黃金冰室 (成業街) (已結業)

今日同朋友去咗間開咗好多年嘅茶餐廳，諗住食個快飯，點知俾佢哋嘅咖喱牛腩飯驚艷到！🤤 一上枱，個賣相已經好吸引！🍛 咖喱汁好濃郁，顏色金黃，聞落去好香，仲有少少椰奶味。🥥 牛腩份量都幾多，炆得好淋，入口即化，仲有少少筋，食落好有口感。🐮 薯仔🥔同紅蘿蔔🥕都煮得好入味，吸晒咖喱汁，好正！ 👍咖喱牛腩飯真係冇得輸！😋 咖喱香濃，牛腩軟淋，配埋白飯，真係食到停唔到口！🍚 雖然價錢唔算平，但係份量足，味道好，絕對值得一試！💯 如果你係咖喱控，又或者想試下地道嘅香港茶餐廳風味，呢間嘅咖喱牛腩飯絕對唔可以錯過！😍…查看更多

星期日經過觀塘想搵早餐食，去到東廣場一帶都搵唔到啱食，想食嗰間工廠茶餐廳假期又唔開，行前少少就發現咗呢間茶餐廳。正正常常嘅早餐選擇，揀咗沙嗲牛肉米粉配火腿奄列，估唔到佢啲沙嗲牛肉都幾多，比起好多茶餐廳都多。火腿奄列都煮得唔錯。雖然味道就唔係我自己最鍾意嗰種，因為佢比較甜，但係30幾蚊真係冇投訴，而且米粉都好好食。佢本身仲有一個餐包，不過我自己走咗包，朝頭早唔想食太多嘢。另外佢門口麵包櫃啲麵包真係好吸引，仲要比起一般連鎖茶餐廳平，菠蘿包先至$8…查看更多

食飯時間觀塘呢間嘅午餐有羅宋湯，如無意外應該係我飲過嘅羅宋湯最濃味最好味，今日午飯時間嚟到呢間黃金冰室食過午飯佢嘅黑松露雞肉意粉好好味，羅宋湯無敵，不過如果食飯時間一定要早少少到如果唔係好多人…查看更多

🥢🥣🥄大份茶記一餐當2餐☑️餐湯餐湯是晚餐包的，可選中湯、忌廉湯或羅宋湯。湯都大碗，足料，會有d肉同湯渣比埋你，幾有住家風味。忌廉湯同羅宋湯都吾錯，幾濃郁吾會好稀，會有唔同嘅配料喺入面。☑️星州炒貴刁-$62超大碟！河份量十分多，應該夠我分3餐食😂配料都吾少，除咗有上面嘅肉鬆、芽菜、仲有唔少蝦仁同蛋絲喺入邊。調味都好惹味，有咖喱份嘅香味，但係唔會好辣。☑️魚香豆腐雞粒煲 -$75食煲仔菜最開心係熱辣辣，豆腐煲嘅豆腐好滑，雞粒都好多，配上惹味嘅魚香醬，食到津津有味，撈飯一流。☑️XO醬茄子牛仔骨煲 -$75呢個同樣十分惹味，不過比較油膩，茄子用油泡過好淋好索汁，好入味，份量都唔少。牛仔骨都有5-6件，每件都好大件，不過會比較難咬，但個調味真係一流。🆗黑松露粟米煎肉餅 -$78煎肉餅有六件，每件都好厚，煎得幾香口，但係肉質比較實，同埋冇咩黑松露味。🆗黑松露芝士炸雞髀伴沙律 -$48沙律係雜果沙律，下面加幾塊生菜，炸雞髀就外脆內滑，都好juicy, 但比較油，上面鋪咗芝士同埋黑松露醬，但係做唔到流心。…查看更多

觀塘的茶記品質真的「神仙打架」，一間比一間好。這次下午茶時間來，餐廳客容量很大，裝修以茶餐廳來說很不錯。下午茶-咖哩吉列雞扒飯誇張大的炸雞扒🤌🏻吃到最後一口都是脆的，白灼菜墊底👍🏻而且咖哩竟然另上的，濃郁好吃。每次點都至少有一塊馬鈴薯🥔的咖哩汁😋只拌咖哩都能吃一碗飯下午茶-咸牛肉蛋治我稱之為咸牛巨蛋治，本來點蛋治是想著下午茶少吃點，等晚餐再吃，真的太天真了🤣不喜歡吃麵包邊的也可以要求飛邊，不過我覺得麵包烘後整個都香脆很好吃👍🏻…查看更多

