麗聲冰室

前日去食發現轉左手乾淨左好多！試左碟咖哩牛筋同香茅豬扒飯，咖哩一啲都唔媽夫，啲牛腩好入味又好淋，超讚！個香茅豬扒拎緊過黎已經聞到陣香茅味，食落都唔遜色，好有咬口！再嗌左杯凍奶茶多奶，啲茶好滑，好香，好有地道冰室既味道，勁正啊！住元朗既一定要經過試下，呢排肺炎出街食飯都咪話唔驚，佢地餐廳又幾乾淨喎，食得好安落！推薦！好有香港味道既冰室，野食正常發揮，價錢便宜，值得一試！😋 尋回香港昔日既味道！👍🏻 …查看更多

呢間冰室唔大，有時都要等位先食到。不過，佢既質素未至於令我排隊去食。佢唔可以話難食，但亦都稱不上為好食，但男性友人就覺得好好食。味道真係因人而異⋯⋯我地叫左常餐：义燒意粉、煎蛋🍳，再配牛油多士。义燒意粉湯底好普通，得咸味。义燒就過咸，意粉就係茶餐廳既水平，無乜味。 整體我會覺得係below average.煎蛋🍳唔係overcooked, 只係我唔食生蛋，所以望落個樣唔太靚。其實佢ok的。成個餐，最好食係塊牛油多士。烤得唔燶，又脆皮，牛油唔會太肥。佢裝潢其實幾次舊式冰室，想影相既朋友可以試一次。 我覺得一次就夠了。…查看更多

平日趕頭趕命的返工，放假就想好好地嘆個港式早餐。比起all day breakfast，更多時候我會選擇茶記既經典火腿通太陽蛋凍奶茶😌之前留意到麗聲的早餐可以揀菠蘿油，覺得好抵就bookmark，搵日去食。入到去，一睇就知開左好多年，懷舊感滿滿，不是那種新餐廳噁心的扮懷舊來一份早餐，沙嗲牛金牌麵+菠蘿油+熱奶茶。未聽過金牌麵。上檯一試，好似福麵但又冇福麵的咁脹咁冧，好好食，食到尾都keep到冇發脹，麵條較幼，我最憎食麵一路食佢一路脹，搞到我好似同佢鬥快咁食，所以我好like個金牌麵。金嗲牛就正常。因為麵先上加怕個麵發脹，所以一直擱置佢。食完麵先食菠蘿油，菠蘿包不是剛出爐，皮冧，但塊牛油仲凍又唔硬身，牛油好，整體味道叫正常，跟餐唔洗加錢有菠蘿油你食，你仲要求d咩？！一個字，好抵食吖熱奶茶，都係正常，茶味濃👍食物正常，係個金牌麵特別好食，係食左咁多茶記最好食一間，仲有包菠蘿油，都係$32，抵食。有下次比好評同五星既原因係麵好食同抵食😊…查看更多

We came here for lunch as my boyfriend said this was a good restaurant with a reasonable price However the quality is not that good as we expected and he said this is not the same as he tried before. Although the food delivery is quite fast and the drink was good - red beans bing But the spaghetti was soso as it tastes like water. We spent our lunch here and it only cost around 50 each. That’s okay but the quality is not that good…查看更多

星期日放假老公最鐘意出街食早餐，去得開心、華聲、萬芳多悶悶地，西式我同老公都唔係好鐘意，所以行遠啲搵早餐食。行行下老公記起麗聲冰室，因為大半年前試過兩次行完山去麗聲lunch都冇緣，之後有次再撞運氣終於有開門，入去試過食lunch，之後冇再行去果頭。呢日有開(開始唔係摸門釘)，所以入去食早餐。十點零都好full下，好好彩有人埋單，有張雙人自閉位坐低叫咗兩份早餐，最驚喜竟然有菠蘿油叫，有得跟餐，單叫都係$12都唔過份，係開心食，單叫$18，老公為咗滿足佢對塊”油”既慾望，會照叫「索水版」雪菜雞絲米我喜歡，唔會太多湯，味道剛剛好。老公食豬扒麵都讚塊扒不錯，另外菠蘿油其實普普通，都正常既，不過有得食已經好開心，因為之後已經售罄講到杯鴛鴦，一定係港式早餐既靈魂之窗，茶味濃醇奶好香，當時望住滂沱大雨既街景嘆住杯鴦真係好享受…查看更多

《放假先嚟落🌧️》呢句説話係呢個復活節假期一開始就應驗了😫今日仲要先來黃雨再來紅雨警報⚡️💦☔️不想到處找食，去了教育路近警察宿舍附近的麗聲冰室。茶餐廳走舊式路線，有卡位及圓枱位，圓枱配的木凳比起一般膠椅或餐椅更夾👍🏻其實大家都不是太肚餓，加上為了避雨💦才找地方坐下，三人叫咗兩個常餐再另加多一杯飲品。跟餐的厚多士果然夠厚，半件份量也不輕，火腿奄列的火腿絲亦很多。用餐完畢，坐了一陣仍然好大雨，正煩惱若步出餐廳一定全身濕透之際，店員姐姐講出一句好窩心的話*咁大雨，坐下先啦，等冇咁大雨先走啦*，頓時感到好耐冇感受到的💞人情味💞，姐姐我俾個👍🏻你。雖然只光顧幾拾蚊，但多得你們我才不會弄濕身🙏🏻…查看更多

