麵屋丸京

營業中

休息中

濃湯丸京拉麵🍜💰 HKD95-麵屋丸京——佈滿叉燒的拉麵﹗丸京主打京都豚骨拉麵，湯底只有濃湯、清湯和黑蒜油湯選擇，配料方面更是憑著「真叉燒」作招徠，重口味食肉獸的你就要留意下文啦~-丸京拉麵的配料有叉燒及真叉燒各3塊、半熟蛋和荀。真叉燒就是用上真空低溫烹煮的技術來鎖著叉燒的鮮味（旨味）。-第一口嚐嚐湯底，味道超級濃郁且有點油膩；麵則是直麵，軟硬度適中。🥚蛋是一隻沒有醃製過的流心蛋，流心的效果的確有但吃起來帶點苦味，如果醃過的話應該會更好吧﹗-🐷到叉燒方面，真叉燒口感嫩滑，但個人覺得味道不太突出，味道有點像未熟透的雞肉；叉燒則比較嚡身，叉燒邊有微微燒過，味道也比較突出。🐷個人覺得如果你喜歡吃口感的話，真叉燒會更合你口味；追求味道的你還是吃回叉燒更好。-還有一個小提示：重口味者可以加蒜和辣醬，這樣吃上來更重口味，超濃郁﹗超級正﹗-►好食指數：8/10除了半熟蛋失色外，其他都非常正﹗絕對會encore的店。-✎想看更多的請到IG @wd.smallworld

呢間店收藏左一排 比佢滿滿既叉燒圍碗所吸引餐牌非常簡單3款湯：清湯、濃湯、黑蒜油+$12拉麵：今次揀左 丸京拉麵$95 極上拉麵$88仲有豚骨拉面 同埋 真·叉燒拉面極上拉麵六片叉燒：薄切豚肉 非常之有豚味 肉質嫩滑半熟蛋：係全隻 唔係得半隻 好好食 佢連蛋白部分熟度岩岩好 有d入口即化既感覺唔食蛋既可以走蛋-$10湯底：重口味既我 揀左濃湯唔算太杰身 湯底比較就相對普通 丸京拉麵3片叉燒+ 3片真叉燒真叉燒係 真空低溫烹調 肉質係粉紅色 非常嫩 而且比叉燒更有水份 👍 必食拉麵店無加一 埋單88+95 抵食

由老遠突登走入去葵芳就係食佢碗麵，但真係好值得，位置係差左D，但舖頭好乾淨企理，等左一陣就有位，價錢同其他日本拉麵店差唔多。好似有三種湯畀你揀，有濃湯同清湯，我叫左濃湯，真係幾濃下， 個湯係好味既，但覺得有D咸，下次會試下清湯，叉燒切到好薄容易入口，總之無令我失望，最緊要係佢足料，唔會貴夾唔飽，暫時係我食過最食既拉麵。

近排錘意左食拉麵，見呢間算係葵芳黎講喺open rice 算多人讚，所以試下。雖然間野喺街市中間，有啲唔乾淨嘅感覺。。但入面都ok gei, 叫左最basic 嘅义燒拉麵，第一啖係ok gei... 但越食越覺得唔對路，個湯底實在太𠎀pet pet, 會因為個湯底而飽左😓

葵芳除左葵廣其實出面都有其他小店，呢間《丸京麵屋》就開係街市隔離，出面睇都覺得格格不入😂，分別叫咗兩款嘅拉麵🍜湯底可以自行選擇要濃湯、清湯、+$12黑蒜油。/🔸極上拉麵 $88🔸丸京拉麵 $95兩款拉麵都有六大塊叉燒，分別只係丸京拉麵會有三塊係真.叉燒，但何謂真叉燒呢🧐？其實係用左真空低溫烹煮技術，睇落半生但已經熟透粉嫩色叉燒🐷，真叉燒的確比普通嘅入口更嫩滑，脂肪均勻，食落唔錯😛，每碗都會附上糖心蛋，麵質尚算彈牙，食拉麵重點係湯底呢度嘅湯底係超級無敵濃厚，啖啖飲得出豬骨嘅味道，重口味到癲！食到最尾會有點膩😂/🔸七味炸雞 $35炸雞真係超大份有四、五舊，每件都超厚肉炸得夠脆身，熱辣辣但略嫌粉漿有點厚，細食真係可以追加一粒就夠👍🏻/🔸餃子 $30餃子比較失望感覺一般，冇咩太大驚喜可以不叫。

