鴻記極品雞蛋仔

營業中

休息中

經過太安樓，入去兜個靚圈，睇下有乜好野食，本身幾鍾意食雞蛋仔，見到得兩三丁人排緊，又見貼曬雜誌講到識飛咁好食，點知中伏。最最失敗係上下分離。。。。熱辣辣食落去好難食，粉漿散開，唔夠脆，用手都已經feel到不知所謂

朱古力夾餅 - 新鮮出爐的夾餅相當熱辣, 外脆內軟糯, 帶蛋香, 口感就像吃著高質雞蛋仔, 內有朱古力醬、少許牛油、煉奶及花生粒, 整體不太油膩或太甜, 超美味! 比起原味我更喜歡這版本!!

從前都會去太安樓另外一家買雞蛋仔，但是幾次都覺得他們很差勁，完全沒有用心做的食物。我聽老爸説鴻記不錯，所以也來試試，再加上沒有另外一家那麼多人。試了他們的格仔餅，又厚又好吃，現今很不容易能嚐到昔日格仔餅那種風味 😄 上星期途經太安樓又心思思試了他們的雞蛋仔，是港島區少有可以吃到的優質雞蛋仔！疍味濃之餘又夠脆，嚐得出是用心經營，值得推介！最近等雞蛋仔時，看到招牌有許鞍華的簽名，那就更加相信值得我再去光顧！鴻記加油！👍

第一次來到太安樓，久仰大名。一檔接一檔的小食店，讓我不其然地興奮起來，還未吃完手上的，已急不及待轉戰下一檔。單是雞蛋仔，已有數個選擇。蛋記外大排長龍。看Openrice，鴻記的口碑都不錯，便選個少人的。有原味、朱古力味和士多啤梨味。要試真味道，當然要原味。等了一會，從男友手上接過燙手的雞蛋仔，熱辣辣的。掰下一顆，咔嚓的一聲，十分清脆。放入口中，果然很脆，偏厚的外層，使它顯得更脆。雞蛋仔內，還有軟綿綿的蛋糕。口感不錯，但味道一般。不夠蛋香，也欠油香，慶幸的是，拿上手乾乾的，不會很油，而且甜度極低。它的脆，是像餅的脆，沒有那細膩的感覺。有點失望，低調高手的雞蛋仔好吃得多，但這個油和糖含量較低，相對健康。

難得游到西灣河工作，趁機試下聞名已久的鴻記！朋友說不是經常準時開舖，我4點幾去，無乜人，行左幾個圏，4:10再去！嘩！終於開舖了，我係第一個顧客，啲爐好乾淨呀！嘻嘻，好開心。好厚好脆，同出面食的'霖之之"口感好唔同，老闆，老闆娘都好好人，製作期間同我有講有笑，感覺舒服親切的小食店。

雞蛋仔-香港小食~ 最愛帶外國朋友吃~ 而這家是我會介紹給朋友仔的其一。閒日下午時間見無長龍就口癢癢!! 原味雞蛋仔才可吃出香噴噴 熱烘烘 原汁原味的 蛋醬及牛油味~  鬆脆鬆軟 熱烘烘 濃濃蛋味, 吸引我每次經過也ORDER 的原因~ 內裡沒有空心, 沒有一粒是空殼的!每次吃都是新鮮製作, 未試過一次係放耐了, 涼了的雞蛋仔~

我細細個就好中意食雞蛋仔以前細個果陣 屋企(石硤尾)樓下有個伯伯做小販賣雞蛋仔 勁好味 每次經過爸爸都會買比我食!! 好好味! 咁當然就冇左啦宜家每次有雞蛋仔店，我都會買一底試下 睇下有冇咁好味我試過好多出名的，唔出名的。。。今次放工就試下鴻記啦! 點知好失望。好食之處: 嗅落有香味 食落脆口怪味之處: 冇蛋味 仲偏咸 有陣好似叉燒既味道!!! 絕對no next time!!!! 仲要賣15蚊 btw，試過咁多間，媽咪雞蛋仔係最最最好味!!!

