麵屋一平安 (已結業)

同朋友們一起食tea,去左尖沙咀，今日真係好抵食，又食得好飽！又飯又麵真係第一次！細熊本豬骨湯拉麵+迷你滑蛋豬扒飯 +drink $69一心想黎試原隻軟殻蟹拉麵，點知得夜晚先有..不過都無白行一趟，因為下午茶幾抵，一個set又有拉麵又有飯，選擇多，有選擇困難症既人(例如我)會覺得好難揀，因為樣樣都好似好正👀總結食完覺得拉麵普通，反而個飯出色d我地差唔多將menu上有既野都嗌左，哈哈！朋友表示質素都好ok啊！我就覺得溏心蛋好食！

Shopping 完又唔算肚餓 同朋友黎到呢間 聽講出名 又要排長龍 既一平安 出奇地今日又唔算多人 好快安排好座位見到有Promotion 指定特選款式有7折優惠即刻試左一個火炙燒鯖魚先上枱時 聞到有少少魚腥味火炙位置集中在表皮所以表皮有我脆 相比起魚肉燒既程度偏稔身另一個7折之選係燒牛舌 比較喜歡厚切的我會覺得呢一份牛舌少了一份口感和油膩感串燒方面雞翼相較出色 外表燒至黃金色 非常香脆 雞肉都非常嫩滑但需要多加鹽巴等 因為醃製未算夠而另一款帶子 大大粒 好有口感 配上燒汁可以帶出帶子本身既甜味 最後食埋杯焦糖脆脆雪糕 甜入心頭 作為完結喜歡佢脆脆唔算好甜 如果唔係焦糖味太重會過甜之後配上 vanilla ice cream 中和返 really tasty

豬骨湯味道嘅豚肉拉麵，湯底味道還可以的，不過豚肉就確實一般: 份量實在太少，只得兩薄片; 其次，就是脂肪比例太多了，只吃到肥膏，瘦肉甚少，無論相於愛吃肉嘅男士，或追求健康少油嘅女士，都唔係一個絕佳嘅選擇！

今晚去到美麗華食晚飯, 經過見到麵屋一平安做緊11月promotion,有好多款野食都有discount, 幾抵咁,所以決定試下平日ge晚上7點唔洗等位, 餐廳環境好有日本feel, 靜靜地坐得幾舒服食物選擇都有好多, 最後我地要左蔥花牛舌, 餃子, 芝士煎蛋, 燒酢鯖魚同沾麵蔥花牛舌($68->$48)Lam脷: 5/5抵食: 4/5相機: 4/5呢個蔥花牛舌未食已經嗅到好香,牛舌好香蔥味同咸味, 口感彈牙,好好味wo! Vi平時好中意食牛舌,所以呢碟牛舌Vi係比足5分ge 而家有discount抵食好多tim!燒酢鯖魚($68)Lam脷: 4/5抵食: 2/5相機: 3/5呢碟燒酢鯖魚比menu上ge圖片細碟好多,Vi同友人見到係有少少失望ge 不過好彩食落係幾好食ge,鯖魚有煙燻過ge味道,加埋有醋ge酸味,幾開胃,送酒一流芝士煎蛋($65)Lam脷: 2/5抵食: 3/5相機: 4/5呢個芝士煎蛋份量幾大,外表亦幾討好, 不過食落芝士味唔夠濃,而且蛋有d過熟,唔夠滑餃子($40->$20)Lam脷: 3/5抵食: 4/5相機: 3/5而餃子而家做50%off真係

