麻辣派對 (金百利廣場) (已結業)

香港近年食辣既鋪頭愈來愈多，但我自己就私心成日食麻辣派對🤣因為真係辣得過癮，鍾意食辣嘅，必定唔能夠錯過泡椒雞鍋（半隻） 中辣+鮮牛肉+ 水晶粉 $274鐘意食辣既大家值得一試！泡椒味真係辣得過癮，食落脆香鮮辣，又唔膩又開胃，滿滿一盤🤤鮮牛肉唔會過熟，非常嫩滑，水晶粉直頭係食辣嘢必點嘅，吸味嘅程度令人欲罷不能🫣大刀牛肉小麵 $58牛肉冧滑有牛肉香，唔會好似滷左好耐好鞋咁 ，麵好掛湯，煮得恰到好處👍🏻冰雪鮮檸C飲 $38酸酸甜甜既C飲解辣一流🤣食野前飲可以開開胃

位於銅鑼灣的麻辣派對裝修完全唔似中菜館·反而好有藝術美感·午市套餐相當抵食配白飯·餐飲/老火靚湯♡ 水煮鮮牛肉套餐（$78)朋友大推既麻辣牛！望落已經好誘人·非常有食慾香辣有層次會食到麻香· 唔會死勁辣用湯汁撈飯·就是減肥又失敗牛肉份量幾多· 仲有芽菜同金菇同朋友不斷海底撈月·食極都仲有！♡ 干煸杭洲花菜咸肉套餐（$68)意外有驚喜既菜式花椰菜好夠味·麻香辣皆備而五花腩咸肉·擺明邪惡！但咬感爽嫩·而且好有豬肉味最後是最快被清碟！♡ 香辣豬手套餐（$68)舖滿辣椒既豬手·未食先吞口水豬手有輕輕炸過再爆炸外皮爽彈·而裡面好軟腍雖然有5大件·但完全唔夠喉呀！♡ 冰雪鮮檸C飲($10)超大杯飲品· 檸檬酸酸甜甜非常清爽·好refreshing !♡ 凍蜜語水果茶($10)水果是是日甜點擔當香甜解渴• 配辣一流·♡ 老火湯

銅呢間麻辣派對都食過好幾次，佢地野食CP值高而且野食好有穫氣，所以成日都會同啲FRD黎食~~我地就叫左佢地啲小菜SET，連一碗飯同野飲，仲送糖水! 但我地已太飽所以就無要了~~回鍋肉 $78 佢哋仲可以選擇辣度，我哋就揀咗用BB辣，令回鍋肉更加惹味，五花肉層次分明煮得剛好，口感豐富，而且調味適中不會太咸或太辣，令人食得好滿足。孜然葱爆蒙古羊肉 $78 羊肉肥瘦適中，有滿滿嘅肉汁，香氣四溢。孜然嘅香氣同蔥本身嘅清香非常夾，香氣充斥於口腔中。我哋揀咗無辣，但完全唔會影響到羊肉嘅風味，令人食欲大開。特飲冰雪鮮檸C飲 (+$10) 入面加咗檸檬青檸同奇亞籽，口感酸爽，帶有微甜的味道，因為加入奇亞籽多添一份口感，喝起來非常舒服。仲有佢環境暗暗冷氣好足，其實幾舒服 唔會話好嘈好迫～

2月25日當日點了碗麵，張單剛放枱面，有個男職員即時問，啲嘢仲要唔要，當時我以為收餐牌，結果他把未用過嘅碗筷和水即時收走，仲叫我出去埋單，究竟有幾想趕客人走，先會有咁嘅服務態度，到我再和男員工講收錯餐具，之後全程我只有感覺到他嬉皮笑臉地道歉，我係感覺唔到有誠意，他有給過我一少碟青瓜，但係有這樣用餐經驗，對貴公司真係冇下次，員工問題希望你有機會改善下，我當時沒有發脾氣係修養好，真心做生意唔係為了趕客人走

黎到麻辣派對，一要食佢地嘅水煮/酸菜/泡椒魚，睇下自己中意食咩口味～另外啲辣子系列都一定要叫，好有鑊氣，又足料😋😋埋尾都要叫個炒菜清清啲味覺，兩個人叫3-4樣野就好夠食😋多人都岩黎食同吹水

