麻辣派對 (金百利廣場) (已結業)

上星期出了銅鑼灣去IKEA行街，一出地鐵站就給大大個《麻辣派對》招牌所吸引。由於我同老婆都好鍾意食川菜，所以就去試試👏上到去6:30左右，由於時間尚早，不用排隊就可以直接入咗🤣。一進泡內，就立刻給店舖燈光氛圍，哥特式裝修所吸引，很有feel🥰由於我同老婆都鍾意食辣，但唔食得好辣，所以叫了一個BB辣的酸菜黑魚$228和酥炸雞翼尖侍應將酸菜魚放上枱，我哋頓時有點驚嚇，很大份啦😱，同一時間酸菜味撲鼻，流晒口水😂湯底香濃，魚肉嫩滑，稔香軟彈，很有返深圳走美食的感覺😂😂。酥炸雞翼尖配上麻辣粉，簡直一絕下次再來應該要約三五知己，兩個人去食太浪費食物了🙈太大份

放工約了好友一起吃飯, 出了銅鑼灣, 當在想吃什麼時一眼便看見了麻辣派對, 紅當當的招牌, 加上下雨天, 我們倆都想吃點辣辣的, 便決定了這裡。到達餐廳門口, 絕對會被它再次吸引, 門外已經很有開派對的感覺, 名副其實, 服務員也很有禮貌招待我們, 一直沿路入座, 天花跟牆身都很多花花及波波, 心情莫名地也很興奮, 再看到餐牌, 很多食物選擇, 眼闊肚窄, 每一樣都很吸引, 最後我們選了酸菜魚加小食和飲品。水煮系列-酸菜味黑魚 $228(BB辣)我們選了黑魚, 滿滿的一盤, 超級多魚, 還有不少的配菜像魔芋，酸菜，黃豆芽，水晶粉等等, 一點也不會單調, 幸好我們沒有叫白飯, 否則一定吃不下, 魚肉非常嫩滑細密, 沒有腥味, 紥實彈牙, 新鮮得很, 最值得一贊的是不會有太多骨, 湯底酸酸辣辣, BB辣, 調味得宜, 適合我們不太吃得辣的人, 十分惹味, 所有配菜吸收了濃郁的湯底, 每一樣都超贊, 吃得我們津津有味香酥雞翼尖 $78一上碟已經香味撲鼻, 未食先流口水, 粉衣不厚, 包著雞翼尖, 令肉汁不流失, 每一口除了外皮的酥脆, 還有啖啖雞肉汁, 再配上特製的辣粉, 一口一隻, 十分

在銅鑼灣的一個商場有很多食肆，跟朋友午餐選了麻辣派對來試，裝潢氣派，午餐選擇多，辣度可隨自己加減。👍🏻套餐可包老火湯，用上冬瓜蘿蔔豬骨，清熱潤肺。紅燒牛筋腩炆津白牛筋腩炆至入味，油脂分佈均勻，牛肉味濃香，牛筋黏彈，加上大條津白更有風味。南乳蓮藕炆豬手豬手色澤均勻，豬皮彈牙，肉質軟淋，骨膠原十足，蓮藕脆身，索汁一流。😆招牌口水雞配麻辣小麵口水雞嫩滑帶麻香，麻辣小麵辣度剛好，不會太油膩，麵條彈牙。蜜語水果茶用上大啤酒杯上枱，底下全是切好水果，茶底清香解渴，邊喝邊加上水果更有口感。凍奶茶奶香濃厚，口感幼滑。風格十足的新派麻辣菜，套餐抵食多選擇，餐廳還有包廂可舉報派對，喜歡吃辣的可以來挑戰一下不同辣度！😉

麻辣野真係好正，但好多時個收費都唔太平今次黎麻辣派對估唔到唔使$100就食到酸菜魚，仲有埋飲品添個酸菜魚好足料，份量十足魚肉都好滑而且唔會有骨, 魚肉都唔會腥涼皮撈埋醬汁食都幾惹味，夏天想食辣野但又唔想熱辣辣，食涼皮的確係一個幾好既選擇另外再叫左個口水雞，口水雞可以配飯或者薯粉，有埋飲品都係$68， 的確係幾抵食既，出面叫個口水雞已經係呢個價錢套餐可以選擇要飲品或者例湯我地加錢升級左杯水果茶，裡面的確好多水果，消暑一流呀

