麦玉子

營業中

休息中

放假日 唯一可以做既事 就係去買野再返屋企做廚師 行跟一田 先發覺自己未食午餐 原來food court有 麦玉子 聽名都知佢主打食玉子燒 坐位唔算好多不過lucky地 有人讓座原味玉子燒$49+吉列豬扒套餐+$30包括玉子燒吉列豬扒麵豉湯抹茶奶綠白飯一碗有芝麻玉子燒 共6件彈牙之如仲好重蛋味 一丁點硬都無啖啖滿足而且唔係凍的吉列豬排即叫即炸 好脆 唔會太乾身 唔會有雪味 可沾燒汁食有小量沙律菜加芝麻醬既然冇得去旅行 就食餐偽日本旅遊午餐定食why not?

位於一田foodcourt 內，座位唔多，中午去食，揾位有啲麻煩。點餐時，見到有位日本師傅坐陣，有少少期待。叫左玉子燒炸雞便當，$60有找，有少許漬物、沙律作配菜開下胃，另外有格芝麻醬，可惜餐冇跟飲品。玉子依稀見到一層層，入口嫩滑又軟綿綿，雞蛋味幾濃。炸雞得兩舊，有啲唔夠喉，值得讚既係炸雞外層炸得薄脆，入面都juicy，有少少肥膏，食落冇咁亁。白飯加入薏米，更有咬口，而且薏米營養價值高，非常健康。

今日嚟一田shopping, 嚟到超市呢層 見到food court呢個位置有得坐低食，比呢間玉子燒吸引咗，心癢癢要試下。叫咗個set有原味玉子，鲭魚，麵豉湯，沙律，飯，仲跟一杯暖笠笠，又唔會好甜嘅抺茶牛奶，一次過滿足哂。玉子口感好豐富，唔會乾，仲有好多款式。鹽燒鲭魚好正，無乜骨，又唔腥👍🏻另外仲試咗京風豚骨辣油叉燒烏東，大大碗，叉燒都好大片。湯底唔味精，今餐清清地，幾健康👍🏻下次要再試埋其他玉子口味😋

位於沙田新城市廣場三期一樓 一田百貨 Food Court 內的 麦玉子 (Mugi Tamago)，主打性價比高玉子燒。除了外賣自取，也可以在網上外賣平台, THE GULU 上買這食店的玉子燒。玉子燒是由日籍師傅即點即製的，約需等候十分鐘。明太子燒玉子 Mentaiko - $59軟滑香甜的玉子，配上鹹香的明太子，相當美味。明太子的鮮味口中爆發，伴飯一流。 吃一口，有身處日本的感覺。燒玉子有六件，每一件所包含的明太子都頗為充足，夠足料。如果吃不完，可以放在冰箱，明天再吃，冰的燒玉子又有另一番風味。燒玉子可以加配套餐，當中包一客主食、麵豉湯、飯及沙律。套餐K - 牛肉壽喜燒 Beef Sukiyaki +$38牛肉煮得相當美味，充分吸收了醬汁，味道微甜。另外還有煮得相當入味的洋蔥條。整個套餐份量十足，男士吃也夠飽。宗田鰹魚湯 滑蛋豬扒烏冬 - Scramble Egg with Pork Cutlet Udon $79朋友則點了一碗滑蛋豬扒烏冬。除了烏冬，還可以選蕎麥麵。洋蔥滑蛋的口感滑溜，配上炸豬扒，十分滿足。湯底採用了宗田鰹魚湯，能令烏冬的味道更豐富，更鮮甜。吃到最後，朋友把

一田搬左落一樓之後，食肆選擇唔多諗住試下呢間麦玉子，但... 比預期差⚠️食物：⭕️明太子玉子 + 套餐個玉子係鋪頭嘅特色，但整得好漏 食得幾舊就唔想食湯還可以接受⚠️環境：今次係外帶原來個形式有啲似foodcourt，只有數個位置。⚠️價錢：$70/人 本身見好多人排緊隊，所以試試麻麻地 性價比不高

