麥生記冰室

營業中

休息中

真係個名得意lor😂內容黎講，都係普通野原來係可以三個人食XD 因為配三杯野飲布丁都係芒果布丁最好味。粉紅色係荔枝橙色好似同平時d啫喱差唔多味。白色係杏仁露味，我就覺得魚膠粉落太多，真係好一般。可能加d牛奶會滑d。三文治都係凍的薯條食得幾開心。咖喱角、春捲 都係d正路野。野飲就建議大家可以少甜。

大極11點左右嚟食早餐，超級爆棚，好多人，出面都好多人等住入嚟，睇得出佢有人氣啦。早餐竟然有雜菜通粉揀，於是就嗌左啦。係有生菜，粟米同蘿蔔，蘿蔔真係估唔到，味道不過不失

早餐份量正常，我見到多士用生命麵包做，茄汁豆用最低價錢牌子，家興超市常見茄汁豆罐頭，得一小匙，通心粉略為浸諗，公仔麵煮得較為適中，雖然將貨就價，味道都算正常，比同區一些餐廳已算OK

今日入左梅窩玩。行到差不多街市附近，想搵野食醫肚。就入左呢間茶餐廳。我地叫左特餐，有火腿鮑魚通粉，粟米蛋，多士，熱華田。效率好快，好快就有得食。呢間舖都幾多客，係市中心，都算放便，等我地抖一抖再繼續出發搵景點，係正景點的交匯處。個餐不過不失，粟米蛋好甜，華田又唔算好甜，個多士都幾好食。環境就一般，唔可以要求太多，可以再衛生d。有機會都想試下個午市套餐，好多選擇。價格就一讚，真係唔貴。

今日到梅窩做狗狗義工，幫手溜狗，然後在附近吃下午茶。走著走著，來到這家冰室，裝潢很懷舊，裡面坐滿了客人，下午茶都只是$35，價錢合宜，於是我們就進去。點了奶油多+火腿奄列餐，多士是薄薄的兩層，裡面塗了很多牛油加煉奶，外面很脆，火腿奄列的份量不少。另外點了咖哩角加熱狗餐，咖哩角是小小的，餡料不多但很脆。熱狗就是平常港式茶餐廳吃到的，表現合格。我近期最愛的阿華田，今天第二杯了建議最好坐在餐廳裡面，餐廳外面也有一張桌子，但是外面很多蚊、蠓，坐了一會兒就被咬了十多口，還是裡面舒適。這家茶餐廳價錢相宜，食物不貴，改涷飲只需加2元，下次來梅窩得繼續光顧。

由東涌行咗三個鐘入梅窩，係酷熱天氣警告下，抵達目的地第一件事梗係醫肚！我地揀咗呢間冰室，乾淨光猛，座位亦多。我點咗牛腩米粉茶餐，有多士，煎蛋同火腿！首先講吓個多士，佢係冇飛邊架！宜家有幾可食到冇飛邊既多士，啲牛油唔算香，但多士都係咁上下啦。至於個蛋煎得啱啱好，外脆內流心，正呀！不得不讚就係個牛腩米粉，果然係秘製，我冇諗過冰室居然會有咁出色既牛腩，首先啲腩肉係炆得非常林同入味，啲筋仲正，入口即林，但又保留到膠質感覺，好好味！友人另外仲叫咗餐蛋麵，我就冇試，但佢話好好味，完全食返舊時既味道咁！仲有離島真係特別悠閒，冰室居然可以得耐，真係令我有衝動係梅窩住吓！食物唔需要花巧，最簡單，尋回傳統既味道就係正！

由東涌搭巴士去到梅窩就已經好肚餓，任意行行到海灘旁嘅小村發現呢間茶餐廳，於是就坐底醫下肚。一入到去，茶餐廳裝飾好懷舊，貼左好多舊時嘅相，又貼左啲小朋友嘅畫，睇得出係家庭式經營，感覺幾溫情。由於太肚餓，男朋友叫左午餐，魷魚蒸肉餅，我就叫左牛腩米粉餐（可惜冇影相）。魷魚蒸肉餅裏面有啲馬蹄，口感同味道都幾好，好家庭味，個餐跟碟菜，雖然得幾條，但都唔算係咁。牛腩米粉餐，有埋多士、蛋同火腿，雖然牛腩唔多又有啲細舊，但味道取勝。總體來講都算唔錯，食完充滿力量，可以去做單車玩喇！

