麵屋豚豚拍子 x 辛味屋 (已結業)

🍛🍜🦑🥟🍥餐廳名: 麵屋豚豚拍子 x 辛味屋地區: 將軍澳評語:$228 二人餐 炸雞塊奄列咖哩飯 +HK$5 - 炸雞有三塊 有少少似美式炸雞而唔係日式炸雞 食落幾多肉汁又夠熱 唔係好有雞味 奄列蛋個樣做得算係咁但蛋質唔夠滑 咖哩普通 至少有啲配料雜錦拉麵 +HK$8 - 拉麵湯幾濃 所以少少鹹左啲 拉麵質素普通炒魷魚鬚 - 熱辣辣上枱好香魷魚味 全部魷魚都好爽口幾好食自家製餃子 - 普通發揮 豚肉有啲粗 餃子汁有少少怪燒魚餅 - 十分唔好食 上枱已經好暗色 食落太淋結論: 一間主打日式既餐廳 入得去食都係一大班人或者家庭 坐得算闊 可惜食物質素一般 價錢以商場級數黎講中等#麵屋豚豚拍子辛味屋#將軍澳美食 #將軍澳#咖哩飯 #拉麵 #魷魚鬚 #餃子 #魚餅#香港美食 #香港餐廳 #情侶餐廳 #情侶飲食 #幫你食 #couplehelpyoueat #couplehelpyoue #helpyoueat #hongkong #hkfoodie …查看更多

新都城都幾多好嘢食，平時都好鍾意食日本嘢，今次晏晝就去咗呢一間餐廳食嘢。佢都有好多選擇㗎，又有拉麵，咖喱飯，便當，壽喜燒等等。好耐冇食過一人火鍋，所以就食咗呢個牛肉壽喜燒煱定食！😍賣相都幾吸引，材料都多，有金菇，蘑菇，雞蛋，牛肉，豆腐等等，原本配白飯，加$5就可以轉烏冬，壽喜燒湯底甜甜地，晏晝食到都好滿足，個爐傳熱夠快，好快就可以食得啦！份量都唔少㗎，夠晒飽。飲品就嗌咗凍柚子蜜。值得一讚，午市人多，職員服務都好好！…查看更多

今日出咗去寶琳新都城行街， －路行冇留意時間， 行行下先發覺重有未夠一個鐘要去接囡放學， 所以揀咗d 間食， 都算多選揀同價錢經濟， 我揀d 個拉麵餐大約$7x ，已包1 款小食和1 杯飲品👍👍如果唔想食拉麵， 可選定食， 咖喱飯， 丼飯或者烏冬， 有時間慢慢食lunch ,重可以揀壽喜燒鍋， 全部都係$100 以下, 抵食.餐廳日式裝修，環境舒適， 梳化位， 座位寬敞.豚軟骨拉麵： 豚軟骨好入味， 又夠淋， 拉麵煙煙靱靱， 口感唔錯， 湯底唔會好咸， 好味， 推出介吉列流心旦豬肉餅： 炸得好脆， 即炸， 熱辣辣， 咬落旦计流出黎， 重夾有豬肉餅， 層次豐富😋🥳…查看更多

放工同屋企人出街食飯，今次嚟到位於寶琳嘅麵屋豚豚拍子x辛味屋食晚餐食物款式都幾多，有多款日式小食、拉麵、咖喱飯、丼飯同便當等等，價錢優惠。芝士年糕年糕外皮炸得香脆，裏面嘅年糕煙韌有咬口，年糕內嘅芝士夾心味都幾香，而且軟綿，個人好中意。照燒雞扒漢堡扒便當雞扒外皮煎得夠脆，雞肉都夠入味。漢堡扒一共有兩塊，煎得幾香，調味甜甜地，肉質幾腍，個醬汁都幾送飯。便當更配有味噌湯同埋是日前菜。吉列豬扒蒲燒鰻魚便當吉列豬扒色澤炸得幾靚，外皮幾香脆，豬扒肉質都夠腍。蒲燒鰻魚燒得焦香，肉質幾嫩，蒲燒汁味道頗為濃郁。飲品方面，惠顧主菜可以半價優惠購買飲品，我哋分別叫左凍奶茶同凍檸茶，都幾抵飲。…查看更多

有幾個月冇去，今天去了吃午飯，叫了一碗拉麵，一個咖哩吉列豬扒飯！另外兩杯凍檸茶！食物好快就送到上檯面，時間合理，食物也是熱的，外表也吸引！看似一切也很正常！但原來事實並非如此！碗拉麵湯底差過出前一丁嘅味精湯，完全冇味道！吉列豬扒的豬扒，韌過牛肉乾！凍檸茶，好似凍水加糖水咁，完全冇茶味！比一般茶餐廳，質素低好多！但價錢當然貴過茶餐廳！以後不會再去！唯一可以讚美的，就係現場的服務阿姐，反應快，態度友善！…查看更多