麵匠風龍

營業中

休息中

依間日式拉麵真係細間, 粗略估計D座位應該都係得十個左右 所以一到左繁忙時間 門口又大條長龍, 有排等。基上之前幾過黎見到真係咁多人既關係, 今次就醒目啦 12點前黎啦, 等左一陣就入得去啦! 開放式廚房, 好open 完全可以望到D職員點樣煮, 等野食期間一D都唔悶叫左個櫻花蝦湯叉燒拉麵, 個叉燒冇咩特別, 個拉麵既湯好濃, 同埋面頭落左好多櫻花蝦, 所以係重櫻花蝦味 (如果唔鐘意櫻花蝦味既朋友千奇唔好試) , 食到尾聲覺得個湯都幾咸下仲叫左個日式餃子, 非常之唔好食, 煎到好乾 (冇下次) 總結: 應該仲會黎試下其他麵

夜晚放工到灣仔搵宵夜食，記得睇過YouTube介紹話呢間拉麵好正，去到睇到個餐牌嚇咗一跳，竟然同別天神餐牌一樣！！！記得以前別天神係好好味，但而家轉左老闆就差咗，呢一個令我記得以前別天神嘅味道。佢哋個餐牌主要係豬骨濃湯底同蝦味湯底，但只係得兩種，可以散叫或者跟小食轉套餐。加埋差唔多$100一個人頭，雖然感覺有啲貴，但係食落又真係值得嘅。雖然香港有好多拉麵舖，但係真正好食冇乜邊幾間，呢一間雖然貴少少但都接受到。因為湯底有強烈豬骨湯味，但係得兩塊叉燒，跟咗套餐有一隻糖心蛋同埋餃子、或者跟蝦沙律。想食多啲餸就必須要跟套餐，但係個人認為個味道已經贏晒。另外有一個疑惑，唔明白點解個大門吾閂埋佢，外面扯風吹入嚟，冷氣又大，吹到個面好快凍，想食慢啲都唔得。

門口長長既人龍，就知依間好野黎💛💛..拉麵選擇只有蝦味噌🦐同豚骨🐷，有得單叫或套餐，套餐可揀芥辣蝦沙律/ 小龍蝦蟹籽沙律同餃子..今次試晒2款拉麵同揀左餃子+小龍蝦沙律😝.🦐蝦味噌拉麵 （本人推介🌟）橙紅色湯頭，散發陣陣鮮香蝦味，表面佈滿一大堆櫻花蝦仔，蝦湯鮮甜而不膩，叉燒偏瘦，口感扎實，厚薄適中，拉麵幼身，冇鹼水味.🐷豚骨拉麵奶白色湯頭，最欣賞表面唔會有厚厚油脂。同其他著名拉麵店相比，豚骨湯較清淡，冇咁黏口，但豚味亦頗濃..🥗小龍蝦沙律 & 煎餃子料足！小龍蝦有份量，同蟹籽沙律比例平均，夾住附上既壽司紫菜一齊食，相輔相成🥳至於煎餃子就係入貨，分別不大.同場加映：如果你食得辣，強烈推介辣芽菜，微辣而不嗆喉，惹味又爽口

今日有野做去開灣仔要搵返間拉麵食下🤤🤤🤤加上喱間係黃店😝更加要幫襯下🤭今次叫左两個set🍜豚骨湯拉麵 $105/set個湯底好重豬骨味😚😍清淡得來唔會太濟👍🏻流心蛋偏鹹少少😜不過都好好味🥰🥰麵底唔會太硬同太淋岩岩好💯🦐蝦味噌拉麵 $115/set喱個湯底比豬骨湯底濃第一啖好有驚喜👍🏻👍🏻配料都好多，有我好鐘意既粟米🌽不過因為湯底偏濃，食到最後會有少少濟🤭🤭🤭🥟餃子即炸出來既餃子🤤🤤🤤熱辣辣好好味😍🥗小龍蝦蟹籽沙律好足料😍溝埋紫菜食一流！👍🏻

👩🏻‍🍳 叉燒豚肉拉麵 ($85).價格算是親民，豚肉湯底不錯，不會太鹹或者油膩，豚肉輕輕一燒也提升了肉的口感，拉麵掛湯能力強，不過我嫌它口感不足，不夠彈牙，溏心蛋真的很不錯，值得加$10試試🍜.👱🏻‍♀️tonkotsu ramen ($85).a long queue ramen resto💛!! affordable price + rich and meaty broth + grilled pork belly + gooey marinated egg 🍳 but the noodles are tooooo soft for me, insufficient firmness for its texture😌

