影片
營業時間
今日營業
11:30 - 22:30
星期一至日
11:30 - 22:30
以上資料只供參考, 請與餐廳確認詳情
有關獎賞計劃
今日我同朋友去品嚐美味快樂二人餐，分別是海鮮脆皮烤魚、青籐椒湯、乾鍋農家小炒肉、黑椒牛柳串、至尊紅柳羊肉串、金銀蒜烤生蠔、至尊水果茶、青檸金桔梳打，這間餐廳叫做麻辣年華，是串燒烤魚專門店，位於荃灣楊屋道73號地舖，港鐵荃灣西站D出口，行幾分鐘就到，餐廳地方寬闊，裝修得舒適溫馨，枱凳擺放整齊，令人坐得舒服，店員服務態度又好，來這裏食真不錯。快樂二人餐有四款川菜式，全時段提供，仲午市有免加一，於餐牌內嘅快樂二人餐看起來非常豐富，結合了多種海鮮、肉類和特色飲品，整體風味多層次，我哋選咗海鮮脆皮烤魚二人餐，海鮮脆皮烤魚份量不少，仲有小卡裝飾在烤魚上面，令賣相靚，適合打卡。脆皮烤魚嘅魚皮經過高溫烤炸至酥脆，內裡魚肉保持鮮嫩，口感對比強烈。青藤椒湯底麻香清爽，藤椒的獨特香氣比普通花椒更帶草本風味，麻而不燥，適合搭配海鮮的鮮甜，海鮮配料有鮑魚、蜆、魷魚、鮮蝦，鮑魚彈牙，蜆肉提鮮，魷魚嚼勁足，蝦肉甜嫩，與青藤椒的麻味相輔相成，湯底越煮越鮮。 乾鍋農家小炒肉份量亦不少，上枱就聞到香味，五花肉切片煸至出油，搭配蒜苗、辣椒、洋蔥、芝麻來爆炒，醬汁濃郁，令小炒肉鹹香微辣，帶有乾鍋的焦香氣。這道菜的濃味能平衡海鮮的清淡，適合喜歡重口味的食客。黑椒牛柳串嘅牛肉嫩滑，黑胡椒醬汁濃郁有黑椒香氣，只帶有微辣，食落香口。至尊紅柳羊肉串嘅紅柳枝烤製會帶木質香氣，羊肉肥瘦相間，孜然風味突出，略帶炭烤焦香。金銀蒜烤生蠔是炸蒜與生蒜混合，蒜香濃郁且有層次，生蠔鮮甜多汁，口感滑嫩。 至尊水果茶大大杯，蘋果片好味道，酸甜果香，解辣解膩，清新口腔。青檸金桔梳打氣泡感足，青檸與金桔的酸爽能中和烤物的油膩感，尤其適合搭配重口味菜餚。
繼續閱讀
麻辣嘢真係好好食，不過一般喺香港食都比較貴，所以多數都係返到大陸先食~ 無奈近來又冇乜時間北上，但又真係忽然間好想食麻辣嘢，唯有OpenRice望吓有咩唔太貴又好食嘅選擇止下癮啦見到呢間好評都唔少，位置又咁啱方便我哋，可以順便去街市買埋餸就返屋企，一於試試~ 由於我哋好肚餓嘅關係，所以一入到去就叫咗個餐之餘仲外加咗啲食物同埋飲品，個烤魚一上枱都幾有驚喜，本身諗住雖然佢叫海鮮烤魚，但就咁淨係一條烤魚加少少急凍海鮮擺面，冇諗到實際上海鮮數量比想像中多好多，又有蜆又有鮑魚之餘，仲有蝦同魷魚，其實淨係食烤魚都應該飽好彩我哋好肚餓，所以叫啲串燒同埋炒肉都食得晒，埋單最後雖然都唔算平，不過食咁多嘢我哋覺得都算抵
繼續閱讀