1環境入到去餐廳設計感極重 暗黑風 比戲院光幾度咁坐得都幾逼 4人台基本都用膠板檔開做曬2人台 人多人小都係2/2台型 唔會覺得舒服 但還可以台面油脂多 唔乾淨 碗碟同大快樂 快餐店差不多 唔好有期望2落單 & 服務無問題 大致OK 員工都好幫得手 繁忙時間服務無咩需要投訴 3食物質素酸菜魚 普通 唔酸 魚無魚味 麻辣涼拌 OK 不過太重油 多到苦回鍋肉 辣度夠 配飯一流 適合重口味人士 飲品 不過不失 唔算貴2個人食唔曬 要打包 佢會幫你用保鮮紙包多層 呢個幾好6/10 整體 堂食未必有下次可能會試下中午外賣

銅鑼灣金百利真係好多嘢食，見到人哋推介呢間麻辣派對可以隨意揀辣度，就一於試吓啦🤣 入到去見到環境都幾特別，充滿紫色嘅燈光，真係好友派對嘅感覺😆七味雞脆骨雞軟骨份量好足，咬落充滿雞油香～～雞軟骨偏有咬口✨ 點埋七味粉食更加香口😆芹香炒五素入面有蓮藕、秋葵、青瓜、黑木耳及西芹，用咗蒜泥炒，充滿蒜香味，啲蔬菜好入味，仲可以揀唔同辣到添😆雲南酸菜米線 （少辣）上面加咗唔少肉碎，為酸辣粉添加風味～米線好掛湯，酸酸辣辣好開胃😆金牌酸辣水晶粉水晶粉好通透，可以透到店舖嘅紫色燈光😆 水晶粉放耐咗會滿湯汁及麵條會變粗，但依然保持到煙韌嘅口感💕凍蜜語水果茶火龍果、西瓜、橙、檸檬、青檸及亞麻籽，清清甜甜，充滿水果香，好解辣👍🏻

this restaurant was not so crowded and we got a table right away. but the service of the hostess was hit and miss as we had to ask to be taken to our seats. came here a few years ago and the food was pretty bomb, now it seems like everything has gone downhill. yup, another disappointed visit. 幾年前第一次食幾好 不過依家質素差左好多we ordered:𝘴𝘪𝘤𝘩𝘶𝘢𝘯 𝘴𝘵𝘺𝘭𝘦 𝘣𝘰𝘪𝘭𝘦𝘥 𝘤𝘢𝘵𝘧𝘪𝘴𝘩四川水煮江團 hkd $188(+$38 blood curd朱紅)the portions here were ENORMOUS. which was a fairly great bargain considering the affordable price. wiping away t

朋友推薦的餐廳跟著熱門點了酸菜魚，水晶粉和毛肚。酸菜魚很大份，魚肉很大塊，裡面加了魔芋口感挺特別。毛肚是甜辣味的。味道都挺不錯的，價格也很實惠。還送了糖水，糖水也好喝。下次再試別的菜~

今個午餐選擇了在「麻辣派對」吃四川酸辣水晶粉，店鋪名字蠻有趣，我走進餐廳才暸解，原來全場佈置得很有派對氣氛，無論吊飾、燈飾、掛畫、地上投影都很能吸引眼球。打開餐牌細看，菜式主分水煑、香辣與酸辣，並可自選配料作配搭，正宗川菜豈能不辣！我不能嗜辣，幸好港人頭腦靈活，將辣度分級，總有多項選擇，讓我般不能嗜辣也享美食。我的川味午餐：戀味毛肚套餐（BB辣）配酸辣水晶粉和冰雪鮮檸C飲。戀味毛肚~牛百葉是也，是牛胃的瓣胃部分，瓣胃的胃壁內層褶皺形成上百片葉片，且排列類似百葉窗，故瓣胃又稱百葉肚，我們習慣稱牛百葉，戀味毛肚是冷盤，牛百葉爽滑、伴青瓜絲麻油與川味麻辣醬汁吃，十分冶味，我楝熱騰騰的酸辣水晶粉，因為水晶粉口感Q彈中帶軟滑，而且又低卡路理。加$10的特飲~冰雪鮮檸C飲有一整個青檸和鮮檸檬片，不過甜，甜度很合意。很窩心，吃飽後還有免費紅豆糖水奉送。

同朋友去咗銅鑼灣sogo 買咗嘢之後，已經黃昏六點幾，想食完晚飯先回家，見到對面金百利廣場，大大個招牌麻辣派對，於是乎撘𨋢按4字，進入餐廳，啲燈光好似開派對咁黑黑地，坐咗張兩人枱，睇吓張餐牌有咩啱食，店員可能見到我哋有選擇困難，好主動過嚟幫手，他介紹水煮味型江團、口水雞（例）小辣、絲苗白飯兩碗再加一杯冰雪鮮檸C飲，等咗一陣間，大大盤水煮味型江團魚已經在眼前，紅紅的麻辣油和辣椒鋪晒面，我以為會好辣，先試吓件魚，麻辣程度我好接受，魚肉好滑，配菜有大豆牙菜、魔芋、蕃薯粉，口水雞肉質鮮嫩，還有啲花生碎，兩個餸都係小小辣，好快白飯比我KO咗，之後慢慢食，傾吓偈，又好似食極都食唔完，真係好多好低食，好值得推介大家。

