麵屋丸京

營業中

休息中

lunch成日要排隊，今次見咁岩無人排就入左去食，好快整好，平日lunch會送多筍/紫菜/粟米，自己揀其中一樣。湯可以揀濃/清，咁我揀左濃湯半熟卵拉麵。見到有油脂浮湯面，濃湯但濃得來唔似某d店咁有豬臭味，佢話用日本+歐洲豬骨，都ok。麵略硬，普通。叉燒極薄，但又好淋好滑，整得幾好。半熟蛋都整得幾好，好靚。枱面有磨到極碎既蒜蓉，但唔會好生蒜個隻辣，枱前有冰水自助。飲埋個湯都有字係低，滿足。不過一路食一路覺得稍欠特色，味道上平穩而未見突出，可能要試下其他味。

Magic的皇上金舌食評識我嘅人都知我食嘢奄尖清湯豚骨拉麵 流心蛋唔係太流心，凍的， 啲筍幾好食，反而係日本食，多數d筍聞落臭臭地。麵煮得偏硬，湯熱嘅時候幾好味幾清，有豚味，唔知係唔係嗰日天氣凍，啲湯好快凍。但總括嚟講有日式味道。濃湯丸京拉麵 - 真·叉燒 (唔通佢有出品假叉燒！？)濃湯真係比食濃味嘅人(偏咸)， 我欣賞清湯多啲， 但D湯凍左之後, 濃湯好味D, 呢碗麵重點係佢嘅慢煮真·叉燒，慢煮真·叉燒真係幾滑，佢應該落咗蒜味嘢去醃， 雖然好味，但我個人唔鍾意蒜味叉燒，筍同流心蛋意見同上。雖然我寫到好似覺得一般， 其實已經比好多所謂日式拉麵好好多， 呢間絕對有去日本食拉麵嘅感覺， 而且佢同日本一樣係＊唔收加一＊， 值得推介！推介食物：真·叉燒！點都要試一次！

肥姑姐飲食推介 - 丸京拉麵配濃（豚骨）湯底(葵芳忍世拉麵店，食出非一般的味道，一試難忘的濃湯加上極嫩滑的慢煮叉燒，真係食完又想再食呀。)1）環境衛生整間拉麵店大約有12個座位，一半為吧枱，一半為四人枱，但座位之間比較狹小，行動稍為不便，衛生情況可以接受。2）食物質素呢間麵店的特色除咗湯底有四款選擇，加錢可以另加配料外，面嘅粗幼軟硬度係無得選擇。今次我選了丸京拉麵配濃（豚骨）湯底，拉麵一上枱即時試一試湯底先，奶荼色而內有肥肉碎的湯底完全冇味精，甜身而且濃杰不油膩，即時飲了幾口(真心推介) 。拉麵中粗而帶彈性，每一啖麵都掛滿湯汁，非常美味。另外拉麵份量頗多，細食的朋友可能食唔曬。隨拉麵附上的叉燒分為真叉燒3枚及普通叉燒3枚，真叉燒為慢煮叉燒，叉燒肉帶粉紅色又薄又嫩滑，口感有少少似Parma Ham，記住真叉燒係售完即止的。而跟拉麵一起附上的糖心蛋，蛋黃帶濃濃醬油味，真的好好好好食。我覺得面屋丸京整體上係我食過最好食的拉麵店。3）價格HK$100(另收加一服務）4）再惠顧指數👉🏻

