麵尊

營業中

休息中

叫左五香牛腩+豬頸肉+咖喱牛柏葉。叫完之後聽到隔離枱話唔好嗌牛柏葉，心諗出事啦。🫣牛柏葉係完全咬唔開，嘗試直吞左1-2舊之後放棄左，早知唔叫，加成$12但係完全食唔到🫠牛腩同豬頸肉都好食。不過個人唔係好食得辣，覺得太辣。但係冇得揀辣度🥵基本上冇服務咁濟，啲伙計企曬喺門口嗰度唔知做緊咩，我入到去寫完單要自己攞出去俾佢地，佢地個態度仲要好似唔想理你咁😟個感覺係唔憂做，仲要淨係收cash…I’ve no idea what the staffs are doing, standing near the door with folded arms instead of picking up my order sheet. Bad attitude like they don’t mind if you eat or don’t eat here… Cash only, no digital payment.

話說呢朋友就介紹銅鑼灣開咗間超好味嘅車仔麵，次次經過都見到好多人喺度排隊，今日咁啱喺附近睇完醫生，見到得兩個人排緊隊就入咗去試吓其實入邊嘅鋪面都相當之大，keep住有人龍，證明佢嘅人氣真係相當強五餸麵$66朋友真係好肚餓，叫咗五餸麵，包括豬頸肉、豬大腸、牛腩、蘿蔔同埋豬紅當中豬頸肉同埋蘿蔔做得非常之出色蘿蔔非常之鮮甜，咬落淋身唔會成口楂豬頸肉好爽身，肉質上面有少少脂肪，食落更加香口三餸麵$44但係食妹個碗係健康之選，叫咗冬菇、生菜、雞翼麵冬菇細細粒，不過滷水味十足雞翼略嫌滷得唔係好夠入味不過真係要讚吓佢個腩汁湯底，有微微嘅甘甜味，好容易食晒成碗麵

好耐無食過咁好味嘅豬紅，次次都會點！牛柏葉都好正！爽口又唔韌。之前點過墨魚丸得兩粒，所以我會點其他野。如果食到辣，咖喱會係一個好好嘅選擇，記住要加汁，嗰種辣係好過癮，次次都食到流鼻水🤣所以要叫埋飲品同準備紙巾呀😆

事隔一年再過嚟, 人氣持續高企！我哋6:30pm去到已經要排隊, 不過啲客人食完就走, 所以都唔會話等得太耐～主打車仔麵, 麵條可以揀油麵/幼麵/粗麵/河粉/米粉/米線/伊麵/公仔麵, 配料選擇多, 湯底可以揀清湯/腩汁/麻辣汁/咖喱汁。湯底係食車仔麵嘅重點❣️呢度嘅湯底係濃而不鹹, 食完唔會口渴, 我揀咗粗麵, 麵條軟硬適中, 充份吸收晒腩汁味！推介蠔油冬菇同白蘿蔔, 滷得好入味, 冬菇嘅菇味好濃, 而白蘿蔔就炆得好淋, 索晒啲湯汁。配埋樽凍豆漿, 好滿足！

銅鑼灣呢間人氣車仔麵多年來屹立不倒，今日食完之後果然首屈一指。餸菜種類有很多，而且又可以自選湯汁。豬紅、蘿蔔、豬大腸、五香牛腩車仔麵粗麵的咀嚼感很有勁道，豬紅肉質鮮嫩，入口即化。蘿蔔帶有些許脆脆的口感，味道清甜。豬大腸好彈牙、好入味五香牛腩則是濃郁鮮美，肉質軟嫩。豬頸肉、五香牛腩、咖喱魚蛋車仔麵油麵的質地柔滑順口，牛腩鮮嫩多汁，咬下去能感受到肉汁的流淌。咖喱魚蛋既有魚蛋Q彈的口感，又有咖喱香濃的味道。豬頸肉則帶有一點肥嫩，味道香滑。另外我仲請咗店員俾我試吓餐廳自家製的麻辣和咖喱，味道十分出色呢！腩汁生菜蔬菜好新鮮，加埋腩汁係平時食唔到嘅味道！

