鵝頸橋四季火鍋

營業中

休息中

放工同朋友打邊爐，朋友提議去依間一入門口好有懷舊嘅氣息，大大個霓虹燈牌，用嘅碗碟有個囍字，好似以前中式結婚咁我地揀左椰子雞湯底，個湯好清甜，雞嘅數量好多朋友唔食牛，所以叫左豬梅肉片，雖然份量少左d但肥瘦均勻松露蝦滑好香松露味又彈牙蕃茄餃第一次食，我本身唔中意食蕃茄，但食落又唔錯，有驚喜海鮮方面 花枝片幾爽口，蟶子細隻左d，桶蠔好肥美蔬菜朋友點左淮山，正常水平仲有兩枝可樂，用玻璃樽上，飲落特別有feel餐廳環境氣氛很好，坐得舒服，店員解釋詳細又有禮貌

第一次嚟呢間度食。一行四人食得好開心。一個唔留神叫多咗少少已經捧住個肚走。美食之前見到佢有花膠雞湯已經覺得好吸引。幾好飲，不過啲花膠真係烚耐少少。個湯係成餐邊爐嘅靈魂。個花膠雞湯個人覺得一般。可試其他。比較想講嘅係佢個紙豆腐、響鈴、花雕雞潤、牛頸脊。真係好少地方有得食紙豆腐。薄薄一片喺水面飄一下已就食得，口感有啲似食厠紙但係好有趣。(不用懷疑我細個真係食個廁紙)係好食㗎！我話啲紙豆腐。響鈴好脆，新鮮炸起。佢個炸午餐肉就咁食都好好食，新鮮炸起。佢個炸墨魚餅都好好食，新鮮炸起。川椒皮蛋個醬汁撈得好好，酸辣甜咸鮮五味雜陳。鵝腸好爽脆，桂花蚌好爽脆。牛頸脊到嘅時候個哥哥仔話畀我哋聽：「牛頸脊水滾車落去淥6-8秒就得㗎」試過聽佢話，係好食嘅，但我未接受到太粉嫩。所以自己淥到12秒，好彩都仲係又腍又鬆軟。今日喺特登唔食佢啲丸，但如果有蝦滑魚滑墨魚滑嗰啲係好食嘅下次可以試下。有個金頭短髮嘅哥哥仔好風趣好玩得。有個金金頭髮好高嘅哥哥仔好nice好helpful。成間舖頭嘅同事都好好人，服務又好，又好肯幫忙。鋪頭入面一直播住啲懷舊金曲，一路食一路傾，一邊聽住啲懷舊金曲氣氛幾好。其實鋪頭入面嘅食客全部都食

鵝頸橋四季火鍋價錢: $206/ $388/ $388/ $98/ $93/ $38/ $38/ $72好味程度: 3.7/5服務🍴: 3.7/5環境🗾: 3.7/5性價比🥢: 3.7/5回頭率😚: 3.3/5-係銅鑼灣都有幾間呢類港式懷舊邊爐店，今次隨意揀左呢間，可以食成3個鐘，時間上好充裕！除左有d懷舊燈牌，餐廳仲會播好多八九十年代的廣東歌，好好feel。-✅沙嗲湯拼清湯豆腐雜菌湯底。兩款湯都正常發揮。清湯唔會好淡，食完都唔會好口渴。入面好多杏鮑菇、冬菇同薄豆腐🥳沙嗲越滾越濃，但冇咩花生粗粒/麻醬味道，去到尾加公仔麵係絕配🤪-✅✅手切牛頸脊。每片都有啲厚度，大大片。油脂分佈平均，肥瘦係我中意的程度😚幾軟嫩而有牛脂同肉味🥩-🆗潮汕手切牛肉。呢個肉質有d韌同埋筋位比較多🫨碎碎地🥺牛味係有既，但口感麻麻地。-✅潮汕牛丸/ 手打先墨丸/ 蜂巢豆腐/ 半份響鈴。牛丸juicy有汁，肉味濃。墨丸都彈牙☺️蜂巢豆腐薄片，更加索湯，爆晒汁🥰響鈴都係新鮮炸，但可以厚啲。-✅✅炸午餐肉。好厚好滿足！外脆內軟🤓可以就咁食又可以沾湯！-整體正常發揮，價錢都同其他鋪頭差唔多。

