黑布小巷

營業中

休息中

紅燒台式牛肉麵真係好有水準，牛肉煮得軟嫩入味，湯底濃郁，麵條Q彈，整體味道一流，絕對值得一試！特選蝦米辣椒油，呢個調味油真係唔可以少！蝦米嘅香味配合辣椒，唔止可以提升菜式嘅風味，仲可以加添一啲辣味，真係令人食得唔停口。冬瓜茶甜度固定，對我嚟講啱啱好，清新又消暑，仲可以解膩，真係好好飲！台式肉蛋芝士吐司都好有特色，外脆內軟，肉香同芝士融化嘅味道搭配得非常好，食落去好滿足，真係好適合當早餐或者輕食。花枝丸配麻辣鬼椒粉都幾好味，花枝丸彈牙，搭配麻辣鬼椒粉，香辣感十足，係一個唔錯嘅小食選擇。桂花雪梨羅漢果茶飲落去清甜可口，唔會太膩，真係一個完美嘅結尾。

呢間黑布小巷可以話係小店傳奇雖然喺工廈入面 但係都靠住口碑打響名堂 仲開咗分店🥹我都食過好幾次 🥪台式肉蛋芝士吐司唔好睇佢細細件 但絕對足料 麵包烘得超香脆 夾住兩塊薄薄嘅豬扒 流心蛋 半熔芝士🧀口感好豐富好澎湃！食過一次，都會為咗佢在無限回訪🌟🫔芝士火腿肉鬆蛋餅佢哋嘅蛋餅都好足料好大碌😆就算配搭好簡單 但都好好食 有拉絲有蛋香 肉鬆都好鬆化 蛋餅皮夠軟熟 個蛋餅汁唔會太甜太搶fo🫶🏻🍱手工滷肉蝦捲便當滷肉飯都唔錯 唔算太油 加啲粟米 鹹雪菜 冬粉 撈埋飯好開胃 蝦捲夠彈牙🥤桂花雪梨羅漢果茶 好飲！解渴解膩 潤肺😏🍢花枝丸配麻辣鬼椒粉 辣得好過癮 食完個咀都變得麻麻地

一間相當有人氣嘅台式小店！位於荔枝角工廈，繁忙時間有機會需要排隊，所以最好預早少少時間出發🥹 價錢親民，叫買嘢飲都係$2xx，可以一次過試到唔同嘅台灣小食😍芝士火腿蛋餅傳統嘅台灣小食，聽聞好多台灣人早餐都鍾意食蛋餅😝 不過香港好似唔算多餐廳有售。蛋餅外層唔會太厚實，帶微微焦脆感，餡料豐富，好食！紅燒牛肉麵湯底比較濃厚，有牛油香，幾好飲！但飲多幾啖會有少少膩，好彩麵條好掛湯，就咁食麵係ok der!花枝丸配淮鹽外層鹹鹹香香，香口小食。台式肉蛋芝士吐司最後外賣多份吐司返屋企，餡料十足，滿滿嘅飽肚感！

在荔枝角屹立多年的黑布小巷，沒有加一服務費，一向抵食又好味～點了主食之後，再加小食和飲品都有特價。慢烤雞腿芝士蛋吐司$56大大瞓雞腿肉三文治，雞肉好滑又嫩口，熱熔芝士多到流出來，佢以為三文治好細份，其實再配小食和飲品都已經好夠飽。花枝丸配淮鹽（5粒）大大粒幾彈牙，少少淮鹽味咸度適中。手工滷肉蝦捲便當之前來都是吃鹽酥雞或者炸豬扒之旅，今次第一次吃蝦卷，蝦卷都是炸的，蝦肉幾彈牙，入面有少少豆～便當配菜都幾多，有粉絲、粟米粒、也有辣辣地的醃菜和滷水蛋。冬瓜茶（凍）（甜度固定）炎炎夏日飲冬瓜茶真的幾好味，雖然甜度不能選擇，但甜度適中，配炸物吃很合適。桂花烏龍（凍）（無糖）有桂花味，無糖幾適合健康人士～