18:00前不用排隊，17:45即入有位坐，今次第二次來，一樣咁好食，叫了油麵、炸枝竹、蘿蔔、雞中翼$42， 加了$10要了雀巢檸檬茶。本來想點其他飲品但有點貴麵來了先喝湯底，甜甜的很好味，然後將匙羹上的咖哩醬混入湯內，油麵比其他鋪頭幼了少少但非常能掛湯，非常好，白蘿蔔本身芯甜，又炆得冧好味，枝竹完全索湯，雞翼亦鹵得入味但雞皮不會爛，好好👍🏻今次一個人來食坐高櫈位，下次應該搵朋友來食坐二人枱應該會坐得舒服啲

呢間車仔麵店真係久仰大名🫶🏻終於去咗試嘩，食完就明白點解咁受歡迎 真心好味🤤食車仔麵一定要講個湯 呢間嘅湯底係濃而不鹹 而且帶一浸甜味 唔係落糖嗰種甜 係清甜😳飲完唔會口渴啲餸啲麵亦都配合得好好 大碗抵食 $40-50蚊已經可以好飽 配餸大推蠔油冬菇 多汁鮮甜入味 連埋啖湯飲 會更加好味豬頸肉都勁正 佢係滷水嘅 冇燶邊 但係好厚肉爽脆 建議叫碟淨食 份量會再多啲😆車仔麵嚟講真係出色 難怪咁多人食🫨去開港島一定會再幫襯！

員工沒有基本安排入座能力，不知所謂，這𥚃可能只適合二人同行用餐….香港飲食業關門大吉不是沒有原因！ 醒下啦，如果唔係救世主都幫你唔到！只要用心少少返工，安排可以做得更加好，機械式工作，不如請個AI Robot…

每次經過店舖外面都排長龍，但turnover rate高，等咗around 10分鐘已經入得。客人則可以在排隊時選擇order什麼。入到去裝修有花心機，幾靚，枱面都乾淨。豬紅、蘿蔔、咖喱魷魚、油麵 $42麻辣（中）、腩汁豬紅：小氣孔、表面平滑、輕輕咬下便會碎裂、冇腥味👍🏻🤤🤤🤤蘿蔔：有三大嚿。燉到好入味、好腍、冇渣，微微清甜👍🏻🤤🤤🤤咖喱魷魚：正常發揮，並不突出。切條、爽彈、不會過老👌🏻小編選擇了中華辣。小編食開譚仔五小辣，覺得中麻辣食落好爽，會輕微出少少汗，但又唔會接受唔到，好頂癮。🥰🥰🥰🥰🥰🥰🥰🥰同行友人叫了：五香牛腩、豬頸肉、咖喱魚蛋、小白菜、河粉 $56腩汁五香牛腩：偏瘦（較少肥豬肉），但炆得淋👌🏻豬頸肉：肉質一絲絲，不會太乾，可惜跟炭燒豬頸肉相比始終欠缺了香氣🥲咖啡魚蛋：只有三粒，質素跟街邊魚蛋差不多，卻貴很多☹️小白菜：正常發揮、份量偏少。cp值低☹️結論食辣嘅朋友應該幾鍾意個湯底❤️❤️❤️至於配菜方面，不是每樣都高質/CP值高，要慎選🤭小編較推薦：豬紅、蘿蔔

想係銅鑼灣食得平平地但又抵食嘅，我就一定會揀呢間車仔麵。記得以前成日都要排隊，今日6 點去食完全唔洗排👍蘿蔔+魷魚+紫菜 +米粉 係我食車仔麵嘅最常食既組合之一。湯底揀左腩汁+麻辣... 正常味道~蘿蔔軟硬剛好，清甜入味。~咖哩魷魚🦑份量足夠， 唔會好似某d 店咁勁細舊或者得兩三條，味道不差~米粉軟硬剛好，而且都索到d 牛腩湯既味整體來講要係銅鑼灣食到一個$42 既三餸車仔麵，呢個質素係合理，唯一留意係佢只收現金呀～

