黃明記粥粉麵家

營業中

休息中

上星期經過九龍城，宜家有屯馬線超方便，所以去回味下昔日嘅味道佢地搬左新舖之不過隔一條街，舖頭寬落光猛左，且坐位寬闊好多，我叫左碗雙丸尖，佢地湯底無得輸，係特別香，雙丸手打夠彈牙，老子號無得輸

起碼有三年冇黎過啦，唸住今晚清清地，縱然我朋友泊左架車響延文禮士道，都專登忍住腳痛老遠行過去唸住懷緬下昔日嘅味道！點解⋯⋯搬左鋪位，應該係之前位置要收樓啦！離遠見到個招牌求其到用張紙貼住😱第一個恐怖 入到去無論裝修傢俬擺設，全部都好有內地feel ，（仲加咗好多內地口音）啲傢俬好似用咗10幾年咁，個大Menu用咗紅色同黃色，完全係內地嘅design啦😪😢真係滴晒汗都入咗去坐啦，咁唯有照嗌返以前食嘅嘢-墨丸米同埋豬肉丸雲吞河粉。聞一下個味道，似乎同以前差唔多啫（我以為）點知食落口真係有啲唔同咗，特別係個豬肉丸，咬開睇，個出邊表層係淺灰色入面係粉嫩嘅粉紅色（我朋友話以前食完會好口渴，而家反而冇咗）🤪咁呢個係讚定係彈呢？其實食嘅味道雖然唔同咗，不過又未至於超級差！只不過係成個感覺唔同咗姐，我個人麻麻哋內地feel嘅嘢，成個裝修 氛圍擺設我都不喜歡 😔點解唔係越做越有貴氣而係越做越⋯⋯⋯當然我唔係歧視內地客或者內地野，只係從前嘅黃明記響香港都有一定嘅知名度丫 ，點解要選擇走向內地化？

一個人慕名而來位處九龍城邊邊嘅黃明記。事關係老公提議過，但佢又忙行唔開，咁等我探店試食先。一人點兩份，紫菜墨丸墨須河+淨豬雜。大家盛讚嘅墨丸我覺得一般般，粉感重係淋口唔係爽口嘅，不過鮮味夠。墨須反而係爽口彈牙，但鮮味無乜。湯底係夠鮮味，都無乜味精感，加兩滴魚露會更好味。辣椒油喺潮州粉麵舖中都算上佳。淨食係芽菜底，好啱輕食。豬雜裏面嘅豬潤粉腸都好味，豬爽肉爽口但無乜肉味。特別讚下嗰位waitress ，好禮貌，以小店而言有D受寵若驚。後來我旁邊嚟咗兩位年紀稍長的姐女士想去洗手間，但店內洗手間壞咗。waitress姐姐仲帶埋佢哋去外面不遠處嘅公共洗手間，同佢哋講嗰個洗手間幾乾淨，叫佢哋唔好擔心，服務超班

黃明記老字號，尋找舊味道地鐵站宋皇臺站行一陣就到啦👍開通左地鐵站之後，去九龍城都變得方便了，又可以多一個地方尋食。新舖位樓底高，坐得好舒服。去之前都睇過食評，本著一試無妨既心態，估唔到無期望就會有驚喜。 墨丸墨鬚粘 $37👉粘即係銀針粉👉墨鬚好爽鮮可口👉自家手打墨丸好特別，更有一粒墨魚肉在內👉湯底加左肉碎、芹菜、芫荽腰膶撈麵 $50👉腰膶份量足料又均稱👉食落都無一陣羶味👉撈麵無咁重鹼水味

黃明記三個字響九龍城應該係響噹噹，琴晚打完波經過見到就即管入去試吓，餐牌有出邊極少有嘅泥鯭粥，馬上叫咗一碗。可惜嚟到嘅時候見到原來只係一碗生滾粥底灼熟一條斬仵泥鯭魚，完全冇鮮甜味，同細路仔街邊食嗰啲爭好遠好遠，只係怪我唔識叫。唔知大家有咩推介

經典老字號，相信住在九龍城的街坊並不陌生。今次再次到訪，本店必點的，當然是它的秘制墨魚丸，墨魚味香濃，丸內混入墨魚肉粒，口感豐富，吃岀懷舊的味道。雙丸米粉 (墨魚丸和豬肉丸) 豬什朋友叫了一碗豬什內有豬心、豬潤、豬腸豬潤好吃，不會太死實，質地軟腍，豬潤味濃郁蠔仔肉碎粥蠔仔新鮮大粒飽滿，湯底添了一點橙色的方魚粒，有助提升整碗潮州粥的味道，也是必食之選！

黃明記我都食左有十幾廿年，同好多人講起大部分都好鐘意，但出奇地原來就算點介紹點講好多人都唔識呢間野，搬埋舖之後好似仲靜咗一排。呢排特別又紅番係因為蔡瀾拍YouTube介紹完，又多人講又多人去左，好彩佢未介紹之前又去左食，聽講呢排又要排隊。墨魚丸、豬肉丸、墨魚鬚、四寶、紫菜基本上應該唔使點介紹，每次嚟我都會食墨丸墨魚鬚河粉，因為河粉特別滑。當然識途老馬又鍾意食嘅話應該會叫銀針粉。另外都要推介方魚肉碎粥，可惜次次都怕熱無食佢，有興趣真係試下，嗰種潮式風味好少地方有。成日會嚟買丸打邊爐，買丸佢會送上自家製嘅調味包俾你打邊爐用，勁正，有興趣你仲可以喺陳明記買到好好食嘅河粉。

