麵屋丸京

營業中

休息中

麵屋丸京 （葵芳）入到餐廳 雖然環境細細 都做到日本的風格真·叉燒拉麵真心好食 叉燒又多 其實叉燒 起碼又5、6 塊先夠啦 湯底濃而不膩😋😋香蔥沙律炸雞 炸雞脆皮有肉汁 超正 香蔥加沙律醬 原來都係一對 原配🤣

我啱啱食咗一碗拉麵，真係太好食啦！佢哋嘅湯汁好濃郁，又有啲微辣嘅味道，令人整個人都舒服起嚟。啲拉麵都煮得剛剛好，有彈牙口感，真係好正好好啱食！佢哋嘅叉燒好嫩滑，可以輕易咬斷，同埋味道好鮮美。佢哋嘅餃子都好韌，啱啱係煮熟嘅時候，啲湯汁爆咗出嚟，好好食啊！除咗拉麵同餃子，佢哋嘅菜單都好豐富，有啲嘢真係好啱食啊，例如炸雞翼同炸豆腐，啊味啊！店員嘅服務都好好，味道好正，服務好貼心，一定要試下啊！

約咗葵芳附近食Lunch，朋友介紹附近有間好好食嘅拉麵店，一齊約埋去試吓，由於呢間鋪頭真係幾出名，所以都要排隊🦥豚骨拉麵叉燒三枚、蛋、筍🍜湯底可以濃湯/清湯/黑蒜油，另外可以額外選配料&小食選咗最普通嘅豚骨拉麵，味道上唔算令我特別有驚喜，未去到其他人講到咁好食，只係正正常常，所以附近返工又要等咁耐都未必成日食😕不夠好多人都係介紹真叉燒拉麵，有興趣嘅話可能試呢個就好啲，我本身又唔太中意日式叉燒就唔特別試🌲🌲🌲🌲🌲🌲🌲🌲🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤 麵屋丸京 (葵芳)葵芳興芳路188號地舖

【人氣食肉獸必食拉麵🇯🇵】佢啲拉麵賣相夠吸睛成日都見到佢嘅蹤影📸份量夠曬女仔食！真叉燒好食啲😋宜家好似仲有蟹蝦濃湯🦀佢係限量！表示好想試🥺.🍴真叉燒拉麵一上枱就勁吸睛📸佢舖得好靚！真叉燒即係慢煮叉燒😋有6舊！大舊而薄身，比普通叉燒滑身😚拉麵夠曬掛湯，麵質好JENG🍜.🍴丸京拉麵3舊真叉燒3舊叉燒🤤真叉燒好食過叉燒！叉燒比較下乾身，但係都好食😋麵質好JENG😍.🍴七味炸雞好辣🌶個外皮有啲淋，啲肉夠嫩滑！.💡湯底有4款可以揀，濃湯就係有豬骨湯，清湯就係醬油湯-💎推介指數: 💎💎💎（真叉燒好食😚)💡性價比:✨✨✨✨🍴ENCORE指數: ⭐️⭐️⭐️（耐冇食拉麵就想食😤）-

豚骨拉麵 (叉燒3枚、蛋、荀)-小蝦干醬油清湯(+$12)$78好味指數：8/10成日都聽到好多人講呢一間拉麵🍜店，今日終於嚟咗試下。呢一碗我哋轉咗湯底，嚟到見到好多櫻花蝦🦐喺面，飲落去亦都有淡淡蝦味，唔會太多味精，清清地做湯底👍🏽幾好。呢一款普通叉燒🐷對比真叉燒口感粗糙，但係幾入味，而且好大塊，而雞蛋🥚流心效果亦都唔錯，配合埋醃製過嘅荀嚟食，增加味覺層次，面底硬度亦都適中，有咬口😬。真·叉燒拉麵 (真叉燒6枚、蛋)-濃湯$108好味指數：7.5/10真叉燒🐽份量有6塊，仲要大大碗，份量嚟講偏多，真叉燒嘅口感比較滑身🫠，食落去有啲似煙肉嘅口感，有少許嘅🌫️煙熏味，而我呢個選擇咗濃湯底，湯底飲落唔會太鹹，亦都唔會過分油膩🛢️，拉麵都好掛湯，可惜在呢碗本身冇跟筍，美中不足，有埋就更加好。山梨葡萄梳打$22好味指數：9/10飲落去葡萄🍇味比梨🍐味嘅味道較重，好香葡萄味，適合重口味人士，而且好夠氣，食完拉麵可以飲番啖去吓油膩感。