剛好下午放假，即回想公司樓下的台灣店，上次牛肉面賣完，今次終於可以再食返，味道同以前一樣。吐司都係必點之選，因為真的很好食！紅燒台式牛肉麵 $68紅燒台式牛肉麵湯頭濃郁醇厚,牛肉軟嫩入味。麵條Q彈有勁。牛肉塊大及多，只是湯略少偏油。台式肉蛋芝士吐司$56吐司內有薄豬扒、雞蛋和芝士。麵包外酥內軟,肉餡滑嫩,芝士的香濃與流心蛋整個口感層次豐富,非常美味。黑布台式香腸（2條）$28肉質鮮嫩多汁,外皮恰到好處的薄脆,不會過於鹹或油膩。夜市蝦捲（3條）$28口感有煙韌，外皮酥香可口,不會過於油膩。桂花雪梨羅漢果茶（凍）（無糖）$15茶湯清澈透亮,帶有淡淡的桂花香氣。羅漢果的清涼回甘味

今次點左肉蛋芝士吐司，牛肉麵，芝士火腿肉鬆蛋餅足足等左二十分鐘，吐司係凍嘅，出面超級油，份量少。俾左$56食啲咁嘅嘢，簡直難食牛肉麵嘅牛肉幾腍，但湯冇味，一樣好油等左超過1小時都未有蛋餅，問咗店員，兩次店員冇反應，淨係掛住處理外賣，亦都冇同我哋跟進過，最後問左第3次都冇先退錢了事同場有三四枱客人都話等左好耐同出現漏單嘅情況，十分離譜整體價錢同食物嘅質素不成正比，服務差明白店員係好忙，但會唔會請多幾個店員幫手呢

第一次寫食評因為實在不吐不快。每次黎食都等超過30分鐘至有果個招牌芝士吐司食。上一次係平日星期四七點堂食，等左半個鐘，20分鐘後催左後只來了一份，又再催才知另一份漏單。 舖內客人大概有三份一，order都係亂，出餐慢。今日星期日外賣6:55order, 舖內客人大概有一半。已有心理準備會耐。去咗另一間落order,取外賣再回來，仍在等。問咗兩次，一次整作中，第二次發現個吐司比左另一個，最後7:40至有。 真心黑仔，嬲爆係員工冇一次會歉意。 食物係好味，但唔係好味到值等甘耐。 黎呢度食，時間上大家要有足夠準備。

荔枝角億利工業中心原來隱藏了一個有甘多美食的食堂，真是大家的福利！手工鹵肉飯配蝦卷肥瘦適中的五花肉經過滷煮而成,肉質軟嫩入,吸滿了香濃的醬汁。鹹香軟糯的蝦捲，茶葉蛋的溫潤滑順，酸菜的酸辣爽口,包菜的清新，搭配在一起層次豐富,口感極佳！芝士火腿雞蛋肉松煎蛋卷一層麵皮卷住一層煎蔥蛋，再卷一層火腿 ，又再卷一層煎蛋和芝士，層層疊疊豐富多變，內餡非常飽滿，口感滋潤鮮香爆漿！麻辣台湾芝士肉蛋吐司咬下去,芝士的濃郁滑潤與肉蛋的醇厚香氣立即爆發,肉蛋細嫩多汁,麻辣滋味在齒間盤旋！招牌台式香腸色澤深紅,表面微焦,咬下去彈牙，飽滿多汁,細膩鮮嫩,帶有濃烈的鹹香和煙燻風味炸天婦羅配辣醬外面一層薄薄很酥脆的天婦羅，裡面糕體比較軟糯Q彈，沾上酸辣醬就更好味桂花羅漢果梨茶淡雅的桂花香氣和清涼的羅漢果味道融合，味道都幾特別，又可以止咳養生！冬瓜茶清新溫和解暑