今日經過觀塘約咗朋友食下午茶,朋友介紹黃金冰室高分食品,入到去環境都幾好,卡位比較多,冷氣就唔係好夠,坐咗入面卡位諗住會涼啲,坐落都仲係比較熱,下午茶叫咗幾個套餐唔記得影相,佢啲出品都確係幾吸引,好食,但係奉勸唔好坐近廚房水吧之類嘅地方,啲樓面嘅服務就真係唔得,成班女人企喺水吧細聲講大聲笑,嘢又唔做喺度吹水,叫佢埋嚟落單就求求其,咁我哋都係食嘢啫同埋傾下偈,但你啲樓面把聲先大到我哋都傾唔到計,好似佢哋傾計仲多過我哋傾計！其實除咗食物質素之外,樓面嘅服務態度都好影響人哋嚟幫襯嘅！…查看更多

今日的香港因為經濟不好的關係，每個人都想這是消費降級，類似這種茶餐廳，冰室，甚至兩餸飯開的滿街都是。由於經濟大環境都不好，股市，樓市都是向下調整，所以這種快餐也是一般打工族的明智之選。但是在這種快餐店吃飯，我個人很有壓迫感，像今天我一個人，獲安排坐半張桌子。點菜之後1分鐘所有食品，飲品基本已經到期齊，食品和飲品放滿半張桌子，密密麻麻的，我甚至沒有空間把所有東西都放好來拍照片。由於價格廉宜，都是在60塊錢以下，當然我也吃的非常飽，但是都是沒有服務，不錯，經濟不景時代下的選擇。…查看更多

星期日一枝公，去觀塘行一轉，大約十一點左右，經過見到這間冰室，見到光光猛猛，應該會是幾好的茶餐廳，便入去吃一個早（午）餐吧！入到去，餐廳原來好鬼大間，但都有8,9成滿，在現今香港人喜歡北上的年代，星期日早上有這成績，出品應該不會差吧！找到了一個角落位便坐下叫餐了。早餐供應到1130,我叫了一個咸牛肉炒旦，沙牛面，凍檸茶。咸牛肉炒旦幾好不錯，炒的剛剛好，不過今日配的是提子包非我所愛（天天不同的）。沙牛面是出色的，沙牛汁很惹味，牛肉夠滑，面剛剛好。唯一拉低分的是凍檸茶，茶味不足，超甜，多冰（已經叫少甜少冰的了）,不止我，隔離枱幾位剛剛做完瑜珈的女士，其中一位頂唔順直接叫侍應來換一杯，太甜了。總結，環境舒適，食品出色，飲品失色。…查看更多

黃金冰室下午茶 真係好抵食係呢度附近打拳之前黎食個飽飽下午茶餐，試過幾款都正🍲黃金鮮茄焗豬扒飯個份量其實夠2個人下午茶食完好飽！ 芝士同鮮茄多，豬扒有蛋漿煎/炸過，炒飯底香連熱飲先 $46🍔另外珍寶魚柳包都值得推介，真係珍寶size，魚柳又大又脆！ D包入面都烘過跟餐薯角就正常，可以揀沙律環境大，多位好坐，衛生就一般茶餐廳咁啦唔知大家鍾唔鍾意茶走或者啡走呢？我去茶餐廳 就通常都飲茶走 呢度茶走都幾好（見唔見到比卡超？）…查看更多

夜晚係觀塘收工突然想飲酥皮湯,經男朋友介紹下去左黃金冰室食~好大間,唔洗等位直接入得不過真心好意外~原來冰室都可以做到西餐水準,個酥皮海鮮湯好足料,真係好多粒粒海鮮,飲完個湯都飽飽地…查看更多

黃金冰室.味道：😋😋😋😋抵食：👍🏻👍🏻👍🏻👍🏻👍🏻回訪指數：🤤🤤🤤🤤🤤/5..讀書之後比較少去觀塘 今次幾位朋友帶我去食好西😋仲同我講好大份㗎，一定夠我飽🤣😂🤣原來 份量真系大 因為我地叫既系下午茶我見個size正常丫 仲超抵食 4人吾洗2舊！原來下午茶系細份d 我問先知午餐仲大份😂.✨黑松芝士雞髀沙律 $40 雞脾估吾到甘入味 d肉好淋 沙律既薯仔我鐘意硬硬地 出面果種太淋.✨厚蔥花牛肉蛋治 烘底 $36 好好食！ 牛肉蛋真系超強配搭 蛋包得實 但又冇乾鞋既口感 仲好滑～ 朋友話每次都要叫～.✨馬來肉鬆炒貴刁 $46 呢個味道好令人食完再食 加肉鬆太香口 鐘意食星洲炒米嘅人唔好錯過.✨黃金鮮茄焗豬扒飯 $46 傳統嘅鮮茄焗豬扒飯味道 鍾意懷舊嘅真係要揀佢.✨飲品熱飲免費 凍飲+$3.4人消費 $171..💫 #黃金冰室 #成業街 #觀塘#茶記 #份量大 #抵食 #下午茶..#米吃 #香港探店 #健身人士飲食 #管理體重 #飽住瘦 #健康餐 #foodiehk #減脂飲食#跟米吃出瘦身材 #kukeepfiteat…查看更多

