鵝鹵宮

營業中

休息中

Randomly selected this Chiuchow cuisine in Yuen Long Yoho mall. The setting of the restaurant is grand and gorgeous. We 3 people had 3dishes and 1 dessert. The overall quality of the food is nice, especially suitable for people who like heavy flavour.1️⃣Seasoned sauce goose 2️⃣Pork with salted vegetable3️⃣Fried Maggi shrimp vermicelli 4️⃣Red bean paste bun

今日食評✍🏻✳️✅鵝鹵宮@Yoho mall約咗公公飲茶去一間米豬次次經過都想去嘅鵝鹵宮唔知點解佢咁想去環境衛生對大人嚟講係ok但對小朋友嚟講仲有待改善我哋叫咗5個點心蝦餃大大粒、皮薄餡靚牛肉球又係大大粒、不過就有啲un 蘿蔔絲酥餅好香，酥皮好好味，餡料豐富健康三色豆好味，整得結實唔會散晒啲豆出嚟豉汁鳳爪入味有咬口無論大鋪小店我哋都會盡試盡講Follow我哋bw.foodie

食物不符合標準，燒鵝係凍既員工服務態度惡劣，又無枱布，用力bang一聲放低水壺，嚇親成枱人包括男人更有綠衫員工如隔離枱食客對質，不清楚發生何事，但員工態度都十分不專業，沒有尊重和留住食客的意欲，串串咀咁，讓人聽著也感覺不適果然只係美心水準，空有其表，所有範疇根本及不上是中菜館，千祈唔好畀個裝潢呃咗快餐都不如，週末去食食到一肚氣，要不是西鐵站間彩晶軒裝潢，絶對不會嘗試幫襯呢間野永久blacklist

成日覺得鵝鹵宮個名好有gimmick好盞鬼，今晚就試下D潮洲野食得唔得先～坐低後，侍應就推介套餐話好抵食架，咁啱有恒生信用卡。恒生信用卡4人套餐特價$888🥢潮洲四喜拼盤（鹵水鵝片．蔥油海蜇．炸花枝卷．黃金韭菜餅四拼）鹵水鵝片比較乾，反而墊底鹵水豆腐好食蔥油海蜇，蔥油味香濃炸花枝卷普普通通，唔彈牙黃金韭菜餅好香脆，啱啱炸起比較油🥢鹿茸菇燉竹絲雞個燉湯好清甜，估唔到湯渣雞肉同鹿茸菇都好食🥢上湯大蝦伊麵有四隻大大隻蝦，上湯芡比較杰身🥢翡翠花膠筒炆鮑魚四條花膠筒都唔算細條加埋鮑魚炆得入味，有生菜墊底🥢潮式蒸煮龍躉斑原來潮式係有啲肉絲唐芹絲，調味適中，蒸魚時間拿捏得好，魚肉好滑👍🏻🥢潮洲姜薯糯米糍中間嘅姜薯餡冇乜甜味，糯米皮又唔夠軟熟，有D位硬，no good👎🏻加多個餸🥢雜菌海參$108西蘭花仲多過雜菌同海參食物大致幾好侍應招呼殷勤連茶芥☕️加一💰是晚人均消費$240💰

哈哈，不知何時開始，下班收工，很多時候都約Foo 食飯。昨天又是一個吃晚飯的時候，我們去了近近的鵝鹵宮，就是舖頭對面商場的潮州菜，夠獲氣，又夠快，。最吸引就係（滷鵝拼盤$368），樣樣齊，有掌翼，鵝腸，鵝肝，鵝片，鵝腎，鹵蛋，份量亦頗多。香濃的滷水味道。炸大肥$108鮮魷雪白肥厚，外層有一層薄炸醬包裹着，夠獲氣，惹味可口，餸酒一流。梅羔醬烤骨$98清甜可口。外皮有略炸過，微脆，排骨嫩肉微酸微甜，開胃飯菜，餸飯一流。打冷拼盤$98打冷拼盤，是一份常規正常的份量。紅腸、豬大腸、墨魚，鵝肉等份量都不少。大豆芽菜墊底，調味得宜，滷水味道正宗。小食$23新鮮清爽脆可口，花生亦鬆脆香酥。會常推薦給親朋好友一起去食

