麵屋丸京

營業中

休息中

荃灣友經過路德圍巴士站就會見到丸京點解嗰度咁多街邊小食 我都肯坐定定食？原因當然係丸京有吸引到我既正嘢食每日限定既 【真·叉燒拉麵】用上 日本最先端技術 真空低溫調理 ▪6塊叉燒鋪滿碗面 拉麵都可以咁有有霸氣▪齋睇都感覺到同平時食開嗰啲唔同▪從來無諗過叉燒可以嫩滑到咁 激讚▪湯底我揀左濃湯 質地少少杰 淡少少會更好▪拉麵彈牙唔易斷 不錯吃●總括而言▪淨係為左嚟左真叉燒都抵 真係超級好食▪店舖座位較少 & 有中場休息時間 留意返~

最近荃灣開咗唔少拉麵店，每一間都有自己唔同嘅特色，今次要介紹嘅麵屋丸京亦都唔例外，我就係衝着佢嘅低溫叉燒而黎😂😂🍜真。叉燒拉麵$103一上枱嘅時候，的確有少少俾佢嚇親，六大塊低溫慢煮叉燒好似成朵花咁鋪面夠晒霸氣，而叉燒食落的確都幾唔錯，肉味豐富之餘又嫩又軟，好耐冇食過啲咁高水準嘅慢煮叉燒，味付玉子都唔錯，做到溏心效果，蛋味亦濃，不過湯方面就有少少死鹹，而麵嘅質素都爭小小唔太彈牙，有點小可惜。

最近想同女朋友發掘啲新嘅美食，就黎左荃灣，行過見到呢間幾多人排隊，一於食呢間！雖然要排，但等左十五分鐘左右就入得，期間仲同個店員佢兩句，比佢講左兩句就好想試下個真叉燒，作為「拉麵小神童」，一於睇下有幾真😂🍜真。叉燒拉麵 - $103👉🏾真叉燒係慢煮，所以入口軟身少少，仲有少少碳燒味，而且有六嚿，一定夠食，對比普通貨色係高質啲👍🏾👉🏾一咬開流心蛋就流哂啲蛋黃出黎🤤👉🏾仲有最重要係湯底，真係好濃郁美味！🍜豚骨拉麵 - $73👉🏾雖然叉燒無真叉燒咁出色，但一點也不失色，味道依然濃郁，只係肉質稍為較硬身👉🏾作為普通版，整體質素依然相當高🍹招財貓梳打 - $15👉🏾樽身非常得意，最適合比女仔打卡影相🤷🏻‍♂️👉🏾店員話係蜜糖味，細心品嚐都的確係有蜜糖味，味道不錯

去過 🇯🇵日本的朋友，總會吃過當地的 🍜拉麵，好吃得不能回頭，回港後吃不回日本水準，總覺失望。不過，現在有了麵屋丸京，總算不用再苦惱，此家拉麵水準極高，在香港鶴立雞群，可謂直追日本水平。此店特製的真空低溫慢煮叉燒甚有gimmick，造法獨特，能保持肉味的同時，又不會overcook導致乾身粗糙，值得一讚。至於拉麵的靈魂——湯底亦十分出色，濃湯豚骨非常濃厚，而且喝完也不會口乾，配合粗身的麵條，效果出眾，令人有把湯底也喝清光的衝動！

麵屋丸京入面有三個湯底，食開重口味嘅我就竟然點左清湯豚骨醬油拉麵！佢個清湯比出面嘅唔同，佢係黃色而唔係白色嘅，因為丸京加左醬油一同調制，所以湯有好香嘅豬骨味，又唔會太過油或者咸。另外佢個麵係幼麵，咬落有嚼勁，又好索湯，食落去口感好好。配菜亦做得相當不錯，筍爽口入味，糖心蛋有適當嘅調味，叉燒肥瘦適中，令整個豚骨醬油拉麵嘅表現都好平均，所有野都好夾。當然有人可能話叉燒嘅份量好少，得三塊；但係我個人覺得丸京拉麵嘅賣點係食物嘅一體性，如果落得太多會令到個麵好濟，加上丸京有出加大size比客人order，所以我覺得京丸係份量上控制得恰到好處。

