鹿鼎薈鹿角靈芝火鍋料理

尋晚喺太子附近行街，見到呢間新開靈芝主題火鍋店，趁個溫度仲涼涼地，一於快快手打多次邊爐。餐廳座位做到好似每枱有個包廂空間咁，基本上唔會見到其他枱的客人。招牌靈芝四季清潤椰子雞湯底 （含靈芝及清遠雞半隻）$208湯底好足料，有齊靈芝片、馬蹄、竹蔗茅根、椰子肉等嘅材料，店員建議我地落食物之前要試一試個湯底，個湯底果然好清甜，而且入喉非常舒服，好有清潤感覺。跟埋個湯底有半隻清遠雞，半隻雞份量唔少，而且肉多唔肥，肉質嫰滑有彈性，食落冇雪味。西班牙黑毛豬片 $138有8大塊黑毛豬片，食落肉質細嫩且富有彈性，帶有濃郁豬肉原味而冇豬騷味。自家靈芝響鈴 $68唔知係咪因為響鈴面舖滿靈芝粉嘅關係，呢度嘅響鈴味道多個層次，食到淡淡藥材味。本地牛肉丸（8粒）$88呢度牛肉丸唔係平時食到口感較扎實嗰種，而係有啲似飲茶食到蒸牛肉球嗰種質感，所以肉質會再嫰滑啲。靈芝海中蝦滑 $98蝦滑都有加入靈芝粉，同埋除左食到彈牙口感外，仲可以食到有一粒粒新鮮蝦肉。菠菜苗 $48有機玉米 $38呢度蔬菜類食物都好新鮮，食落好鮮甜，可以中和整餐火鍋肉食嘅油膩。瑰荔堂煌 $108（買一送一）我地一入枱，店員就拎左兩杯呢款雞尾酒welcom drink俾我地試飲，店員介紹嗰陣講係話用左靈芝白酒去調配，而呢杯雞尾杯確實係非常容易入口，因為係加左橙汁同蜜桃糖漿關係，好啱女仔飲，加埋有買一送一優惠，我地最後都再order左兩杯。另外想讚一讚呢度嘅服務做得好好，我地食左差不多一半時間左右，有店員突然主動提出話想落啲靈芝粉喺我地個湯底度，個作用係可以減少湯底入面嘅嘌呤，食打邊爐可以keep住健康啲，當然啱哂我地啦。…查看更多

喂！各位食肉獸同養生達人注意喇！今次同大家介紹嘅「鹿鼎薈」真係堅離地佢哋個安格斯牛柳粒蕃茄薯仔湯底，一上枱已經贏晒！湯底用咗大量蕃茄同薯仔熬成，飲落去酸甜開胃，勁有果香。啲安格斯牛柳粒油脂分布勻循，落湯淥一淥，入口即化，肉味濃得嚟又吸晒蕃茄湯嘅精華，正到爆！跟住必試嘅係靈芝津菜餃子！你無聽錯，真係落咗鹿角靈芝落去㗎！但放心，一啲都唔苦，反而帶啲甘香，同清甜嘅津菜豬肉餡出奇地夾，咬落去爆汁之餘，感覺成個人即刻「靈氣」咗，補氣養神，食多幾隻都唔怕滯！壓軸梗係佢哋個招牌靈芝四季清潤椰子雞湯底啦！呢個真係無得頂，清甜到不得了！用上原個椰青水做湯底，再加入鹿角靈芝同嫩滑鮮雞一齊滾，飲一啖，個湯又甜又潤，充滿椰香，靈芝嘅功效慢慢滲出嚟，感覺成個肺都潤晒，喉嚨好舒服，打完邊爐都唔會熱氣，係女士同怕熱氣人士嘅恩物！=「鹿鼎薈」呢個靈芝火鍋系列，絕對係養生同美味嘅完美結合。今個秋冬想進補又唔想食到濃油赤醬咁滯，嚟呢度打個靈芝邊爐就最啱數，包你食完暖笠笠，精神爽利！…查看更多

