麗晶軒

香港麗晶酒店翻新後重開以來話題不斷，不僅獲《Travel + Leisure》選為「亞洲最佳城市酒店」，其米芝蓮二星中菜廳「麗晶軒」更成為不少人慶祝特別日子的熱門選擇。適逢周年紀念，我們提前預訂了窗邊位，有兩款套裝可選, 由於散叫的菜式考慮到份量問題等, 於是便試了$1688/位的「麗晶軒盛讌滋味晚宴」，連同茶錢及加一，最終消費$3823.6。整體而言，環境、服務均屬頂級，食物水準穩定但驚喜不多，適合重氣氛與儀式感的場合，但若純為追求創新菜式或許會略感失望。🌃 環境：還記得幾年前洲際酒店（現名麗晶酒店）裝修期間，當時的欣圖軒（現名「麗晶軒」）入口封閉，需要從K11商場進入。這次重訪，發現商場入口已不再開放，客人必須從酒店主入口進入。翻新後的酒店大堂確實貴麗堂皇，一走進去就能看到兩間餐廳，180度的尖沙咀海景立即映入眼簾，當下就與同伴說下次一定要來大堂餐廳用餐，環境實在太chill、太有氣氛了。沿著樓梯下一層，便是麗晶軒。門口有侍應接待，隨後經過一條頗長的走廊，營造出獨特的氛圍——帶著幾分神秘感，彷彿即將進入一個專屬的私密空間，讓人對接下來的用餐體驗充滿期待。進入餐廳，尖沙咀海傍的夜景盡收眼底。我們在傍晚6點入座，那時天色尚亮，維港景致清晰明亮；到了晚上7點，夜幕低垂，燈火漸亮，又是另一番迷人景致。麗晶軒的設計以「玉石珠寶盒」為概念，室內運用大量翡翠色調與玉飾元素，搭配柔和燈光與典雅花藝，營造出低調奢華的氛圍。餐廳空間寬敞，桌距安排得宜，每張枱均能飽覽維港夜景，私隱度十足。不過燈光偏暗，雖增添浪漫情調，但手機拍照確實較難捕捉食物細節。落地玻璃窗外維港夜景與室內設計相映成趣，整體氣派非凡，符合五星級酒店與米芝蓮二星餐廳的定位。💁🏻‍♂️ 服務：服務無可挑剔，從入座到用餐結束，員工態度殷勤周到，換碟、添茶均及時細心。得知是周年慶祝後，餐廳不僅送上即影即有照片（連相框及員工簽名卡），更額外準備朱古力蛋糕及甜品架，儀式感滿分。這種細緻的服務體驗，確實令人有賓至如歸的感覺。🍽️ 食物詳評：▪️ 麗晶四小碟黑魚子煙燻蛋、上湯蟹肉凍、陳皮欖角脆鱔、蝦籽花枝脆鮑魚卷。一般而言，前菜多為酸甜開胃、點到即止的小品，但這裡卻罕見地安排了兩款炸物，設計上已顯厚重。實際品嚐下，脆鱔和鮑魚卷粉漿偏厚，口感油膩，蓋過了食材原味；蟹肉凍味道過淡，黑魚子煙燻蛋則中規中矩，無突出記憶點。整體而言，這道四小碟在味道平衡與食材搭配上都有改善空間。▪️ 珍珠貝燉雞樅菌 👍全晚最驚喜的一道！湯色清澈卻鮮味濃郁，珍珠貝肉厚帶甜，雞樅菌香氣突出，燉湯火候足，不油不膩，溫潤順喉。▪️ 蟹皇白玉蒸龍蝦球龍蝦肉質爽彈，但整道菜整體味道偏淡。底層蒸蛋白口感嫩滑，卻同樣味道寡淡，未能為整體風味提供有效支撐。蟹皇醬汁無論在香氣或濃度上都顯得單薄，未能有效融合龍蝦與豆腐的風味，三者之間缺乏味道上的互補與遞進。