黃明記係我由細食到大嘅老字號，而家雖然嫁咗去大西北，但係依然掛念呢度嘅粉面，我最鍾意食嘅就係呢度嘅墨丸粘米粉，佢哋個湯底落咗少少豉油超香超好食！就算喺門口排緊隊都會聞到陣陣嘅香！如果要食潮州粉！必定係呢間冇走雞

日日開工都會經過九龍城，中午係度覓食就最方便了，今日叫個豬雜鬚墨魚米粉，豬雜新鮮既，粉腸五係蹋既，啖湯加蒜油落去，好好飲，裡面仲有芽菜同蔥，真係好飲架。同埋五貴，性價比比較高。

一直都唔知富豪東方附近有間咁既粉麵餐廳，今日偷得浮生，朋友介紹之下，就去左試下呢度。餐廳外表比較粗糙，入便亦好似有好多野咁...，再加上睇過openrice 既食評...，個心已經暗暗覺得中伏。叫左個牛腩麵同墨丸墨鬚，黎既時間都冇咩期望，可能冇期望先更加易喜出望外。個牛腩麵湯底夠香又夠味，牛腩足料又均稱，食落冇羶味之餘又豐腴。而墨鬚就好一般但係墨丸好好食，應該係佢自家制。食落覺得the comments did not do the restaurant justice. 以粉麵檔黎講，食物質素真係唔錯，不過衛生情況的確需要改善下。

方魚肉碎粥 因外賣返家 以免飯粒發脹 叫左分湯佢會上下格 飯量 剛好 方魚同香香脆魚係上格自己 撈入個湯到個湯 飲到舒唔到口 之前 有堂食 夜媽媽去食 蠔仔粥 又唔覺個湯咁好味今次外賣返去真 係好好味係咁飲佢肉碎大家都睇到 有返咁上下架都 料足湯香 真係想再食

以前返小學的日子，爸媽都會希我們在放假時到黃明記食墨丸河，所以我對黃明記墨丸河一直有個情意結！最近疫情，想同家人都在家中食到黃明記墨丸，今日特登去九龍城買，可惜店員態度太差⋯⋯我買一斤墨丸，有一個配煮嘅料跟、我就問、有無辣椒油一包比我？然後店員；煮料同辣椒油，你二選一啦！咁我問、我買半斤又有無？佢話有！咁我就半斤、半斤咁買！結果，煮料加辣椒油同時都有！點解店員咁唔識變通⋯⋯⋯⋯⋯⋯⋯⋯⋯收銀哥仔仲要惡惡地咁話，錢擺底-.-Ok , 情意結，斷了。

湯好鹹、肉丸太粉、菜太淋。有好耐冇去，今日過開嚟，特別試下。一試結果好失望，因為啲嘢食比之前差咗好多好多好多。首先，我要講講我原本係呢度未搬店前嘅忠實fans。叫咗幾樣嘢食，結果全部都唔好食。我最鍾意試嘅係啲湯，點知今日喊到拿喉。再試吓啲墨魚丸同埋豬肉丸，結果只係食到粉而一啲味道都冇，最慘係好容易喺口裏面散。最後一碟菜，結果得個淋字，一啲都唔爽，好明顯係over cooked☹️⋯⋯我明白可能成本貴咗，但係老字號嘅嘢，千祈唔好攞啲食材嚟玩。

今日同老公一早有野做入咗九龍城，但可能太早周圍啲餐廳都未開，又見到呢間粥粉麵店啱啱開門就入咗去坐。第一個感覺係店內比較殘舊，雜物多，個人覺得環境有改善空間。入親麵店，我老公一定點雲吞麵，今次亦唔例外，而我就叫咗碗好耐無食嘅牛腩麵同一碟芥蘭。老實講，呢碗雲吞麵好一般，雲端細粒得黎無乜鮮味。牛腩麵就相對好味啲，湯底亦够濃味。不過呢碟芥蘭又係好一般，蠔油隊多咗，菜葉亦有些少黃。編結而言，雖然店嘅食物價錢不算貴，但係同樣嘅粥粉麵店質素比呢間好嘅其實唔少。

以前我會特登揸車去食，搬舖之後第一次，也睇過其他人的食評。裝修不評論，但入到去睇到，真心覺得亂，四圍紙皮箱貨物，但我聞唔到其他人講嘅臭味噏味坑渠味味道，真係比以前淡左，應該話冇咁濃味，魚皮餃正常冇問題，墨魚丸退步差咗好多，冇墨魚味，粉感好重，豬肉丸正常冇問題，墨魚鬚爽口好味，云吞正常冇問題豬雜係最好味的呢個同以前差唔多，麵底粉底係比以前大碗咗我幫襯咗超過40年，由以前住官官塘到住粉嶺，都係因為想食而特登揸車去食，但味道真係冇以前咁好，我會再去的，希望可以改善