鷹巢

營業中

休息中

從旺角港鐵站邊行邊問酒店的位置，原來是這麼遠，行到我「成吉思汗打仔」，歇後語「大汗揼細汗🥵」除了位置偏僻，點心質素一般，枱布竟如此貧瘠，起晒線頭和暗啞，還有茶壺邊有千年茶漬不是挑剔，而是身為酒店的中菜廳，這樣的質素實在不合格🔰水晶鮮蝦餃$56，只得爽味，沒有蝦餃的香味，內餡也不juicy🔰香菇蒸燒賣$56，沒特別的燒賣，香菇味近乎欠奉🔰酥脆蘿蔔絲腸粉$66，吃第一件時，真的很脆，但再吃第二件時，那股炸物的油味，強烈地出現，湧在口腔令人不爽🔰醬皇蒸鳳爪$44，鳳爪的質量OK，但醬料味不夠，適合喜歡吃清淡的人士一行3人，點心叫了4款，彼此決定結帳離開，乘車到尖沙咀國金軒，吃些高質又美味的點心

週末BOOK了鷹巢飲茶, 由於疫情關係, 想選一個地方寬敞一點, 不會人貼人的地方飲茶所以酒店的中業廳也是很好的選擇, 因為可以免費泊車2小時, 所以今日同家人都揸車來飲茶有職員會協助指引泊車位置, 泊車後取票就OK鷹巢位於二樓, 上到後, 接待有職員帶領座位位置, 服務整體都很好中菜廳那邊全部都是長方形台, 所以我們一行4人, 坐得的確很寬敞還真是第一次飲茶不是圓台而是長方形台. 點心紙的款式不算很多, 所以我地最後都encore 了燒賣和蝦餃真心他們的水準的確很不錯, 雖然每款點心平均$60 (openrice 訂座全單8折後), 但偶爾1-2次的確很滿足可能地方較大, 人手我認為略嫌唔夠, 有時加水都要揮很耐手先有人見到不過整體都係舒適的, 當日被分配到靠窗的落地大玻璃, 有很猛太陽照住, 所以有叫侍應幫忙下簾, 服務也算很不錯

上次堂食完見到佢地有賣盆菜，今年爸爸生日撞正平日，唔想煮又出唔到街慶祝於是就一早打左去預訂左個鮑魚花膠盆菜送番屋企食 order左7:30送到放工返到屋企 輕輕翻熱就食得啦!!!  方便又唔失禮！原隻蠔皇鮑魚、花膠、大蝦、原粒瑤柱、鵝掌、蠔豉、燒鴨、油雞、髮菜、花菇。鮑汁分開左上！多款名貴食材 整體都算足料 輕輕煮番熱已經好香... 個個唔駛喊就巳經自動坐埋位等食啦原隻蠔皇鮑魚大大隻，花膠件夠厚且彈牙，鵝掌炆得夠淋好入味！大家都食得開心，表示滿意，大時大節可以再Encore!!!

在疫情前已想試這里的菜式，近來疫情關係又不便到處出外吃飯，剛巧見到近來有推廣外賣優惠便一試這招牌名菜 - 叉燒。抱著十分期待的心情去嘗試，但絕對十分失望！不知是否轉了售賣形式，因為客人對象是外賣，不是堂食便將質數大幅下降。從未試過一舊叉燒厚切到如此，比一塊帶骨豬扒還要厚！好像廚房像切多幾刀也怕麻煩的樣子，縱然肉質較嫩，但嚴重影響食慾，想像下每口咀嚼一大舊肉塊在口內充斥著，絕對口感其差。本想下次試他們其它的菜式，可以就此作罷。

喺旺角區返工嘅我近排巳經日日叫外賣，難得team lunch老闆請，所以就搵左間環境好少少嘅，起碼位於酒店內的餐廳，有番多少少信心保証，眼見抗疫措施都算做得足。當日一行４人來到《鷹巢》飲茶，可能因為是平日所以沒有太多客人，環壞舒適坐得舒服，三五知己或者同客食飯一流，感覺衛生乾淨！整體食物質素中上，精緻味美，價錢同份量都尚算合理👍。臨走見到隔離個雪山叉燒包賣相好似幾唔錯，下次有機會要試埋佢金牌叉燒皇配秘製蜜餞豆：厚切叉燒，啖啖肉，伴碟的秘製蜜餞豆香甜煙韌蝦子腐皮卷：香口酥脆，炸到好乾身，不會吃完滿口油XO醬炒蘿蔔糕：做到外脆內軟，ＸＯ醬惹味可口！芝士蝦春卷：炸物出色，所以點多道香口春卷！飲茶點可以唔點燒賣