整道菜在口感上雖有層次，但味道平淡單一，屬於水準平穩但未達驚喜之作。整體而言算是平穩之作，但缺乏令人回味之處，屬於試過便足夠的菜式。▪️ 焗釀大響螺 👍在這次套餐中多為較為傳統的菜式之際，這道焗釀大響螺確實帶來了新鮮感。釀料豐富（豬肉、雞肝、蘑菇等），醬汁帶點葡汁風格，濃郁惹味卻不腥，螺肉彈牙爽口。整體味道搭配得宜，跳脫了傳統中菜的框架，為晚宴增添了不少亮點。▪️ 松茸鹿兒島和牛雅枝竹伴脆饅頭和牛肉質柔嫩，松茸香氣含蓄，但伴菜搭配稍顯突兀；脆饅頭實際偏軟，未能與主菜風味融合，略有落差。▪️ 熟蝦醬海鮮炒飯 👍炒飯乾身香口，蝦醬鹹香調得恰到好處，似XO醬但減去辣味，搭配蟹肉、帶子、石斑等海鮮，料足味美。▪️ 甜品香芒凍布甸與荔枝雪葩清新不過甜，荔蓉芝麻卷香軟細膩。因慶祝額外贈送的甜品架與朱古力蛋糕，視覺效果十足，但味道與原本甜品相近，略嫌重複。———✅ 加分位：環境、服務均屬頂級，維港夜景搭配典雅裝潢，氣氛浪漫適合慶祝。員工主動為紀念日安排驚喜小禮，細節用心。燉湯與炒飯水準突出，食材品質穩定。從酒店大堂到餐廳走廊的整體動線設計，營造出獨特的儀式感和期待感。可惜位：菜式設計偏保守，部分前菜與主菜搭配缺乏新意，炸物處理可更細膩。以人均近$2000的價位，期望更多創意與記憶點。總結：麗晶軒適合追求環境、服務與儀式感的食客，維港夜景與米芝蓮二星光環確實加分，但若以食物創新度而言，性價比略遜。短期內未必會再訪，但會推薦給重視慶祝氛圍的朋友。倒是酒店大堂的景觀餐廳令人印象深刻，值得下次專程到訪。人均：晚市套餐$1688起/位，另加一及茶錢…查看更多

眾所周知，受得氣嘅XO仔乃「檳」客一名，一收到風啱啱翻新咗冇耐嘅「香港麗晶酒店」於其星級中菜廳「麗晶軒」舉辦「Champagne Rare Millésime晚宴」（$2,750/位），細佬其中最愛飲嘅檳檳喎，當然係要立即報名參加啦！五星級酒店室內面積寬廣闊落，就連走廊通道都有氣派過人。包場活動梗係要曬啲靚相為香檳品牌賣埋廣告啦！空間感足嘅用餐大堂光線柔和，估計係為配合貴客可欣賞落地玻璃窗外嘅夜景而設。中餐黎講氣氛絕對屬羅曼蒂克，但影相就難度高咗；入口處明明擺放著美酒主角，自己卻唔係好捕捉得到。每組客人都有自己張枱，私人空間足，厚墊椅櫈亦十分舒適，餐桌上嘅花花擺設有種典雅嘅氛圍。每位席上擺有齊備嘅自用餐具及酒杯陣，非常有氣勢！玉造魚魚筷子座尤其可愛菂薂。為咗要襯托六款不同年份嘅Rare Millésime佳釀，大廚劉師傅悉心設計咗多道以海鮮為主嘅菜單，香檳及菜式嘅次序都係由簡單清新開始，逐漸進化到陳年複雜啲嘅。燙金餐牌同珍稀香檳嘅靚樽色調仲要係一模一樣架，有心思極！入座後不久，即有專人呈上歡迎酒酒Rare Millésime 2013，清新淡雅嘅香檳尤其消暑。