麵尊

營業中

休息中

銅鑼灣登龍街，一直都係麵食嘅兵家必爭之地！除咗車仔麵，仲有拉麵、泰式湯粉、日本烏冬…咁多嘢食，梗係要試吓麵尊啦！平時好多人排隊，今日差唔多閂舖2130唔使排直入，不過好多餸都已經賣晒！叫咗三個餸都只不過係$40 ，湯底有少少甜，又唔會太鹹！分別係時菜、豬紅、枝竹🤭所有餸都吸到湯底味道，好濃郁🥰米線腍度啱啱好，綿得嚟又有嚼勁🙌🏼好食！總括而言，係平凡嘅美味😎如果唔使排隊嘅，係非常方便快捷地解決午餐嘅選擇！

我都幾鍾意食車仔麵，點解，因為有得你揀丫嘛，望住張寫滿餸名嘅點餐紙，又或者望住一兜兜嘅餸想食咩就嗌咩你話幾爽呢。今日就嚟到麵尊試下，聽就聽得多，食就真係第一次。先講下個湯底先，都係正常嘅車仔麵湯底，不過佢就屬於偏甜，都幾濃幾好飲。第一碗我揀左豬紅、豬腸、魷魚，河粉底。河粉食落口好爽，唔會一pat pat，都幾吸湯。豬紅唔會一夾就散，入口爽脆而鮮。豬腸炆得好入味，唔會過淋。水魷魚爽口。第二碗唔想諗，直接叫碗大尊，樣樣都有啲。有魚蛋、豬皮、豬紅、蘿蔔、紅腸，豬皮入味夾口，魚蛋有咬口，蘿蔔炆得淋唔會有渣。兩碗麵都好好味，重點要配合佢嘅靈魂😍😍，個辣汁真係無得頂，又辣又刺激。❤️❤️

今次食呢間車仔麵原因係行街行得太攰🤡需要補充體力🫢係唔想食勁heavy 嘅前題之下..又諗唔到食乜...😬難得見哩間車仔麵門口居然冇人排隊(平時長期排隊)😛即刻諗都唔諗入去醫肚🤭叫左生菜,蘿蔔,咖喱魚蛋,冬菇米線埋單$52老實講車仔麵黎講佢唔係頂級好味..但份量絕對唔會令我失望..夠我食得飽(我出名大食)😌生菜份量絕對有誠意…唔會只係得一棟仔咁大把🙈蘿蔔夠甜唔會好老好多渣😂咖喱魚蛋嘅咖喱汁遜色少少🤡🥲冇乜咖哩味..我估佢岩岩煮好放入咖哩汁但魚蛋皮似新鮮炸起的👐🏻幾彈幾新鮮蠔皇冬菇唔係差的🤣但唔夠甜味😌甜少少會開心啲米線有少少🤏🏻煮唔透🥹但係可接受範圍內都係個句🤭份量係取勝嘅😌整體嚟講佢平過我喺尖沙咀叫外賣平台車仔麵😂所以唔要求咁高

好耐無食過咁滿足的車仔麵🤤湯底有點驚喜，一碗麻辣中辣湯底，沒有想像中的辣，反而食到湯底帶清甜🤔 另一碗麻辣+腩汁+咖哩汁，非常惹味，岩晒重口味人士😍配料方面超級推薦以下幾款：🔸豬皮 ~ 勁入味🔸蘿蔔 ~ 無渣，清甜，夠軟稔🔸牛柏頁 ~ 索湯😍😍食完沒有口渴，可以再戰😍📍 麵尊 (銅鑼灣) @minjuncartnoodles 銅鑼灣登龍街18號V Point地下5號舖🈺 星期一至日 12:00~22:00#銅鑼灣美食 #車仔麵 #車仔麵關注組 #香港美食 #香港平民美食