今日我同朋友幫手搬野落葵芳，因為朋友知道我鐘意食拉麵，提過話係葵芳廣場附近有間拉麵店，所以搬完野就決定去葵芳店既丸京食麵。哩間店內部裝修簡單，不過感覺唔錯，坐位唔多，10個左右，台面乾淨整齊，有紙巾提供，吧檯下面有一層櫃比客人放手袋，非常好既設計👍🏻👍🏻👍🏻落單型式係自己寫係點餐紙度然後交單，我就寫左個濃湯，極上拉麵，及小食炸雞。湯底係豚骨濃湯，濃稠度有啲似粥，味道有濃厚豚骨香，唔會太鹹，但甜味唔夠出🤔麵係方形中細麵，睇落個型有啲似文具用開既橡筋，食落爽滑彈牙，冇鹹水味。麵中既配菜有糖心蛋1只，竹筍，青蔥同京蔥及大約7枚叉燒。糖心蛋外表既醬油色唔太深，但食落有醬油香，以及成只蛋比起我係其他店食既仲要軟身，口感真係好似布丁，入口就溶化啦🤤竹筍冇怪味，但有啲位好硬😯青蔥同京蔥後期處理得幾好，冇太強既辛辣味，仲帶返蔥本身少少甜味出黎👍🏻叉燒睇落去似係用梅頭肉以及用低溫烹調形式制成，雖然切得好薄，不過唔會影響口感，肉質食落嫩滑而且有豚肉既鮮甜味，而且唔會太肥膩，我好鐘意哩種整法😃另外加既小食炸雞我自己覺得還可以，食落雞肉有肉汁，有少少辣味😋只係外表唔夠脆，唔知係麵粉定個油温問題🤔價錢方面，人均

喺揀拉麵嗰陣時有四個選擇，分別就係3塊叉燒、6塊叉燒(普通叉燒、真叉燒同埋mix)，真叉燒原來係採用左低溫烹煮技術，我嘅理解係慢煮，目的係鎖住肉汁令叉燒更美味，上嗰陣有d半生熟嘅感覺。我地點左真叉燒同mix，但其實上嗰陣我分唔出到底真同普通有咩分別。真叉燒其實係凍嘅，食落有d似煙肉，都食得出豬味，但又無咁重燒薰味。而湯底方面，第一啖覺得黑蒜幾好味，但食食下就覺得黑蒜味太重太咸，所以都係濃湯好食d。我覺得好唔好味好見人見智，因為佢同一般叉燒拉麵都幾唔同。-黑蒜油增叉燒拉麵 $115-濃湯丸京拉麵 $95

真叉燒？假叉燒？hahaa😂😂😂揀左雙併，覺得普通叉燒好似好食d～因為d肉嫩d～～整體感覺ok～唔係有太大驚喜。叫左支招財貓汽水，個人不太喜歡～但個樽好靚，日本野果然唔同d！！！

<每一個決定是否利益？著數？行先🤔>_葵芳麵屋丸京- 豚骨拉麵$73 + 招財貓梳打$18 _人愈大愈感受到喺依個適者生存·弱肉強食嘅社會中，人行每一個決定不論你嘅角色喺一間企業老闆定係一個普通無比嘅打工仔，諗嘅每一個決定有90%都係自己利益行先，去諗點樣可以令依個決定去自身提升價值，問著有問著數先，害怕一個又一個徒勞無工，但世界唔係每一樣都係輸打贏要的😌倒不如諗，點樣可以建立一個「共生共融」環境，多一份包容同支持，獨家村一支獨秀偏向一面發展嘅，比多啲空間自己，走出來望下天空嘅藍，感受下不一樣的光景。好開心食碗拉麵嘅時候，對住面牆嘅小時候有一個小反思，講返碗麵先，麵屋丸京-豚骨拉麵，入面包括咗三片叉燒、一隻流心蛋、一份荀，今次著左濃湯，麵身得一款喺屬於幼身麵，掛湯程度高，湯底豚骨味濃，叉燒方面喺薄身，帶點煙燻味，幾特別😆，至於流心蛋喺用醬油浸，有淡淡醬油味，不錯喔😊，配埋招財貓梳打有種嘅清新感又有熟悉感嘅感覺，因為喺細路仔個陣飲嘅波子汽水味😙

