麵屋丸京

營業中

休息中

戒食豬肉既期間,成日好想食拉麵,可惜香港大多數只有豬骨湯,雖有有少數如雞白湯,鰹魚湯等,但多數店都位於港島,而味噌, 醬油拉麵更係少之又少...自上次係尖沙咀龜鶴食完冇耐,傳出佢地會結業,就一直冇食過拉麵...直到丸京開張,街坊多口問佢地一句,有冇豬骨以外既湯底,佢地竟然話,可以幫我特製醬油拉麵,於是我就有拉麵食啦,試下最普通既款式先,佢地知我唔食豬肉,將叉燒分開上.比左男人食XD我就係食溏心蛋同竹筍,最鍾意食筍~醬油湯底雖然唔係特別好,但係係師傅立即係為我做既,已經好滿足,啖湯已經夠曬甜啦,喜歡硬麵既我選左硬麵,慢慢食到尾都唔會太焾,男人要左個正常叉燒拉麵,佢話湯底甜,濃度正常,冇豬騷味(佢食過一間話濃到有豬臭咁樣),叉燒ok,我地試左3種飲品,蜜瓜,青提同柚子梳打,我最鍾意青提,而佢最鍾意柚子,哩度工作既全部係年輕人,好有活力,店簡清乾淨,廁所亦係好乾淨.期待下次再食有素食朋友都想試呢

Delicious 😋 Slow roasted pork is highly Recommended! Great value as well, and the deep fried chicken is also incredible.

呢間拉麵店都起深水埗駐腳左一段時間平時行過見到圖裡碗麵上面既叉燒粉紅咁色唔知點解唔係好想碌入去食今次因為友人提議，就去試試啦原來有叉燒同真叉燒揀既雖然都唔係好知有咩分別，碌下openrice睇下有咩分別啦，蠢鈍如豬既我睇到既就係顏色嘅分別咁就叫左無咁粉紅肉既濃湯。豚骨拉麵有蛋有筍同叉燒三枚叉燒唔係粉紅果隻😂切得都幾薄唔會話好肥，都幾香的拉麵軟硬度還可以👌🏻但沒有說得出的驚艷口感豚骨湯很濃很香加點蒜一起吃會更出色半熟蛋要是冰凍點口感會更好吧另外仲加左個七味炸雞很邪骨的油炸物，但很香脆，不錯不錯

麵屋丸京近年不斷開分店，直到而家已經有四間，證明餐廳拉麵既高質素。今日星期五就同女友去左深水埗分店。以拉麵店嚟講，餐廳裝潢比較光鮮明亮，座位寬闊，座位下面有籃子，非常貼心。- 丸京拉麵蝦湯湯底濃郁鮮甜，叉燒有真叉燒同普通叉燒各三大片，真叉燒經慢煮處理後肉質腍滑，肉味香濃。另外溏心蛋嘅顏色非常鮮紅，中間既溏心蛋黃囗感特別黏稠。- 極上拉麵清湯叉燒鋪滿拉麵上面，每一片都切到紙咁薄，另外仲有「紅噹噹」嘅糖心蛋同荀，分量非常足夠。清湯足深啡色，味道有少少似醬油湯底。麵屋丸京拉麵算係我同女友心中Top5，最後女朋友連湯都飲埋，Respect to師傅！

好多年前已經係麵屋丸京嘅fans，以前想食，都會去葵芳嘅分店，葵芳分店嘅店面就比較細，座位唔多。最近深水埗開咗新分店，今日終於有時間去試吓。深水埗嘅分店地方比較闊落，同樣有兩張大枱，另外仲有吧枱同埋二人枱。Lunch time唔需要等位都直接可以食。粟米紫菜拉麵（$83)揀左呢款新出嘅拉麵，以粟米、紫菜為配料，再加上溏心蛋，色彩繽紛，搶眼奪目，非常吸引。雖然無叉燒，但就啱哂素食人士。極上拉麵（$93)極上拉麵應該係呢度嘅招牌菜之一，再配上皇牌濃湯，真係好正。拉麵同樣配上溏心蛋，蛋已經調左味，濃淡適中，蛋黃成半溶流心狀態。拉麵麵身屬於中等嘅粗幼，而口感亦都算係中等，唔會特別硬或者特別淋。