麵尊位係銅鑼灣時代廣場附近，每次食飯時間都好多人排隊，雖然好多人等位，但輪候時間其實好快，餐廳翻桌率好高🤭填紙仔落單，可以瘋狂嗌餸，唔洗就住就住，驚俾人知自己大食😂🥢四餸麵第一碗要左豆卜，魚蛋，豬頸肉同腸仔。唔食得辣既朋友仔淨係嗌左腩汁同多蔥，湯頭偏甜，顏色偏深，飲落唔似落去好多味精！豬頸肉厚切大舊，但感覺似白烚無乜調味。魚蛋用上類似長洲既大魚蛋🐟，彈牙有口感。值得一讚係河粉，幼滑得黎好嗦汁，配上濃稠既腩汁最為合適！🥢五餸麵第二碗揀左豬大腸，濃汁香菇貢丸，咖哩牛栢葉，蠔油冬菇同蘿蔔。今次就要咖哩同腩汁，加左小小辣即時變得好惹味，仲中和左湯頭本來稍微過甜既小瑕疵🤭豬大腸沖洗得好乾淨，用滷水汁煮左好耐好入味，咖哩牛栢葉分量好多，有四五舊仲要好爽口煙韌。其他配料都係水準以上，無論色香味都俱全！📍麵尊銅鑼灣登龍街18號V Point地下5號舖

次次黎銅鑼灣都食。好好食！佢地開了11年，網友推介必試秘製麻辣醬🌶（ 100% made in Hong Kong 🇭🇰）材料都唔會留過夜，比較新鮮🥬🍜有8款麵，4款湯底 ，可混合選擇。我點了：🍜大尊 $49 - 幼麵 （當日冇粗麵）餸有蘿蔔，豬紅，紅腸，豬皮，咖哩魚蛋，菜。大尊同細尊的分別只是菜。湯底點了腩汁 + 咖哩辣 + 蔥😋豬皮好淋，豬紅軟身，咖哩魚蛋和紅腸正常，菜都新鮮，湯底辣🌶另外朋友推介要食豬大腸，魚皮餃，咖哩魷魚。$125／2個人，抵食！M餐廳又乾淨，服務OK, 出餐又快！

靚女介紹黎食，一行3人，需要排隊，不過等一陣好快入坐，我點了特辣，不過對於我都是不夠辣的，湯底除左我覺得唔夠辣，味道是一般，另外點了山根（呢個不會錯，只要不放太久，變了有油溢味都不會難食）蟹柳（蟹柳好食，應該是中等價錢貨品），白蘿蔔（清甜無乜渣），鹵水豬大腸和雞翼（鹵水汁幾好，入味）對於餸的味道入口唔錯，整體我會比50-60分的，是湯底拉底左分數，環境是清潔，乾淨，應該有點日式感覺，位於銅鑼灣登龍街，地段租金比較貴，其實已經很不錯

魚蛋呢啲咁低成本既野要加$12同牛腩大腸豬頸肉個啲一樣價但好想食魚蛋 咪試試佢囉點知夠膽死得3粒仲要唔好食 中間仲有細魚骨插口牛柏葉唔入味雞尖有油益味湯底一層油 雖然油麵係會油啲 但曾經食過好食既車仔麵即使係油麵都唔會油淋淋食完勁口渴已blacklist☺️銅鑼灣咁多選擇可以唔洗食佢如果我係遊客 見咁多人比好評而去食 我食完一定會嬲到震🌝🌝Dont make stupid restaurants famous please🙏🏻🙏🏻

我最喜歡的一間車仔麵不是最平價但味道和性價比是最好的次次去都係呢堆選擇蘿蔔酸齋牛腩炸魚皮配米粉或油麵加腩汁加麻辣醬多蔥不過今次無叫牛腩, 改叫了豬頸肉豬頸肉味道雖好, 但不是我喜歡的爽口彈牙口感下次都係叫返牛腩蘿蔔清甜無渣酸齋炸魚皮索湯一流酸齋必叫而且我欣賞店家係畀完整的兩塊酸齋好多店都將一塊碎上當好多塊咁圖中麻辣醬份量是中辣,但我覺得都係唔係好夠下次可能要叫大辣先夠啦佢味道不太辣但好夠麻我之前仲會買醬返屋企食㖭無論上環店定銅鑼灣店都是我係當區諗唔到食咩就會去嘅一間餐廳

