麵匠風龍

營業中

休息中

一直都有bookmark風龍，今日2點多剛巧去灣仔跟朋友吃午餐，打電話查詢有沒有座位，剛巧沒有人排隊，立即跟朋友去餐廳。餐廳地方較細只有吧枱座位，所以經常用膳時間餐廳外都大排長龍。餐廳裝修風格是日式拉麵店，牆壁上有掛鉤掛袋。店內提供冰水和冰麥茶，較少拉麵店提供冰麥茶，我個人蠻喜歡喝麥茶，炎炎夏日喝一杯冰麥茶很清爽。蝦味噌麵套餐味噌蝦湯底濃郁配上細麵，當中有一隻溏心蛋、櫻花蝦乾、蔥花和一片紫菜。叉燒另上（忘記拍照），軟熟半肥瘦的叉燒經過炙燒後帶出的油脂香，很好吃。海膽魷魚（配套餐）甘甜鮮味的海膽配上煙靭的魷魚，很好吃😋湯白雞拉麵套餐奶白色的雞白湯底配上細麵，慢煮雞胸肉，口感嫩滑，湯底經打泡處理，入口特別綿滑濃醇，香氣濃郁。細麵掛湯再配上爽口的木耳絲、蔥花，口感豐富。餃子（配套餐）是韮菜餃，受過煎煮薄薄的餃子皮變的脆脆的。發現自助吧有2罐用玻璃樽裝的東西，分別是芽菜和蒜泥。拉麵配爽脆的芽菜又是另一種口感，拉麵吃到一半加點蒜泥，感覺又變成另一種風味的拉麵，很喜歡。

每次我都只會食豚骨湯拉麵。佢係幼麵嚟，個湯底唔係嗰種creamy, 所以唔會好膩。紫菜脆身就基本啦。佢叉燒係另上，因為係見住佢燒，所以上到枱會有少少黃金，無浸湯食落會脆脆地。又係我鐘情嘅辣芽菜任食。餃子不過不失。哩個價錢無投訴，廚房位師父都好有禮，會叫我地小心熱。經過都會食下希望香港多啲哩種小店。

以前有聽講過話呢間拉麵好hit? 成日路經都冇特登試，更多時候係半夜，只會對招牌望多幾眼。差不多一年前開始晚飯時間會去到佢門口，日日都會裝下裝下。見佢有時好FULL有時好靜。個bar枱格局幾吸引。不過都冇的起心肝入去試。終於有次俾一位親切女仔搲咗入去，又好親切咁介紹幾個set，一試個叉燒，驚為天人。雖然未去到世一，但嗰種半肥瘦、厚切、淋軟、juicy、油脂潤感、煎香至剛好，配搭濃豬骨湯底同彈牙拉麵，蒜蓉同辣芽菜任夾，仲有有啲太高嘅高腳櫈，適合獨食嘅吧枱位，背後牆上嘅掛鈎，台上自己斟嘅多冰冰水同冰茶，唔會太嘈嘅音樂適度隔開其他人嘅談話聲音，單丁客人瀟灑來去嘅身影…… 全部都太啱feel。替玉大大份都只係加$10！！！！！！！！小龍蝦沙律、芥末蜆肉、螺肉小食都好食（夠凍）又飽肚，但日式醬偏重咸重甜，反而煎餃感覺更清新。雖然嗰次之後偶爾幫襯啲叉燒同某些態度都失咗色，（間中有回復少少），但拉麵同湯底一直保持高水準。曾以為驚艷叉燒可一不可再，點知近日叉燒狀態回勇，終於又好似有返第一次食個「Oiishi」特效出返嚟。然而「人情味」永遠都係獨一無二嘅。眼神同細處往往顯現大分別。只能懷念。記得袋定現金

難得me time出嚟，叫左個蝦味噌拉麵套餐，湯底濃郁好味👍🏻，叉燒又唔肥唔鞋👍🏻，餃子就不過不失成晚最影響心情既就係個個女收銀，又無禮貌又厭世，講嘢又無尾音，好似欠左佢甘😥