記得第一次食, 係佢剛剛開張, 計埋自己都係得3台客. 今次第2次食, 居然差唔多FULL晒, 好彩我地早左食LUNCH咋.平時出街都好少揀拉麵黎食, 哩間係唯一一間食完再想去食既拉麵, 每逢去到深水埗, 都第一時間諗起佢.每台都有一壺冰水, 係食拉麵嘅常識. 之後就有張紙比我地揀食D咩. 慢煮叉燒真係好好味, 如果未食過,可以揀一半慢煮一半平時嘅叉燒, 甘就食到佢地嘅分別. 慢煮叉燒比較淋同軟塾, 有少少入口即溶嘅感覺. 而櫻花蝦好香, 令到個湯底有陣海鮮味既感覺. 麵質就比較彈牙, 同叉燒有強烈對比. 每一啖拉麵都要加D湯同櫻花蝦一齊食, 不知不覺最尾連湯都飲晒. 仲有講漏左隻流心蛋, 有少少酒味都相當吸引. (ps.笑咀個碗拉麵係二次創作, 非拉麵店提供)

真。叉燒拉麵（濃湯）/豚骨拉麵（黑蒜油湯）超鐘意佢地既真。叉燒！！！用比較特別既慢煮方式去烹調，同一般既日式叉燒好唔同，肉質特別嫩，味道咸香，連我呢個平時唔鐘意食豬肉，更加我呢個唔鐘意食日式叉燒既人都比佢吸引到～另外佢既糖心蛋亦都十分出色～可以見到蛋黃好靚，熟既程度亦都剛剛好，浸得夠入味，超好食！後悔無加多一隻蛋呀！！我另外仲加左一份筍，只係加10蚊，份量超多，而且亦都好好食。湯底好濃厚，每啖都飲到濃香既豚骨味道，店員亦建議食到一半可以添加蒜蓉一齊食，會更加惹味！麵身質地唔錯，軟硬粗幼適中。另外，麵既份量都幾多下，如果細食既朋友可以同店員講少麵或者一半麵呀！

今日同朋友去深水埗買嘢，順便去麵屋丸京食拉麵。環境都幾好，有吧檯同二人座位，都算寬敞，不會逼仄。呢間麵啲分量好多，還好彈牙，口感一流。真叉燒啲肉係肥瘦適中，用慢火煮嘢，還切得薄薄一片，味道好似火腿，好特別。普通叉燒就係普通肉味，但肉嘅口感是好，新鮮肉嫩。總有我最中意啲流心蛋，蛋黃黃燦燦好正。湯底我哋叫左清湯同濃湯。清湯湯底清清甜甜，濃湯比較油膩。假如喜歡重口味，桌檯有蒜蓉，辣椒醬供選擇調味。餃子係自家製，現包現煎，好新鮮，味道都好。

—Openrice完附近有咩食記得好耐之前喺葵芳去過都唔錯 於是回味一下真•叉燒拉麵($108)店員話食到一半嗰陣 清湯湯底嘅可以加枱面中間辣醬?!嘅調味而濃湯湯底就可以加蒜蓉真叉燒粉嫩軟腍 鋪滿整個拉麵碗薄薄一片食完好滿足 完全冇膩感深橙黃溏心蛋 處於黏稠膏形態見門面貼住係用新紀元曉同行要咗豚骨拉麵($78)試咗啖濃湯有黏口嘅感覺普通版叉燒較真叉燒厚少少餃子($35)微脆煙韌外皮 飽滿嘅餡料仲好似蒸餃般保持濕潤度———————————————————麵屋丸京深水埗荔枝角道319號地舖