年輕嘅Resxxxx哥哥每次都會先展示酒樽，等待客人點頭後先會斟出，有禮專業得很！早到除咗可以早飲之外，仲有時間細閱主辦單位備製有關珍稀香檳「Rare Champagne 」嘅小冊子。人一到齊，先有演講部份。每道餸上場時都係先上香檳後上食物，明顯邊個係主角！即場對比下，除咗睇到第二枝Rare Millésime 2008 (Magnum) 啲氣泡幼細啲之外，飲落其礦物味更為突出。麗晶三小碟：所有食物已預先分好一份份，其中前菜以拼盤呈上，高雅簡潔。相相影得唔係太清楚，其實右方件黑魚子龍蝦凍下面有舊蜜瓜墊底，連埋上面以黑魚籽點綴嘅龍蝦啫喱食落去，小點咸咸香香，同香檳嘅礦物味都幾夾嘅。下方件蘿蔔絲脆蝦餅個唐芹味好出，敗筆在於個蝦膠腍而不爽彈。拼盤中個人覺得左手邊件化皮乳豬件最正，皮層真如餸名般酥化香脆，仲要預先去哂肥喎，食後完全唔覺得佢邪惡呀！第三枝香檳Rare Millésime 2006 (Magnum)色澤顯著地比之前兩款深色，飲落多咗陣煙燻味。蟹皇白玉蒸龍蝦球：白雪雪嘅龍蝦球個肉身較薄所以唔得爽彈，幸好師傅用得夠多油去泡煮先叫做救得返，不過招牌菜黎講就甚為失色。第四枝香檳Rare Millésime 2002個果味濃得黎好純厚，嗰種果香當真如在場嘅侍酒師Thoxxx哥哥所講咁有陽光氣息，形容得極為貼切！脆釀鮮蟹蓋：脹卜卜嘅蟹蓋外層酥脆不油膩，餡料中嘅蟹肉量足且質感幼嫩，不用多點醬油已夠鮮甜。終於輪到全晚最貴嗰枝Rare Millésime 1988香檳登場！上咗年紀嘅香檳有陣強烈嘅古酒味，第一啖飲落去仲以為自己飲緊白酒，當中嘅酸度頗高，XO仔自認不懂欣賞太重口味，始終偏愛年輕嘅代表囉！老菜脯薑蔥焗法國海鱸魚：為配陳年佳釀，大廚專登從雲南搜羅咗啲有返咁上吓年資嘅老菜脯黎烹調鱸魚去襯托一番。或許期望過高，菜式冇乜魚味之餘，唔講真係食唔出有老菜脯嘅成份喎！壓軸上場嘅粉紅色香檳Rare Rosé Millésime 2014感覺上最好氣同最有活力嘅，同時又好馥郁細膩，就好似溫柔與激情嘅結合咁，勁啱細佬口味！香草法國乳鴿脯伴鴿崧脆酥盞：可能因為有靚香檳相伴嘅關係，肉厚嘅鴿脯鬆潤得黎散發出嘅肉香都好似有啲果味咁，右手邊嘅鴿崧脆酥盞下脆上軟嫩，同樣美味。雅枝竹黃耳炒百合：小肥一向怕齋，只能話小碗中嘅菜菜好清囉！藤椒海皇鴛鴦米：於桌上淋上湯汁嘅泡飯熱力十足之外，脆米亦可保持最佳嘅狀態。半脆半腍嘅鴛鴦米最正，不過海材主要用上軟腍嘅魚肉，唔覺有蝦蝦或者係帶子，口感就好似少咗啲爽嫩嘅元素，加上濃烈嘅椒味蓋過咗海皇應有嘅鮮味，飯品變得有啲欠缺完整性。奶皇鳳梨焗西米布甸：細細杯嘅焗西米布甸份量啱啱好，微甜唔會溜，唯一布甸偏乾同有少少硬化咗，估計係焗耐咗所引致。尖沙咀名酒店之兩星中菜廳「麗晶軒」環境高雅有氣派，加埋個靚景，地方絕對殺食！年輕嘅服務生專業體貼，失望在食物質素有點兒參差，雖然唔難食，但係配襯矜貴嘅「珍稀香檳盛宴」明顯有啲位未做到足。…查看更多