都係個句，最近識左個葵芳女朋友，同佢係葵廣新都會個邊都食到厭，就搭港鐵去荃灣路德圍搵野食，去到見到又串燒又豆花又盛，拍拖掃街呢D野係中學生先會做，我作為一個色飲色食既型棍子，當然會搵間有得坐低慢慢食既鋪頭啦。 行行下女友話想食三哥，我嬲到即刻同佢講分手，我知道我同佢唔會再走到落去，仍明白無謂再浪費時間既呢段感情入面，恢復單身既繼續行，行行下見到間拉麵鋪就入左去。入到去見到裝修都算係咁，除左Ｄ侍應們成熟左少少之外都無咩唔滿意，係度講多小小教大家點樣分辨一間拉麵鋪頭正唔正宗，如果你見到佢拎埋黎杯水係熱既，請你即刻起身走人，原因我遲D再同大家講。 講返食物，我就叫左個濃湯極上拉麵，叉燒，好味，濃湯，夠濃，麵，軟硬適中，唔洗５分鐘我就食哂湯都飲埋，我起身俾錢走人。

上網見到依間丸京啲叉燒係低溫慢煮既，慢煮牛扒就食得多喇，叉燒就真係要試下。-極上拉麵 $88（地獄湯+$15）拉麵預設既配料有溏心蛋、蔥、荀，當然唔少得既係六塊叉燒😈。拉麵冇得揀軟硬度，食落去比較冧。荀既調味造得岩岩好，相反溏心蛋蛋黃味唔夠濃，亦都冇淡淡既甜味，所以只係算合格水平。叉燒係薄切既，普遍拉麵鋪多數麵係厚切既，個人就比較偏好薄切。叉燒本身肥瘦比例唔夠適中，肥似佔七成，食落有少少油膩。由於係低溫慢煮，叉燒幾嫩滑，食落有少少似Parma ham。湯底方面淨係食到辣椒同蒜蓉味道，豚骨既味道比香料蓋過曬，但湯底確實係夠辣既。有一點比較失色既係湯底做得太過濃，質感甚至係傾向醬料既感覺。-豚骨拉麵 $73 （清湯）叉燒就只有三塊，配料同極上拉麵一樣。但反而清湯比地獄湯更加出色，豚骨味非常之濃，油脂唔會太多，飲落岩岩好。-對比其他拉麵店黎講唔算好抵食又唔算太貴，賣點係佢地既低溫慢煮叉燒，經過既可以一戰。麵屋分兩個時段開放，夜晚食會有短短既人龍。

荃灣好多食肆，好多選擇。但今日想食拉麵， 就去丸京，之前試過葵芳分店，都唔錯。我同朋友都叫左新產品 真叉燒拉麵，低溫調理，我唔係食家，但叉燒真係好嫩滑，份量好足夠，如果有埋溏心蛋就最正

之前聽過葵芳一間有名的拉麵店，叫麵屋丸京，不知道是什麼因素，無緣無故地變得有名，也許是有宣傳的原素，也許是真的好好吃所以一個傳一個。然後得知麵屋丸京連荃灣也有分店了，剛好這天來到了荃灣逛街，又想不到吃什麼，試試它也未嘗不可。晚上時分來到，已經有一條短短的人龍，證明這間店還真有一定的名氣，還好大家都很守秩序地排隊，排隊時間也不長，大概20分鐘就到我們了。拉麵的種類一點也不多，只有4款，價錢都不算昂貴啦，也不用$90-$100多，我比較欣賞它多元化的飲品種類，梳打和汽水都有數種。首先點了一個極上拉麵，有很多片叉燒和兩隻溏心蛋，很是豐富呢，但味道會否又不錯呢？叉燒的數量雖然算多，但肥肉的部分也多，那麼吃的時候感覺便會變得油膩，真正高質素的叉燒應該只有一半比例或比一半比例更少的肥肉。但肥肉比例較瘦肉多其實有個小小的好處，就是軟稔的感覺會更強烈。叉燒都薄身，我挺喜歡的，有些拉麵店的叉燒近乎是沒有切過的，有些人偏好那些厚切的叉燒，但個人認為薄切的叉燒較易咬。溏心蛋算是合格的水平吧，但也不算有我期待的味道，真正高質素的應該是溏心蛋黃味濃，而且帶有適當的甜味，這裡算是有一半的分數。半熟卵拉麵跟極上拉麵

粉紅色的叉燒，佈滿整個碗面，比較薄，要兩塊一起吃才行。麵條偏硬，份量足。試了個濃湯，比較咸並不夠熱。鋪面的蔥花好新鮮。另加了個糖心蛋，有水準。試過一次吾打算再食。