整間店只有兩款拉麵可以選擇：豚骨湯拉麵和蝦味噌拉麵。個人比較欣賞湯碗會預先預熱，可以完美保持住拉麵的溫度。另外很喜歡叉燒是另上，燒烤煙熏味重，不會因浸在湯中而變軟，嚐到叉燒的原汁原味。拉麵本身亦不錯，性價比高。

因為疫情關係而冇得去旅行，好懷念日本嘅拉麵味道，所以同朋友去咗灣仔呢一間好出名嘅拉麵店食拉麵，我同朋友一人點左一個餐，一人一碗拉麵再加一個小食。我食既呢款豚骨拉麵，個湯底好濃味，我都差啲飲晒成碗湯，而佢嘅配菜都好豐富，糖心蛋亦都非常之入味，不過我就略嫌佢兩塊叉燒太乾，如果多少少肥肉會好味啲。另外值得一讚嘅係佢嘅小食：餃子，佢嘅餃子皮薄，而且亦都好Juicy ,下次嚟應該要再食多幾件餃子，佢令一款小食龍蝦沙律就一般冇乜特別。呢間拉麵舖係黃店嚟㗎，香港人真係要支持下！

在灣仔有很多日本麵店，要站穩陣腳，並不容易。在灣仔港鐵站5分鐘步行距離，有間日本麵店，只賣兩種麵站穩陣腳，是實力。麵店只有兩款拉麵湯底：豚骨湯拉麵，及海老味增拉麵。我比較喜歡海老味增湯底，用蝦乾來加味，特別。另一次去試豚骨湯拉麵，都好味，不過我還是推介海老味增湯底。拉麵口感好，有點彈牙，日本麵店來說是合格的。叉燒分碟上，不會被湯沖散炭燒味，有心思。喜歡吃溫泉蛋的人，可以叫套餐，豚骨湯拉麵套餐 $105，海老味增拉麵套餐 $115，包半熟玉子，4隻餃子或沙律。如不喜歡溫泉蛋的人，可以單叫拉麵，豚骨湯拉麵$75，海老味增拉麵 $85。小食也只有兩款選擇，6隻餃子，小龍蝦蟹子沙律，都是 $35。替玉 (加麵底) $10，超大份量，超飽。店舖座位有限，只有吧枱10多張，疫情期間還要隔開坐，有時候行過想食見大排長龍可望而不可及。

難得午市唔使排隊，仲要仍然開鋪，試埋個豚骨湯麵先。上次第三波疫情前晚市7點來都等左一陣，大約5分鐘左右，都唔算耐。第一次來係因為朋友推介。店鋪門面唔係好突出，經過都唔會特別覺得：咦，好似幾特別，不如入去試下果種。整所店舖不大，第一次來時覺得特別奇怪，點解係灣仔/銅鑼灣呢d咁多選擇既地區，菜單就只有兩款拉麵，仲以為自己睇錯：1. 蝦味噌拉2. 豚骨湯拉麵所以第一次來真係唔會考慮豚骨湯拉麵。話說以前試過豚骨湯拉麵，一直比我印象係太油太多味精，食個時好味，食完不時都口渴又後悔，比較覺得接受到既係一蘭，其次係豚王，其他朋友推介甚至網上多讚試過既都強差人意。我肯定自己唔係大眾味素同樂會會員，好未？ 如果食慣杯麵既你可能覺得我唔識貨，下文唔岩睇都唔定。但係我唔想比貴杯麵幾倍價錢堂食味素喎，希望呢個要求唔算過份啦。一蘭可能視豚肉為珍品，加一塊比豚王還要乾同唔滑既豚肉，貴到我明白自己唔唔夠努力賺錢，不過係死窮鬼一名，肉痛又覺得唔值。不過佢個湯同麵係講究到無得輸，事實證明原來只得一味（加埋佢市場營銷策略）都可以再令人再返去支持(當然環境氣氛名聲都係因素)。豚王义燒選貨好寞一蘭好，湯較油但濃味，糖心蛋又好

平時真係好少出港島😂 呢間喺正軒尼詩道，等開巴士嘅應該都唔會陌生😙🍜 蝦味噌拉麵 $85首先個碗係有預熱，確保麵同湯嘅溫度～ 拉麵係幼身而且都有彈性😙 叉燒係另上的，都係即燒上枱，不過有d乾身～ 蝦🦐湯底好濃郁，但唔會過鹹，不錯！🍜 豚骨湯拉麵 $75豚骨湯底都濃味，但就唔夠蝦咁濃，重口味人士就建議揀蝦味噌😙樣樣都ok! 唯一就係張凳係fix咗...對我嚟講有d高，我全程都腳尖掂地咁食，而且張凳離張枱勁遠（女人身薄），對女仔有d唔太friendly，男人就完全冇問題～