果真「麻辣派對」名不虛傳😌 場內環境就像開party一樣🎉 全場都是辣！辣！辣！好少食辣野的我，今天揀了這間是一種挑戰呀，也是我喜歡上「辣」的原因😌任揀主菜 「水煮」「酸菜」「乾鍋」再揀選喜愛的配料😊我揀了「水煮鍋」BB辣、山葵、萵筍、土豆、肥牛、滑牛、水晶粉一上台嚇了一跳，全是辣椒🌶️乾🤣，但都可接受😌 辣的有種回味感，水晶粉是精粹, 川菜必有， 土豆厚切👍🏻肥牛同滑牛入哂味，令我食唔停口☺️ 萵筍爽口🥰備註：🔺原來食辣會上癮🔺飲品也唔錯大大杯，最適合不過了

鑼灣金百利好多嘢食，今晚揀了食麻辣派對。餐廳裝修佈置得很有心思，亦都很有 浪漫氣氛，雖則時間比較早，入嚟見到都有好多人。 Menu 好多選擇，水煮魚有多款味道，有水煮味、酸菜味、鮮椒味、蕃茄味等。平時食水煮魚，未試過蕃茄味，所以今次就試嚇新味道。要了水煮魚及古法咕嚕肉。蕃茄味江團魚水煮魚$198上枱見到一大盤，份量足，要了小辣，但入口辣度是微辣，湯底顏色茄紅色，味道偏甜，裏面有秀珍菇、芽菜、水晶粉、魔芋、蕃茄……等。江團魚切得頗大件，厚切，份量也頗多，肉質腍滑，頗有鮮味。古法咕嚕肉$88裏面有青紅椒、酸蕎頭、酸薑等，咕嚕肉切成長條形，頗大件，剛剛炸起，入口還帶熱，外脆內嫩肉質帶爽，酸酸甜甜，醃得也頗入味，配食酸酸甜甜的配菜剛剛好，可解滯。現在天氣熱辣辣，配埋個冰凍的飲品及餐廳送上的凉爽冰甜的冰粉，最適合不過了。

第二次來食麻辣派對喇，今次來到銅鑼灣分店，一入到餐廳內就見到同樣花花綠綠具有特色嘅裝修，射燈五顏六色仍然有派對嘅感覺。呢間餐廳雖然叫麻辣派對但係好貼心，可以俾客人自己揀辣度，走辣都可以。我哋今次叫做BB辣。重慶銅盤烤桂魚（麻辣味型）呢個用銅盤裝嘅烤魚非常令人驚喜。大大份上枱，就可以聞到好香一陣辣味。魚身炸得外皮脆脆酥酥，下邊配菜又有好多種。有好多芽菜、魔芋、萵筍、金針菇、豆腐。但係配菜上枱時仲沒熟，店員提下我哋要煮一陣先得。果然煮多一陣之後配菜全部煮得好入味，吸晒啲湯水，芽菜又開胃又惹味！萵筍煮爛之後好好食。魚肉都係要煮一陣先有味道，啱上枱果陣試左啲魚肉都冇咁入味。整體感覺太正喇！叫左一份白飯配上熱辣辣嘅烤魚食，非常滿足。冰雪鮮檸C飲食辣嘢點可以唔叫啲嘢飲解下辣，叫左份檸檬茶酸酸甜甜嘅味道，又大杯又多料，入邊有青檸、鮮檸檬片、奇亞籽。飲落感覺到滿滿的維他命C!又清新又開胃。

2021年 晚市仲未暫停晚時候去左食呢個麻辣派對 經OpenRice 訂座21:30 ～ 餐廳last order 好似無記錯係22:30 ～做完個facial 就同朋友一齊去食呢間野兩個心嗌唔到好多野 因為見佢一份主菜都幾大碟所以兩個人嗌左一碟蒙古羊肉 同酸辣土豆🥔絲 加兩個白飯 都己經飽一飽講下個孜然蒙古羊肉先起初 都以為會好羶 點知出到黎又唔係羊肉既份量都算多 唔係賣辣椒🌶️（大中小辣 ⬅️可以同返員工講你要既辣度）我地就簡左小辣另外小吃 簡左酸辣土豆絲 一樣都係小辣呢兩個餸 配白飯簡直一流不過朋友話呢度既白飯太硬 所以都係食左半碗飯 剩低既就食食送環鏡 燈光比較昏暗 個人覺得燈光 光返小小會好d同埋都覺得呢度比較適合一大班人黎食起碼可以試多幾樣餸先👧🏻👧🏻