相隔一陣子沒吃日式拉麵，某日突然興之所至，前赴一間人氣拉麵店。我們兩人同樣選擇蝦味噌拉麵餐，配的是沙律。碗裡浮著不少櫻花蝦、粟米粒、青蔥，一塊紫菜，以及一顆蛋，叉燒是另上的。味噌湯滲著淡淡的蝦香，毫不油膩，可以放心喝。煎叉燒夠香口，雖然少肥，肉質卻不柴。拉麵屬幼麵，爽爽的沒有煮到過腍。最美妙的正是那顆溏心蛋，蛋白涵得入味，中間的蛋黃是流瀉出來的，美味程度，不言而喻！兩款沙律分別為小龍蝦蟹籽和芥末蝦：小龍蝦蟹籽屬於啖啖肉，以紫菜包裹送入口中，食到龍蝦肉及粒粒蟹籽的卜卜脆，挺有趣。至於芥末蝦是切得細細粒的蝦肉混著芥末醬，下面墊底椰菜絲，十分清新，又是另一番境界。單點的煎餃子即煎即上，餃皮薄肉餡足，蘸點汁，被我們瞬間掃個清光！店子提供的食物品項簡單，除了豚骨湯拉麵之外，我們經已叫盡店內所有食物，認真專注！

灣仔人氣拉麵！每逢平日午市時間大排長龍，餐廳主打日式拉麵。豚骨湯拉麵湯底不算濃厚，屬於偏清淡的類型，麵質軟硬適中，木耳絲口感不錯，叉燒厚薄適中，整體來說不過不失，不會失望但也說不上驚艷。-🔘 豚骨湯拉麵 | hkd$80-🍽️ 食物 | Food: 4/5🌅 環境 | Environment: 4/5💆🏻‍♂️ 服務 | Service: 4/5💰 價錢 | Price: 4/5📝 總結 | CP Value: 4/5-A foodie documentation of dining experience in restaurants based in Hong Kong 🇭🇰.

就算環境係有啲細同埋只有一行高抬高凳但係都會keep住又快又好味 嘢食都好cheap 嘅狀態人都會對你好Do you know that this restaurant it’s small but it’s still keeps the fast time they serve and the food taste good and workers are also really nice to people and it’s also really cheap for a rich man

灣仔近年開咗唔少小店，呢間小店位於大馬路旁🚦門面裝修好有日本特色，長吧枱搭配圓櫈🇯🇵去唔到日本都可以嚟食碗拉麵止下癮🤤有單叫或套餐｛一款麵 + 一款小菜 + 溏心蛋｝湯底：豚骨或蝦味噌🍜小菜：小龍蝦蟹籽沙律、海膽魷魚同煎餃子📍味噌蝦湯拉麵｜單叫$90 套餐$120湯底好濃郁，有濃濃既蝦湯味🦐麵條軟硬度適中，非常掛湯！拉麵既配菜有叉燒、溏心蛋、櫻花蝦乾青蔥、粟米、芽菜、紫菜😛叉燒分開上，厚厚的，但略嫌偏乾🙈溏心蛋生熟程度啱啱好，一咬落去橙黃色既蛋黃就完美地流出嚟哦🧡📍海膽魷魚好重海膽味，魷魚口感滑🦑但略鹹，建議搭配沙律菜一齊食，能夠平衡📍煎餃子（4隻）正常韭菜餃，皮薄，略嫌煎得唔夠香口🥟店舖員工好nice👨🏻‍🍳用餐後會問食客用後感，完全感受到間舖嘅用心製作

今日去食午餐時經過，看到這間小店不用等位，於是又再來這裡吃日本麵。我每次都點蝦味噌拉麵，因為真的超級好吃！平時我會點套餐，但今天只想吃麵。麵的水準依然保持得很好。最後結帳90元，吃得非常滿足。

之前看到 KOL 介紹這家店，已經很想試試。剛好經過這家店，就決定進去看看。鋪面的座位不多，但坐起來還是挺舒服的，環境乾淨整潔。店裡面只有兩款湯拉麵，蝦味噌和豚骨湯。我們點了蝦味噌拉麵套餐（包括溫泉蛋和一個小食，我們選了煎餃）和豚骨湯拉麵。至於味道方面，蝦味噌拉麵上鋪滿了櫻花蝦，味道濃郁，每一口都有櫻花蝦的香氣。豚骨湯相對比較清淡，但味道依然鮮美，拉麵的硬度適中，叉燒香而厚，非常美味。煎餃和溫泉蛋的味道正常發揮。