限聚令關係好耐無出街食飯，最近終於忍唔住唔想煮飯，決定出街食飯；開車出街最怕揾位泊車，今次我就醒目揾到間餐廳提供首兩小時免費泊車，一於一家大細出街！鷹巢位於旺角非常方便，而且之前已經有聽過同事話點心出色，令我非常期待！一到達餐廳服務員立刻帶我入座，進入餐廳範圍前有部自動量體溫器量度體溫，枱與枱之間亦有足夠距離，感覺上係一間可以在疫情期間讓人安心食飯嘅餐廳。雖然想試下小菜，不過有一段長時間無“一盅兩件”，所以今日全部食點心；香菇蒸燒賣，蝦子腐皮卷，黃金柚子煎粉果，醬皇蒸鳳爪，XO醬炒蘿蔔糕，以上嘅點心全部非常優質，尤其是水晶鮮蝦餃，餃皮夠薄餡又靚，啖啖蝦肉非常爽口！

呢間酒店搬黎旺角吾算好耐，呢間中菜評價都吾錯，加上網上有推廣優惠折扣，即管試吓。先試蝦餃，蝦餃大隻，蝦爽、大隻、鮮味，可惜筍吾夠，食吾出筍味，未能提升蝦餃味道層次。我最愛嘅叉燒酥實在麻麻，酥皮厚，淋淋地，酥皮面上蜜芽糖甜味吾夠，令人失望但叉燒餡夠大粒、多汁，可以啦試士佢叉燒腸，普通，粉皮厚，叫夾得起，吾會一夾即爛，叉燒都多。有一隻腸粉好特別—脆皮蘿蔔絲腸，好驚喜，家人一致好評。白蘿蔔雖然吾係夏天食材，但呢度白蘿蔔食得出鮮甜味，脆皮脆，無因為腸粉皮而淋左另一推介之選係蝦子腐皮卷腐皮超脆，好香腐皮味，啖啖爽彈蝦肉，三角形，好似食緊脆皮三文治咁，好正佢有雪山叉燒包都好多餡，小朋友至愛而佢個自家製厚切叉燒反而一般，吾夠味，淨係大件，可以不試其他點心都一般，味道偏淡豉汁味菜肉片煎米粉都吾店米粉煎吾夠身，成碟油淋淋，個豉汁味菜又吾夠味整體黎講，食物款式吾多，但質素中上。有網上推廣或者生日優惠（除左有折，仲每人送一個壽桃），抵食

今天晚巿七成食客，食物一般，與其他中式酒樓差不多，但服務真係稱唔上酒店式，全餐飲無換過食具，啲餸要三催四請先上，唔算勞氣，但真的掃興😔哩個價錢有其他更好嘅選擇。

父親節訂位1點45分16位，分兩枱，本身點心好有限，重好多冇。問題係D單亂到七彩，叫左嘅漏單，黎左嘅再黎，茶要自己斟，埋單出錯。同佢反映下好混亂，点知佢求其sorry 都吾講 ，背轉頭話以後吾好黎囉。其實香港地点解重有甘既服務態度?

老老實實，困左咁多日係屋企種菇，就悶死。但係，又發神經好想飲茶，但又怕啲茶樓好雜好多人好嘈。上Openrice 睇下同區有啲咩食，咁岩見到呢間野，係酒店中餐廳，估計冇咁雜就去試下。去到發現又唔錯啵，基本上都係西裝友、OL係到Lunch time。拉埋路人甲，兩條友去飲茶，簡簡單單叫幾樣止下痕算。叫左一個叉燒酥，因為睇過人地話呢度啲叉燒好正，但晏就叫例牌又好似過份左，叉燒酥就fit晒。又叫多個新潮野，什麼芝士蝦春卷再搭個高級野- 帶子鳳眼餃同一碗雞粥。坦白講，碗粥就預左唔會有咩特別，係有雞味既而且中我口味既，就係杰身啲，好驚遇上啲粥水，做咩姐出去食野比粥水我~ 當然重點係叉燒酥，一野咬落去，唯一想法係下次再黎一定要叫一碟叉燒就咁食，因為個叉燒真係無得頂，佢唔係果種甜到膩既叉燒，肉味加叉燒醬既甜味再加埋個皮，真心無得頂。春卷要既就係脆同香口，佢完全交足貨。仲插兩條野增下慶，幾有心思。😂想講下個鳳眼餃- 首先鳳眼餃唔係到到有，另外，佢係有帶子既，個帶子唔係果啲冇味得個樣既貨，你係可以食到帶子既鮮味! 呢餐係滿意既，下次等我帶埋阿爹過黎慶祝父親節先~~~