同朋友午市嚟到呢度食午餐，叫咗一份沙嗲牛頸脊烏冬同埋榨菜蒸鯇魚腩。牛頸脊肉質好嫩滑亦都有牛味，烏冬好滑，份量都唔少沙嗲唔算過鹹，會想再嚟食嘅款式。鯇魚腩勁大份，配上大量蔥，好好送飯。餐廳座位都算闊落，而且乾淨衛生。裝修佈置充滿懷舊氣氛，係銅鑼灣灣仔打工仔食晏之選。午餐價位都係60幾至70幾蚊不等，價錢算合理包熱飲，凍飲加$5。

某個星期四約咗朋友去鵝頸橋四季火鍋呢間成日都聽人講好靚好港式終於都有機會一試好彩一早訂咗位,無諗過平日夜晚都會咁多人不過一入到去好似聯合國咁場內外國人, 台灣人, 內地人, 香港人, 男女老幼一應俱全我地叫左個鴛鴦湯底佢鴛鴦湯底有4個款式選擇我哋就叫咗沙嗲同埋一個雜菌嘅清湯沙嗲湯底勁濃好好食!野食方面同普通港式邊爐差不多不過真心推介佢個牛頸脊好有牛味同份量都好多仲有佢個紙豆腐都好得意呢個都可以一試到晏咗少少就開始播懷舊港東歌成個場都好有feel好開心最後埋單就每人600左右

其實訂位食飯，最緊要開心，但訂位都一肚氣，仲點會想去食🤨只可以講，今時今日既服務態度，只有呢間才有😳😳又限時，又話下一輪，又乜都唔得。咁，訂左位都可以取消，我也有其他選擇。

Office lunch hour 又出去搵食。今日係公司附近，試鵝頸橋四季火鍋既lunch set. 有11個lunch set （包熱飲）可選擇，價錢由$68 至$78都有我叫左鵝頸橋水煮魚跟飯同熱奶茶$76。水煮魚過熟，一夾就散。主要食到麻味，辣味少而且唔夠層次。魚片有6-7片，配菜有芽菜大蔥青瓜豆卜同葛絲。下次唔會再揀呢款. 奶茶熱啲會好啲.雖然係失望，不過都會比多次機會佢。下次試下佢其他菜式，希望會改觀.

門口一見到大大個霓虹燈招牌，就有種港式懷舊風味嘅感覺，入到去感覺都幾懷舊😀竟然見到以前嗰種手撥嘅電話，仲有發泡膠飛機😯😯😯餐廳有幾個特定set午餐，例如芙蓉蛋煎蛋呀，燒味等等，價錢，我就覺得偏貴嘅，不過食落都幾好食芙蓉蛋加左d特別醬，口感幾好如果得一、兩個人去食，多數都要同其他人搭一張大圓枱，就有點迫，都坐得不太耐個餐碗都係啲好舊式嘅餐具，幾有feel👍整體就不過不失，價錢偏貴，不過幾好食😋

I’ve walked past this place so many times, always drawn to how stylish and inviting it looks from the outside. Finally, I had the chance to try it, and here’s how it went: Amazing Soup Base Options There are so many soup bases to choose from, but I went with the pepper and clam broth. It was rich, flavorful, and had the perfect balance of spice and freshness from the clams. The food selection here is impressive. there’s something for everyone. It was my friend’s birthday that day, so we ordere

今日去咗鵝頸橋食午市套餐，分別有麻辣雞煲、沙嗲濃湯牛頸脊烏冬、豉油王蔥油豬扒煎蛋飯，味道唔錯，份量都多，環境衛生，人均消費大約$68，都非常合理下次會再繼續嚟試埋其嘢食，睇吓有冇驚喜先

這家有懷舊香港特色的火鍋店，成晚聽着90年代的廣東流行曲，氣氛好好今晚食物質素可以花膠雞湯湯底唔錯，半隻雞和好多細細塊的花膠牛肉味道中規中矩午餐肉特別香待應員的服務好好

