麻辣王

營業中

休息中

麻辣王既魚旦真的超好味！喜歡食辣的一定要試下！好重花椒八角辣味，真係麻辣的！魚旦好彈牙，都幾大粒，$12/5粒，同龍津果啲魚旦相比價錢當然較貴，不過甘既質量，值！

早幾天跟家人一起吃飯,來到佐敦麻辣王,一早訂了位,所以可以內進餐廳都算係多人,可能係食飯時間啦,所以落單都耐左D餐廳行普通裝修路線,不過坐得舒服都OK食左個豬手,D肉幾滑,不過唔多夠味,可以有改進但口感都唔錯,唔會太韌,咬口都OK麻辣雞腳反而幾夠味,食起黎小小辣,算係唔錯,而且幾大份我地3個人都食唔曬湯粉都唔錯,幾好咬口,食落幾爽口,個汁都幾夠味每人寫小小,加埋其他野食,其實都幾夠飽嫁同埋唔算太貴,值得試下

經過佐敦一定會買翻屋企食，由細個十幾蚊食到22蚊 一份4隻嘅雞腳，豬手，雞尖呢類味都一樣，同一種汁泡出黎，麻同辣配合得好好，不搶喉，愈食愈過癮，12蚊嘅魚旦，魚旦好彈好入味，仲有其他腎，口水雞等等，不過我無買過，下次先買試試，凈可買外賣無得堂食真是美中不足，我呢啲唔想係條街到食嘅只會回家順手買

冇魚蛋食!嗚嗚唯有食鴨腎其他大部份野係涼伴涼伴汁係青辣加酸加garlic!quite lovely鴨腎亦唔例外but 冇左麻辣llor好彩姐姐俾番D麻辣魚蛋汁我hee heeI love you 姐姐

魚蛋辣汁美味無窮!!!夠辣夠麻夠刺激!!!唔會好似傷心酸辣粉咁狂加辣椒油就算魚蛋彈彈彈!!!辣汁夠辣真魚蛋真的假不了假的真不了mad好味 好味 好好味!!!service ok!

全港最好食魚蛋!!!!各位一串魚蛋要HKD$12!!!!!!!!!我都心甘情願因為佢夠麻夠辣夠彈牙夠入味唔係用平價魚蛋唔會成口粉佢D麻辣薯粉..very very goodlove it!可惜冇位坐要企喺度食勁異相!

麻辣近年在香港普及度大增，不過仍然很多朋友受不了，麻辣小吃店還未算很普及。本人大抵是中等麻辣友，也好此道，路過見到麻辣王，一堆麻辣小吃，一大窩狀似甚猛的麻辣魚蛋，就忍不住停步來一串。麻辣魚蛋王巨粒裝魚蛋，份量十足，麻辣的香做到了，辣亦有一些，麻微微的，雖然不算有威力，但還算可給予食客一點麻辣感，比較失望是魚蛋雖然大大粒，但肉質鬆散，欠缺味道，單純麻辣補救。反而炸豆腐更得我歡心，吸收了麻辣汁的豆腐，香口無比，具麻辣風格，頂頂麻辣癮。雖然名為麻辣王，但我覺得其麻度和辣度都不算高，勝在香而不霸，重容易接受，麻辣初心者都可以一試，當然，真的吃不了辣，就不要吃麻辣了......

好耐都冇行開佐敦黎食依間麻辣王拉!!!!! 每次一諗起麻辣野 都會流晒口水 今次咁岩工作行開 即刻叮一聲 ~ 一定要買黎懷念一下 每次一諗起麻辣野 都會流晒口水 去既時侯時間尚早 -) 都冇咩人圍住 ..唔知點解呢我次次去都好鬼多人圍住 都唔知係咪自己黑仔其實價錢都係差唔多 冇乜點特別加過價 不過味道方面好似同以前既辣味欠缺左小小野 好似唔係好夠辣 不過仍然都好麻特別係雞腳TIM 好入味同爽口 次次都會叫 重有蓮偶 又薄又脆 囉到番公司D同事都好LIKE 架 重話要即刻番CHECK TIM

青瓜質地爽脆. 青瓜表面佈滿辣椒粉, 結果只有一個辣字, 唔夠麻味, 只可稱為辣青瓜, 不是麻辣青瓜. 味道不錯, 只是唔夠麻味.之前食過麻辣魚旦, 亦是唔夠麻味.反而口水雞的味道不錯, 可以一試.