# 【食評】太子高質靈芝主題火鍋店 —— 鹿鼎薈靈芝火鍋 火鍋店咁多，但係以靈芝做主題嘅就真係少見。今次嚟到太子呢間樓上火鍋店 **鹿鼎薈**，用餐體驗可以話係幾特別。 ---## 🏮 環境同氣氛 一入去已經感受到同一般火鍋店唔同，裝修華麗大氣，用嘅餐具都係金光閃閃，擺設帶少少中式古典味，感覺高貴有格調。環境乾淨闊落，唔會覺得迫，坐得舒服。 ---## 🍲 湯底 我哋揀咗 **醉雞湯底（$208，附靈芝+清遠雞半隻）**。 - 清遠雞肉質嫩滑新鮮，食得出雞味同香濃嘅花雕酒味。- 湯底帶有淡淡靈芝香氣，唔會太濃烈，飲落清清地，健康感十足。 - 加咗少少花雕酒之後，湯底即刻多咗層次，味道更加圓潤。 ---## 🥢 精選食材 - **蒙古羊肉片（$98）** 完全冇羶騷味，羊味香濃突出，薄切易熟，涮完入口軟嫩。 - **靈芝四寶丸（$98 / 8粒）** 四款係蝦丸、牛丸、墨魚丸同靈芝豬肉丸，呢個係店嘅招牌之一，用料足，口感彈牙，仲食到淡淡草本味，幾特別。- **雲吞（$88 / 8粒）** 我地揀左蝦同韮菜雙拼，大粒飽滿，皮薄餡靚，落鍋之後仲保持到口感，唔會散開。- **脆肉鯇魚腩（$88）** 新鮮無腥味，肥美滑溜，涮幾下就食就啱啱好。 - **金錢牛肚（$78）** 爽脆入味，吸晒湯底精華，好正。 - **出前一丁（$18）** 火鍋必備，最後落去吸盡湯底精華，完美收尾。 ---## 🍹 特別體驗 途中店員仲送咗小食（脆卜卜嘅靈芝七味脆脆）同埋一杯靈芝酒，酒杯仲有金魚圖案，打卡感滿滿。呢啲細節令成個用餐過程更有特色。 ---## 👩‍🍳 服務 店員態度好好，經常過嚟加湯，問有冇需要，介紹食材都好有耐性。仲會主動送小食同酒，同埋俾我地試佢哋嘅靈芝粉，話會減少湯底purine，仲送多幾包我地返屋企煮嘢同沖都得，令人覺得好貼心。 ---## 💰 價錢 今次兩個人埋單 $915（已包一成服務費）。雖然唔係平，但考慮到環境、食材新鮮度同埋特色主題，都算係值嘅。 ---## ⭐ 總結 **鹿鼎薈靈芝火鍋** 成個概念幾新穎，以「養生 + 火鍋」結合，食材質素高，服務好，環境有格調，係一間值得同朋友或者家人一齊嚟試嘅特色火鍋店。 👉 **推介指數：★★★★☆（4.3/5）** 📌 必試：醉雞湯底、蒙古羊肉片、靈芝四寶丸 ---…查看更多