聽人講呢度係香港拉麵天花板一直都想試好耐原來menu上item唔多只有2款拉麵同數款小食咁啱我2個人梗係一人一款試下啦分別有豚骨湯同蝦味噌豚骨湯比較普通但帶甜味麵質正常叉燒煎得香兼帶肉汁係好味嘅相比之下蝦味噌好味D夠香有好多櫻花蝦不過唔係好夠鮮甜仲有好多粟米最想食嘅蜜糖芥末蝦已經賣曬唯有食小龍蝦沙律同餃子兩樣都幾好食餃子韭菜味好濃小龍蝦沙律有食到肉粒但覺得可以唔需要落紫菜對個味道無咩幫助雖然味道價錢都可以接受不過同天花板距離有D遠睇嚟有D吹大

麵匠風龍雖然只做兩款湯底及兩款麵，兩款我都食過，亦幫襯多次，但每次食都不會失望，沒有失水準。麵身彈牙適中，豚肉燒得剛好，加上出色糖心蛋，餃子永遠煎得剛好，整體非常好食。現在座位全部bar枱，適合 1-3人來食。

一碗中規中矩嘅豚骨拉麵同大多數拉麵小店一樣都係只收現金💰店舖無洗手間，要去附近商場今時今日係香港食飯，一碗拉麵🍜要一百蚊應該大家都接受到，不過係呢個價位，大家又會對呢碗麵有啲咩要求呢？拉麵份量多，湯底就⋯⋯應該蝦味噌會濃郁啲？我見好多人都讚蝦味噌好食，不過個人認為豚骨湯就一般，色澤靚，香，但係個味度略嫌有啲清淡叉燒分開上，叉燒都算厚，但有啲乾，唔會係令你咬一啖會想咬多幾啖嘅叉燒，純粹係有啲肉咬下嘅感覺。套餐係抵食嘅，$110 一碗豚骨拉麵，再加一款小食，無額外加10%今次小食選擇咗小龍蝦蟹籽沙律，好食另外，店舖有提供辣芽菜，蒜泥，芝麻同拉麵胡椒粉，而且有凍水同凍茶提供服務方面，正正常常，叫完碗麵，啲餐具，茶杯 全部係枱前 ，自己自助值得欣賞嘅係 ，由於我係閒日下午3點去 ，冇咩人 所以唔洗排隊，麵嘅份量係足夠嘅。最後，店舖嘅枱面都算乾淨，唔會一摸落去好油，不過油煙味都算濃，可能都多人叫煎餃子，音樂都頗為大聲

於灣仔很喜歡的一家拉麵店店家只做兩款湯底分別是🐷豚骨湯和🦐蝦味噌兩款都非常濃厚拉麵軟硬度適中搭配香濃湯底，超滿足🥰不得不提餐前小食🦞小龍蝦蟹子沙律真的超級好吃😋是會令人挂念的美味哦💖

今次黎會展睇show 睇show前附近搵下有冇新野食。搵到一間不錯嘅拉麵 食完時間岩岩好。 拉麵比想像中好食 想係灣仔食拉麵 或者想快速食一個晚餐都係一個不錯選擇。🍜蝦味噌拉麵 $90 （套餐配小食$120）今次叫套餐 會有一隻塘心蛋。蝦湯底非常濃厚 配料非常足料 重點係有滿滿嘅櫻花蝦 同粟米。差吾多每啖都會食到櫻花蝦 🦐。拉麵嘅硬度適中彈牙 ，叉燒都香又吾肥膩 加上塘心蛋 整個拉麵味道一流 又滿足。👍🏻👍🏻🥟煎餃子 （跟餐小食3選1）跟餐小食有3款 今次揀左餃子。餃子都吾錯。皮非常簿又脆 煎得好香 餡料味道就正正常常 。 下次可以再試吓其他小食。🫙最後值得一提係佢地枱上有一樽蒜泥 同 特別醃製過嘅辣豆芽。 可以按個人選擇加入拉麵中。我覺得豆芽幾好味 加入拉麵中絕對可以增加一點風味 同湯底非常夾 而且吾會太辣 辣到影響湯底味道。