鴻運冰廳餅店

營業中

休息中

鴻運冰室自上年12月停業後，最近翻新終於再🈺業! 裝修完感覺煥然一新，亦保留了經典卡位、吊燈同閣樓等元素。反而Menu 變得創新，不過我地都係試返傳統野。🥧曲奇皮蛋撻：夜晚既蛋撻當然唔係最新鮮，但蛋漿依然滑，撻皮脆。睇相已經見到蛋撻閃閃發亮✨。🥢豬肉佬軟骨伴麵：豬軟骨肉厚而惹味，同埋軟骨炆得好淋👍🏻。伴麵彈牙，好似某品牌台灣麵的感覺。🥪咸牛肉滑蛋治：咸牛滑蛋很足料，加上軟綿綿麵包，始終是茶記必食。☕️熱華田

最近聽朋友講旺角開左間鴻運冰廳餅店，話裝潢以香港舊式冰廳為設計原型，滿滿復古風味，仲有好多打卡位，影相一流！作為一個中意懷舊feel既人，即刻同朋友約埋一齊去試下，感受下果種舊香港既情懷。走入去真係好有氣氛，分甜下兩層，環境好似回到細個果陣咁，忍吾住即刻影幾張相先！📸.香江芙蓉蛋飯 $68第一道食既係香江芙蓉蛋飯，真係令我驚艷到不得了！大大塊芙蓉蛋鋪係飯上面，入面用料超多，有叉燒、蝦仁、韭黃同青椒絲，咬落去滿滿既懷舊風味，好似細個食過既茶記味道。底下仲係炒飯底，粒粒分明，淋埋特製豉油，香到連碟底都想舔乾淨，$68真係抵食！🍚。五香豬扒蛋炒飯 $72另一款五香豬扒蛋炒飯都好正！蛋炒飯好乾身，粒粒分明，食落去好香口，完全冇油膩感。五香豬扒醃得超入味，肉質嫩滑又有咬頭，帶點五香既獨特風味，咬落去真係好滿足。淋埋三料炮製既薑蔥油，香氣即刻提升，食到停吾到口！🥚。蛋撻 + 熱奶茶 $16蛋撻配熱奶茶只係$16，性價比高到爆！熱奶茶茶味濃郁，奶香順滑，飲落去好似被溫暖包圍咁舒服。蛋撻就用曲奇底，酥脆得黎蛋香好濃，入口嫩滑又吾會太甜，食完一個仲想encore！仲要提提大家，凍飲都吾使加錢，貼心到爆！

位於旺角上海街❣︎鴻運冰廳餅店❣︎原址翻身重開啦🥳因為周星馳電影🎬行運一條龍🐲喺到取景，而廣為人知，餐廳保留舊有懷舊冰廳設計，喺到食飯我都諗起細個嘅時候😬呢到超適合打卡，冰室控一定要來試下懷緬一番。❣︎圓圓潤潤(新鮮豬潤拌麵）❣︎$98拌麵煙煙韌韌，醬汁調教得非常好食😋👍🏻面頭仲跟隻流心蛋比你，豬潤皮蛋用湯碗上，湯頭可以飲埋，非常濃郁，豬潤口感滑嫩，另外仲跟埋辣椒油，陳醋同拍青瓜木耳比你，誠意十足👍🏻❣︎F餐：女人的浪漫🌹（蝦仁滑蛋炒飯）❣︎$72呢到餐牌上食物名玩味十足😂睇完都會想笑👍🏻滑蛋炒得非常嫩滑，蝦仁鮮甜，滋味豐富，夠晒飽肚。❣︎蜂蜜檸檬水(凍）❣︎跟餐+$13呢到嘅檸水比較特別，會加入蜂蜜🍯，入口更清甜，略帶花香。