星期六中午時間去，店內已經逼滿客人，大多都係梅窩人，好似得我同友人係遊客，咁都知依間應該唔會點伏同同行友人叫左個豬扒炒烏冬，同五香肉丁公仔面，奶茶。炒烏冬都唔錯，烏冬滑，但如果豬扒薄d再正d五香肉丁面都幾好味，面煮得好好味，但肉丁比起平時食既有d咸而奶茶都係好味既無論係熱定凍，無得彈依度既裝潢好懷舊，屋企附近以前都有類似既茶記小店，但無再做落去，所以真係好希望依類咁有風味既茶記小店能夠一直保存落去！下次黎梅窩都會再黎依間，會試下餐牌上既餐蛋面同公司三文治，好似都唔錯咁

媒體介紹過呢度有賣下午茶架，特登租架單車去食，點知去到無供應 😭 媒體再一次欺騙我感情，如果只係普通茶記我就唔走咁遠啦 😭😭😭.無港女架，惟有叫其他。個西多正正常常，可以

五一長週末，沒有離港旅遊，但又想出外跟一班朋友渡假，一致贊成去離島。幸好朋友們有見地選了梅窩，之後看新聞報導指長洲及南丫島多人得"淪陷"。之前一晚玩得夜，早上大家都遲起，各自食早餐，在渡假屋附近見到這家冰室，裡面人頭湧湧，應該水準不錯。冰室都有全日早餐套餐，全部31元，屬市區茶餐廳價位。點了c餐，有扎肉通粉+火腿奄列+蕃汁豆+多士，尚算豐富。扎肉絲混了黑椒，更香口，火腿奄列夠滑。跟餐還有熱飲，選了熱檸茶，怎知原來預先落了糖，飲了一口才發現...之後細心留意每張枱都沒有糖，但餐牌又沒有寫明，難道冰室能知每位客人的口味?整體來說，這個離島港式全日早餐還好，雖然飲品扣了些分，仍無損渡假心情，食飽會合繼續行程。

呢間鋪頭好多野食，我大佬就好鍾意來呢間嘢食蛋白牛奶麥皮同埋呢間嘢都好有澳洲牛奶公司既feel，如果同朋友仔過來梅窩渡假，我覺得來呢間嘢食早餐真係不二之選佢呢度d早餐係全日供應，啱曬d訓得遲既人食，同埋唔大食既人都唔洗等到下午茶先食啦

梅窩既懷舊冰室，食物種類既選擇都幾多啊。仲有三層高既tea set添。牆上貼左張事頭婆推介，我簡左第一位既公司三文治三文治烘得脆既，不過唔熱，入面夾左三層包，而料有蕃茄、菜、扎肉、芝士、火腿、煎蛋。份量幾重量級，味道都不錯啊，扎肉食落幾夾！另外仲叫左份西多士，上面淋左好多糖漿仲有一大塊牛油，好邪惡呢！西多炸到好脆，熱辣辣食落口好幸福呢！口感脆卜卜一流

又是一個平日的下午，今次來到一個悠閒的海邊小鎮梅窩，市中心一帶有不少大型工程正在進行，感覺和寧靜的環境有點夾夾不入。一路走來終於到了目的地「麥生記冰室」（係OpenRice都搜尋吾到詳細資料，主要係同事介紹）。與其他舊式冰室環境比較，這𥚃相對乾淨企理而又不失古舊的氣息，同時又是一間家庭式經營的人情味小店。「指定動作」先點一杯奶茶試下，入口前竟有一陣茶香撲鼻的感覺，味道方面個人覺得茶味濃郁回香，但又不會完全失去「奶騷味」，不錯！（老細話佢D茶一杯一杯煲兼會落埋糖，吾飲得甜記住嗌少甜）食物方面叫了一件鮮油奶多，香脆熱辣的多士夾著冰凍鮮油，口感一流！整體來說，都係嗰句，在此等古舊地方嘆奶茶，杯茶嘅味道都與別不同！