食品水準下降 ！服務態度麻麻 。生意不好、未能維持好的出品。唔會再幫趁！價錢與食物素質不相稱。食品水準下降 ！服務態度麻麻 。生意不好、未能維持好的出品。唔會再幫趁！價錢與食物素質不相稱。

今日起身比平時晏， 竟然兩個小朋友又冇一朝早起身就嘈喧巴閉， 所以又再瞓返落床， 再起身已經係十二點幾， 再睇睇天氣報告， 原來今日成二十幾度， 咁熱真係冇乜胃口食飯， 突然又諗起鹰巢啲點心， 今日就一家大細去食啦。 燒賣蝦餃照舊保持水準， 上次試過嘅棉花雞， 今次依然大大件同juice, 有小朋友一齊， 香口嘢就一定要叫啲， 脆竽, 叉燒酥， 兩個小朋友平時都唔多食， 今次佢兩個竟然食曬呢兩碟嘢， 證明都應該唔錯， 食飽飽一家人傾下計其實平凡也是福.

之前見到依間係中菜評分都幾高我地一行四人就叫左四款送試下叫左一鴨兩食，第二食可以揀炒鴨絲，鴨湯同另一款，因為我地四個女仔，諗住揀湯好似無甘滯點知湯都係超級多料，我地每人可以分到兩碗，每碗d 料都係勁多。。可惜個湯味好似有少少例湯feel..鴨味唔出，但依個份量真係抵之後片皮鴨佢會拎成隻鴨比你望左先，之後係隔離片，但一睇個面粉皮就知好有心機逐皮都烘過，係乾身，平時酒樓食通常都好濕。。跟住所有皮痴埋一pat...好難撕番開依個逐塊烘所以完全唔會有痴埋既問題👍🏻鴨本身塊皮都燒得脆，而且唔會好肥，d 配料青瓜同蔥係比勁多，成座山甘，未試過d 配料食完哂d 片皮鴨仲有剩因為鴨都係滯，所以叫左個賽螃蟹清dd 蛋白炒得滑，而且d 南瓜肉唔會好硬筆唔到黎食，算淋身，可惜唔夠甜，入面有好多蟹肉令到d 蛋白有番鮮味依個係全晚比較失望，因為d 鮑絲海蔘絲真係睇唔到甘滯，而且個汁又比較杰身。。好一般當晚平日只有幾台客，侍應人手充足，加水個d 服務都唔錯，最後我地要打包都好細心甘分開

幫準靚媽補祝生日，為咗避免走過太多烏煙瘴氣嘅地方，特登揀個近佢屋企嘅地點，諗住酒店集團唔會衰得去邊。7:30 去到，未齊人叫住啲小食，招牌义燒唔錯，但就細碟咗啲。 。 。等到8:00 前差不多齊人就叫菜，竟然無晒炸子雞。 。 。跟住話連鴨都無埋。 。 。仲好早咋喎，乜都無，餐牌選擇唔算多，即係食乜好呢？勉強揀咗欖角骨，味道可以但唔夠蜜糖味，上湯荳苗同蒜子雞煲相信普通茶餐廳或大排檔會整得好味啲，海皇蒸蛋白不過不失，而鴛鴦米海鮮湯飯算係可以。話晒係酒店中菜廳，當然有返咁上下期望，但食客未走晒佢哋已經擺第二天早餐架步好似想趕客咁，感覺唔良好喎!朋友一致認為試一次就算。 。 。

唔經唔覺今次已經係第三次嚟幫襯，繼續寫食評係因為呢間中菜係近呢一年嚟唯一我覺得值得再次幫襯。服務依舊親切，食物次次都有驚喜，皆因佢哋keep住換主廚推介Menu，每次都能夠試到唔同嘅新菜式😋今次叫左以下菜式：花膠五蛇羹 $108每逢冬天北風起 總會諗起食蛇 估唔到哩度都有蛇食飯而且仲拍得食出面專食蛇既舖八寶芝士焗釀日本元貝 $68非常濃味 元貝唔會焗得過熟 好爽口 正！揚州炒飯 $168雖然炒飯好平凡 但哩個炒飯一啲都唔平凡 叉燒粒依然用上金牌叉燒王果隻叉燒 正！