同鰻魚配搭得好好，調味亦唔會話太甜或太鹹。#焦糖蘋果鵝肝多士煎咗嘅鵝肝食落好綿，中間嘅蘋果片好清新，再加埋本身焗到好鬆脆嘅多士，加埋嘅口感好特別。鵝肝嘅味道好出，而蘋果嘅酸味啱啱好地中和返成道菜嘅味道令到唔會覺得好膩。#黑門令蟹味噌甲羅燒一上菜已經覺得外觀好吸引，師傅仲會幫你燒埋，仲好細心會問蒜粒幫我落埋定遲啲自己落，因為本身鍾意食蒜頭，所以直接叫師傅煮嘅時候落埋。雖然落咗蒜，但完全無蓋過咗蟹肉同蟹膏嘅味好鮮味，平時出去食有時都會食到好聲嘅甲羅燒，但呢個完全無，好好食。煮完個份量都好多，好想要多塊餅去襯返。#鐵板宮崎柚子胡椒香蔥牛舌心可能因為鐵板上，所以一上菜濃郁的黑胡椒嘅香氣已經即刻撲鼻而來。一開始以為牛舌心嘅味道會被佢蓋過咗，但完全冇。牛舌心本身嘅牛味好出，配埋個黑椒汁，反而覺得好夾。而牛舌亦煮得啱啱好，肉質好嫩唔會好韌，肉汁又多汁

作為當日本係鄉下既人，當然要係香港都成日周圍唔同既日本菜啦今次黎到銅鑼灣既黑門水產，鋪頭設計好有置身係日本水產市場既感覺餐單有超多食物，一於炸物、刺身、串燒咩都叫d深海池魚薄切刺身新鮮嘅深海魚肉，切得薄片均勻每一口入口即溶，魚肉鮮甜😋赤鬼海老天反卷呢款菜式係一個結合海蝦天婦羅嘅創意料理海蝦肉質鮮嫩，外層天婦羅炸得好香脆配上大量魚子同沙津醬，增加咗層次同風味磯燒富山灣鶯光魷魚呢款菜式係一份燒烤魷魚，嫩滑有嚼勁每一啖都可以感受到魷魚嘅炭燒香氣同獨特風味唐揚炸八爪魚八爪魚炸得幾香脆肉身都唔會粉，夠彈牙，不錯😋串燒：燒雞皮、豚肉蘆筍卷同牛肉金菇卷燒雞皮烤得香脆，肉質鮮嫩，帶有微微嘅焦香豚肉蘆筍卷同牛肉金菇卷都係滋味豐富，肉質嫩滑配料之間嘅搭配亦都相當出色🥳大阪木津海鮮丼大阪木津海鮮丼係一碗滿滿嘅海鮮飯，有新鮮嘅三文魚、帶子、蝦、海膽、魷魚等等份量兩個人食都夠❤️值得encore 的一餐

有lunch set menu唔比人Order叫人用app又無lunch set 散叫完出門口見到lunch set menu一模一樣野收貴左幾十蚊仲要無左set既蛋呀沙律呀個d野

同男朋友喺銅鑼灣行街，咁啱大家都想食日本料理，諗起啲朋友同我哋介紹過黑門水產嘅甲羅燒，於是乎就諗住試吓。喺餐廳門口我望一望個Menu，見午市都係大概每人二百幾蚊，好似都冇印象中咁貴，覺得都食得過，咁就入咗座。餐廳啲裝修都好有特色，未有時間去日本一轉都可以嚟呢到過吓癮。‣ 黑門令拔絲蟹味噌甲羅燒 $128我覺得嚟黑門水產唔食甲羅燒真係嘥咗，有幾款甲羅燒口味可以揀，最後因為我鍾意食芝士，所以揀咗拔絲。除咗影相好睇之外，燒完嘅甲羅燒每啖你都會食到蟹肉嘅鮮甜，蟹膏撈埋鵪鶉蛋食落口感相當柔順，味道豐富濃郁，最出色就係佢可以拉絲嘅芝士，成件事真係錦上添花。‣ 焦糖蘋果鵝肝多士 $78佢嘅鵝肝煎得好香，整體而言我幾鍾意佢嘅配搭，本來鵝肝就好容易食落覺得油膩，但係溝埋佢嘅蘋果片之後，清新酸甜嘅味道真係解咗幾分油膩感，香、滑、爽脆嘅搭配令口感豐富咗唔少。‣ 燒小章魚丸 $78咁啱有一段時間都冇食過章魚燒，有啲口痕就同男朋友嗌咗嚟食。比起傳統比較淋擗擗嘅章魚燒，我反而都係鍾意香港脆皮嘅嗰一款章魚燒，黑門水產呢一款都係比較脆身啲，醬汁嘅份量都啱啱好，望住佢啲柴魚片放到好似唔使錢咁，都幾過癮。‣ 黑門令彩虹丼