雖然不時都有嚟荔枝角一頭食嘢，但去D2 Place比較多，「億利」都好耐無嚟過。其實我都幾鍾意啲廠廈度搵食，平靚正之餘，有時又有啲驚喜。今晚就同住晌附近嘅老表嚟聚一聚，搵間平靚正嘅餐廳，搜索吓「黑布小巷」睇嚟唔錯喎，風平不俗，台灣嘢又啱我哋。推門內進，餐廳環境一眼睇晒，裝修簡單，好有廠廈嘅食堂風。雖然疫情過去，但中間一排位仍然有膠板隔住，其實我都覺得OK嘅，純粹同老表兩個，又唔會被隔離枱騷擾，又感覺衛生好多。大大本餐牌，列齊所有食物：吐司、手工滷肉飯、牛肉麵、蛋餅、自家製三色圓、養生茶飲……等等，圖文並茂，清清楚楚，而且，右上角更會標明供應時間，基本上唔會點睇錯。落單方面採用二維碼，更方便嘅喺可以即時俾埋錢，如無電子支付，食完晌櫃檯俾錢都得。此外，更有可以反映意見嘅二維碼，感覺店家都有心做好啲。見定價唔貴，就一口氣落單嗌咗吐司 、蛋餅、便當，並加配一款小食同兩杯飲品，夾夾埋埋都喺二百鬆少少。夜市蝦捲 +$28點主食有加配小食嘅優惠，就以呢個蝦卷為例，散點原價$38，依家加電就平$10，同樣一客有3條。雖然咬落唔喺脆口嗰種，裡面軟軟腍腍，又有少少彈牙感，好有蝦鮮味，沾上少少甜酸醬，幾唔錯

每次去完playgroup都會去就近商場覓食，今次嚟咗呢間超抵食嘅台灣小店食晚餐，好飽😌🍽️ 手工滷肉雞扒便當食台灣嘢點可以唔試試佢哋嘅滷肉飯一試見真章今次見到啲滷肉飯呢？呢度嘅滷肉飯係用咗有少少花籃嘅肉製成比我想像中嘅傳統，而且有雞扒炸得卜卜脆真係好有台灣嘅風味😍🍽️ 慢烤雞腿蛋吐司烤雞吐司真係冇得輸大大份食完真係飽到上心口，烤雞嫩滑加埋半熟嘅蛋同香脆嘅麵包外皮， 10分夾！好味道👻🍽️ 芝士吞拿魚粟米蛋餅Lisboy最愛當然係呢個吞拿魚粟米蛋餅，大量粟米同吞拿魚肉夠Juice，粟米多同香甜，係蛋餅嘅Perfect match😌 Lisboy食食到舔舔脷😋🍽️ 甜不辣 & 黑布台式香腸小食我哋叫咗甜不辣同埋台灣腸，台灣腸真係好有台灣嘅特色，煎炸到外脆內Juicy，不得了😍甜不辣配埋酸辣醬都好Yummy😎🍽️ 桂花雪梨羅漢果茶好可惜佢哋話甜品好快賣晒🥹冇得試好彩都仲有特飲可以揀嚟解渴，呢個桂花雪梨羅漢果茶酸酸甜甜，夠晒冰凍解渴💦

朋友喺呢頭返工，話要帶我食佢嘅飯堂~不過佢平時叫外賣多，堂食佢都話第一次，有個大玻璃，原來都幾chill~🔹芝士火腿肉鬆蛋餅🔹 勁有台灣嘅風味~我估應該係塊火腿~香港嘅火腿無嗰種味道~🔹台式肉蛋芝士吐司🔹吐司好香脆，豬扒好鬆軟，啲醬汁甜甜地，加埋半熟流心蛋同芝士~唔錯~🔹花枝丸/蝦餅🔹正常發揮~不過有得跟餐，感覺好抵食~🔹蕃茄紅燒台式牛肉麵🔹超級熱辣辣~啲牛腩好入味，好淋~麵都係好彈牙~🔹冬瓜茶🔹正！凍嘅但無用冰~甜道剛剛好~

手工滷肉雞扒便當雞扒係鹽酥炸果種，外皮好酥脆，入面既雞肉好滑同好多汁，好好味！手工滷肉係手切五花腩肉，好淋，入口即溶。配左米粉，好爽口彈牙。慢烤雞腿芝士蛋吐司雞腿好厚，而且有少少辣調味，汁醬係甜甜地嘅千島汁，中和芝士既咸。蛋係流心爆漿，好正。台式肉蛋芝士吐司呢個肉片好似日式叉燒，唔乾身。係另一番風味花枝丸配麻辣鬼椒粉麻辣鬼椒粉真心覺得好辣，後勁好西利，食完條脷麻左，但好惹味。台灣腸台灣腸偏甜同好多脂肪。桂花烏龍好清既桂花味，可以解油膩感冬瓜茶冬瓜茶冇得減甜度，偏甜