🌶️麻辣年華🌶️推出咗超抵食嘅二人餐😍$498就有勁多嘢食 捧住個肚走 召集所有鍾意食辣嘅朋友‼️‼️🌶️滕椒湯底脆皮烤魚烤魚經過煎炸個皮超級脆卜卜 吸埋啲藤椒味嘅湯汁 個味真係正到😍重點係佢哋嘅光團魚好嫩滑‼️直程係入口即溶 超級好食‼️而且份量一啲都唔惹少 食極都好似食唔晒咁 建議約多啲朋友一齊食另外加$18可以升級海鮮烤魚 表面鋪滿咗唔同種類嘅海鮮 包括有勁大隻彈牙鮑魚 鮮海蝦 魷魚 以及蜆類♥️超級滿足🌶️至尊紅柳羊肉串 x 2串羊肉非常飽滿大嚿 而且燒得啱啱好 完全唔會乾 朋友大贊👍🏻🌶️黑椒牛柳串 x 2串牛柳串牛味好足 而且肉質軟腍 笑得啱啱好 仲保留咗好多肉汁🤤🌶️金銀蒜烤生蠔 x 2烤生蠔肉質超肥美 鮮甜 加上自家製海量蒜蓉超級惹味👍🏻🌶️至尊水果茶 (二人套餐加半價享用)超級大杯嘅水果茶 份量係平時出街食嘢嘅嘢飲兩至三倍😍而且入邊有大量水果 唔會太甜啱啱好👍🏻🌶️青檸金桔蘇打(二人套餐加半價享用)清新嘅青檸配上酸甜嘅檸檬同柑桔 口感好清新 酸酸甜甜，非常開胃👍🏻🌶️乾鍋農家小炒肉 農家小炒肉有好多唔同種類嘅辣椒仔 炒埋肥美嘅豬肉 超級有鑊氣 而且佢哋仲有個位下面暖住啲肉 任何時候食都係熱辣辣👍🏻🌶️鮮炸小酥肉 $48超級酥脆嘅小蘇肉 啖啖肉 而且炸得好酥脆 份量又超級多 本人超喜歡👍🏻-推薦指數: 🌕🌕🌕🌕🌕性價比指數: 🌕🌕🌕🌕🌘-麻辣年華 (楊屋道) (荃灣)荃灣楊屋道73號地舖
繼續閱讀
中意食海鮮同烤魚一定唔可以錯過，坐得舒服、服務又友善，味道又一流!!🥢脆肉烤魚二人餐超抵食之選，二人食用夠曬飽!可以一次食曬招牌菜式🥢海鮮脆皮烤魚 – 青籐椒湯-有鮑魚、蜆、魷魚、蝦外脆內嫩，入口即化，散發著淡淡的炭烤香氣，魚肉鮮嫩多汁，搭配豐富海鮮，包括鮑魚、蜆、魷魚、蝦，味道鮮甜。湯底清甜辣香，青籐椒提味鮮美，清甜辣香，椒味濃厚卻不過分，為整體增添了層次感🥢乾鍋農家小炒肉小炒肉香氣撲鼻，肉質鮮嫩多汁，醬汁入味，帶有微微的甜辣味，配上豐富的蔬菜炒勻，鮮味十足， 🥢黑椒牛肉串牛肉串烤至嫩滑多汁，黑椒調味恰到好處，帶有微辣、濃厚的黑椒香氣🥢羊肉串羊肉串烤至嫩滑，帶有獨特的羊肉香氣，肉質細嫩🥢金銀蒜烤生蠔生蠔烤至金黃，蒜香濃厚，肉質十分肥味，生蠔的鮮甜與蒜味相得益彰，清新而不油膩🥢至尊水果茶超大份量!!!有大量新鮮水果，水果的甜味與茶香交融，清新爽口，解膩一流🥢西瓜啵啵冰 (西瓜+益力多)西瓜的清甜與益力多的酸爽結合，清涼解渴🥢香酥白玉菇白玉菇外脆內嫩，炸至金黃酥脆，油炸後保持清香不油膩，點上醬汁，十分開胃
繼續閱讀
平時見到依間麻辣年華好旺，今日終於有機會黎試下。見到佢嘅套餐又平又豐富，二話不說就叫咗黎食。脆皮烤魚，升級咗加海鮮。烤魚好大條，外皮焦脆，魚肉滑嫩，叫咗唔辣所以係蕃茄湯底，魚肉吸哂蕃茄湯嘅精華。海鮮亦都好豐富，有鮑魚仔、鮮蝦、蜆，份量非常多。金銀蒜烤生蠔，生蠔脹卜卜兼爆汁，上面鋪咗滿滿嘅蒜粒，非常惹味。串燒，有牛肉同埋羊肉，烤得非常香口，調味十足。乾鍋係西蘭花炒臘腸，炒得好有鑊氣。估唔到飲品都好特別，水果茶用料豐富，有百香果、橙、蘋果、提子等等，而青檸柑桔梳打爽口鮮甜。
繼續閱讀