嚟過呢度食午餐，而家嚟多次 想食日本嘢唔想諗 Menu呢半年冇變過揀咗個價錢比較CP值高嘅牛肉烏冬試吓 點知好啱我食喎，啲牛肉好香牛肉味之餘唔會話好肥 正今餐有蒸蛋，前菜係冷菠菜蒸蛋好足料，面頭係魷魚，入面有蝦粒，雞蛋好香蛋味烏冬唔係話好粗，但係非常彈口 正👍牛肉有六片左右 超級欣賞佢佢唔係肥牛，而且好有質素朋友嘅刺身都好新鮮！但係大家一上枱都覺得超級細份 應該正常好快會餓🤣日本嘢都係走細份的色路線🤣女經理嘅態度比較良好，男侍應就麻麻哋 雖然佢哋有人手，但係又好似唔係太服務周到，譬如飲水嘅話都要嗌幾次 環境就非常之好，仲有獨立廁所

坦白講呢間真係超伏只係點咗個刺身拼盤同10串串燒就已經千三蚊埋單，你話好好食就話姐，個刺身拼盤4百幾蚊同去食平價放題質素1樣（不是份量），只係幾片唔新鮮嘅平價魚生，海膽又冇配紫菜。大部分串燒是正常發揮，嗰個限定燒雞提燈，我地手誤㩒多咗串，問佢可唔可以取消，職員未check整咗未已經答 「整咗，唔可以」，唔緊要，可以照食，但真心好 難 食！個雞肉燒到硬亁😑😑😑上菜速度慢，價錢真係唔合理，因為高級日本餐廳價錢但劣食⋯⋯永久blacklist我同男朋友返到屋企都肚痛！環境：⭐️⭐️⭐️服務：⭐️⭐️⭐️價錢：⭐️味道：⭐️

依間餐廳嘅氛圍非常溫馨與熱鬧，好似飛左轉日本。我點了一個鰻魚午餐，依度非常受歡迎。午餐set有麵豉湯，湯底濃郁。亦有沙律。煮食的鰻魚肥厚肉大。另外，叫了燒雞皮和甲羅燒。燒雞皮的重點，雞皮變得酥脆香口。甲羅燒蟹膏燒得好香，和蟹籽蔥混合，豐富整個口感。這裡的小吃種類繁多，有炸物、烤物、壽司等等，好適合配搭埋清酒一齊。整個居酒屋體驗讓我感受到了日本的美食文化和人民熱情好客的精神。無論是食物的味道還是用餐的氛圍，都讓我留下了深刻的印象。

Nestled in the heart of bustling Causeway Bay, Kuromon Aquatic Cuisine offers a delightful escape into the world of fresh seafood and authentic Japanese flavors. My recent visit was a testament to the restaurant's commitment to quality and culinary excellence, leaving me with a symphony of taste and a satisfied soul. I came a bit after lunch time so I did not have to wait for long before being seated. The Sizzling Symphony of Kuromon Grilled Miso Paste:The Kuromon Grilled Miso Paste was a theatr

今天我和朋友去了銅鑼灣行街，並去了Fashion walk 覓食。行行下見到這間日本餐廳，見到d海產好新鮮，便決定進去吃晚餐。黑門令蟹味噌甲羅燒（$98）：蟹🦀膏真的非常鮮味，好正，用餅乾點埋d蟹膏真係幾正，非常好食。豚骨湯牛肉稻庭烏冬（$108）：個豚骨湯真係好香濃，幾好飲。牛肉都幾滑，肉質鮮嫩，不錯。烏冬又彈牙，幾好食。黑門三文魚加州飯卷（$138）：三文魚幾鮮味，另外飯卷入面都好多料，幾好食。香草腩肉車厘茄卷一串（$48）：這個真的極力推薦！外面的腩肉燒得非常香口，好正，然後腩肉包住的車厘茄非常鮮甜，好多汁，超好食！呢種配搭令到成個腩肉卷係唔會溜，仲好正。埋單最後都只是$431，真的不算貴，人均都係大約$200，好抵食。