一早店舖未開門就嚟到，為咗食佢嘅小蝦干醬油湯底一開門入到去冇耐，已經開始坐滿，好快未夠12:30已經有人排隊～我哋叫咗沙律醬炸雞～同每人一個拉麵 （加$12轉小蝦干醬油湯底）個湯好有蝦味但同時唔會被醬油味蓋過，差燒好薄，所以唔覺得油膩，可以輕鬆KO炸雞真係好正，食到個雞用咗薑做調味，有少少七味粉嘅辣。加埋蔥同沙律醬食，係幾好嘅享受。P.S. 店員話平日濃湯底賣唒就會有柚子胡椒湯底提供，聽到都有啲想試～～

難得出葵芳同frd食lunch,佢就介紹咗間佢平時食開既拉麵鋪俾我但佢提我要係開鋪之前就要排定隊，12點到鋪頭前面已經見到有條隊等緊開門，好彩算早咗啲到，可以第一輪就入到去。鋪頭座位都算多，比起外面既拉麵鋪多位，咁就唔使等太耐👍🏻👍🏻鋪頭賣既拉麵淨係得4款：1）3塊假叉燒，2）6塊假叉燒，3）3塊真3塊假，4）6塊麵係真叉燒見咁得意有叫咗6塊假叉燒配濃湯（有濃同清揀，另外可以加錢轉其他湯底）嚟到個陣碗麵好吸引好啱打咭，試咗啖湯底先 濃濃既豬骨湯😋😋食拉麵一流 叉燒就好大塊同好薄。但最後其實都唔知真同假既分別，假叉燒就似平時出面拉麵鋪嗰啲咁。不過好淋好好味用3塊就食哂成碗拉麵，淨返3塊慢慢食😋😋鋪頭好貼心咁仲每枱都有紙巾冰水添👍🏻

有冇假·叉燒？🤭限量發售「真·叉燒」拉麵專門店💯長期排隊嘅小店🥳其實全間鋪頭都只係得叉燒拉麵😂我已經試唒所有種類嘅叉燒🍜💎 真·叉燒拉麵 $108可以一試✅ （😋：7.5/10）自選濃湯或者清湯👍🏻：就係同個名一樣，有6塊 真·叉燒😂咩叫真·叉燒？其實就係低溫慢煮嘅叉燒佢哋另外仲有一隻普通叉燒（我下面會介紹）對於我來講又唔覺得呢個真·叉燒好有驚喜，正正常常，中上等咁啦🤣不過佢價錢算係平💰因為有6️⃣塊叉燒😍咁多，所以都抵食嘅❗️👎🏿：冇。💎 丸京拉麵 $100可以一試✅（😋：7.5/10）自選濃湯或者清湯👍🏻：呢款就可以一碗滿足兩個願望💯試晒全鋪頭兩款叉燒，一款係普通叉燒，一款係真·叉燒，每樣3️⃣塊唔知係咪我嗰日味覺有問題呢？😂😂其實我又唔覺得兩款叉燒有太大分別，不過都係OK嘅，好食嘅🥰👎🏿：冇。㊙️每碗都附送一隻糖心蛋，味筍，蔥，全部都唔使額外加錢😍😍😍😍湯底方面：濃湯：圖3️⃣，真係比較油膩，但係好明顯豚骨味香好多，味道濃烈好多清湯：圖2️⃣，適合淡口味人士，因為個湯真係好清完全冇乜油分💓我個人推介濃湯因為食拉麵就係要最邪惡嘅湯底🤣🙈💎自家製餃子 $30正正常常✅（😋：6.9/10）👍🏻：5隻煎餃，