鍾意食車仔麵嘅你，千祈唔好錯過呢間車仔麵店😚！本店位於上環，而妹豬仔呢次就去咗銅鑼灣分店度食～店外經常排有人龍，極具人氣🙌🏻！但入座速度都快，等咗15分鐘左右就可以入座😆。.呢度嘅基本麵底選擇有6款，包括：油麵/幼麵/粗麵/河粉/米粉/米線 (HK$10/款)，另外亦可選擇伊麵/公仔麵 (另加HK$5/款)。.然後可以自選想食嘅車仔麵餸😋，價錢主要係HK$10/款或HK$12/款。另外亦有：淨炸魚皮 (HK$22)、淨雞翼尖 (HK$22)、淨豬頸肉(HK$35)、生菜/白菜 (HK$22)。.湯底方面，就緊係要腩汁🤤！再因應個人口味，可再加蔥。鍾意食辣嘅朋友，更可加埋麻辣醬/咖哩醬(辣度：小/中/大/加大)😉。.推介車仔麵餸：🔸豬血：好入味，而且份量多。🔸蘿蔔：好大舊、清甜冇渣。🔸咖喱魚蛋：有3大粒，每粒有香濃咖喱味。🔸雞中翼：2大隻滷水雞翼，十分入味！🔸蠔油冬菇：冬菇都大舊，同樣好入味。🔸酸齋：有2大舊，甜酸度適中，十分醒胃！🔸豬頸肉：滷水豬頸肉2片，肉質唔柴而入味。.(其實本身仲想食埋五香牛腩，可惜當晚已經賣晒，有興趣嘅朋友可以試下～).💡妹豬仔話你知💁🏻‍♀️～呢度入座設每位最低

之前見銅鑼灣依間鋪頭長期排隊，有一日路過銅鑼灣就同男朋友入去試下咩料🥰我就叫左豬大腸、雞翼、咖哩魷魚、咖哩牛柏葉、豬頸肉配伊麵加底，飲無糖可樂。而男朋友叫左豬紅、紫菜、咖哩魷魚、蠔油冬菇、五香牛腩配伊麵加底，飲豆漿。豬大腸、雞翼、咖哩魷魚、咖哩牛柏葉、豬頸肉配伊麵加底魷魚同豬大腸好食，伊麵都好爽。而雞翼、牛柏葉同豬頸肉就正常操作😂豬紅、紫菜、咖哩魷魚、蠔油冬菇、五香牛腩配伊麵加底男朋友話紫菜同魷魚都幾好味💕牛腩都好淋🫶🏻冬菇同豬紅就一般😂整體黎講價錢比較貴，加底果個價錢寫得唔清唔楚🥲無想像中咁值得要排隊入去食，咁既價錢都有其他車仔麵選擇😳所以我唔會再回訪🥹麵尊 (銅鑼灣)📍銅鑼灣登龍街18號V Point地下5號舖

🍜麵尊豬大腸-豬紅-紫菜-咖哩魷魚咖哩牛柏葉-豬頸肉-油麵😎腩汁湯底色澤同味道都好足夠🤤大腸乾淨～豬紅有咬口～魷魚同牛柏葉好入味👍👍食過咁多款覺得豬頸肉好食既只係相比下唔算突出😋油麵爽口彈牙～諗起又想食😜盛惠💰$7x好味指數(7級最佳)▁ ▂ ▃ ▄ ▅ ▆ ▇—————————————————☻非專業食評·純個人口味☻—————————————————📍總結:無咩好挑剔😂一黎小編唔係第一次去😋二黎佢又真係幾好味～好多時行過都見到要排長龍～職員都好快手～所以小編覺得食飽飽就出門口先傾計啦😜

銅鑼灣嘅麵專環境一定比上環舒服，但係食物質素就一樣，咁樣梗係過嚟銅鑼灣舒舒服服有冷氣食！上環始終好逼，食完成身味🥶酸齋、豬紅、陳皮魚蛋每次都會回頭叫😆 記得加秘製辣醬😆

味道還可以，但係份量唔算太多，雖然我知道地段喺銅鑼灣，但係性價比實在不算太高，就算佢比較貴都好，俾多啲份量會比較好！ 希望餐廳睇到呢篇食評啦，然後加多啲份量就會好啲啦！ 👍👍

每次經過都好多人排隊，今日特登12點前就到，不用等就可以入座。叫咗4餸➡️ 豬大腸、豬紅、豬皮和咖哩魚蛋幼麵加腩汁唔知點解啲豬紅鹹鹹地，覺得味道有啲怪🙃咖哩魚蛋個咖哩味唔算重，有啲普通。豬大腸好肥好入味，但食多幾件個肥感膩。豬皮好大塊，入味有咬口。湯底濃，份量算多，價錢唔貴，又無加一，不用等位的情況下，一試可以，沒吸引再去。