今日黎尖沙咀睇野，友人話想食拉麵。我比較少食開拉麵既關係，都只係知尖沙咀有豚王、一蘭同一風堂山頭火尼幾間拉麵。於是就上黎SEARCH睇下附近有邊間拉麵食啦。友人實在太唔舒服既關係，search到美麗華麵屋一平安咁就拍板是但落黎食完醫肚就拿拿臨走啦諗住。可能係位置既關係又或者尖沙咀有太多食店太多選擇，根本唔需要揀連鎖店掛？時間都係晚上七點幾八點架啦，仲要星期日，但都唔洗等位即刻有得入座。三個人就叫左個二人套餐（無記錯好似係$328)，二人套餐可以揀兩個拉麵/飯，加兩個小食同兩杯飲品。選擇好似都唔太多，麵飯款好似有6/ 7 款,而小食就好似得4/5 款，咁餐以外就叫多左碗熊本豬骨湯拉麵。($68)餐就叫左兩個拉麵：豬骨湯拉麵＋辣味豬骨湯拉麵，小食就叫左鹽燒牛舌同雞翼。拉麵大概等左5-10分鐘左右已經上菜，豬骨湯拉麵同辣味豬骨湯拉麵其實大致上都相同，只係辣味果款拉麵多左堆辛醬同配料方面多左粟米。 飲左一啖豬骨湯，覺得好一般，湯底完全唔濃味好單調，而且豬骨味道完全唔突出（利申：我平時食野都好清淡）但麵屋一平安個湯底真係唔太掂，同我食過既拉麵好有分別，屬於清淡型。但拉麵湯底上無層油都算係好事黎

第一次去一平安是一個日本人同事帶我去的.不過都已經係十幾年前既事了.今次係第2次來一平安, 比以前舊店美麗華分店地方大好多, 人手也多好多.估唔到星期六都有不同既SET (有麵有飯仲有野飲), 而且都在100元以下真係好抵<-以前好似一碗麵都係6-70元.我們叫了2個SET, 即2麵2飯.-拉麵是幼身的麵, 湯底不錯, 溫泉旦及X燒也十分好食, 分量剛剛好, 所以再食多一個MINI飯都無問題.-今次既驚喜在2碗mini 飯上. 燒牛舌燒得剛熟, 雖然薄薄一片不過好juicy, 如果再多d蔥花真係無得頂.-五花腩肉花, 雖然看上去好多肥肉不過加埋旦及把d肉跟飯攪混後,個種好味係非筆墨可形容.如果下次再去我估我會只只會叫黎2碗飯來食.總結: 地方, 食物, 價錢及服務都真係無得輸 

本身都幾中意食拉麵, 所以特意泥試一試這裡的拉麵. 可能位置關係, 所以吾洗排好內就可以入座了. 因為大部分既拉麵餐廳都係要排好內隊.我地叫左個平安招牌拉麵, 芝士玉子卷, 麵屎青瓜, 日式燒餅. 平安招牌拉麵 – 無失望既都, 因為本人比較喜歡食幼身D同直身既拉麵. 而個湯底真係好濃郁既豬骨味, 我忍吾住飲左半碗. 芝士玉子卷 – 呢個絕對有意外驚喜!!! 熱拿拿既玉子加超濃郁既芝士, 簡直是不得了! 食落又吾會太膩. 中意食芝士既朋友真係吾可以放過.麵屎青瓜 – 原本諗住叫個前菜醒醒胃, 很簡單既青瓜粒, 加上一堆麵屎醬. 但麵屎味道小小怪, 價錢並不是很平, 所以不太推薦. 日式燒餅 – 正常出面既日式燒餅味道. 總結, 環境不錯, 服務很好, 會想再去試其他菜式.

跟朋友當天都不太肚餓, 走入"麵屋一平安"想來幾串串燒過下口癮。順便聊聊最近的生活, 各有各忙的我倆, 已很久不曾見面了。當晚人不多, 眼見原來也有不少日本人光顧。不用等位, 亦被安排坐在四人座。點了的串燒, 等了很久才上桌。滿心期待會是即燒的, 會熱騰騰的。但並沒有, 燒物只是微暖。而且味道很咸...有肉類的都很咸, 而疏菜類都還可以。最失敗的應該是燒蕃薯吧, 肉質仍是實實的。而帶子已經是最好味的了...不咸。因為串燒不好吃, 多點了一客牛吞。反而這個牛舌有驚喜, 很好吃。炒得惹味又嫩。這一餐, 就算只有串燒都會很飽。因為不停灌水。