丸京拉麵 $100(真叉燒3枚、叉燒3枚、蛋 、筍)七味炸雞$35拉麵一上枱就比佢震懾到因為望落去好大碗🤩好難得食拉麵可以咁多塊叉燒🤩拉麵有三款湯(濃湯,清湯,黑蒜油湯)我揀咗濃湯💃🏻本身鍾意濃味所以覺得唔會太鹹下次想試下黑蒜油湯😎驟眼睇真叉燒同叉燒好似無咩分別但食落去就會知真叉燒真係好好食因為嫩滑好多🤩當然叉燒都好好食🔥個炸雞即叫即炸🔥外脆內嫩 炸粉唔會太厚比想像中好食👏🏻👏🏻👏🏻👏🏻麵屋丸京 (葵芳)葵芳興芳路188號地舖

葵芳難得一間拉麵店，冇睇Menu就入店，坐低後見到Menu果刻，我睇到一個位，思考咗好耐都唔係好明，真叉燒？點分真叉燒同叉燒，基於好奇點了丸京拉麵$100配小蝦干醬油清湯另加$12。拉麵到咗果時我第一眼完全分唔出真叉燒同叉燒外觀上有咩分別，唔講咁多肚餓，試試個湯底，湯底有蝦味，起初以為就咁蝦油去帶出蝦味，點知原來湯底下有大量櫻花蝦，咁有誠意加分。麵冇得選擇硬度，食落似平時「普通」口感，對於偏好「硬」嘅我都可以接受。真叉燒與叉燒係有分別嘅，真叉燒屬於慢煮叉燒，唔似叉燒有火炙過嘅黑色邊，食落味道分別唔算好大，不過肉嘅份量就好大，menu寫每樣有三塊，但上碗時見到又唔止呢個數，定係佢計重量？唔理啦，總知啱晒食肉獸嘅我，叉燒因為薄切關係，口感唔會話有肉汁鎖住嘅感覺，肉面都偏乾身，浸湯再食會好味啲。賽後檢討：如果唔係太大食，叫一個豚骨拉麵就夠，份量都偏大碗，性價比就見人見智。食緊同食完我都飲咗唔少水，可能個湯底都有少少濃要沖番淡，響葵芳呢個地方有間拉麵店算唔錯，個價錢就進取咗少少，如果唔一定要食拉麵的話，我都會過番隔離葵廣掃街。

叉燒都有分真定假？經常見到有人介紹呢間拉麵店，聽講要排好耐隊😨有次經開葵芳分店無人排就入左去試下叫左$100 丸京拉麵（真叉燒3枚，叉燒3枚、蛋、筍），湯底揀左濃湯🍜💡真叉燒原來係指用低溫烹調過，同埋真叉燒原來係凍的，個人認為食落味道好似食緊火腿😂而另外3塊叉燒食落又同真叉燒分別好似唔係太大。好唔好食就見仁見智🤣我自己就鍾意傳統既拉麵叉燒多d ⋯但賣相係好靚，溏心蛋都做到流心既😂只係我無影到隻蛋🍜麵質方面，佢唔似一蘭果類可以揀麵既軟硬程度。份量都係無得揀既。 但麵質口感佢都做得適中，唔錯✏️另外小食叫左個七味炸雞 $35 有5件。掛住食既關係唔記得影相🤣我覺得炸雞係好食，因為即時炸起，上枱果陣仲熱到出煙，同埋每舊肉都好大舊 抵食👍🏻