近年興懷舊，連新開既茶餐廳都要扮舊，裝修到好似開咗幾十年咁呢間野真係唔講以為佢係舊冰室，但原來一切只係裝修，開咗只有幾年貨仔又比佢扮得幾似。。。連個紅色餐牌都有啲feel不過新舊都好啦，食下就知咩料，要咗個牛腩河同熱奶茶，兩樣都算合格啦，牛腩河啲牛筋唔夠冧，奶茶未夠香濃所以，只係裝修玩下野，其他野係一間一般既茶餐廳囉。。有人可能真係會比佢個裝修呃咗，以為自己去咗老店，但原來一切只係似是而非既掩眼法。。。…查看更多

新諗住食永年車仔麵， 點知十一點幾未開門，所以就試吓呢間麗星冰室嘅常餐啦。點知估唔到連常餐都可以咁難食，炒蛋炒到乾晒，啲牛肉有一浸味。真係連我屋企煮都好食過佢，在冇下一次。…查看更多

下午同男友入元朗大球場睇波，一search見到有麗聲冰室好出名就去試下，門面係好舊式香港茶餐廳，入到去都仲係好舊式，佢掛起嘅大餐牌係紅膠牌用金色毛筆字寫menu！侍應好快手落單，座位略窄都好平常，就係正宗茶餐廳嘅感覺。仲見到門口擺住已經買少見少嘅玻璃樽裝氣水！點左兩個下午茶餐，一個係西多士配紅豆冰，另一個係吉豬薯條凍檸茶。吉豬炸得好香脆，薯條都唔錯，凍檸茶茶味好濃偏甜。紅豆冰好好味，紅豆煮得腍腍爛爛。…查看更多

華田成杯奶咁，炸脾又鹹又乾，西多成塊地毯咁簿，雲吞麵成配粥咁淋，最重要係問佢拎杯水，明明得閒，問左兩次都應左就算，問第三次就大大力咁掟落枱，我黎乞食呀！？有無攪錯！…查看更多

今天來的冰室位於元朗市中心比較僻靜的位置，冰室保留五六十年代的簡約風格裝修，門口的餐廳也反映了該冰室的年代。可能是價格平宜的關係，午餐時間有很多中學生光顧。店家主要供應冰室傳統的港式快餐飯。點了一客豬扒太陽蛋飯，賣相吸引。配上一杯奶茶只需要$40，以現在的物價來說算是很便宜了。豬扒使用一般的急凍肉，不太厚，不過配合特製的醬油，味道還是可以的。吃一口混合豬油，醬油和蛋汁的飯，簡簡單單的還可以是很滿足的事。這家冰室的奶茶是我暫時在元朗區喝過最好的，茶香而濃，入口順滑，喝下去之後，有久久不散的回甘感，最好的，差不多就是這樣的了。唯一美中不足的是，飯餸的份量不多，感覺只能當小吃吧。…查看更多

大家好我是bunnymeow 九十後少女食神。一走入嚟，hifi 聲好靚，最重要就係播住我最中意既歌，有陳百強陪住我一個人，搞到lee 個早上，寧舍開心。果然 , music heals everything, one of the days , one of the years.今日無食到邪惡all day breakfast, 食左呢度既名物，厚，多，士， 麵包好鬆軟，仲免費烘底，正呀。 btw, 揸車既人有福了，抄牌仲有店員會溫馨提示，係warm 既。坐得好舒服，冷氣又夠。「共你再見此刻想變做永遠記憶那日同話別　思憶中景況好比昨天共你再見歡欣感覺沒有變往昔每段情復現　當初的許諾兌現舊日那歡欣重現你的臉」聽住danny 歌聲打lee 篇食評，係正既，喵。…查看更多

工作中午餐，其實已經兩點！呢間餐廳門面好懷舊，有支裝汽水櫃，紙皮石，加中式麵檔嘅木桌椅！加上樓底超高！好懷舊！食物係一般冰室食物加麵檔食品！我唔太肚餓下！叫了下午茶餐！食物好快到！熱狗跟薯條（$30）熱狗麵包烘過，鬆軟香脆！不過條普通雞肉腸就黑咗啲！味道正常！青瓜爽脆，蕃茄無味！醬汁係千島醬，酸酸地開胃！跟餐可以揀薯條或沙律，薯條係波浪紋薯條，炸得香脆，點茄汁好味！整體ok!紅豆冰（跟餐$5）高腳杯上，紅豆大粒，炆得淋，紅豆起沙！奶唔太甜！好味，可惜唔係碎冰而係大粒冰，食時無咁方便！炸雞髀薯條（$30）：同事食牛腩飯（$44）：同事食！熱檸茶：同事飲！姨姨店員有禮有笑容！上菜收碟好爽手！服務正常！食物正常唔特出！懷舊下無妨！…查看更多

因為見報導介紹，於是同朋友去一試，果然不負所望！雞脾+沙律+紅荳冰都只係$35！紅荳勁林，好味。另外嗌多個西多士+紅荳冰都係$30。餐廳裝修同舊式茶餐廳一樣，牆上餐牌都係手寫，十分地道…查看更多

放工番屋企口痕，就入左去麗聲，嗌左我最愛既例牌：芝士火腿西多士呢度既芝腿西超足料，芝士同火腿好夾，加上佢個包係仲熱既，令到芝士更加香口西多士就保持水準，炸到面外脆卜卜，淋左d醬汁係上面，口感一流另外佢西多士唔會太＂流＂，唔會食落全部都係油！！黎食下午餐一流…查看更多