🍜丸京拉麵 $95 (9/10)⠀麵量、硬度都係固定🤓，每碗麵都鋪滿叉燒、筍，仲有粒蛋添🥚。⠀溏心蛋做得唔錯，熟度岩好、外面有醬油香、入面有蛋香，好似bb肌膚咁嫩滑👶🏻👶🏻。筍就一般般唔夠嫩。⠀⠀🐷真叉燒：慢煮叉燒比較嫩同爽口👄，肉眼可見肥瘦均勻，入口豬肉鮮味慢慢滲出黎😝。⠀⠀🐖普通叉燒：比較有醬油味🥄，乾過真叉燒但唔會柴，都好鬆軟。⠀⠀🥣清湯：好鮮甜同好清，啱啲唔鍾意濃味嘅人。⠀⠀❤️濃湯：濃厚嘅豬骨湯味係口腔久久揮之不去🤩🤩，面頭有啲豬油令成個湯昇華左，比較清湯會咸啲可能食到後面會有啲膩🤓。⠀⠀🐓七味炸雞 35 （7.5/10）⠀炸雞外脆內嫩多汁，但有一兩舊燶左。另外，唔太見同食到七味粉味，懷疑炸燶哂😳。最後見到碟底反哂光，好！多油！見到有啲唔開胃。⠀

吃拉麵其實不一定要吃濃厚的豬骨濃湯。偶爾吃一吃醬油湯拉麵都不錯。今次來到葵芳的麵屋丸京。我認為除了湯頭外，低溫慢煮的豬肉可以說是丸京的特點，只看賣相都已經贏了。不過, 整碗麵的唯一敗筆就在麵條之上。雖然它的口感是爽口又彈牙，但本身的味道並不淡薄，清湯的味道和這一款麵有點格格不入。Eating ramen does not necessarily require thick pork bone soup. Occasionally, eating ramen with soy sauce soup is good. This time I came to Noodle House Marukyo in Kwai Fong. I think in addition to the soup, the slow-cooked pork can be said to be the characteristic of Marukyo. Just looking at the presentation has won. However, the only failure of the whole b

作為一個幾鐘意食拉麵嘅人嚟講，我暫時食過咁多間，都係最鐘意「熊拉麵」。其他可以分為，都幾好食同麻麻地，今次試麵屋丸京，都可以歸類為幾好食嘅代表。個人嚟講好鐘意飲湯但好怕咸，所以通常鐘意清湯底，冇咁重口味反而飲得多啲，冇咁易滯。不過～今次冇晒清湯就試下濃湯先﹗------------------------$73 ｜濃湯 ｜本身有蛋值得一讚係佢湯底即使係濃湯都唔會覺得好咸😎仲覺得幾好飲﹗（我本身好怕咸），而用咗真空低溫烹煮技術整叉燒，食落的確係好嫩滑﹐唔會話油脂味好重好肥，反而食到又薄又嫩嘅叉燒。呢個價錢包埋1隻蛋，其實都真係幾抵食😛流心蛋叫正正常常啦都唔錯﹗推薦：🌕🌕🌕🌕🌘性價比：🌕🌕🌕🌕🌗

今晚同朋友去食呢間拉麵，因為朋友仔話之前食過，所以今次介紹我去食，叫左個豚肉拉麵，濃湯底，再叫左餃子同炸雞。個餃子就真心麻麻⋯但個炸雞真心好食😋又夠大件，個拉面值得再食多次