2溝叉燒濃湯2種叉燒好易分又乾又淡既豬肉片就係叉燒較滑又咸既豬肉片，好似black forest ham果啲就係真叉燒不過睇得出師傅好刀功，叉燒簿得黎無洞既，唔易做到只係叉燒厚少少會開心啲囉麵好硬，雖然知有人鐘意食硬麵，所以未必係劣評湯，除左咸就咩都無隻蛋就好食既，流心，反而想讚下佢調味料果邊醋似係蘋果醋，唔係白醋咁單純的酸果啲garlic，可以幫碗湯提升少少層次服務既姐姐太強了，一個人做哂送餐，收餐清潔，收錢等待時間又唔係太長總體黎講，唔值100蚊不如去附近間商場既地下果間食好過

葵芳除咗葵涌廣場，係葵廣附近都有唔少小店，今次是但入咗間拉麵店，估唔到有驚喜😋🍜丸京拉麵有3舊真叉燒同3舊叉燒，聽講係炙燒同慢煮嘅分別，D叉燒攤開擺，賣相係幾好，但講真，無論係肉眼定食落都分唔到真同普通叉燒嘅分別🫣🫣撇除呢個真假叉燒之謎，D叉燒本身其實幾好，大大塊好夠冧，有入口即溶嘅感覺😋😋溏心蛋熟度剛剛好，裡面係流心嘅。湯底揀咗濃湯，豚骨味幾濃郁，最抵讚嘅係佢唔會話好咸，食到最後都唔會過咸。個拉麵雖然冇得揀軟硬度，但軟硬度都適中👍拉麵掛到湯，但個人覺得可以彈牙多少少🍗七味炸雞上菜嗰陣望落已經覺得幾吸引，外皮望落金黃色好脆咁🫣食落都真係外脆內軟，炸雞炸得剛剛好，所以d肉好冧好濕潤，加埋七味粉，辣辣地夠晒惹味😋📌凡惠顧任何小食，都會送一罐迷你汽水

✿ 豚骨拉麵(濃湯) $78平時口味比較清淡既我食親丸京都會揀濃厚湯底 因為個豚骨湯底實在太濃郁順滑 又唔會太油膩🍜聽講係用咗日本同歐洲豬骨熬煮而成🍖叉燒都有3大片 微微炙燒過既叉燒特別香口 拉麵本身已經有一隻糖心蛋同荀🥚糖心蛋特別選用咗”曉” 呈橙紅色既蛋黃蛋味特別濃郁 熟度亦都啱啱好 呢個價錢有咁既質素性價比真係好高(⁎˃ᴗ˂⁎)另外 好多朋友都會推介食真·叉燒拉麵🍜碗拉麵既賣相好吸引 面頭舖滿咗大大片既叉燒 但我就覺得嗰款慢煮叉燒肉質比較似燒牛肉 我就比較鐘意食炙燒過既叉燒 所以都係比較推介濃湯豚骨拉麵～📍 麵屋丸京 葵芳興芳路188號地舖深水埗荔枝角道319號地舖荃灣昌泰街9號地舖牛頭角宜安街9號地舖屯門青菱徑6號富麗大廈地下D1號舖評分ʕ •̀ o •́ ʔ 👅味道：♥♥♥♥/5💸cp值：♥♥♥♥ /5🤟🏻回頭率：♥♥♥♥/5

第一次食已經3年前今次再黎食,水準依舊, 好味!岩岩收工7點過到黎, 唔算多人, 一入就有位啦1. 濃湯豚骨拉麵湯底好飲, 好濃既豬骨湯味! 湯豬肉唔會太肥岩岩好唔會愈食愈油膩~麵有少少軟,岩我口味自己唔鐘意太硬2. 黑蒜油豚骨拉麵朋友食依個賣相好唔錯, 蒜味好香,但又唔會蓋過豬骨湯味道!3.餃子5粒不過不失~ 皮夠薄 !想食拉麵既時候可以再黎Encore~