麻辣派對 (金百利廣場) (銅鑼灣)銅鑼灣記利佐治街1號金百利廣場4樓R1號舖水煮魚BB辣魚非常入味嫩滑，完全無骨啖啖肉，有厚切蒟蒻口感極佳極Q彈，水煮系列少有舖滿辣椒乾都做到如此低辣度，咩人都接受到呢個BB辣，唔錯！川味麻婆豆腐麻婆豆腐真係極香極好味，豆腐勁嫩叠滑，最重要個麻婆肉碎汁，成道菜嘅靈魂所在，唔會好水稠度啱啱好，味道濃郁非常可口！凍蜜語水果茶有西瓜、橙、檸檬等多種鮮果加上果汁汽水調製，清甜消暑，啱晒呢排酷熱嘅天氣！冰雪鮮檸檬特飲鮮檬加青檬，有奇異果容同果汁汽水等調製，清涼爽快感，炎炎夏日好解渴！免費甜品紅豆沙感謝送上紅豆沙，微微嘅沙，甜度唔高啱啱好，有其他配料做到較為黏糊嘅質感，食完辣嘢好適合嘅甜品！

最近女朋友成日喺度話想食酸辣粉，為咗塞住佢把口，我就特登搵咗呢間同佢一齊食。≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣只不過我同佢都食唔到好辣，所以就冇嗌到水煮魚嗰啲，嗌咗其他嘢食。我哋嗌咗咕嚕肉，口水雞，兩碗酸辣粉。本身對於呢一間嘅咕嚕肉嘅期望唔係太高，因為佢主要食麻辣嘢。但呢度嘅咕嚕肉幾好食，好脆，幾有驚喜。呢度有樣好嘅嘢係有得揀辣度，口水雞同酸辣粉我哋都嗌咗小辣，連唔係好食到辣嘅我哋都接受到。口水雞嘅份量都唔少，同埋肉質都嫩滑，幾抵食。佢哋嘅酸辣粉好好食，真係做到又酸又辣，好正。絕對唔係好似出面嗰啲酸辣粉咁得個辣字，淡茂茂咁樣。個碗雖然好大，但份量唔算好多。如果可以再多返少少咁就好喇。而水果茶真係幾足料，又清爽，夏天飲真係一流。≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣如果下次女朋友再話想食酸辣粉嘅時候，我都會想再帶佢嚟呢度食。

熱愛川菜既我，真係隔一陣又心思思想食!🤣😆呢一晚剛好同朋友去食飯，決定去食酸菜魚!🤤同朋友在銅鑼灣，所以揀左去麻辣派對📍專門食川菜呢!🔖-成間餐廳的氛圍都好有氣氛，有別於一般的川菜🌠🏙相對都較有情調，幾適合食飯傾偈!👯‍♀️唔會有種好趕時間既感覺!💖食物方面，都有烤魚、酸菜魚等唔同選擇呀!所以我點了酸菜魚呢!📝選了水煮系列酸辣味型江團（bb辣）🌶-超大份量的酸菜魚，BB辣唔會好辣😋小小辣有點香口，朋友唔太食得辣都可以應付!而且入面魚的份量好多⭐️⭐️魚身好滑，同埋無骨，真係啖啖魚肉，超正🤤而且除左魚外，整大碗入面仲有滿滿的配料，好似酸菜、粉皮、芽菜等🥬🥦🌶配料加埋湯底都好飲味🤭😋加上好大碗，2個女仔真係太多😛建議3-4人Share 就最理想呢!-在點菜時唔知份量，所以仲叫左一個小食~小食點了涼拌黑木耳🧡~估唔到份量都好多!!✅都係點了BB辣，所以好易入口!💓黑木耳爽口~ 所以好開胃!😙-而且仲點了凍檸茶仲白飯配🍚估唔到飲品係好大杯!🍋🍋所以真係好飽! 建議女孩子可以留意份量呀!🤪但鍾意酸菜魚的朋友，真係唔可以錯過!🥳