呢間拉麵店嘅一大特色就係佢哋嘅「真•叉燒」，佢哋話係用咗真空低溫烹煮技術整叉燒，所以叉燒會係粉紅色，6片叉燒圍咗喺碗邊，睇落真係好吸引🤤佢哋嘅拉麵有3款湯底同4種叉燒嘅配搭可以揀，配搭都算多，不過就無得揀拉麵嘅粗幼度同軟硬度～拉麵偏幼同偏硬，個人覺得軟硬啱啱好，而且幾掛湯！•🥢 真•叉燒拉麵 (濃湯) $103豬骨濃湯幾厚身，飲落唔算好濃，但好夠味。溏心蛋好入味，蛋味幾香😋叉燒有6片，調味唔多，肉味好濃，而且整體唔太肥，因為切得好薄，所以唔會好柴好韌，但肉質都唔算嫩～•🥢 豚骨拉麵 (+黑蒜油湯) $73+12黑蒜油湯睇落同食落都唔會好油，黑蒜味超香濃，仲有少少焦香味🤩呢碗嘅豚肉比較嫩同肥少少，但肉味就無慢煮叉燒咁濃，唔知係因為黑蒜油湯嘅濃味蓋過左肉味，定普通叉燒嘅豚肉味真係冇咁出嘢～•🥢 大板燒風味餃子 $37沙律醬+燒汁味道稍酸而且太鹹！食拉麵已經濃味，但個餃子更加濃味😖 餃子係普通日式菜肉餃子，因為太多汁嘅關係，脆面嘅餃子都淋左😭

見倒個拉麵舖住滿滿嘅叉燒😍視覺效果💯分 前排咁啱經過葵芳就拉麵做lunch喇😋麵嘅軟硬度同湯嘅濃度一律由廚師決定架🤓🤤濃湯丸京拉麵🤤 ($95)係有3片真叉燒 3片普通叉燒🥩非常濃烈嘅豬骨湯 係有少少結身嗰種😋大推湯底‼️食到中間加蒜蓉 令到味道昇華☺️真叉燒 第一次食有d唔慣 係腦海裡未出現過嘅味道🌪食到第3塊就識欣賞喇🥰係比普通叉燒嫩同埋冇炙過嘅味 可以一試~👖褲評: 8.8/10🤤黑蒜油極上拉麵🤤 ($88+黑蒜油湯$12)6塊普通叉燒🥩黑蒜油湯雖然重黑蒜油味但相比之下冇濃湯咁驚艷 加12蚊唔太抵😕個普通叉燒燒炙過嘅味好啱我口味🤩👖褲評: 8.2/10碗拉麵舖得叉燒好靚 打卡一流麵質好有咬口 蛋流心效果不錯好香蛋味 但切得有d醜😂幾推薦依間拉麵店尤其濃湯必叫！店員好有禮貌值得一讚🥳🔔小tips: 1️⃣推薦丸京拉可以試齊兩款叉燒😋2️⃣午市優惠嗌小食免費送罐裝汽水❕

今日突然想食下拉麵,見好耐都冇去食呢間葵芳拉麵今日下午差唔多6點就去試試真叉燒拉麵 (之前同朋友食過2-3次左右,都只係覺得合格左右)真叉燒拉麵整體普通  叉燒雖然慢煮,但冇咩肉味    而其中8-10片只有1片比較好食同比較有肉味   整體算係嫩滑既肉片 隻蛋就係一隻沒有醃製過的流心蛋,流心的效果有少許但吃起來帶點苦味我就叫左清湯,至少不太咸      另外麵既口感我覺得唔太好,所以整體算合格   5/10

/葵芳拉麵都唔叫好多🤭依間拉麵都叫好多年架啦，相信有唔少人既回憶🤗細細間既店鋪有好多人情味♥️.🍜濃湯豚骨拉麵 $73聽個名就知吸引啦😆我鍾意濃湯多過其他味，依個濃湯又唔係叫好鹹，個味岩岩好😋個蛋煮得有少少老，做唔到半熟蛋😟啲肉都係普通既叉燒😂不過不失.🍜濃湯真叉燒拉麵 $103第一次睇識真叉燒🤩佢啲叉燒放到成個碗面都係😚睇相見到好多🤭相比起普通日底叉燒嫩滑左好多😋.🥟大板風味餃子 $37完全係大板燒醬倒上去啲餃子到🤩美中不足既地方係餃子同餃子之間痴埋一齊，夾中間果啲餃子會夾到得番啲肉，冇左層餃子皮lol