見到呢間之前都有好多人推薦，就嚟左呢到試一試～店內環境好大，但唔會好逼，價錢仲好抵食性價比高！吐司係呢到嘅人氣餐點～即刻叫左２款唔同口味試試 🍽️慢烤雞腿蛋吐司 $49吐司用左半熟蛋而且有烘過，蛋漿沾滿曬成個吐司，一咬開就滴落黎，雞扒調味啱啱好，有陣陣嘅柚子味，酸酸甜甜咁，好食又開胃🍽️麻辣鬼椒肉蛋芝士吐司 $55吐司用左美國大草原穀飼豬扒，食落去啖啖肉又Juicy，而且加入左台灣直送鬼椒辣粉同自家秘制醬汁，夠曬惹味，食得辣嘅人必試！🍽️手工滷肉蝦捲便當 $68成個便當好豐富，夠曬多配料，有菜有肉有蛋又有粉絲，真係啖啖都食到有配料，蝦捲仲炸得外皮金黃酥脆，仲夾雜住花枝丸嘅味道，食落去好爽脆🍽️甜不辣 $38甜不辣嘅Size 好大塊，差唔多成個手掌咁大，口感煙煙韌韌，夠曬咬口🍽️黑布台式香腸 $28台灣腸烤到皮脆肉嫩，而且夠曬多肉汁，又唔會太鹹🧋冬瓜茶 $22天氣咁熱，叫返杯冬瓜茶夠曬清熱消暑，又唔會太甜~🧋凍頂烏龍茶 $28烏龍茶好香茶葉味，好解膩，清清地夠曬fresh

如果你有留意，都會知我係黑布小巷吐司忠粉，今日諗住食芋圓同蛋餅可惜本日售罄，下回請早！一如既往，無限番兜，我最鍾意嘅台式肉蛋芝士吐司好好味，芝蛋爆汁，吐司醬百般惹味，咸甜咸甜檸蜜美乃滋，麵包烘底！ 💯 🥪 手工滷肉雞扒便當，份量大得驚人，雞扒大過我塊面，伴有甜炒粉絲、酸菜、入味滷蛋、大顆滷肉，好食！淮鹽花枝丸粒粒彈牙有花枝肉，甜不辣成隻手掌咁大 🖐🏻！脆邊煙韌點泰式甜辣醬。無糖桂花烏龍茶味香醇，熱桂花雪梨羅漢果茶清甜滋潤，彌補一下嚐甜的心～

第4次食呢間黑布小巷，因為佢嘅台式吐司實在太出色，所以好似M記咁，我間唔中會黎食。叫主食可以加錢追加小食同飲品，所以每人一個full set的話，人均都唔駛$100蚊，不過我今次叫埋蛋餅，所以貴啲啲。⭐慢烤雞腿芝士蛋吐司之前食開肉蛋吐司，今次試下雞腿，我覺得比豬扒更正，因為塊雞腿又厚又多汁，配埋個溶咗嘅芝士醬汁，鹹中帶甜咁幾好味。⭐芝士火腿肉鬆蛋餅蛋餅入面嘅火腿足以可以啖啖食到，面頭放咗啲肉鬆，增添咗層次，醬汁份量亦都啱啱好。⭐紅燒台式牛肉麵牛肉麵係每日限量供應，本身想試嘅番茄牛肉麵賣哂，所以試番紅燒牛肉麵。呢碗麵牛肉份量非常多，牛肉醃得好淋好入味，麵條好似啲手攪麵咁，好煙韌彈牙，亦都掛到湯。湯底味道好濃，不過我覺得湯多啲會更加好。而個酸菜我覺得係精髓，可以將個湯嘅味道提升。⭐花枝丸配淮鹽 （5粒） 呢款小食都係每次都叫，因為花枝丸入面夠哂真材實料，食落鮮甜而且彈牙。桂花鳥龍 （凍）冬瓜茶（凍）桂花烏龍冇糖，而冬瓜茶就固定甜度，兩杯都唔錯，可以試下。去開荔枝角嘅朋友，可以試下呢間，真心唔錯！