行過見到麻辣王順便買幾舊豬手番屋企食.. 加埋隔離柏檔既海南雞食就岩岩好..以前會買豬手加其加其它野如鳳爪等.. 但都係發覺豬手係最好食同最抵食.. 豬手$15蚊三舊, 算OK... 買左6舊$30 蚊... 番到屋企即開呢食..因為佢都算比較硬身..叫姐姐選擇D 多肉小小既... 唔洗太細舊冇肉又硬既等於食唔到...味道幾吸引, 清得呢好有四川風味....我自己就覺得佢辣左小小.. 要一路飲野一路食.. 不過以我經驗呢家野我多數冬天先買.. 因為.. 印象中夏天買5次有2次食完都有"ALL" .... 可能佢地一兜兜咁放曬係度冇雪既關系.. 豬手

口水雞絲撈麵…$16好spicy…不過好好味可以坐係出面食….好有風味雖然係雜左D…不過有時坐係度真係幾特別另外仲叫左個條條豆腐…….先前已經係大陸食過,,,所以好想再食咁岩e間有wo就order左試試…..唔係好SPICＹ同唔夠味算係咁啦!!!服務…都係咁啦問佢可唔可以唔好咁SPICY/….佢話係咁SPICY…無得變架啦-.-聽完就算*坐左係度映左好多相同食左好多野*正正正”

帮襯过很多次了！泡椒食品，麻辣食品樣樣都好！最喜欢的是辛辣食品分开泡椒没有加花椒而不会麻的！而麻辣亦處理得好，麻郤不会蓋味！可惜今天買的泡椒翼尖$15/14只及雞腳頭$8/1包不辣！不知是否屈服了，又为配合大部分不嗜辣的港人口味？可惜！！！

幫襯過幾次...試過麻辣魚旦, 麻辣雞尖, 酸辣粉等...全部也是辣而不麻, 普普通通...雖然大部份食物只是十幾廿幾蚊, 但份量較少, 所以感覺價錢偏貴..偶然行過買串魚旦都OK既...

四川酸辣粉 – 一開個盒… 淨係見到面個層紅油，以為會好正啦，但一食起來完全冇酸 & 鹽味.. 得個辣字，又冇酸辣粉好好既伴菜花生同榨菜，無左酸辣粉既靈魂.. 粉質都唔係深圳食開個隻紅薯粉…(佢個隻係涼拌粉皮既質地) -> 失望, 唔會再試e 間既酸辣粉泡椒雞腳 – ok, 夠麻! 麻辣海帶 – 一般, 海帶質地& 味道都痳痳… 同韓國個d麻辣海帶無得比.. 金菇菜 – 本來無諗住叫, 見隔離個人叫娃娃菜都加痳辣.. 於是心痕痕叫金菇菜.. 不過由於第一次試e 間野.. 所以都係唔放盡… 唔加辣.. 佢個汁幾好味, 痳油 + 醬油, 好香… e 樣可以再幫親! 整體尼講價錢稍貴, 食左3樣辣野都無令我再想幫親辣野既意欲…. 反而再想食唔辣既金菇菜!

行街經過，心血來潮想食辣，正是想做就去做，但堂食其實係企係街邊食，所以要有心理準備，但因為唔太肚餓，只要了一個口水雞絲撈麵。麵比較幼身，食落口覺得都夠Q咬口。口水雞絲份量不多，但其實重點不在雞在於D口水雞汁，自問喜歡食辣，所以覺得辣度重未夠，但個汁的而且確夠香，而且可以食到由唔同嘅香料做成，過關；但可能因為係口水雞嘅關係，味道唔係太麻，所以試唔到係咪真係"麻:辣王。有待下次有機會再品評。