今日要來觀塘, 時間仍早, 去食過早餐, $35有通粉, 有煎雙蛋, 有特色餐包, 有熱飲, 其實算抵食, 味道不過不失, 份量足夠, 奶茶一般, 茶偏多, 不過地點方便, 星期日都多人來幫襯…查看更多

係觀塘附近番工, 見到呢間黃金冰室, 門面算唔錯, 就入左去食一個人食易搵位, 但入到去先知地方超級大, 可能原址本來係酒樓黎, 雖然咁大, 但出面都有人排隊, 幾誇張下午餐餐牌大約$50-$60, 因為好肚餓, 叫左咖哩酥炸豬排飯 同凍0茶樓面侍應落單好快, 唔使5分鐘就上齊所有食物, 呢個位要讚下個咖哩只係得1-2個薯仔, 但唔緊要, 因為有兩塊好大份既酥炸豬排, 一定好夠食酥炸豬排炸得好香好可口, 不太油膩, 有蔬菜伴碟很好咖哩方面有d辣, 但好正, 好香濃餐廳整體很好, 好適合趕時間食飽肚就走人, 但如果要一班人慢慢食, 可能唔好揀lunch time另外呢一間餐廳暫時只收現金, 要留意番…查看更多

曾經覺得黃金冰室多選擇味道又唔錯，一打開餐牌淋漓滿目選擇困難症發作，每次食完都幾滿足。無諗到睽違一排無去，再訪只可以用「大失所望」嚟形容。其實食得冰室預咗期望不要太高，但俾咗75蚊呢個份量就有少少值得商榷，隻碟就大但雞嘅份量就連平過佢嘅橙色連鎖快餐店都多過佢，講新鮮度嘅話快餐店重新鮮啲添，其中一件雞食落口臭臭地我忍唔住吐返出嚟🥲另一舊好紅，紅到我唔敢食(˶‾᷄ ⁻̫ ‾᷅˵)有諗過係咪因為就收鋪（閂10點我9點入去），但以前試過差唔多鐘數去食，賣相同味道好好多㗎，同埋都唔係就收鋪就俾臭雞人食嘛？🥹曾經好欣賞佢哋，希望可以有改善，如果唔係觀塘又少一間幫襯得過嘅餐廳啦。…查看更多

觀塘番工選擇雖然多因為番工地點係附近所以黃金冰室一開就已經有幫襯過但因為愈嚟愈差就已經冇食過好一排一開始嚟食早餐既時候早餐係必配丹麥多士再配火腿奄列然後人多番之後就變咗做好乾好難食嘅餐包仔跟住仲加咗價所以就已經好耐冇食突然想食酸菜魚不過觀塘川式餐廳就比較少忽然就記起之前係黃金冰室見過餐牌有所以諗住食一次😂點知更加失望先睇吓餐牌酸菜鱸魚片跟飯$88酸菜鱸魚片米線$55由於唔太想食米線咁就諗住食飯然後繼續返工圖片上就誤導咗我以為貴啲嘅價錢係有多啲魚嘅份量原來現實都係圖片只供參考酸菜魚送到嚟嘅時候一個細細的煲仔，令我以為係搞錯咗所以我就即刻問夥計貴啲嘅酸菜魚跟飯係咪真係甘細個夥計話係呢個大細喺圖片個容器係大遮咁我就問佢跟米線嘅話咪得返好少魚？佢就叫我下次試吓再叫酸菜魚跟米線咪知道係唔係咁我已經啞左咁我就當自己天真啦然後就專心煲劇食埋佢就諗住直接走然後個夥計再兜返返嚟同我講話張單已經寫咗係多魚然後頌同另外一個夥計講話我嫌魚少🙂🙂我即刻話唔係嫌而係唔明點解唔係同一個價錢揀跟白飯/米線而係加成$33先至係跟白飯而魚係得呢個份量我專登拎個碗仔夾晒所有魚出嚟數左只係有9舊有大有細既魚塊然後另外一個夥計就同我講原來已經唔止我一個人懷疑過同一個問題所以點解單上面會特別標明「多魚塊」如果9舊已經係多左，原本係有幾多？不過我就好好奇如果真係跟米線到底啲魚會少到得返幾多？同埋到底呢一碗白飯係咪真係好貴嘅價錢味道評價酸湯嘅味道中規中矩略嫌「結」左啲味道有少少偏鹹魚塊個質地其實唔差都有口感配菜方面反而有多少少雲耳但係價錢抵唔抵真係唔咁評價…查看更多