晚餐選了吃拉麵，這區的正宗日本拉麵不多。選擇了這一間小店。一進店舖，好像置身於新宿橫丁的小店。湯底可選清湯或濃湯。叉燒亦分等級，不要雞蛋亦可，很貼心。要了濃湯豚骨拉麵，不要蛋。加個七味粉炸雞試試。桌上有冰水，很正宗，亦很細心。等了五分鐘左右，拉麵送到。湯的確很濃，好香豬骨味，喝了幾口也沒有口乾的感覺。叉燒很軟滑，肉質很好。麵條有彈性，煮的時間，火力，都剛剛好。價錢雖然有點貴，但食物質素高，相對而論是值得的。

諗唔到食咩，於是男友揀左呢間拉麵，一入去見，咦呢區黎講都算貴喎，黑蒜油仲要加$12先有得食，都唔緊要啦，睇睇下menu，肉有分普通叉燒同真叉燒，但又冇解釋有咩分別，咁就問店員姐姐解釋下。叫左一個regular 濃湯叉燒拉麵、一碗丸京真叉燒拉麵同一份七味粉炸雞。起初諗住追加四件雞因為唔想浪費，點知店員話：你唔加一份，只追加四件就放落湯比你，唔會分開上...心諗😤咁是但，叫一份。拉麵上到，點解湯上面浮左咁多肥膏渣既...真叉燒仲要紅紅地...真係好local style 既一碗拉麵，一啲日本拉麵既感覺都冇...

平日好少去葵芳既我今日難得有機會入黎，當然要搵啲人氣餐廳試下啦見到呢間麵屋丸京有款真叉燒拉麵點爲之真叉燒呢？又同我地平時食開既叉燒有乜唔同呢？叫左佢地既丸京拉麵，入面有三塊叉燒同三塊真叉燒，正好可以試下佢地有乜嘢分別先試左唔係真既叉燒，食落就同喺其他拉麵鋪既叉燒一樣咁真叉燒又點呢？首先佢既顏色比較粉紅，原因係佢其實係未熟既，要用湯將佢浸熟，呢一點同越南生牛河啲牛肉咁。食落又的確係係比普通既叉燒，味道亦都冇咁濃滑，不過我都係鐘意平時既叉燒多啲😂呢個麵另一個特別既地方係叉燒既份量，六塊叉燒，多到一上菜既時候連下面既麵都睇唔到😂呢個拉麵性價比極高，唔怪得之有咁多好評👍🏻

💁🏻‍♀️麵屋丸京 (葵芳)🍴-呢間拉麵店喺葵廣對面嗰啲，午飯時間要排隊大概15分鐘，位置唔多，但係拉麵好高質。濃湯極上拉麵（ $88 ）🍜成碗面都係叉燒，肉質鮮嫩，濃湯簡直不得了，淡淡精華，糖心蛋醃到有醬油嘅甜味好好味，份量亦都好大，兩個女仔食都夠，有機會會再食。.📍麵屋丸京 (葵芳)#葵芳 興芳路188號地舖

小子今日黎到試拉麵， 之前經過依間鋪都多人等位（依度得14-20個坐位）今日十二點行過， 無人等位，可能時間尚早加上係平日， 小子同小子姐即入去食職員每人派一張紙圈食野。 我地叫左個 「極上拉麵」，「真.叉燒拉麵」， 分別之處「真.叉燒」係用慢煮方法煮叉燒極上拉麵： 六塊叉燒蓋上拉麵上， 完全遮蔽拉麵。真.叉燒拉麵： 同樣6塊叉燒， 叉燒粉紅色， 唔好以為未熟， 其實係慢煮效果我地仲叫左水蜜桃梳打， 最估唔到係麵， 小子覺得好味而叉燒， 小子較喜歡「極上拉麵」的叉