［📍元朗｜鵝鹵公］呢間係一間潮式既酒樓餐牌入面除左平時大家食開既燒賣蝦餃仲有啲特色點心同潮式小菜好似韭菜粿個啲 呢到都有得食佢地啲點心全部都好熱辣辣 每樣點心都水準之上炒粉麵都唔差 乾炒牛河好有穫氣 份量好足如果河粉再粗身小小 冇哂碎 就perfect啦

第二次來鵝鹵宮，相比第一次，我覺得食物比之前好食左，出品好精緻，招呼好。周經理服務細緻細心，地方干淨。會介紹朋友來。很開心度過一個開心的晚飯時光。。。。。。。。。。

推介煎牙帶魚，外脆內裡啱啱好👍童年回憶再現甜品杏仁茶入口淳滑，環境寬敞，服務員Cat姐態度殷勤，總的來說，值得下次再嚟。啊，值得一提，餐前小食；也值得品嚐，尤其內𥚃潮州咸菜。記得試吓這2 個介紹呀。

今次只係去飲午市茶 所以冇特別食到佢嘅潮州菜式櫻花蝦煎蘿蔔糕看似四件 但其實係切開咗嘅兩件我覺得油咗啲 櫻花蝦味唔係好出眾只係食到鹹味不過蘿蔔糕好難會失手 所以點都唔會係難食蒸鳳爪正正常常 唔太濕嘅鳳爪山竹牛肉都係正常山竹牛肉咁囉水晶蝦餃王🍤初初以為粉紅色嗰粒係特別味道但原來只係塊皮係粉紅色裏面隻蝦都幾大啖肉意義不明😅海皇脆皮腸粉粉紅色嘅皮包住油炸鬼🥠冇乜特別奶皇包係炸咗嘅奶皇包個人比較喜歡唔炸嘅我覺得佢個名好搞笑🤣玩食字兩個人食咗三百幾蚊 以6道點心來計Lunch來說 其實都有啲貴因為份量不多 亦都唔係特別好味 不過下次都會想試吓食佢嘅招牌菜鵝肉服務正常 不過可能樓面太忙想賣單都嗌左幾次先搵到人賣

今次去咗間餐廳試嘅美食真係令人拍案叫絕，鹵水鵝肝拼鵝片嘅潮汕特色好突出，賣相滿分不講，個鵝肉嘅腍滑同肝嘅濃郁味道，平衡得好好，搏得到食客嘅一致讚賞。食下去嗰陣間，真係覺得舌頭都要嘆為觀止，正宗好味道！話說返嗰個紅燒燕窩，令人意猶未盡，簡直係滋潤每一寸乾渴嘅味蕾。然之後上嚟嘅海參扣原隻鮑魚，更加係一絕。啲海參腍得黎唔失嫩感，每一啖都帶有海嘅鮮味，而啲鮑魚更加係鮮甜彈牙，食落有種說不出嘅滿足。黑松露露笋炒帶子嗰道，真係結合咗山珍海味，每一樣嘢嘅味道都唔混亂，反而互相映照，出奇嘅協調。每一啖都係享受，令人不自覺咁用餐巾抹口，怕漏咗每一滴珍貴嘅汁液。總括來講，這家餐廳嘅菜色珍貴而唔撲俗，堪稱一場味覺上嘅流金歲月。呢啲菜式滿足咗我哋嘅胃，都滿足咗我嘅追求，一餐飯落嚟，盡顯貴族風範！真係值得再嚟幾次，嚟次小聚，品嚐潮汕美食之餘，都可以感受下潮流氛圍。👏🍴👍

聖誕節期間同屋企人試左依間嘅飲茶，點心全部熱辣辣，仲加左個鹵水拼盆、糯米飯同湯，全部都足料好食！原來平日中午有個4人餐都只係$438，有齊鹵水、點心等，下次可以再試吓！