除夕夜沒有跟男友湊熱鬧去倒數, 只是選擇了到一平安吃個晚餐, 起初很擔心節日出街用膳會被迫吃套餐, 幸而這裏還有a-la-carte, 雖然最後我們還是選了二人餐 ($328+10%), HAHA無他! 覺得散叫跟套餐也差唔多價, 而套餐內的款式也OK, 所以一試.前菜選了沙律, 有半薯蓉狀態的一球、青瓜絲、蟹柳、幾款菜類及車厘茄, 醬汁是分開上的, 這樣我們便不會吃到底時感到很濃的醬汁.以套餐來說有這個份量, 我覺得是很夠的.我不吃三文魚的, 所以選了甜蝦刺身, 肉質不算很新鮮, 因男友試圖夾著蝦尾把蝦頭除去時, 蝦身中途斷開…但味道過得去.燒汁魷魚筒烤得很好, 每片大小均一, 易入口不 ‘un’不痴牙, 鮮魚鬚尤其美味, 燒汁甜甜的, 作為佐酒食物很不錯, 但我當日點了跟餐的飲品~益力多野莓特飲(少冰), 天寒地凍….而且女生都不應該經常喝凍飲啊~ 所以唯有少冰來嚐口腹之慾. 都是開出來的飲品, 不會失手啦~ 但甜度適中, 喝完不會嗆喉.另外, 套餐有自選6款串燒或燒魚或另一款菜式, 不好魚的我倆當然選擇串燒. 自選了大葱燒雞、梅子醬雞、明太子雞、免治雞肉、燒帶子及露筍豚肉. 首先

銅鑼灣嗰間執左, 好掛住佢嘅醬油拉面, 冇計, 過海去到美麗華搵佢店嘅裝修幾特色, 位亦闊落舒適.唔知係咪當日老闆同朋友試菜, 啲waiter掛住服侍佢哋, 變左service好慢同甩陋, 廚房都係講返食物, 個豬扒蛋飯同鹵肉飯跟餐嚟嘅, 冇乜要求亦冇乜在意個醬油拉麵呢... 唉.......點解同銅鑼灣最好食嗰時差咁遠㗎?呢個麵個湯得個鹹字, 個味道好單薄以我有限嘅飲食知識嚟估計a. 湯底本身出左問題, 料唔夠或餚得未夠b. 獨特嘅香味冇左, 之前食係有層油嘅, 估計之前廚師會將醬油放落碗內, 再贊滾油增加醬油嘅香味 (同中式贊豉油一樣原理), 之後先落湯, 而家碗麵唔見左層油, 即係做少左步驟真係好失望老闆如果你睇倒呢編嘢, 搞返好你嘅core product先, 唔好掛住試新菜, 個個嚟你度, 其實都係為左食麵㗎咋

其實自己都算係常客，每個月最少黎一次(當然唔計平時返工食飯個d啦)。對於住喺MK既我，依個次數已經多。其實每次都覺得好好食，今次令我會好食到上載食評，係因為佢新出的幾款夏日食品!個拉面好食唔在講，豬骨湯底充滿濃厚的味道，幼面條的拉面煮得剛好。最緊要要加適量蒜頭啊! 可以把湯底油膩辟去。而我食左新的軟殼蟹卷 (圖中粉紅色)，哇! 第一啖入口，咸甜適中，是預期中的味道，好食。試點埋提供的醬油，哇哇！好好食啊~~~~! 我都唔係咁識用文字形容，但我真係好耐無食過咁好食的卷物。gel ring, 哈哈) 而新的涼拌波菜也是預期中的好食。燒牛舌，切片厚薄適中，爽口！仲有冰涼的Asahi生啤，同酒樽裝的相差甚遠，一點苦味也沒有的好啱我！！(冇留意有冇Angel ring, hahaa)好想好快再去，要試埋其餘幾款新野! 

