麵匠風龍

營業中

休息中

入到店鋪坐落感覺都幾舒服，Order佐豚骨拉麵，上菜好快，濃湯一定要加胡椒粉，好飲唔會膩。面同配菜都好搭，我鍾意佢額外配送既辣豆芽，搭配肉片 同拉麵食層次會豐富D。肉兩片都煎得香口既，唯一不足就係肉質一般，微硬。之前有試過D拉麵店用肉塊烹製取代傳統肉片，真係好食好多。整體來講好味，埋單75蚊唔算貴。

這間餐廳想光顧很耐了，每次幾次都排長龍，這次的起決心一定要排隊試食。我們大約排了半個鐘，前面有4- 5個人。入內餐廳裝潢簡約，有紅色布掛在天花增加空間感，充滿日式味道。餐廳地方不大，疫情關係目測可以坐11人。餐廳選擇不多，主要有兩款拉麵：豚骨湯拉麵及蝦味噌拉麵。另外有小量小食提供，貴精不貴多，對有選擇困難症的人來說太方便了！不用花太多時間想。我們選擇了：1. 蝦味噌拉麵套餐（配小龍蝦蟹籽沙律及半熟玉子）小龍蝦蟹籽沙律：賣相吸引，口感清新開胃。小龍蝦配蟹籽已經很吸引，作為前菜我認為已有驚喜。蝦味噌拉麵：首先湯底有濃郁味噌味但不會覺得太鹹，飲湯底都不會覺得喉嚨痕。而且他們毫不客氣放大量蝦乾蔥花及粟米，令賣相顏色豐富，令人食慾大增！不過半熟玉子如果流心小小就更好，叉燒比平常硬但都很好了！2. 豚骨湯拉麵 （單點）：豬骨湯底十分濃郁！濃濃的豬骨湯很好喝😂一點都不鹹！雖然單點只有叉燒同蔥花但一點都不馬虎！豚骨湯底比起味噌湯底較為清淡但我很喜歡！總括而言，這餐很滿意，簡單但毫不失色！

麵匠風龍係我不嬲都有食開既高質拉麵店喺灣仔呢個交通咁方便嘅地方未有疫情之前次次經過都勁多人排隊證明真係好好食(((o(*ﾟ▽ﾟ*)o)))♡舖頭由門口開始已經係日本風嘅裝修門口採用木質敞門一入去係好似日本拉麵店嘅座位一人一格向著拉麵師傅Order完可以睇到佢哋點樣整拉麵牆身有鈎俾你掛袋掛外套好似去咗日本咁而佢地地拉麵專注整兩款豚骨湯同蝦味噌其實都可以分辣同唔辣我就食左蝦味噌湯底見到嗰啲櫻花蝦仔鋪滿成個面食落蝦味濃郁超爆真材實料麵嘅硬度又剛剛好溏心蛋又香又好食又堅流心而且份量都好大碗次次食完都勁飽前面仲擺咗啲芽菜同埋蒜蓉食到一半仲可以加入去令到成個面既口感同味道更加有變化仲有檸檬冰水比你自己斟冰今次去就無乜人排隊大家可以多多支持地址：灣仔軒尼詩道184號

灣仔拉麵小店，店內座位不多，但頗有日式感覺！拉麵只有兩款，沒有太多選擇！不過如果選擇食set就可以有兩個小食可供選擇！都算豐富，好合適一D有選擇困難症嘅人拉麵水準一般，但驚喜嘅係拉麵叉燒好好食！小食嘅生蝦沙律都吾錯!

🍴蝦味增拉麵套餐 配 餃子 HKD115一上檯就見到成堆櫻花蝦係個拉麵上🤩除左麵上嘅櫻花蝦 湯底都係好濃郁既蝦味🦐試一啖湯底 口感非常濃郁鮮甜creamy 要讚嘅係飲完個湯底都唔會覺得好鹹或者會口渴😍 櫻花蝦亦都令成碗拉麵食落去 口感更加豐富有層次🥳餃子跟餐有4隻 份量多到似單獨一個小食多過似跟餐🤪餃子外皮煎得金黃 內餡亦都好足料 皮薄餡靚👍🍴豚骨湯拉麵套餐 配 芥辣蝦沙律 HK105豬骨湯煮到奶白色 口感濃郁而不油膩 味道都唔係死鹹 感覺到廚師係落足料去熬呢個湯底🥳拉麵硬度適中 好掛湯 口感十足❗️跟餐嘅芥辣蝦沙律好驚喜 切成粒嘅生蝦鋪滿曬成個碗 蝦肉充滿光澤 粒粒都好彈牙有咬口 好似食緊刺身咁🦐芥辣醬味道好清爽 配上粒粒蝦肉 又係食唔停口嘅配搭🙈兩個餐都有跟兩塊叉燒 偏瘦口感紮實 食落唔會成口油 👍