元朗鵝鹵宮.味道：7/10🌟抵食：5/10🌟環境：8/10🌟.元朗Yoho新開冇耐，主打滷水鵝嘅餐廳🪿首先介紹下招牌嘅滷水拼盤🥰比較好味嘅係滷水蛋入味得黎唔會太鹹同埋鵝肝完全冇騷味😋另外幾款都幾有水準，可以叫🥰仲叫咗鵝肉炒飯，質素同優質茶餐廳冇咩分別，算次唔錯👍🏻🤔魚蛋雜菜煲個魚蛋竟然有微微魚骨，雖然小小影響口感，但真係真材實料🐟蓮藕餅完全唔推薦，完全係肉餅🥲冇咩蓮藕，扣曬分，好失望🥹.#香港 #食評 #foodie #食好西 #instagram #discoverhongkong #香港好去處 #香港美食 #打卡 #打卡餐廳 #元朗 #元朗好去處 #元朗打卡 #元朗美食#滷水 #滷水鵝

打風落雨☔️又水浸 只能在區內揾食 路過新開既「鵝鹵宮」門面望落光猛企理 一於試下😝🩷蜜汁叉燒包包鬆軟 叉燒甜度適中 🩷欖菜肉碎炒飯飯夠乾身 粒粒分明 味道較健怡不死咸👍🩷香茜蒸牛肉腸粉腸粉皮滑溜 餡料如飽滿啲更佳🩷香煎韮菜粿是日最愛😻 皮薄韮菜香 餡料比例剛好 食落亦不油膩🩷潮州蒸粉粿正常味道餐廳較闊落 私密度較高 服務OK 食物水準也不錯 形點飲茶又多個選擇啦😎～

有日經過呢間見好多人排隊，就入去試下，佢其實好似酒樓咁飲茶食點心，跟住仲有啲潮州菜式。星期日中午時間去都幾多人，不過唔洗等好耐。入到去坐得幾舒服，枱同枱之間距離合理主食叫左個潮州麵線，都算幾多料，有蛋，蠔仔，豬腸，份量都幾多，麵既質感個人覺得有少少似蕎麥麵既感覺見到佢有鹵鵝片，好似好靚，一定要試下，有口感，同埋唔會鞋，味道都唔會太鹹，下面有一層鹵水豆腐墊底，豆腐都幾入味，最出色既一道菜👍菠蘿叉燒包，足料，幾大個，不過同一般酒樓既無咩分別蜜瓜炸鮮奶，入面係綠色既，係人工既密瓜味，完全無鮮奶味，但係佢又無就咁炸鮮奶比人叫，呢道可以唔試🤒鴛鴦水晶包，分別係連蓉同豆沙餡，豆沙唔錯，連蓉就有少少膩，加埋佢餡既份量幾多，建議一人一粒就夠，同埋要趁熱食，凍左既話會仲膩

踏入生日月節目特別豐富，我老公知我鐘意食潮州菜特意帶我到元朗「鵝鹵宮」 .踏進餐廳猶如上咗一艘潮州船艦，餐廳環境以素色為主，感覺柔和富現代感，有別於一般潮州菜館我地叫咗4人套餐 $1488 好豐富喔潮州四拼盤 （鵝片、蔥油海蜇、蝦棗、油泡帶子）:呢個併盤岩曬好似我咁想樣樣試少少嘅願望，沿用陳年香醇滷水膽，採用頂級獅頭鵝炮製，滷水鵝片嫩滑厚肉、海蜇爽口彈牙、蝦棗香脆鮮味、帶子鮮甜爽口.XO 醬鮮露筍炒蝦球: 蝦球爽口彈牙啖啖肉好有口感，露筍新鮮清甜，好啱夏天食感覺清新紅燒鮑魚燴仿翅：絲絲嘅仿翅配合鮮美湯底，口感層次豐富蔥燒黃玉海參 ：海參炆得入味軟滑，矜貴滋補.清蒸海星班 ：肉質鮮嫩一點都唔腥，新鮮味美.蛋白杏仁茶甜度適中，杏仁蛋白清香幼滑，滋潤養顏.四人套餐份量十足， 食物質素好高，環境寬敞舒適，啱曬同屋企人朋友聚會或宴客！.鵝鹵宮 新界元朗形點I,1樓1035號舖.@maximchinese美心中菜#精緻潮洲菜 #型格中菜 #潮州打冷 #潮汕風味 #鵝 #鹵水鵝 #餐飲著數 #元朗搵食 #元朗美食 #獅頭鵝 #鵝鹵宮 #BEMYGOOSE #Yohomall