今日去左麻辣派對位於銅鑼灣金百利分店，銅鑼灣金百利一向都係各大食肆集中地，又近地鐵站，地點實在方便，同屋企人，朋友去食飯就最好。-麻辣派對有兩家分店，銅鑼灣金百利分店就第一次黎食，一入門口，裝修好靚，有哂花花主題，又有射燈，真係好有派對感覺。食物種類好多，我睇麻辣派對自己介紹，原來佢地係用車仔麵既概念，鍾意食咩就揀咩，好多唔同嘅配搭。-涼拌花膠花膠算厚身，前菜應有既份量，一定要撈起先食，所有味道係最低。-辣子肥腸我地加左五花肉，有機花菜，香乾豆腐，肥腸份量好多，食極都仲有，有機花菜吸哂辣味好食，其他配菜全部炸到超級無敵脆，辣子肥腸份量好多，兩個人食到好飽。-評分 : 6/10簡評 : 選擇多，肥腸多，冰雪鮮檸C飲好飲

夏天冇乜胃口，同朋友出街咁啱想食辣野，上網見到呢間好似好多人推薦，所以去試吓。餐牌勁多唔同選擇，有雞、魚、海鮮，仲要有唔同系列。歌樂山辣子雞 加茄子 蒙古羊肉雖然都預咗好大碟，但係一見到都嚇親！真係好大碟辣子雞。兩個人去食唔晒。叫咗BB辣，見到有咁多辣椒嚇親，但食落又真係唔太辣，辣子雞炸過好香口，仲有好多花生好入味，好岩配啤酒。十分推薦羊肉！少少羶味好好食！茄子炒埋落去好入味，好彩跟咗店員嘅建議加左配菜。麻辣小面第一次食小麵，食落去口感好滑，仲吸左啲湯，麻麻地好入味。仲有花生榨菜肉碎喺上面，幾好味。金牌酸辣水晶粉水晶粉好煙韌，同樣係好大碗，雖然都係BB辣但係比麻辣小麵冇咁辣。凍蜜語水果茶杯嘢飲好多生果，加埋個茶底，凍凍地好解辣。

重口味朋友成日都話金百利呢一間麻辣派對CP值好高，話就算好似我呢啲唔食辣嘅人都有好多唔同嘅選擇～📍孜然蔥爆蒙古羊肉套餐：（跟飯）呢個餸比較重口味，就算唔辣都好夠味，佢用古法孜然烹調，再加咗大量嘅京葱，所以有好重嘅孜然香味，而羊肉嘅份量十足，肉質亦嫩滑，夠哂入味！📍酸菜煮鮮牛肉套餐我地開頭點左 BB辣，酸菜唔太鹹/酸，鮮牛肉份量都算幾多，起碼有10舊8舊，有經過醃製，可以去除牛肉嘅腥味，再配埋入面啲芽菜，用嚟餸飯食就一流📍雲南酸辣水晶粉（加牛𦟌$10) 賣相都唔錯!有不同味道選擇辣味!牛𦟌厚薄均勻，夠哂入味，紅薯粉晶瑩剔透，非常Q彈。而入面嘅配料有榨菜、花生、香菜和肉碎等，味道好有水準。📍凍蜜語水果茶（+$10) 呢款特飲用咗好多水果，好似有橙、西瓜、火龍果、奇亞籽、檸檬和青檸等，再加埋濃香嘅茶底。令整體感覺更清新，味道更清甜，用嚟解辣解油膩就最啱~📍另外兩杯就係檸檬茶，嘩正常size 都咁大杯！

星期日和很久沒見的朋友難得相約一起吃飯，一起去吃辣。朋友鍾意食酸菜魚，我地見到隔離枱既酸菜魚勁大盤，驚食唔晒，所以剩係叫左盤酸菜魚，再加杯蜜語水果茶就夠啦。酸菜江團魚有四款魚可以揀，我地問侍應邊種魚無骨，佢話係江團魚，於是揀左呢種魚。辣度揀左BB辣，對我地唔食得辣既人黎講就岩岩好，食得好舒服。江團魚完全無魚骨，魚肉非常幼嫩，非常滑身，好好食。除左有魚，仲有粉、芽菜、魔芋，全部份量都好多，一啲都唔吝嗇。蜜語水果茶叫左杯飲品黎解辣，勁大杯，兩個人share岩岩好，我地叫左無糖少冰，因為有好多唔同既水果，所以無糖都好飲。