鴻運冰廳．旺角懷舊寶藏店 星爺電影場景重現！這間隱身旺角的「鴻運冰廳餅店」原來就係周星馳經典電影的取景地！推開門就彷彿走進港產片場景，熟悉的場景，原來就係周星馳電影《行運一條龍》取景地《行運一條龍》的懷舊蛋撻，藏著港式飲食文化的電影彩蛋～裝修好有舊香港FEEL：鴻運冰廳餅店雖然店面唔算好大，但充滿住港式冰室嘅懷舊氣息，牆上嘅舊海報、木質桌椅，都讓人有種回到舊時光嘅感覺。✨「星級蛋撻」配凍飲組合必點「撻住食嘆住飲」！牛油皮爆香，蛋漿如絲綢滑嫩，甜度恰似《家有喜事》的浪漫告白～蛋漿軟滑香甜，甜度啱啱好，唔會太膩，食完一個仲想食第二個。凍咖啡濃郁回甘，蜂蜜檸茶酸甜清爽，完全是電影裡「下午茶談判」的標配！🔥 XO醬乾炒牛河（鍋氣版）這碟根本是《食神》比賽現場重現！鑊氣沖天的河粉裹著琥珀色XO醬，河粉炒得乾身唔油膩，沾上 XO 醬嘅香辣味道，鹹香微辣，越食越過癮。牛肉切得厚薄適中，嫩滑多汁，趁熱食仲會「爆汁」，豆芽脆響如周氏喜劇的笑點節奏～辣中帶鮮的滋味，可以稱得上是港式炒粉麵嘅典範！ 🐖 鎮店之寶「豬潤拌麵」「圓圓潤潤」嘅新鮮豬潤拌麵！呢個名字已經好夠吸引，豬潤處理得非常新鮮，完全唔會有腥味，

唔通唔啱Channel 真系見唔到水哥？擁有50年歷史嘅「鴻運冰廳餅店」曾因周星馳電影《行運一條龍》取景而聞名重裝後嘅鴻運冰廳餅店，保留唔少打卡位🍞行運奶皇西多士西多士外脆內軟，夾著流心奶皇餡甜而不膩，值得一試🥪咸牛滑蛋三文治牛肉與半熟滑蛋嘅組合相當討喜蛋汁滲入多士，口感Juicy經典常餐：沙嗲牛肉即食面 + 火腿、太陽蛋、牛油方包沙嗲牛肉面嘅牛肉軟嫩入味，沙嗲醬汁濃郁太陽蛋煎蛋黃流心，搭配微焦嘅火腿片系標準嘅港式風味熱奶茶系冰室靈魂☕️茶底濃郁順滑，帶微微澀香，奶香平衡得宜紅豆冰充滿懷舊冰室風味🫘紅豆煮得綿密，搭配淡奶，甜度適中夏日消暑好選擇香滑芝麻糊 & 時令生果西米露開後新增糖水系列芝麻糊香濃滑順時令生果西米露以密瓜搭配椰奶西米，清爽解膩

Fafafoodblog為食花太郎 鴻運冰廳 🍴蛋撻 9 蚊🥚轉餐變16 蚊 加杯凍飲蛋撻個曲奇皮幾香脆。入面甜度口感適中 唔錯🍴xo醬乾炒牛肉河72 蚊🐂加杯特飲蓮子冰🧊乾炒牛河牛肉好足料 河粉夠爽彈 配埋xo醬好惹味 蓮子大大粒 夠香甜 配埋香濃花奶 正🍴圓圓潤潤 親鮮豬潤麵 98 蚊 加紅豆冰特飲20 蚊豬潤厚切爽口 皮蛋流心 個湯底好香濃 撈麵係爽口彈牙嗰d . 個陳醋好正 甜酸夠香 但最正係個秘製辣醬 好香濃得黎又唔會減左咸香 好好食#冰廳 #茶餐廳 #豬潤 #皮蛋 #蓮子 #紅豆 #蛋撻 #乾炒牛河 #咖啡 Score 平均分< 8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#鴻運冰廳餅店旺角上海街726 鋪~~~~~~~~~#fafafoodblog #為食花太郎 #fafafoodblog旺角 ====================