我早排成日去食拉麵，但係可能因為市面開咗太多不同拉麵店嘅關係，所以去咗試其他新店而好耐無嚟麵屋一平安。今日去到美麗華，又再次燃點起我嚟食拉麵嘅衝動。回想起呢度以前成日都要排長龍，但是似乎善忙的香港人已把它續漸忘記，所以有幸今次不用等位便可以直接入座。我每次嚟到都係食叉燒拉麵，我欣賞呢度嘅叉燒好入味、紫菜香脆、湯底濃郁，食得出係用心之作。好高興拉麵嘅水準係同以前一樣，好食 。

舊同事派帖，相約找個地方食一餐，聚聚舊。汗流浹背的來到，真係好鬼熱，所以放棄了拉麵，選了冷麵。頗大的一碟，有蟹柳、火腿絲、蛋絲、豚肉絲、青瓜絲、蕃茄及子薑，顏色配搭是吸引，引得朋友也拿起手機拍照。撈勻後，吃了！麵條是爽口，各款配料味道可以，只是醬油太多，反而失去了清爽的感覺，未算十分好。另柯打了蛋卷大家分吃，唯一好處，只是夠熱。

本身今日打算去九龍灣，買本書之後係咁意食個飯好搞唔搞，去到九龍灣商務先知，本書全線得返美麗華間商務有無計啦，劇毒偽文青嗜書如命，即刻飛撲過去我諗就算開書名<<海生月>>都唔構成廣告，皆因全港唯一一本（好似係）已入我袋好啦前話講完，買完書梗係順便食埋野先走是日本身想去油麻地食拉麵，不過為左OT算數，渣渣林係美麗華食完返歸咁叔叔上二樓見到咦「有間拉麵」ＷＯＲ，仲要無咩人添（可能先７點正常人未放工，哈）一間無人既餐廳代表咩？A.準備打佯 B.無人識食C.間餐廳既廚師唔識煮野食好明顯答案就唔係Ａ啦，我抱住獵奇既心態入去，睇下有無伏可以踩一入去哇真係仲以為佢未開檔，不過有Ｄ餐廳７點先開唔出奇好啦入到去，個伙計見我一個人咁毒，梗係比最前個排見到前廚既位我坐小弟以前入過下廚房，如果你個班廚唔係真係見得人，唔該都係匿返埋見得人唔係指個樣，係處理食物既態度我一入到去個前廚位咩人都無，算，我點左份火灸吞拿魚沙律（＄７８）同埋特制什錦豬骨湯拉麵（＄８０）兩樣都係話貴唔貴話平唔平，起碼應該都有正常質素掛咁一個「正常人」叫得ＳＡＬＡＤ又叫熱野，係唔係應該先上ＳＡＬＡＤ先呢？落ＯＲ

話說第一次來這家美麗華分店吃過翻尋味, 然後第二次偶遇同在尖沙咀, 位於幸福中心地庫, 以特大海報聲稱 「最先登陸香港的拉麵店」而且是 [], 吃出眼淚來, 根本不像美麗華店, 連跟一般拉麵店都比不上 (詳情可找找我對那家店的食評), 為了回味美麗華分店的拉麵, 為了讓口胃補償上一次的失望, 就再吃一次了! 甫入座則見如此雅觀的置放, 與店內裝潢很合襯, 朋友共聚可坐一般餐檯, 獨酌或感受日式風味可以坐bar 檯, 悉隨尊便.豬骨湯底叉燒拉麵($75) : 湯味濃, 有點稠, 拉麵硬度適中, 叉燒的脂肪與肉比例均勻, 很美味! 辣味豬骨湯拉麵 ($72) : 同樣是豬骨湯, 當然味道與稠度一樣吧! 而這款略嫌辣度不足, 連"小辣"也說不上, 只有咸味. 自製餃子 ($40) : 有水準之作, 皮不算厚, 肉質鮮嫩的, 即使不沾醬油也很可口.芝士煎蛋 ($65) : 看這個很特別就叫了一客試試, 可惜蛋味很淡, 更有一股滾水味道, 而芝士味道也是不濃不淡, 被蛋的味道蓋過說不上, 說它蓋住蛋的味道更說不上, 總之兩者不是很配合的.