見到呢間火鍋有做靈芝火鍋, 認為比較幾新穎, 於是入黎試下~老闆聲稱自己係70歲，而且基本上一星期都食5日靈芝左右無論打邊爐/煲湯，都會落靈芝粉所以今次我哋打邊爐都唔例外，要試吓佢地招牌靈芝火鍋🍲！先黎一杯🥃cocktail茅台酒加入左少少靈芝, 喝下去無咁傷身 / 宿醉而且有微微的荔枝、玫瑰味, 所以喝下去很清甜, 非常易入口~再送一份餐前小食: 靈芝七味脆脆小食，表面放上靈芝粉，再帶微微辣味，尤其開胃另外再order左一壺靈芝茶:有沉香，更有減肥功效，喝下去苦而不澀~鹿鼎五色海鮮·靈芝養生鍋套餐招牌靈芝四季清潤椰子湯底店員建議可以飲湯先，尤其清甜，之後再放海鮮入去烹調~蟶子皇（涮煮20-25秒）可以不用蘸任何醬汁，吃下去非常彈牙，尤其新鮮~台山蠔（涮煮4-5分鐘）漲卜卜超級肥美，鮮味十足，而且不會有任何腥臭味~鮮鮑魚（涮煮20-25秒）鮑魚切成一片片，煮一陣仔就可以享用，口感無庸置疑係好彈牙啦~大花甲（涮煮20-25秒）無任何沙粒，吃下去好淡淡肉好新鮮，餐廳選擇的海鮮食材絕對係高要求~吃到一半，店員會中途放靈芝粉，會減少「嘌呤」店員亦送了2包靈芝粉，無論之後熬湯/在家打邊爐，都可以放入去一齊煮架~手工韭菜餃子🥟好豐富的韭菜餡料，餃子皮亦唔會太厚，放入口size剛剛好~手工鮮丸 (雲吞，蝦丸，墨魚丸)雲吞餡料都好豐富，有原粒蝦 & 豬肉，皮薄餡靚~蝦丸 & 墨魚丸絕對手打製造，口感彈牙靈芝蟹籽墨魚滑墨魚滑彈牙，配上粒粒蟹籽一起吃，有粒粒漲爆口感~而且配上靈芝，感覺無咁肥膩~田園蔬菜前面食咁豐富，當然要食返D蔬菜中和一下口腔肥膩感~個人比較推薦食淮山，真係好清甜~日本芋絲份量非常充足! 口感爽脆~藍莓🫐芝士奶凍 配 靈芝醬酒餐廳奉送的甜品，放上醬酒一起吃，一開始會以為好難入口，酒精太濃烈估唔到配上奶凍一起吃，可以balance返~而且好match!!…查看更多

太子新開靈芝主題養生火鍋店 湯底都同食材都以靈芝入饌 有生猛海鮮同手切本地牛仲有靚環境 我地試左呢個$688既五色海鮮·靈芝養生鍋二人套餐 一次過試曬咁多款高質養生食材🤗🍲 靈芝養生湯底試左招牌靈芝四季清潤椰子雞湯底 打邊爐前先飲啖靚湯 清甜滋潤 喉嚨好c服😌 清遠雞半隻 皮脆肉嫩 再加入鹿角靈芝片同養生食芝靈靈芝粉 湯底同食材越煮越提鮮 甘甜唔苦澀🦐 生猛海鮮 精緻海鮮盤包括 蟶子皇 台山蠔 游水中蝦 原隻鮮鮑 貴妃蚌 全部飽滿鮮甜 店內仲有即撈即切既活龍蝦同加拿大象拔蚌 非常吸引🐮精選手切本地牛有牛頸脊 牛爪邊 金錢牛腱等唔同部位 試左平時少見d既牛爪邊 位於肩胛同肋骨附近既部位 口感嫩滑 帶少少筋膜既爽彈 油花分布均衡 牛香四溢 唔洗點醬都已經好好食 岩曬牛魔王🥰🍢 特色小食有靈芝七味脆脆 椒鹽鴨舌 百花釀油條 炸午餐肉 響鈴 全部都係用靈芝油炸出黎 當中既多醣可以分解油膩 食完唔會熱氣 送酒一流🥟 手工配料套餐包括手工韭菜餃子同手工鮮丸 最中意梅菜豬肉丸 大粒彈牙 豬肉同梅菜鹹香非常之夾😍 仲配埋新鮮蔬菜籃 除此之外仲有多款養生配料 例如原筒花膠 竹笙 配養生湯底都好推介自家製靈芝cocktail亦都好有特色 椰子蜜露充滿椰香同酒香 容易入口 鹿角沉香茶充滿回甘 仲有助改善眠排毒消滯~…查看更多