成日都見有人post呢間餐廳 拉麵面舖滿一塊塊大叉燒個樣好似好吸引咁 今日我哋終於泥左試😛 店內有普通座位同吧枱任君選擇入座後店員先為我哋介紹湯底 有4款分別係濃湯 清湯 蝦湯同黑蒜油湯😎 除咗清湯之外其餘三款都會比較濃味 我哋最後揀咗一碗蝦湯丸京拉麵同一碗黑蒜油湯真 叉燒拉麵🍜先講蝦湯 湯底十分有驚喜😱 蝦味唔係單單只係湯上灑滿一大堆櫻花蝦 湯底既蝦味真係好濃郁🦐 丸京拉麵分別有3片普通叉燒同3片真叉燒 真叉燒係指經過慢煮 入口果然比普通叉燒更加嫩滑👍🏻 拉麵粗幼度中等 唔算粗唔算幼 夠彈牙掛湯👅另一碗黑蒜油湯真 叉燒拉麵 全碗在面上鋪滿6塊真叉燒 超吸睛🤩 拉麵一拎起 香濃既黑蒜油味隨即撲鼻 湯底濃而不鹹😋另外我哋仲試左佢哋自家製餃子🥟 煎到金黃色 皮好薄 餡料肉幾香 好多汁 都好值得一試🌟

睇完中醫同男友出左深水埗買電腦野，行行下已經天黑好肚餓，男友話想食拉麵就搵左呢間試下～我叫左清湯豚骨拉麵，男友叫左蝦湯丸京拉麵，另外加咗份小食七味炸雞😁豚骨拉麵有三塊叉燒，蛋同荀，清湯湯底清得黎幾鮮味，我食左一半再加呢度自家製既辣醬同生蒜，別有一番風味😊雞蛋流心蛋黃偏紅色好靚仔，蛋黃食落好香👍麵底份量都唔少，麵質軟硬適中夠彈牙😋叉燒偏薄身但好滑，個人認為唔比慢煮既真叉燒輸蝕😯😯蝦湯丸京拉麵湯底非常濃郁鮮甜！食每啖麵都掛有滿滿既蝦湯，超級香！🤤 男友最後仲飲晒啲湯😂慢煮叉燒食落多咗陣煙燻香味之餘仲比較濃味偏鹹，有啲啲似厚兼淋身既parma ham，同樣都好滑👍👍七味炸雞好夠味，微微既辣令人特別開胃👍我個人略嫌外層炸得油膩左丁丁，但裡面雞肉係超過程嫰滑juicy👍😊第一次試慢煮既叉燒拉麵同咁真材實料濃郁既蝦湯拉麵😁 好有驚喜！！😎p.s. 另外真係好想讚下呢度既環境！係深水埗呢個舊區想搵個衛生啲既洗手間都幾困難，而呢間餐廳係自己有個非常乾淨企理既洗手間，好為員工同食客著想，大讚！！👏👏👏

近排真係好想食拉麵，諗你諗去都諗唔到去邊間，有朋友介紹過呢間叉燒要推介我，我同朋友一齊去試吓依間好出名真叉燒拉麵🍜✨✨清湯丸京拉麵丸京拉麵分開兩款叉燒，普通叉燒3塊加真叉燒3塊有成6塊😱叉燒鋪滿拉麵湯碗，賣相當吸引，真叉燒用低溫烹調食落去每塊好軟滑，叉燒邊煙燻過口感更香，以普通叉燒食落去就無咁香口但係比較腍，拉麵軟硬度適中配埋糖心蛋同筍，一碗份量啱啱好❤️😍✨濃湯丸京拉麵同丸京拉麵一樣有兩份叉燒，我就鍾意濃郁，所以揀咗濃湯底😍湯底豬骨味超濃郁仲有醬油配搭，真係帶鹹，鍾意飲濃湯重口味一定必食❤️✨