荃灣路德圍時常都很熱鬧，有台式飲料，本地豆腐花，吃米線的，中式茶餐廳... 數之不盡。今日我就想食個日式拉麵，上次因為要排隊，所以無去輪候，今日人少少就去品嚐一下。濃湯極上拉麵是我第一次食，上枱時碗麵給所有叉燒遮蓋着，看上去很吸引。極上拉麵有叉燒6枚，糖心蛋一隻，筍和蔥花。湯底非常香濃，是經長時間餚制的味道，其實我坐的位置也見到小廚師在清理一大盆豬骨，應該是準備明天的湯底呢。他們的簡介豚骨是由日本直送抵港，以京都Dashi 文化技法，以清澄豚骨湯配特製醬油，湯是不錯的。麵是爽口，湯也掛麵。叉燒很軟滑，有肉味，份量也多，能滿足我這個愛吃肉的人。

6時左右行到昌泰街，有很多人在等待，不知是在等位還是隔離舖的外賣。我看到他們的介紹 「日本最先端技術，真空低溫調理」的叉燒拉麵，不防又試試。餐廳內部裝修很有日本色彩，壁畫顏色艷麗，令人覺得有喜悅嘅感覺！叫了一碗清湯豚骨拉麵，內有叉燒三片、糖心蛋、筍和蔥，碗麵賣相一般，叉燒肉質嫩滑 但實在太薄，缺乏口感！半熟蛋好漂亮，好入味，不錯，拉麵質地軟硬適中，湯底冇什麼驚喜，這個算是飽肚的作品而矣。

日前與好友城門水塘行山過後，來到這著名的拉麵店的荃灣分店試一下。來到店前已晚上七時多，仍要等待，可見非常受歡迎。小小的枱上，還放著味，以及宣傳的印刷品。先送上飲品，蜜桃梳打，有氣泡的，入口蜜桃味很香，稍甜，口感不錯，個人非常喜愛。等了約數分鐘，朋友的濃湯真。叉燒拉麵，先送上。鮮粉紅色的叉燒，賣相非常吸引，原來是低溫烹調技術煮成，雖是薄薄的一片肉味依然香濃，香軟嫩滑，湯底味道濃厚，朋友喜愛那種口感。清湯豚骨拉麵，叉燒也是鮮粉紅色，肉質都是香軟嫩滑，肉味香濃，湯底卻是濃厚豬肉味，黏度十足，卻又不是有如膠水般，拉麵不軟不硬，配合湯的味道，真的非常吸引，難怪可有這麼多食客。叉燒、湯底、拉麵等的味道，都非常出眾有特色，難怪坐滿食客之餘，門外又眾多等候。

拉麵一直都係我其中一樣最中意食既嘢應該話所有日本嘢都係我既最愛🤤行過路德圍 見到呢間拉麵細細間但都好多人食 即使要等一陣位 都決定要一試menu唔算好多選擇不過如果好食既 淨係做某啲味/款又有乜所謂今次同友人叫咗一碗半熟卵拉麵、豚骨醬油拉麵同餃子🔻半熟卵拉麵💲73賣相幾靚 啲叉燒望落好似偏瘦湯底好厚 味道幾濃 係幾香既不過我唔太中意呢種質地既湯底拉麵幾彈牙煙韌 流心蛋口感幾好 做到流心既效果 而叉燒原來唔係想像中個口感都腍但唔算做到好soft 可能因為脂肪比較少好食度😋😋😋🔻豚骨醬油拉麵💲63其實同半熟卵拉麵一模一樣只係少咗流心蛋 但友人話中意佢呢種湯底夠晒原汁原味同濃郁 而叉燒佢反而覺得偏乾好食度:😋😋😋🔻自家製餃子5隻💲30 *追加*食得出真係自家製 皮唔算厚 餡料有醃過不過點埋餃子汁 口味就剛好👍🏻好食度:😋😋😋Overall 所有嘢都係不過不失 中規中矩唔係話好特別 不過對我嚟講 湯底都幾重要所以冇下次😆

環境: 位置系荃灣路德圍豪大大雞排隔離, 店面應該坐到大約10多個人, 傳統拉麵bar枱模式. 店舖裝修都唔錯, 乾淨舒服, 同一般拉麵店都一樣, 座位下面有得掛袋, 設計都算細心.食物: 荃灣呢間開左唔係好耐, 第一次食就試下佢個每日限定20碗既濃湯低溫叉燒拉麵. 叉燒據稱用最新低溫既方法煮成, 食落比平時叉燒淋同有彈性, 有d 似食西班牙火腿, 個人覺得食落味道係唔錯, 不過質感我個人比較鍾意硬身少少. 呢個拉麵仲有個特點係叉燒份量好多, 鍾意食肉既朋友可以一試.價錢: 價錢都算親民, 普通拉麵$50-$60, 係限定叉燒拉麵貴少少, 上面呢個$93. 下次會再試試佢其他拉麵.