葵芳拉麵店唔多係街市附近呢間都算性價比幾高咁今次叫左個豚骨拉麵點解我話性價比算高呢？佢一個麵有一隻糖心蛋3大塊叉燒都只係73$個價錢算幾平民（出面有d百幾蚊一碗麵係得半隻蛋）.咁佢個叉燒好腍好香厚薄適中如果鐘意多肉既可以再加但係我就覺得3塊都好夠我食.個蛋方面我十分喜歡佢係一整隻有時出面有d舖得半隻佢半熟得黎又入味真係唔錯.湯底就有分濃湯同清湯我叫既濃湯比較濃好香豬骨味唔算好油配起麵上黎亦唔會太鹹.飲品就無叫佢有冰水提供～

未試過一定 要去試"嫰滑叉燒"，拉麵湯底配菜都一樣咁正，支持支持！我覺得食拉麵加配"紫菜"會更好味<<<(以上是我真誠推介)以下純屬本人意見:>>>食過X蘭，得兩塊細叉燒，覺得係食唔飽，仲有個味精湯...食過中環X嗎，啲叉燒肥到嚇死我，無下次

同朋友各自叫左濃湯極上拉麵同埋地獄湯豚骨拉麵。其實地獄湯都係好濃郁，仲有佢除左湯底係辣，topping都會加埋7味粉等等既調到佢有好多層次既辣，味覺上真係好衝擊！溏心蛋雖然食唔出有醬油味但流心程度合格仲好多蛋味，用既蛋好令！拉麵掛湯能力OK，最想讚嘅係叉燒好粉嫩，係好有好感嗰種淋淋地，唔會好鞋口，正同朋友約好咗會再嚟幫襯

葵廣一日遊之狂食食左好多甜嘢，所以晚餐一定要食喊嘢，本來想食日式晚餐，俾我係openrice 見到呢間拉麵，作為拉麵怪既肥嘢，話好啦試下啦，咁佢不嬲都嘈嘈嘈話我揀既嘢食好差，次次都中伏，但我又拍心口話好食，咁就去！結果係好好好好食既，唔知關唔關之前中左兩次伏，啲拉麵又貴又唔好食，所以只要呢間質素ok, 我都覺得好高汁事，anyway, 望住朋友快速食完個麵，仲飲哂啲湯，我知應該真係好好食！我叫呢個义燒拉麵，超值呀，湯又濃，义燒又唔肥又好食，麵一開始幾硬，浸多陣就岩岩好，不過如果你唔好硬麵條，就會覺得太硬囉。真心推介好好味

今日瞓醒餓餓地，就打算係屋企樓下附近搵下啲野食醫肚。有少少想食日本野，就開左Openrice睇下附近有咩好選擇推介。見到呢間「麵屋丸京」風評都不錯， 所以決定試一試！舖頭唔是太大，有吧檯同兩張檯，大概坐到廿個人左右啦！拉麵既種類選擇唔多，豚骨拉麵、極上拉麵、極上拉麵同真·叉燒拉麵！而湯有濃湯、清湯同地獄湯我覺得湯先係佢既重頭戲。如果想食其他野，仲有餃子之類可供選擇。咁我岩岩起身唔算太肚餓，就淨係揀左個清湯拉麵黎試下！個拉麵唔算等得耐，好快就上菜！個拉麵好多蔥花係面，仲有啲竹筍，啲叉燒都放得好靚！賣相都幾高！拉麵既湯頭好正，甜甜地，幾好飲，拉麵既軟硬度適中岩岩好，我自己唔鐘意太冧既麵質！麵同湯都好夾！仲有個溫泉玉子真係一流，極既時間岩岩好！如果您係大食之人唔洗驚，唔夠食仲可以加麵，總體好滿意！有機會一定再食！