忙碌工作，沉重壓力，下班後要吃好的慰勞自己，就想到麵匠。小龍蝦沙律用爽脆的紫菜包著小龍蝦肉沙律，配上櫻花蝦，散發出小龍蝦肉的鮮香，口感又軟綿又爽脆。蝦味噌湯拉麵舖上滿滿的櫻花蝦，先喝口湯，充滿濃郁鮮蝦味。之前友人建議將紫菜放入湯中，好讓吸收湯底味道，這個食法真是一絕！拉麵軟彈入味，玉子蛋黃香濃粘口，蛋白軟彈，而且是原隻切開兩半。坊間很多拉麵店每碗只有半邊蛋，實在不夠喉。日式豚肉是煎香，肉嫩充滿肉香油香，肉質軟嫩。而且碟上，不是浸在湯裡，沒有影響味道，都是要讚！

等了1個月,終於有機會試到黃店,平時在灣仔吃午餐都排隊,不敢過來,這次因為限聚令而不用排隊,實在有喜有悲。蝦味增拉麵套餐 (選擇餃子)  115元   3.8/5分1. 非常建議選擇套餐,因為拉面本身沒有蛋,要加10元,然後再加20元就多一份餃子,所以正常會選套餐2. 不用加配飲品,因為有冰水和冰麥茶,兩者都好飲,適當吃完拉面飲3. 點餐時緊記跟店員選擇面的硬度,有特別要求可以直接提出,店員都會接受4. 面底正常,湯底值得一讚,頗為濃郁好飲,配料的份量都多,絕不欺客5. 豚肉是敗筆,分開上幾有心思,但味道不夠好,不太好味6. 餃子煎得剛剛好,薄脆底,加上醬汁非常匹配,是我在香港吃過最好味的餃子115元套餐可以接受,味道都不錯,作為黃色拉面店我覺得幾好,會為了這個湯底和餃子再來。平日大排長龍的境況不再,怎麼可能做晚市外賣呢?有點心酸,香港的小店到底怎麼撐下去呢?希望各位手足將每一個機會留給同路店,謝謝。

同 @hkfatpig 嘅世紀之約去咗食呢間我𝑏𝑜𝑜𝑘𝑚𝑎𝑟𝑘左好耐好耐嘅拉麵！餐牌選擇唔多，亦都同時代表佢哋專心做好幾樣食物！不過呢度店舖座位唔多，只得十幾個左右，所以𝑤𝑒𝑒𝑘𝑑𝑎𝑦𝑠 嘅12點半左右到嘅我哋都等咗大概半個鐘先有位～.went on a ramen adventure 🍜 with fellow foodie @hkfatpig 😊 @menshoufuryu is not a super big shop with around 10 seats only and it fills up pretty quickly too 😆 there are two soup bases to choose from, pork bone 🐖 or shrimp based 🦐 both soups are pretty concentrated, which is good for those that like a stronger soup base 🤤 overall, very solid bowl of ramen 🍜 definitely worth a try

地方唔大 選擇唔算多但質素很好 湯超濃 一試難忘🥰特別推介餃子 🥟 皮薄餡靚 超好味拉麵就推介蝦湯 味道好有層次 濃香唯一不好是椅太高 下面冇得「朗」腳 坐得唔算好舒服 枱亦都太窄 有d迫 但整體很讚

上星期終於試咗呢間拉麵，估唔到星期六中午都要排隊，佢只有2款湯底，豚骨同蝦味噌，不過可以跟餐會多d野食，所以我地就跟餐~跟餐有沙律或者餃子，沙律有2款可揀，芥末蝦沙律同小龍蝦蟹籽沙律，芥末蝦係刺身，爽口半帶微微的芥末好回味，而小龍蝦沙律雖然被沙律醬包圍，但入口每啖都係蟹籽同小龍蝦肉🤤而拉麵方面佢地做得好仔細，個碗會預熱，保持拉麵同湯嘅溫度，拉麵係幼身得黎都好彈，比想像中好，而蝦味噌湯底比豚骨更加濃郁，連埋麵一齊食好正! 而叉燒係有厚度唔係薄切，仲要即燒個隻，雖然覺得乾身咗少少，但隻蛋甜甜地仲會流心，補返數啦😁