黃錫記 (富輝花園)

營業中

休息中

【香港搵食🍴】黃錫記餐廳 十一國慶 一於高興吓 食啲heavy嘢平時收工經過都閂咗門 今日襯住放假終於試到啦🔹️錫記魔鬼西多士西多士就間間茶餐廳都食到但呢個魔鬼西多士就真係獨一無二西多士面鋪咗朱古力餅碎 一嚿牛油之後啲朱古力醬同煉奶一路流落黎 🤤呢個魔鬼原來真😈 好有罪惡感厚身 切開黎睇要無欺場 唔係空心 🤤上完碟仲係熱嘅 好軟熟 不停沾朱古力醬❗力推🔹️蔥油雞扒孖蛋飯蔥油好香 豉油就擺咗喺枱面俾客人按自己需要加落去雞扒有2塊 雞皮煎得好香脆 肉質嫩滑 juicy🔹️雙層奶醬排包配生炸雞脾奶醬多嘅多士變咗用排包 幾新穎 咬落鬆化生炸脾堅大隻 啖啖肉（個排包仲好有心思 排番個 ❤出黎）

本身經常食， 食物ok 。但自新年改餐牌後，外賣經常比漏食物！ 次次拎到返屋企真係一肚氣！ 個後生女仲要少少唔好意思都冇。 普通茶記牛扒煎雙蛋飯盒仲要$72 蚊唔係特別平，冇乜煎蛋，完全無靈魂。當先起初做街坊坊， 勁有禮貌又有服務， 食物方面ok , 先喜歡去。 依家真係唔同曬。

街坊先識嘅好味茶餐廳，呢個商場都係附近嘅街坊先嚟搵食，同埋要行入少少先發現呢間茶餐廳，其實都唔錯附近嚟講我覺得呢間算係幾好味同埋經濟實惠，佢啲米粉嘅麵質係有少少唔同，同埋之前食佢個芝士撈公仔麵係超級好食，不過係好邪惡！

誠意小店 排包一流 肥牛面好食 招呼合理座位不算闊落但空間合理 家庭營運小店要支持 馬鞍山區的清泉雖然位置不太就腳 但都有許多支持者 証明食物質素有保証價錢合理 早餐40蚊左右 午餐55幾蚊唯一缺點 早收6點 不做晚市 期待晚市食到你

第五波疫情時關了好一段日子，最近終於開番，最鍾意食佢嘅早餐、特餐，尤其沙爹肥牛米/麪，肥牛好味，蒜蓉麪包烘得啱啱好，杯奶茶夠茶味！希望小店繼續努力，保住我哋這些蟻民嘅食竇😋😋

馬鞍山新港城全部都係連鎖店，好在隔離嘅富輝商場仲有唔少小店選擇。平時通常黎食早餐/常餐，正正常常嘅午香肉丁麵配奄列，塊蒜蓉多士係好食嘅，熱辣辣香噴噴超好味。有時我會加兩蚊將塊多士轉做排包，肥肥，好滿足杯檸水都足料，有4片檸檬🍋。（啲檸檬唔係我專登show出黎架，一上檯就係咁嘅樣🤣）上次見人地食咖哩飯好香，今次一於試下。將午餐嘅黑椒牛扒飯轉咖喱汁🍛。牛扒當然係快餐店質素，無乜期望；而個汁雖然其貌不揚，但真心好好味，有洋蔥粒喺入面，香香甜甜，好開胃，但食完唔會口乾。午餐牛扒飯轉汁好似要加錢（？），不過我覺得都值得嘅，最緊要食得開心。留意：份量偏細，男士可能要叫多飯。呢間店weekend早/午餐時段都多人，次次都要排一陣隊，但店員做嘢好爽手，服務態度唔錯，就算要排隊都可以接受。