🐾麻辣派對# I only eat spicy food- Joshua Ledet🐈一向都好喜歡食辣，今次同友人行經見到餐廳名字叫麻辣派對，勾起了我們對辣的慾望，所以就決定試一試😍 餐廳位置闊落，同隔籬枱距離幾遠，都幾適合同朋友聚會，而且餐廳非常貼心，可以選擇湯型，魚類型，辣道，配料等，🐈覺得這種個人化選擇非常好，就算不吃辣或不太能吃辣的客人都可以安心光顧✨水煮味型剝皮魚非常大盤，而且滿佈辣椒等配料，已經先滿足了視覺享受😎因友人不喜歡太多骨的魚所以經店員推薦選擇了多魚肉同得一舊大骨的剝皮魚。辣到是非常容易入口的辣味，之後會有少少麻的感覺，是非常令人回味的辣味👍🏻而且份量真的超級足夠，非常有飽足感✨水晶粉水晶粉吸收了辣湯汁後，配魚肉吃真的非常推薦✨冰雪鮮檸C飲以多款維他命C的水果為主軸的水果飲料😍賣相非常靚，而且量夠大夠涷，水果味香濃清新，配辣嘅食物非常適合✨涷蜜語水果茶以不同種類的水果為主軸的水果飲料，內含很多新鮮水果，飲得又食得，解辣一流Overall體驗: 🐈幾乎是無辣不歡，而麻辣派對的辣是先入口辣然後麻的多重味覺饗宴，個人化的選擇令就算不太能吃辣的人都能體會吃辣的樂趣👍🏻

酸菜魚癮又起,每隔一段時間都會好想好想食酸菜魚!今次再次幫襯麻辣派對,其實都算幾熟悉個環境了。燈光同裝修就好似去左開Party咁,比較暗,但必要既燈光都足夠。坐位都好夠闊,完全唔會迫,總括來講坐得好舒服。不過今次黎,已經冇左之前果款包裝出位既濕紙巾,比較可惜XD今次點得唔多,因為有之前既經驗,兩個人如果點兩個大菜係冇可能食得晒,所以剩係點左一大一小!其實唔係太大食,點一個大野就都夠食!🔸水煮系列酸菜味型江團+蓮藕每次黎都會點酸菜魚,每次點都一定一定加蓮藕!蓮藕唔係就咁掉落去煮,係有經過處理。點處理呢我唔知,我只負責食!我諗應該係炸過之類,總之食落食甜甜地好好食,質感唔係爽脆又唔係粉,係爽得黎又帶少少煙韌!講返酸菜魚本身,用料足就一定,勁大個盤,有勁多魚,酸菜,芽菜,魔芋,粉條。魚肉唔嚡又吸到味,酸菜唔會太酸,都好食。粉條都好chewy!最重要個湯都好好味,夠辣,酸又剛剛好唔會死酸,個湯又夠厚。真係好抵食!🔸古法咕嚕肉點解黎麻辣派對會食咕嚕用肉?因為本身都幾鐘意,同埋,呢度真係做得幾好食呀!對比好多餐廳都好食。個汁酸甜度剛剛好,肉用既部位都唔錯,有瘦有肥。雖然汁已經平均分佈晒係D炸皮,但

在铜锣湾行街到肚饿来到麻辣派对这里吃东西，开始点了一个小面38元，以为那个分量会很少，味道会很普通，但是太好吃了。然后我就叫了一个辣子鸡68的套餐，他还送一杯饮料，一碗白米饭。但辣子鸡的分量还不错，然后味道特别好吃，我又叫了一份外卖带走。然后第2天又太想来他们家吃了，又跑来这个铜锣湾。然后叫了两个堂食，两个外卖带走。哥姓唐的那个男士经理啊，那个服务态度太好了。还有那个矮矮瘦瘦的一个姐姐，哇，这个服务超好。热情又有礼貌。讲话非常的温暖。不但食物好吃，而且服务超好。价格还实惠，最主要。值得一试，值得一试。

酸菜魚ok嘅，牛蛙一般般，總體食物質素ok嘅，但係服務態度超唔掂，個d所謂經理，西口西面之前打電話去book台已經被人朗起電話，估唔到去到依然被無視，咁嘅服務態度真係冇下次