食完晚飯 黎太安樓走走 叫左底雞蛋仔佢係即叫即整既, 要等timer響, 女店主/員(?)先施施然放下電話 去整底雞蛋仔可能係出爐過吹風既時間不夠長, 雞蛋仔不太脆身, 蛋味尚可, 但就有點乾身要成15蚊一底 我認為唔值了

外型🍪🍪🍪🍪比平時的格仔餅厚兩倍，厚厚的餅夾著砂糖丶花生醬、牛油和甜奶味道🍪🍪🍪這裡的格仔餅即叫即做，熱乎乎送到我手上！不會整定幾餅放係度！格仔餅有蛋香而且非常厚身，但醬料分布不平均，吃第一口只有花生味，中間只有砂糖，吃到最後就過多花生醬,而且好乾身！可是媽媽不愛吃，我自己吃了四分三就吃不下！真的好厚！翻焯🍪🍪🍪十八元吃到咁厚的格仔餅，出去吃窩夫都要幾十元重要加一啦！價錢HK18

夜晚行過西灣河，醒起有FD推介過太安樓既格仔餅，於是就黎左依間鴻記搵食。起初見到18蚊既價錢可能有覺得唔抵，但系一將格仔餅攞上手先發現真系物超所值。比起一般格仔餅大一半，而且仲好厚底。咬落去外脆內軟，仲好香蛋香；醬方面都有落足料，糖，花生醬，煉奶，一樣都唔少。口感同味道都系上乘，依家諗番起，都仲十分回味，絕對系物超所值！

太安樓只有2檔而佢係較好食一檔。即叫即整，不消一會就熱騰騰，香脆而內裏鬆軟既雞蛋仔。足料所以底雞蛋仔好似食糕咁但好奇怪，佢無雞蛋仔應有既味而有陣似南乳味。 若果你無期待蛋味其實係好食。但若你係恨食傳統嗰種，你會大失所望。況且$15， 係附近大把選擇

咁岩經過太安樓, 第一時間諗起我最愛既格仔餅, 聽聞太安樓好似有第二間格仔餅, 就試試先...$18蚊, 仲貴過北角,  好啦等左十分鐘到, 因為怕牛油太肥, 除左奶乜都唔要, 咪叫佢多D奶..佢XX 上兩個哥仔叫佢多D奶都無反應, 我叫佢就好串咁話, 叫多奶都係得咁多, 唔會多到比你,,, 第一口, 唔知點解感覺一陣怪怪地既味,完全無蛋味, 又硬, 同北角相比係另一回事... 鍾意軟身既可以慳番$18蚊

愈來愈覺得住西灣河既人好幸福，但記得圍住太安左近，裡面檔檔都好野。經過好多次鴻記都冇幫襯過，原因家住尖沙咀，附近既雞蛋仔都係賣緊$15/16 底，呢道一睇租平啦，點解賣到$18底格仔餅？但人又咁多呢？今日唔舒服去買少少野食，見冇人，把心一橫比次機會佢😂姨姨係hea d, 叫完佢就睇電話，過左一陣聽到叮一聲，姨姨就去整，一打開已經聞到好香雞蛋仔味，份餅顏色岩岩好，冇黑，係最靚既啡色（因為另一間成日都黑晒😰）同埋第一眼見到：嘩，咁厚既😱擺明係waffle唔係格仔餅，哈哈，難怪賣$18底 。格仔餅有3種味，原味，士多啤梨同朱古力，姨姨問要咩味，第一次食緊係原味先啦，不過多口姨姨傾計問朱古力定原味好食，佢話：緊係原味啦，不過鐘意食朱古力既人食朱古力味都好食架！哦😂明晒，姨姨加醬果時我雙眼冇離開過我底格仔餅😂仲差少少流口水！D料多到離譜，哈哈，花生粒好大粒好多醬，格仔餅皮係外脆內軟，好味到喊，佢厚到係我2節手指咁厚，其實拆開後，同咖啡弄賣緊果份一樣，係差緊雪糕，果道2個人落樓閒閒地2百幾蚊，呢道2個人食到飽都係$36👏😂👍我以後仲點食其他地方既格仔餅？😂

I wanted to see how this stacked up against my favorite place in Shau Kei Wan but the waffle cake / 格仔餅 (HK$18) was too thick and dense though while the filling was great especially the crunchy peanut bits. It is also pricier compared to where I usually go in Shau Kei Wan so don't think I would come back here again.

其實都食了這檔幾年了,11年我都寫過這檔的雞蛋仔;但今次是要寫格仔餅,因為今個月加了價 (加了一元)不過我都會支持的,因為好味道, 厚身的餅底,醬料的豐富,香脆又可口,甜度也合我,我非常喜歡.在等待時,跟亞姐談論起加價的問題,原來都是加了租,在不能的情況下,要轉移到消費者上.