今次到訪《行運一條龍》嘅取景地鴻運冰廳，上年12月結業，復活節復活😂 店家保留原有嘅裝潢，木板牆、閣樓梯級、舊式麵包櫃，充滿懷舊風情，散發著香港嘅獨特魅力，絕對係一大朝聖嘅好去處。店內環境光猛，座位舒適，食物款色多，價格親民，服務態度十分友善，值得到訪。招牌必定係曲奇皮蛋撻，五點幾就賣晒，想食嘅真係要早啲去。餅皮脆身，牛油香氣極濃，蛋漿嫩滑香甜，令人一試難忘，相信一個人可以輕易食到一打。另外私心推介菠蘿紅豆包同雞尾包，前者外脆，餡料十足，後者甜度適中、墨西哥、吞拿魚、叉燒同菠蘿包都唔錯，大件夾抵食。下午茶時段至到六點，見好多客都係趁六點前衝入嚟，不過提提大家未必有位，睇吓你好唔好彩啦😆 行運花生醬厚切西多士真心厚，金黃酥脆，咬落軟熟，花生醬有粒粒，加埋牛油真係好邪惡。餐肉火腿捞即食麵軟硬程度啱啱好，味道想像得到，純粹想食～ 會回訪。

“沙嗲牛肉拌麵”($88)“常餐A 午餐肉即食麵”($52)“行運奶皇西多士”($38)鴻運冰廳餅店重新開張啦🥳冰廳重新裝修過,光猛企理就連後巷都係打卡位餐點方面選擇都非常多最吸引到我嘅係沙嗲牛肉拌麵沙嗲牛份量夠哂多,味道都夠濃郁配上嘅粗麵彈牙有咬口落埋辣椒油一齊撈勻食正喎🤤另一份點咗常餐午餐肉即食麵配上火腿,炒滑蛋,牛油厚方包(烘底+$1)係經典嘅好味道😚我地仲加咗個行運奶皇西多士第一次見到呢個配搭奶皇加上牛油,煉奶咁邪惡又點會唔好食😛呢道嘅凍檸茶都有啲心思因為係蜂蜜檸檬茶🍯🍋飲落係清新嘅甜味,我好鍾意呀😆最衰今次太晏嚟冇哂蛋撻下次經過見到要買返個嚟食先🤣

媽媽話鴻運冰室重開，所以叫我同佢去到步人唔多，非常乾淨，整潔🧹冷氣充足，食物價錢都非常親民內部裝修保留懷舊特色order左菠蘿包同一個早餐A味道一般茶餐廳味道都算唔錯👍🏻希望有機會再黎試下其他菜式

自中學起已經幫襯鴻運冰廳，因為現在做曲奇皮蛋撻的舊式餅店已經不多。而且它的位置在旺角，很方便，所以時時和中學朋友去光顧。前陣子得知它將結業，感覺有點可惜。不過轉個身，原來翠華已經接手，華麗翻身，那當然是不宜遲，去食返個下午茶！店面和舊時差不多，不過內裏的裝修明顯已經翻身，而且乾淨企理了很多。亦帶點復古色彩。雖然少了點舊式冰廳的殘舊感，但是乾淨企理了，坐得亦舒服。點了個沙嗲牛麵常餐，蛋撻餐和一份蔥花蛋三文治。常餐的份量也算合理，價錢是時下油尖旺茶餐廳價。沙嗲牛肉味道可以，牛肉也是一片片，不會散修修。炒蛋水潤滑嫩，麵包也有烘底。常餐質素可以接受。蔥花蛋三文治有烘底，蛋滑嫩水潤，葱的份量也夠，整體口感亦好好，這個值得推介！蛋撻餐$16 ，連一杯飲品。蛋撻的質素就比以前略差，那曲奇皮不夠厚，鬆化度亦欠奉。不過算可以接受。飲品方面，熱茶走和熱奶茶多奶味道都不錯，不過略嫌口感不夠幼滑，茶香亦欠少少。整體來說，能保留一間舊式冰廳是件好事。因為現在雙層的舊式冰廳已經為數不多，雖然沒有了特色的殘舊味道。但至少它仍在，回憶得到保存。