影片
營業時間
今日營業
06:00 - 00:00
星期一至日
06:00 - 00:00
*Dessert Kiosk closed
以上資料只供參考, 請與餐廳確認詳情
食家推介
今日係批day，會員可以用3.1優惠價買香芋批。一年一度大減價，真係機會難得。本身喜歡香芋批，買二個批做午餐，再加一份沙律扮健康。香芋批打開設計簡約的包裝，Dun出香芋批。餐廳提前包裝好大量的香芋批，放在前枱附近方便執碼，再自取外賣回到公司享用，香芋批就降溫了。幸好批仍是暖，批皮還未變軟。炸皮面層不太硬，流質的內餡令炸皮內裡變得濕潤，整體容易咬。那夾雜紫灰色芋頭餡的鮮豔紫色糖漿，甜度足以蓋過芋頭原本的甜度。根本是高濃度糖漿！但自己就是偏偏喜歡這種甜，剛好中和炸批皮的梘水味。消滅二件高卡的香芋批，就要食沙律幫助消化，特地走醬更健康。餐廳提供的軟木叉，叉不進沙律菜裡。剛好芋頭批的包裝滿布油光，手指也有油花，唯有用五指山，一塊一塊的享用沙律菜吧！反正沙律菜沒有加入dressing，本來就乾爭爭。
繼續閱讀
洗晒版，咁冇理由唔乘經寫食評啦好坦白講，響日本食過覺得好好食。成日都問點解日本麥當勞啲嘢可以引入嚟香港。終於終於聆聽到我哋嘅聲音竟然仲係全日供應，連帶埋套餐嘅薯餅都係太crazy呢件事因為佢講到明要手機落單先有得賣，所以大家都估網絡會非常擠塞，亦都有機會賣晒食唔到雖然佢公布嘅前一晚凌晨四點開始已經有得食大咁啱就係正值睇完奧運開幕就可以落街買，所以令到大家想食嘅意欲更加強烈終於我都有第一日去試，雖然就冇咁瘋癲凌晨四點就落去買我大概10:30左右去到尖沙咀赫德道附近嘅麥當勞，我相信係比平時多人咗好多, 好辛苦搵到個位, 點知用個app買撳極都撳唔到，原來係太多單撠住咗佢話要等一等喎。靈機一觸就搵吓附近有冇第二間會唔會情況好啲？試吓尖東嗰間 佢係喺個商場入面比較細嘅一間，不過可能比較隱蔽啲可以有位之餘我仲買到嚟食添 亦都唔需要等好耐 大概5分鐘左右 仲有專登送埋嚟嘅服務雖然佢都有出現小混亂，比錯咗杯朱古力 其實我要奶茶 不過整體上我覺得感覺良好所有嘢都係熱辣辣，連個薯餅都係👍🏻其實本身都有諗過會唔會始終同日本嘅質素有啲落差，點知又出乎意料之外喎我冇叫到有蛋嘅，因為本身我都唔食豬柳蛋漢堡😬佢同日本嘅分別就係加左塊芝士，價錢貴咗少少 不過都可以接受雖然唔會日日食，不過隔一排都應該可以再食點知話口未完佢個試食提早完結，做咗兩日話已經賣咗1,000,000個包 決定8月5號開始淨係早餐先有得食。香港人實在太瘋狂😂😂不過諗諗吓以前好期待日本先有得食，而家下下都話隨時有得食，咁又好似冇咗嗰種珍貴嘅氛圍😮💨真係矛盾
繼續閱讀
又係響尖東附近搵嘢食，咁啱嗰日同個朋友特別趕時間，所以二話不說就即刻走去麥當勞諗住買個快餐，快快脆脆簡簡單單食咗佢就算。結果響呢間麥當勞買完之後發現有超過30人響度等緊，最後我哋等咗差唔多25分鐘先有得攞。最重要係攞攞返嚟嘅炸雞係唔熱嘅，基本上係室內房間溫度，而炸雞入邊仲係有啲凍添。目測見到依間麥當勞，基本上成日都唔夠人，睇得出做嘢啲人好攰好辛苦做到想放棄，所以成日買嘢佢哋都會唔記得咗俾醬料，或者留咗shake shake粉之類。我完全唔會怪佢哋，因為睇得出佢哋真係唔夠人，而且做得好辛苦，我都覺得佢哋好慘，所以唯一想講嘅係希望呢間麥當勞可以盡量請多一兩個人幫手。
繼續閱讀
#鼠尾草食飲玩 #sagefoodiehk士多啤梨🍓 × 清香❄️ × 扭紋🍭之前有介紹過士多啤梨味嘅新地😍，不過嗰陣係新地杯嘅士多啤梨雪糕😚，除咗有Kitkat條之外，亦都有朱古力醬🫣，不過朱古力醬嘅味太甜太膩，撈完雪糕之後反而冇咁好食🫠。今次見到其實有得嗌新地筒✨，雖然份量少啲，不過純士多啤梨雪糕💖，有士多啤梨糖味，而且甜度都適中🫶🏻。推薦呢款。💰 士多啤梨扭紋新地筒($7)🥢 麥當勞
繼續閱讀
食過咁多間麥當勞，未試過有一間係嗌親有蛋嘅飽，個煎蛋必有雞蛋殼碎，而且唔止一塊🙈🙈🙈煎蛋應該係間分店自己煎，係其他分店食從來冇試過有蛋殼，但係呢間就次次嗌次次有，希望引起重視巴絲除非自己唔介意食蛋殼，否則唔好嗌煎蛋，中嗮伏
繼續閱讀