平時行過都大排長龍，未有機會試😖黑雨一開市正搵餐廳醫肚，見到唔洗排隊，立即入去食！🤩-食完終於明白點解成日都咁多人排😂呢個味道真係好值得排隊食👍🏼環境同放係吧檯上俾客人飲用既冰水同冰茶都有種回鄉既感覺✨-💛男朋友叫既拉麵餐 - 前菜小龍蝦沙律，食到停唔到口😝可唔可以再叫多碟？🙈-💛豚骨湯拉麵湯底唔油膩，一d都唔漏，又大大碗加埋辣味芽菜仲好開胃tim🥰下次再黎試埋佢個蝦味噌拉麵套餐❣️

通常一間食店入面既menu只有兩三款食物賣，都反映到尼個餐廳對個兩三款菜式好自信😎灣仔區尼間拉麵店就係咁👍🏻只有兩款拉麵可以揀，可以轉套餐配埋其他小食，但小食選擇都係得三款真心夠晒自信！ 飲品都係茶水自助任飲，或者揀日本啤。豚骨湯拉麵+小龍蝦沙律。 9/10豚骨湯底濃，層次嘅味道唔係死鹹，拉麵既麵質亦適中，唔會太軟或太硬叉燒另外放係碟上，肉質厚，略嫌乾身左啲，可能係另外燒過既原因。 套餐跟既小食揀咗小龍蝦沙律， 龍蝦肉碎都幾多，用紫菜包住食好好味😋蝦味噌拉麵+ 煎餃子。 8/10朋友點既拉麵，我試左個湯底都幾滿意！又係有濃郁既感覺，而且多左份海鮮味🦐適合鍾意鮮甜味道既朋友煎餃子個內餡都幾足料自助配菜。 8/10自助任添既辣辣芽茶同鹽味蒜蓉一定要試～令碗麵既味道更加豐富蒜蓉有啲鹹架，唔好落太多啊🤫

lunch time時間，去到灣仔軒尼詩道一定有幾間餐廳大排長龍。12:35去到風龍，大概有4-5位係我前面，等到1:05剛剛好朋友都黎到就入得啦。一人一個套餐團骨湯拉麵套餐+餃子豬骨湯底拉面最緊要湯濃而不油膩叉燒另外上偏瘦 但口感不錯蝦味增拉麵套餐+餃子蝦味非常之濃郁櫻花蝦鋪面亦有好多成個湯都好豐富餃子亦都皮薄餡靚，煎得剛剛好。食物好之餘另外都要大讚個服務我朋友長頭髮，食拉麵時好論盡店員主動送上橡筋俾我朋友扎辮非常細心

難得有日係灣仔食晏,更係要食好西啦,麵匠風龍就正啦,點半去到有4人等緊位,等左20分鐘左右有位啦,拎左紙仔入座填,店員遞上一個信封,叫我地將紙巾牙簽放入去,的確,d人好鍾意將牙簽同用過既紙巾丟到一枱都係,我地一人一個set,佢係豚骨拉麵set,配餃子,我係櫻花蝦味噌拉麵set走蔥,配小龍蝦沙律,oh,原來佢櫻花蝦味噌湯都係豚骨湯...咁冇辨法之下,我只好唔飲湯啦,本身等位果陣太熱,叫男人買左罐黑啤比我,入到去見到有跟set$35/杯asahi,又忍唔住啦,枱面有辣味芽菜同蒜泥,芽菜辣辣地幾好味,蒜泥都調左味,鹹鹹地,同埋冇左生蒜既辛辣.仲有芝麻,胡椒粉,7味粉等等(滿12張相post唔到)枱面亦有茶水比大家自助飲用好,野食到,小龍蝦沙律賣相精美,蝦肉爽脆,味道幾開胃,餃子皮煎得夠香脆,入面既肉有肉汁,點埋餃子汁,平衡到油膩又惹味,豚骨拉麵,有叉燒,溏心蛋同木耳絲,豚骨味濃,不過暴生話喜歡丸京果個多d.櫻花蝦味噌湯,有叉燒,仲有好多櫻花蝦同埋粟米.將叉燒比左男人.我都覺得哩個豚骨太濃XDD,好彩有櫻花蝦XDD麵係我喜歡既適中帶硬,正冰凍ASAHI好,要去再食龜鶴!

<高質蝦湯拉麵💛>今次介紹呢間拉麵店想試好耐🙈 平日12點幾嚟到 都已經有好多人排緊隊🙊 另外餐廳有冰茶同冰水兩款供應 排完隊入嚟飲好解渴☺️—🦐蝦味噌拉麵套餐 $115餐廳主打兩款湯底 一款係豚骨🦴 另外就係我叫嘅蝦湯🦐呢個湯底非常出色🤩 入口好順滑 面頭佈滿櫻花蝦 蝦味超級濃郁🤤 食完之後都唔覺得口渴拉麵係幼麵 硬度適中👍🏻叉燒🍖係另上 有兩大件 表面輕輕燒過🔥 肉質比平時食嗰啲偏瘦 不過又未至於鞋😌.🦞小龍蝦蟹子沙律 (跟餐)另外套餐包左一款自選小食 我揀咗呢款小龍蝦蟹子沙律 好有驚喜❗️每一啖都食到小龍蝦肉 味道好鮮甜 再配埋卜卜脆嘅蟹子 好正😜—評分📈味道 8/10環境 7/10性價比 7.5/10—Rating 📈Taste 8/10Environment 7/10Worthiness 7.5/10