尖沙咀海景粵菜廳麗晶軒，米芝蓮二星名不虛傳🌊。鮑魚撈飯鮮美彈牙，鮑魚片厚實，配上米飯和蛋黃，口感豐富層次分明，每一口都像藝術品。我點了經典撈飯，湯汁濃郁不膩，鮑魚的鮮甜完美融入，還有點 XO 醬的提味，高端又不失家常。服務高端專業，侍應生會細心介紹食材來源，還幫忙撈飯；環境豪華舒適，海景窗邊座位加分，讓用餐變成享受，燈光和裝潢都超有格調。性價比雖高檔，但品質一流，適合特別場合如家庭聚會或商務飯局。位置優越，維港夜景一流，讓整個餐廳氛圍升級。下次試試他們的龍蝦菜，聽說新鮮直送！如果你追求頂級粵菜，這裡絕對值，來一次就上癮。…查看更多

繼上月底食過麗晶軒晚餐後，今個月又來一次試試他們的午餐。今次點的菜式，有的是上次食過的，我們想回味，也有一些菜式是因為最近看到網上有人介紹或拍片，令我們也想去試試這些心儀的菜式。這裡品茶是非一般，我不能用靚茶與否來評論，因為我不懂，但至少味道及體驗特別。當日天氣十分熱 ，我就選擇了他們的"透天香冷萃氣泡茶" ，它是麗晶軒與本地手工精釀氣泡茶茶商MINDFUL SPARKS共同的出品。 來自安溪的黃金桂烏龍茶，加入香港製純天然龍眼蜜，為清新而具花香風味氣泡茶之選。 整個感覺似是飲酒多個飲茶， 因為用酒樽和酒杯 ，但感覺確又有幾特別、尤其涼快。食物上的味道以外，整體感覺也充滿著儀式感。因看過麗晶軒的 Facebook 和 IG 的介紹，對楊枝甘露有以下的敍述：「細味我們精緻呈獻的楊枝甘露。甜品於玻璃蓋下登場，當蓋子優雅揭開，清涼霧氣緩緩繚繞，為這道夏日美點增添一絲驚喜，同時保持最佳冰涼口感。精美的碗盞置於翡翠綠的瓷碟之上，盡顯高貴格調。熱帶芒果的香甜與西柚的清新交織出和諧層次，令人回味無窮。」我們今日也特別留肚去試這款甜品。由上檯打開玻璃蓋開始，冷煙不斷沿碗邊噴出，直至吃完為止。這不只是味道的體驗，也要有視覺的體驗，這個楊枝甘露真的做到了兩種效果。今次我們是下午兩點鐘才去， 感覺他們好像是趕著三點落場似的，覺得服務比不上上次晚餐時那樣細心，尤其今天為我們服務的員工有點催促我們的感覺，也沒有耐性介紹向我們他們的菜式, 因此令整個用餐體驗打了折扣。幸好之前來過，也事前做了功課，否則點菜就真不知從何入手了。…查看更多

同朋友慶祝生日，朋友話想食富貴雞，就特登book呢度，環境好夠優雅食物又美味，作為慶祝嘅餐廳一流因為好多味食物都好好食，所以就淨係記低重點「富貴雞」黎到大大舊野，要朋友特登拎個鎚打碎佢，打碎完後隻雞仲有荷葉包住，之後侍應就開始分雞，雞肉勁軟滑，滑得黎仲有唔少汁，味道就唔係濃，好快就食曬成味菜朋友話以前食過嘅富貴雞比較乾身，呢度嘅就多汁，可能各處煮法唔同啦，總之好食就得最後有甜品請大家吃，大家就過左一個開心嘅生日會…查看更多