麻豆子 x 阿米時光

營業中

休息中

事源係咁，今日天氣麻麻，入左上水個彩原商場避避雨，臨近中午肚仔餓，行過見到有間台灣野裝修幾靚喎，餐牌有幾吸引咁，就入咗去試吓。Order咗一碗醉雞台灣麵，雞冇雞味，湯底唔夠味，落咗辣椒油一樣無味，成世人第一次覺得咁嬲。😡😡😡😡😡利申唔係對家請番黎唱衰佢，但係食完真係反晒胃🤢，以後都唔會再去呢一間野食飯！ ！ ！ ！ ！警醒世人，望周知🙏🏻🙏🏻🙏🏻🙏🏻🙏🏻🙏🏻🙏🏻🙏🏻

新舖頭見佢裏面好大幾闊落同兩位朋友入去幫襯食下午茶都算企理乾淨我地都叫做米線食正正常常冇特別主打台式食品飲野方面都多選擇 好品好飲就見人見智因為口味都幾多下 我同一位朋友覺得一般另一位就覺得好飲

早排得知上水新開咗間阿米時光x麻豆子台式餐廳，佢哋都係同一個門口入，門口拎飛嗰部機要睇清楚自己想食邊間呀😂😂麻豆子(香港加盟店)主打係食台式火鍋，總店係台灣桃園，但我留返下次先再試。今次先試阿米時光，阿米時光有便當，肉燥飯，麵食，小食，蛋餅，台式飲品選擇。紅燒牛筋牛腩牛肉麵 $60紅燒牛三寶 $65紅燒湯底都幾濃，仲有啲雪菜，少量紅白蘿蔔，牛筋牛腩/牛鍵、牛肚、牛筋都好腍，麵質都ok糖醋排骨配肉燥飯 $58糖醋骨都幾腍，酸甜度啱啱好，而肉燥份量都幾多，仲有滷蛋同埋菜，整體都OK 。鹵水蛋肉燥飯 $38淨係想食肉燥飯，可以叫呢個鹵水蛋，有3舊鹵蛋，而且肉燥份量好多，小朋友都會鍾意食。台灣直送鯛魚腩配肉燥飯 $60呢個我冇試😂花雕杞子醉醉雞（半隻） $90雞肉一睇就知嫩滑，花雕酒味都幾濃，食落都入味，唔錯。塔香鹽酥雞 $38鹽酥雞味道比較淡，皮炸得唔夠香脆，好一般。梅粉地瓜條 $25梅粉唔夠，淨係食到地瓜味😅，一般。柳橙四季春 $23有少少橙味，茶味都幾香，都唔錯。下面呢個已經係二訪，試午餐。醬汁大雞排配肉燥飯 $53醬汁酸酸甜甜幾好味，雞扒都算唔錯啦，肉燥就一般啦。粟米芝士蛋餅呢個做得唔