次次黎都要排隊，不過都係排3-4個店面唔多位，講真如果長龍我就唔會排，未去到果個程度價錢算平，$4x 有三餸，低消$40湯底要左加腩汁，都幾濃米粉好索汁，食完幾口渴下雞翼係滷水味道，外皮都幾滑，肉唔鞋，幾入味齋酸齋好食，酸甜適中，口感煙韌，唔油最驚嗰啲酸到刺鼻同勁油名物豬頸肉都係滷水，唔係炸，負擔冇咁重，都幾大舊，口感軟嫩又彈牙五香牛腩，唔係平時果種炆牛腩，呢個反而想對冇咁濃味好瘦既牛肉，不過就好腍

呢日想食車仔麵，就諗起麵尊，平靚正！雖然成日大排長龍，不過當日時間不早，隊不太長，大約8分鐘就入得去喇～不過咖啡尤魚就賣晒lu~🥬油菜-白菜油菜有白菜和生菜選，選了白菜，菜很新鮮清甜，大大棵，加上腩汁+蠔油，好味🍜🍜一碗叫了炸枝竹、雞中翼、蘿蔔、酸齋、油麵-咖喱；另一碗豬紅、蘿蔔、雞翼尖、豬腸、豬皮、蠔油冬菇、油麵-麻辣油麵麵質彈牙爽口湯底清甜，銷魂咖喱醬，香氣濃郁；奪魂麻辣在車仔麵上很有新鮮感，麻辣均勻，兩種各有所取。仲可免費加湯～豬紅夠入味，滑嘟嘟，有很多舊；豬皮入味爽脆；蠔油冬菇也炆得很入味；雞翼尖、雞翼瑞士汁味甜甜惹味；炸枝竹不油膩，索晒湯底的精華；蘿蔔大大舊，無乜渣；豬腸有口感，內裡清得乾淨；酸齋酸甜，正👍🏽

平日6點幾已經有人龍，不過條龍都郁得幾快，好快入得去…喺外面排緊隊，職員會派餐紙同筆，最低消費$40，叫3餸1麵就差唔多😌一碗加左咖喱汁（小），辣辣地，可以接受😁本身湯底幾濃味，唔食得辣就唔好叫有咖喱嘅餸～蘿蔔幾清甜😆豬紅調味幾好👍🏼酸齋都幾大舊又😁魚蛋ok，墨魚丸就好一般😣

今日一個人嚟到銅鑼灣，想平靚正食個快飯~即刻諗起麵尊！平時2個人要等一等位，今次一個人應該好快入座啦~7點左右嚟到，門口有1條小人龍，目測6個人等緊。我自己一人，只需等佢執埋枱，5分鐘左右就入得喇！今日我嗌咗4餸麵: 紫菜($10)、紅腸($10)、蟹柳($10)、咖喱魷魚($12)同米線($10)，再配腩汁+咖喱(小辣)一上菜已經聞到佢哋自家製咖喱醬嘅香味撈勻咗更好味份量都算多，蟹柳同紅腸都各有3舊，紫菜亦鋪滿咗，咖喱魷魚都有6片左右，呢個價錢絕對抵食！每款餸都好出色，係車仔麵嘅味道~~紫菜吸晒湯底嘅味道，一定要食！超推介！

在熱鬧繁華的銅鑼灣街道，這一家專注於製作地道的港式車仔麵，吸引了無數食客的青睞，每次來的時候都有人在排隊😆 我點了一碗蘿蔔，豬大腸，魚蛋，紫菜，豬頸肉粗麵，加腩汁麻辣汁咖哩汁，首先是那飽滿的蘿蔔。蘿蔔入口即化，帶有一絲甜香，與麵條的咸香形成完美的平衡😍 接下來是豬大腸,經燉煮後，變得又嫩又爽口，入口即化而且好香滷水味👍🏻再來是魚蛋，好大粒炸魚蛋，質地鮮嫩彈牙，搭配上紫菜，十分吸湯，吃麵時夾雜住清爽的口感。最後是大大片的豬頸肉，肉質細緻鮮嫩，帶著一絲肥香，令人回味無窮！🥰我特意在麵上加入了腩汁、麻辣汁和咖哩汁。中和三種調味汁非常完美，讓這碗麵充滿層次感，誘人欲罷不能😆滷水雞翼也好入味