一田裝修完之後餐廳都轉哂今日行過附近就試下啲新餐廳見到呢間麥玉子評價幾好不過食完就好失望叫左個名太子玉子燒個蛋有啲老而且少少鹹另外加錢試埋個雞排飯雞排好乾而且味道都唔好食飯上面有青瓜食完開胃啲但都係食唔落個雞排

其實去咗咁多次新城市，次次都人潮爆滿， 四處都要等位等好耐先有嘢食。今次我見呢邊翻新完，又未去過新嘅超市，就走咗入去睇下有乜嘢可以立食。 結果畀我見到呢一間食玉子燒嘅餐廳，咁啱口痕又想食番少少野，我就叫咗個明太子玉子燒嚟食。嗰陣真係覺得有少少肉痛，因為食一個玉子燒幾嚿就已經要成50蚊，仲要係food court setting，即係話又要自己搵位自己攞嘢食咁。等咗一陣， 整好咗攞到埋位發現一條有五件， 食落去發現真係好有蛋味，而且入面嘅明太子唔會好辣，味道剛剛好同雞蛋配合得天衣無縫。而且其實都幾大件，所以都叫做ＯＫ。雖然呢度係一個food court，但其實人流比出面少，可能暫時唔係太多人知道，所以都叫做坐的比較舒服，但係清潔方面都係自助嘅，環境就有待改善啦。

今日公眾假期嚟到沙田想搵嘢食到到都排隊排到好似震災咁😂行過呢一間試下佢哋玉子燒見到佢用玉子燒嚟做主打又有唔同嘅款式，所以就膽粗粗試下一個叫明太子玉子燒。😉等咗一陣終於嚟到咬落口又香又充滿蛋味，而且入面啲明太子都真係好足料👍所以如果行到行到攰想搵啲嘢填肚，呢度都係一個唔錯嘅選擇👍

玉子燒，呢個食物係我其中一個最喜愛的食物。一田新翻新後，有左好多新店黎左開店，難得今次開左玉子燒，當然要去食下啦。佢玉子燒有好多款，有原味，有芝士粟米，有明太子等等，仲有鰻魚飯團呢啲賣。我自己今晚行過，就去左買黎食。我買左個原味玉子燒，50元到。我覺得係一田呢個價好正常。等左一下，就有得拎。佢玉子燒切開左6件，一食落去，就好香蛋味，同口感係非常軟口的。我覺得好食過其他壽司店的。呢個玉子燒非常好食，好快就食完。大家可以試下。

想食玉子燒，一定要試哩間，蛋多厚，夠綿密蓬鬆，不是一塊塊蛋皮明太子玉子燒，明太子分量岩岩好，一啖食曬，又有蛋的甜味，明太子咸味，好夾，又有流心口感，超好味套餐加28就可以有雞扒，白飯，麵豉湯如果當正餐食，抵加！

沙田一田翻新後，超市多左d食店，其中一間個招牌好吸引我目光 - 麦玉子！一直都好中意食口感柔軟嫩滑既玉子燒，所以二話不說決定係到食晚餐。行到去，原來唔係餐廳，類似food court甘，係旁邊有個area 有2-3張台，2張長bar table。因為個area 唔係只俾玉子燒，好多家庭都會一田買完野坐係到食(真係勁少位)。所以要早d去揾位。一早就睇中左個2人餐，落完單後諗緊要唔要再買d壽司食..突然個餐就係出餐處ready左..如果有提示機通知客人就更好原來份量都好多，除玉子燒，有碟吉列豬扒炸雞沙律拼盤，2碗味增湯，2碗好滿嘅牛肉飯，仲有2杯飲品玉子燒：果然好嫩滑，個人覺得甜度適中，標榜用左日本蛋，食落都香蛋味吉列豬扒炸雞沙律拼盤：炸漿有d厚，炸雞比豬扒好食。沙律唔係太新鮮，尤其火箭菜，好苦味噌湯：明顯係湯包沖水，印象中冇其他配料牛肉飯：其實係麥飯，日本米加左麥米口感覺煙韌d，同健康d，哈哈。但汁不夠多，好搞笑地個飯都加左芋絲🙈好有打邊爐feel，牛同洋蔥都叫入味愛食玉子燒既人一定要去食丫！