美食博士帶大家去深水埗搵食😋食咗一個丸京拉麵，清湯底，有叉燒三舊，真叉燒三舊，有蛋同荀，$100，湯底清清哋唔錯，佢哋嘅叉燒好薄身但算係大塊，兩隻叉燒來講各有特色，真叉燒嘅香味比較出色，而普通叉燒燒得幾好，蛋黃嘅色澤幾橙紅🤩，啖啖都係醬汁一樣。另一個叫真叉燒拉麵，用上醬油蝦湯，有真叉燒六舊同蛋，$120，啲櫻花蝦好多，不過我嫌個醬油湯底太過鹹。分量嚟講兩個拉麵都好夠飽👌。最尾有甜品食幾驚喜，佢嘅雪糕係日本土佐採購過嚟🇯🇵，我哋食咗一個係栗子，另一個係飯味，好特別，兩個嘅味都香濃而唔會好甜。地點唔近地鐵站，不過當日去都幾旺場。🍽麵屋丸京 Maru Kyou - 深水埗荔枝角道319號地舖

以往便曾於麵屋丸京光顧不少次，得知它位於深水埗亦有開設新的分店，便一直想抽空品嚐品嚐其質素，借著今天正要過來此區，當然要去一探究竟。餐廳使用灰、白色調配搭木系設計，吧枱則使用雲石枱面，並設有多盞吊燈，感覺光猛乾淨。而內進收銀處的日文文字，還有其繪畫有不同日本風格的壁畫，皆令裝潢富有日式風味。真叉燒拉麵 奉上時舖蓋滿碗隻表面的叉燒讓人吸晴，外形擺放得猶如粉紅色的花形，美觀的賣相絕對是相機先吃的菜式。拉麵湯底分別有濃湯和清湯，我點選了前者，以京都風醬油湯為主，並加入豬背脂來增加湯頭的濃郁，飲用時黏度偏低，沒有荃灣分店般濃厚。麵條外觀幼細呈方狀，味道蛋味香濃，硬身爽彈。配料有溏心蛋、真叉燒，並選擇了走筍，溏心蛋是來自日本的，入口稠密緻滑，蛋香甚濃。真叉燒使用低溫方式煮製，口感嫩滑鮮美，近乎即溶，豬味出眾。七味炸雞雞塊色澤炸至金黃，入口時雖然粉漿輕微偏厚，但依然香酥爽口，而且不會過於油膩，內裏的肉質濕潤香嫩，肉滑鮮味，味道有着微微辛辣，整體惹味可口。總結而言，餐廳環境舒適光猛，裝潢富有日式風格。菜餚方面大碗足料，精心製作，雖然存有少許可改善的部份，但仍不影響其高質出色的味道，是會再次光顧的拉麵

出黎買完野順便食個晏先返去，拉麵控朋友話要食拉麵，就到左麵屋丸京，兩點半入座唔使等，店內都有六、七個食客㗎，估唔到平日下午都幾有人氣喎。坐低左張二人枱，枱上有餐具，調味料等，仲有冰水一壺，各樣野都好乾淨，摸落無黏手，衞生做得好落完單就望下廚房個邊，得兩個店員，見佢地又煎又炸又淥麵，好忙呀。點左極上拉麵（清湯）＆丸京拉麵（濃湯），個賣相幾正，梗係要打個卡先朋友嘅極上，叉燒六片再加溏心蛋，成個碗被叉燒掩蓋，哈哈。清湯底很鮮味，味濃但不覺膩，好正。自己碗丸京，用得店名的招牌拉麵喎，好期待呀，同樣被六片叉燒掩蓋住，但就分別係叉燒同真叉燒，試下有咩分別先。呢碗要左濃湯，入口勁重豬骨味，飲落會黏口添呀，好濃郁好正！真叉燒望落微微粉紅色，用慢煮方式，入口軟嫩富肉味，感覺有點像火腿，好味。普通叉燒有火灸香，相對真叉燒稍稍有點鞋口，但都係好好味嘅。麵條掛湯有彈性，不錯。朋友再加左碟餃子，煎得香脆，皮薄餡料鮮味，正呀～完食，好味好味