店名: 黑門水產すいさん地址: 銅鑼灣加寧街5-7號Fashion Walk地下C及D號舖銅鑼灣站E出口，行3分鐘環境: 4/5價錢: 4/5味道: 4/5係銅鑼灣想搵人均消費大概$200一個人嘅日本野🇯🇵咁一定要黎黑門水產🤩佢哋嘅食材新鮮，選擇又多😝鮭魚親子丼有三文魚、三文魚籽及海膽，加上經過調味嘅飯，三文魚十分鮮甜，海膽甜美🥰定食包括日式燉蛋、前菜、湯同沙律🤩黑門令蟹味噌甲羅燒甲羅燒由店員幫忙燒，燒至有陣陣蟹嘅咸香味😝配上餅乾食用，味道啱啱好👅鹽燒鯖魚定食鯖魚肉質嫩滑，魚香味十足，擠上檸檬汁🍋就更清新😝減低油膩感😚

食物唔新鮮，款式少，串燒上得勁慢！嘢食落單後等咗45分鐘先嚟咗3串，同朋友慶祝生日想帶枝sake去飲酒？開瓶費盛惠$480，你帶咗2枝酒呀？再收多$480囉！唔滿意呀？你寫食評上去囉！我哋都係打工㗎咋！！老闆或者經理喺唔喺度？緊係唔喺度啦！連最基本嘅豉油都話自己係煮過所以咁淡味！孤陋寡聞真係未聽過日式點壽司嘅豉油係需要事先烹調處理！溝水就溝水啦！！後來餐廳提供一小碟原味豉油，我哋全部人都要求換豉油，先再攞多幾碟原味豉油出嚟。同其他朋友講開呢間餐廳，原來大家都對呢間餐廳「印象深刻」如果睇緊呢篇食評嘅你對食物質素係有要求，建議你三思三思再三思，俾定個心理準備自己先去。總結，我寧願食x氣/xx郎都唔幫襯呢間餐廳囉！

位於銅鑼灣的「黑門水產」主要提供黑門市場的地道特色小食、和牛、海鮮、壽司刺身及各種時令食材。全部食材採自日本，新鮮空運到港！餐廳用餐環境舒適寬敞，裝修充滿日本風情🎋🎏最近餐廳轉左新餐牌，就過來試一試新餐牌❤️黑門三文魚加州反卷 三文魚包著加州反卷，加州反卷內餡有蟹柳、牛油果、青瓜及玉子等，食落好清新，味道好豐富。黑門令蟹味噌甲羅燒 必食！松葉蟹蟹蓋裡滿滿都是蟹膏🦀，蟹膏中還帶有鮮甜的蟹肉、生鵪鶉蛋及蟹籽，店員會幫忙即席在烤爐上燒熟，味道鮮甜濃郁，口感軟滑綿綿，配餅乾一齊食，非常滋味！章魚小丸子 (6粒) 章魚小丸子粒粒飽滿🐙，外皮燒得香脆金黃，內裡的粉漿口感頗軟熟，章魚粒好彈牙，椰菜爽口，面頭嘅醬汁富醬油香，令味道更有層次，而木魚花灑係最面，增添口感。燒雞頸肉雞頸肉雞味濃郁而且爽口，雞肉嫩滑，油脂分佈均勻。燒雞腎 雞腎燒得一點也不乾身，燒出來沒半點腥味，食落口感爽爽脆脆👍🏻同朋友食完飯，都係約$200/人左右👍🏻👍🏻

我同大家分享一個人均200蚊嘅日本菜餐廳。呢間餐廳叫做「黑門水產」，佢有好多精緻嘅日本菜式，而且價錢都好親民。首先介紹一下佢嘅招牌菜之一，就係「黑門蟹味噌甲羅燒」$98，但係味道一流。佢將鮮美嘅蟹味噌填滿喺螃蟹嘅殼入面，然後燒烤而成，味道濃郁香甜，令人回味無窮。午餐鮭魚親子丼$168，但係絕對物超所值。裡面有新鮮嘅三文魚同海膽，味道鮮美。而且，午餐套餐仲包括湯、蒸蛋同沙律，真係好飽足啊！另外一個推薦係「黑門大阪燒」$98。呢個菜係以大阪風格燒餅為基礎，加入多種新鮮嘅食材，例如豬肉同蔬菜，再加上特製嘅醬汁，煎至金黃酥脆。味道鮮美，口感豐富，好適合作為一道美味嘅小食。