新界友出到港島搵食份外謹慎，唔可以錯過食好西嘅機會😝有時都係撞彩試下，估唔到呢間拉麵咁好食！！是日唔使排好耐隊，好快有得入去～因為我個人好怕啲好油膩好重味精嘅湯底，呢一個豚骨肉湯拉麵個底唔係好濃，唔會食到個人滯哂🥰而且佢嘅叉燒燒得好香，厚切好食！最最最出色就係前菜小龍蝦蟹籽沙律，真係啖啖龍蝦肉，勁好食！👍🏻👍🏻👍🏻另外叫咗一份餃子，正正常常的～雖然舖位唔大，但係坐得都舒服，唔會覺得太迫。個氣氛真係好似去咗日本嘅拉麵店😝

一去到就有條短人龍等緊，等左15分鐘左加就可以入座，店員有提醒牆上有掛鈎，可以掛袋同外套。朋友叫左豚骨湯拉麵加玉子，配餃子套餐（$105），佢覺得豚骨湯偏清淡，加上我地坐係風口位，好快就凍左又結左層膜，有少少影響覺得無咁好食。反而套餐嘅餃子有4隻，即叫即煎，熱辣辣上，又香脆又多汁，就算凍左都唔錯，食落有啲驚喜。我叫左蝦味噌拉麵（$85），湯比豚骨湯濃郁，仲有勁多櫻花蝦舖係面，麵幾正常，叉燒分碟上，有少少偏瘦，但都算可以。

又嚟食拉麵星期日下晝去到 等第一張枱就係我哋雖然都係5至10分鐘但因為今日真係太熱肯等得相信都係真愛😂一入到去店員好有善咁俾咗個紙袋我哋叫我哋可以放口罩入去之後我哋斟水呀除口罩呀搓手呀都完全冇催過我哋💛之後我哋就落單 (其實喺門口已經揀好食咩)一人一個蝦味噌同小龍蝦蟹籽沙律好快就上咗沙律都仲係咁好食 淡淡都有肉同蟹籽唯一未中不足就係好快就上埋拉麵我哋仲好享受緊個沙律嘅時候已經見到拉麵層油”琼”咗😅就嗱嗱聲放低半個沙律 食咗個拉麵先拉麵一貫高水準🍜只係我又又又唔記得走蔥造成浪費 我深感遺憾臨走嘅時候 見到店員準備緊芥末蝦沙律見佢放咗超多蝦落去 勁吸引決定下次去食😍麵匠暫時都仲係我食過最鍾意嘅拉麵店🥰蝦味噌拉麵套餐 配半熟玉子、小龍蝦蟹籽沙律 $115🙆🏿‍♀️

長期眼闊肚窄.食拉麵總係會想點埋餃子🥟·🦐蝦味噌拉麵套餐（$115）拉麵碗熱到拎唔到😂要勞煩店員幫手拎落黎～湯底濃郁但唔過咸👍🏻👍🏻👍🏻不過略嫌蝦味唔太出. 麵質未至於彈牙，但又未至於偏軟身，還好😋叉燒比拉麵有驚喜！厚身唔肥膩😋😋拉麵份量多既關係，餃子食唔落🤣🤣好彩同行朋友食完自己果份唔飽，幫手食唔洗浪費🤡總括而言，幾抵食！唔洗排隊就好啦😂😂·📍麵匠風龍灣仔軒尼詩道184號地下

這段時間沒有去旅行，很掛念在日本大板吃過的拉麵，於是最近我都想去拉麵店食一碗正宗的日式拉麵，這天我去到灣仔區其中一間很著名的拉麵店， 出名的餐廳，等候的時間固然很長，等候堂食的時間與外賣不同，因為烹調和裝飾拌碟要花時間，尤其是在灣仔中午的繁忙時間，真是十分多人，所以預了要等候，只可惜始終不是在日本吃過的那種味道。說回正題，那天我點了豚骨湯拉麵套餐， 原本我只想點蝦味噌拉麵或豚骨湯拉麵，但見到溏心蛋要額外加錢，感覺點套餐好似抵食D，所以就點了套餐，套餐包括豚骨湯拉麵加溏心蛋和一款小食，我選了日式煎餃，因為這是我之前在日本食過的配搭，這個配搭份外有親切感。首先是豚骨湯拉麵，是由石鍋載著很夠熱，豚骨湯是奶白色的，豚骨湯不會太油膩，亦沒有很重味精，只可惜豬骨湯味不夠濃，溏心蛋夠流心，而麵條軟硬適中，麵的味道不俗，至於日式醬油叉燒是分開另上的，沒有被湯汁浸淋，叉燒夠乾身和肥瘦適中，但不夠香濃，味道一般。比較欣賞的是日式煎餃，煎得不錯，外脆內軟，配上微酸開胃的餃子醬汁，十分美味可口。整體而言，日式煎餃會是比較推介的，豚骨湯和醬油叉燒味道則較一般，反而拉麵的口感不錯，至於價錢方面，這間餐廳不設加一服