你可以喺呢度食到純正嘅日本玉子嘅味道十分之香嘅雞蛋味 冇假假嘅甜味而且佢嘅飯都係用日本米煮成令我意外嘅係連個豬扒都好好食如果想響香港品嚐到日本玉子嘅味道我相信呢個地方係不二之選

芝士粟米玉子燒 $59套餐B: 野菜薯餅 + 麥飯 + 味噌湯 $15金澤百萬石卷蛋糕 + 小林屋茶舖焙茶 $30芝士粟米玉子燒原條上, 玉子嫩滑, 用筷子夾開, 芝士有拉絲效果。雖然粟米可帶來清爽, 但未能消除滯的感覺。薯餅即叫即炸, 不油膩, 外脆內軟, 味道不錯。唯沙律菜青味甚重, 味道並不討好。麥飯口感與平日吃的白飯沒有太大分別。味噌湯濃郁, 有數片海帶, 味道不錯。金澤百萬石卷蛋糕, 蛋糕不會過硬, 忌廉軟滑, 呷一口小林屋茶舖焙茶, 為晚餐劃上完美句號。

呢間麥玉子係主打玉子燒💕仲講明用左日本蛋🥚同日本米🍚所以即刻好心動試下😍😍🧀芝士粟米玉子燒(7.5/10) 💰$58玉子燒即叫即整❤️好厚大份，如果細食既2個人share都得👻玉子既部分味道較得好好👏🏻鰹魚汁同蛋既味相輔相成，好正💯一切開d芝士🧀就流曬出黎，粟米好甜但偏淋🌽明明分開食都幾好食，但偏偏就唔係好夾個玉子燒🙈所以如果大家去食，可以試其他味或者食原味🤑•🍱加配炸雞套餐(8.5/10) 💰$23單點玉子燒有得加錢轉set，包左沙律🥗味噌湯🍲白飯，呢個好抵食‼️沙律同味噌湯就正常水準😂日本飯🇯🇵好有咬口好好食👏🏻仲有飯素唔怕單調😍炸雞擺左一陣唔係好熱🍗但個皮唔會厚同埋雞都幾滑😍個味完全係日本便利店既味道❤️•🍰金澤百萬石卷蛋糕(4/10) 💰$25呢個卷蛋係鬆軟既，但真係好乾🤢Cream既部分有牛奶味但雪到好實😭就算有cream都平衡唔到蛋糕既乾，大家唔好中伏🙈

未知是否光顧麦玉子的客人均是外賣, 店員沒問便以為是外賣, 故是次甚為不環保, 用的是即棄餐盒, 頗有罪惡感。自己下次光顧時也要特意交代是堂食。麦玉子旁有進食的地方, 但坐位不多, 且風大, 吹到頭痛和食物好快凍。明太子玉子燒 $59 + 套餐F: 和風雞扒 + 麥飯 + 味噌湯 $28 + 信州蘋果雪芭 $20明太子玉子燒玉子嫩滑, 配上明太子作餡料, 增添香味。照燒雞燒得香脆, 沾上燒汁, 味道不錯。另配上胡麻醬, 可嚐到兩種不同味道。麥飯麥米不少, 口感與平日吃的白飯沒有太大分別。麵豉湯濃郁, 有數片海帶, 味道不錯。信州蘋果雪芭, 味道質感似蘋果味乳酸沙冰。