麗都餐廳

同佢講完食啲乜嘢 見佢冇乜反應，諗住問佢落咗單未？ 串返你轉頭多飯呀嘛。 跟住叫芝士肉醬熱狗，上咗一個普通熱狗，但係張單又收貴啲你。睇吓你好唔好彩啦，睇吓邊個侍應幫你落單上餐飯食得唔開心可以試吓嘅。…查看更多

希望係探病㗎尾聲，又拖住疲累㗎身軀四處搵食。三個人嗌咗兩個小菜再加一客海南雞飯。椒鹽魷魚，啲粉上得好薄，食完都唔會覺得好膩口，另外塊肉都好厚，亦食得到魷魚嘅鮮味真係估佢唔到。平時老爹唔鍾意食酸味味嘢餸菜，所以好少嗌中式牛柳。其實個人嚟講好鍾意食，呢間又做得真係唔錯，首先食唔到梳打粉嗱肉嘅味道，另外佢塊牛都好厚，好有口感，個酸度啱啱好，之前食過其他小炒店又油又酸到個胃痛。另外個海南雞飯，都知未必係主力嘢，但係都唔差，起碼個雞髀位真係全部骨都起晒，下面啲雞胸位有骨就算啦，始終都唔係專門店，就當白切雞咁食。以茶餐廳嚟講，人均都唔使$100 ，還要係市區真係好難得。同埋個例水都好正，竟然有落牛蒡去煲，真心要讚下！…查看更多

今日工作嘅緣故，要來到佐敦附近，Lunch time經過，見到佐敦「麗都餐廳」之前都有聽朋友介紹過，表示這間餐廳水準穩定，食物不錯，所以今次經過一定要試一試！入到去發現環境裝修好新淨，光線好光猛，原來餐廳剛剛先新裝修完👍🏻👍🏻Lunch time繁忙時間，所以人流都幾多，座位都有八成坐滿，不過好快職員已經安排到位置俾我😀見到餐牌上面有湯飯，平時個人都喜歡食湯飯，所以就即管試吓😀✨胡椒豬肚雞湯飯外表睇落平平無奇，不過一入口好有驚喜！第一啖先飲湯，好重胡椒味😋豬肚唔會好韌，食物都吸收到湯嘅精華如果天氣凍啲食，感覺真係一流！下次有機會再嚟佐敦，都會再食😋…查看更多

裝修後多咗卡位,好座咗,但座位燈光好猛,好似登台咁.下午茶都多選擇, 食物質素也好,服務也到位.我叫了多次凍檸茶飲, 不是單一發生, 用碎冰是good, 味道好, 但一飲有**D油益味-***湧上來, 明顯杯混埋食碟洗不清, 可能冇用洗潔精 , 只用水沖下, 改善下便再好…查看更多

餐廳裝修後比以前金碧輝煌，觀感好左，餐廳面積少左一個舖位但座位多左，卡位兩人對坐會頂腳。昔日水吧位置無左，宜家藏廚房裡面。伙計多左，不過坐低15分鐘，都見佢地忙著落單而唔見附近有嘢飲嘢食送到。之後陸續有客人催單，但係廚房出餐係遲來先到，結果先黎既客人開始鼓譟，漏單催單再漏單，如是者三催四請等左超過35分鐘先到齊嘢飲嘢食。咖啡味道OK無酸味，奶茶口感退步左飲一半就棄權，煎蛋煎到過火，丹麥多士上上錯變左蒜蓉多士。雙拼三文治餐$34性價比低，下次都係食麥皮餐抵D。昔日鮮奶餐無左。整體整體感覺係餐廳員工各有各忙，無一個總指揮響繁忙時間理順餐廳傳菜問題，同調解鼓譟客人。整體感覺係雖然唔少員工都係舊人，但運作好亂，唔識變通。其他運作問題，希望佢地會積極檢討，唔好再得失舊客仔....…查看更多