Yoasobi都過嚟這間餐廳食嘢所以專登過嚟試下，但訂位好難所以我預早三個禮拜前訂定位同朋友慶祝生日，切蛋糕時餐廳會播生日歌之前幾枱播生日歌比較正常啲輪到我個枱我生日的朋友比較年輕但居然播中式生日歌比較尷尬但搞笑可以搞到氣氛另到全埸其他枱一齊唱生日歌讓我生日朋友好驚喜，每位侍應都好熱情同會營造到氣氛唔係太多餐廳有咁嘅服務。我們一定會再來也強烈推薦這間餐廳是朋友聚會及慶祝生日好地方，這間餐廳音樂比較大聲如果鍾意靜嘅朋友未必適合，值得一提這到侍應會不停會敬你飲酒，酒量差要小心。

鵝頸橋呢間火鍋店都開咗一段時間，見佢裝修行香港懷舊嘅風格，同對面嘅樓下風格相當相似，只係唔同路線。聽聞亦都係光環店，即管試下佢究竟好唔好食，抵唔抵食。溫馨提示：此篇文章為自費食評，食物質素每日可能不穩定。同行9位，叫咗好多嘢食，唔續樣講啦。呢度每位嘅醬料都係要收費$20嘅，選擇黎講唔算特別多，不過有齊港式火鍋需要用到嘅醬料。以同類型店舖黎講，服務亦都幾好。環境光猛，Keep 主播大家熟悉嘅熱鬧廣東歌，氣氛良好。食港式火鍋除咗食配料，其實個鍋先最緊要。分別點咗個鴛鴦鍋（沙嗲／胡椒猪骨沙白），同埋我最鍾意嘅麻辣牛雜鍋。前菜點咗川椒皮蛋，炸墨魚餅，臭豆腐，泡椒鳳爪。炸墨魚餅最好食，皮蛋臭豆腐正常，泡椒鳳爪我覺得唔夠辣，不過其他人就話幾好。湯底方面，麻辣牛雜鍋推介，裡面超多了，牛肺入口係化開嘅，好好食，辣度正常，唔錯。（我本身鍾意辣嘅）牛肉方面，果日推介嘅部位有腩頭，邊爪。本地騸牯牛。未算係好靚，不過收費公道，只係 $488。其他推介火鍋配料：豬黃喉，花雕雞潤，大竹笙，獅頭鵝腸，油鴨肶，手打墨魚丸，蝦丸，豬潤，豬大腸，大連蚌，黑柏葉大家嚟開就即管嗌啲試下，應該無伏，一係無貨。佢哋有個隱藏版嘅竹

懷舊風格裝修的港式火鍋店用餐，整體感覺還算不錯。店鋪的裝修採用了七八十年代的風格，給人一種復古的氛圍，讓人感覺舒適愉悅。我們點了牛肉、手作牛肉丸、餃子、炸午餐肉、玉米等等。牛肉質量尚可，口感不錯，不過可能需要注意一下切片的厚度，有些部分稍嫌過厚。手作牛肉丸味道不錯，彈牙有嚼勁，但有時略顯油膩。餃子的餡料豐富，但皮稍厚。炸午餐肉味道倒是出乎意料的好，外酥裡嫩，是一道不錯的小吃選擇。至於玉米，口感尚可，但沒有什麼特別之處。火鍋的湯底口味多樣，但整體來說味道尚可，不過可能需要注意一下鮮味的濃度，有些許偏淡。配菜新鮮程度良好，種類也算豐富。值得一提的是，醬料種類很豐富，特別是有很純正的北方芝麻醬。整體而言，這家港式火鍋店給人的感覺還是不錯的。雖然在食材的處理上還有一些可以改進的地方，但在懷舊風格的氛圍中享用火鍋，仍然是一次愉悅的用餐體驗。

新年特別多飯局，天氣凍特別適合打邊爐，同事book咗呢一間火鍋店，貪佢有間房，又有得唱K，特別適合公司同事之間年終聚會。店員特別好服務，好快已經係我哋去咗房間，房間都算乾淨同埋大，可能見到啲人多嘅關係，仲幫我哋免開瓶費👍🏼叫左2個花膠雞湯湯底，好濃郁，好有雞味，點讚👍🏼一如以往一定要叫牛，尤其是係腩包，廚房好貼心，寫好晒煮食時間，例如腩包咁樣，寫明只係需要五至六秒 cooking time 腩包肉味好重，好正😋最後埋單每人大概$800，好滿足