影片
港鐵牛頭角站 B6 出口, 步行約6分鐘
繼續閱讀
電話號碼
23435122
開飯介紹
觀塘工廠區港式酒樓，另外也有供應川菜。港式方面供應點心、燒味、煲仔菜及鑊氣小炒。川式烤魚也很惹味。
繼續閱讀
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
有關獎賞計劃
愛好一盅兩件嘅老公話佢前幾日行經觀塘工業區見到間外觀好有特式又搶眼嘅酒樓，見佢地嘅價錢都好大眾化，所以就趁週末同我嚟歎茶。傳統中式酒樓樓高兩層，整體上燈光柔和而且枱與枱之間唔會迫迫夾夾，所以環境都好舒服，如果早啲嚟可以坐窗邊睇街景應該仲正。嘢食都有好多選擇，點心、燒味、煲仔飯同小炒等，咁我地就當然係食歎茶食點心啦。先嚟至尊蝦餃皇，蝦餃皮做得夠薄，外表晶瑩通透，入面嘅蝦肉就夠大粒又彈牙，一咬爆汁有咬口。再嚟蟹籽燒賣，口感同味道都唔錯，入面嘅豬肉同鮮蝦餡都好足料，上面嘅蟹籽都幾多，整體上就係大大粒有口感。當然唔少得我至愛嘅魚翅灌湯餃，灌湯餃都有成隻有手掌咁大，而且皮薄軟潤，入面嘅餡料就以鮮蝦、冬菇、豬肉等組成，當中又真係有條魚翅，一啖咬落去即刻有爆汁嘅口感，食得好滿足。之後就嚟多一碟四寶滑雞扎， 雞扎超大件又足料，以腐皮包住兩件滑雞、一條火腿，爽滑嘅豬肚同埋軟綿嘅芋頭，而且蒸得剛剛好，夠晒入味。最後見酒樓做緊脆皮BB鴿優惠，所以我地又叫返兩隻嚟食，上檯時仲係微熱，油溫炸得剛好香脆，雖然細細隻但依然燒到皮脆內嫩，啖啖都充滿肉汁而且肉味香濃。
繼續閱讀
🍤 竟然畀我喺觀塘搵到一間外表超豪華但裏面竟然有舊式鳳凰同龍雕塑龍鳳大禮堂壽宴廳嘅酒樓！🐉 #觀塘隱世酒樓 #即製點心 📍位置在鴻圖樓1樓，搭𨋢一上到去就見到超浮誇嘅金碧輝煌大門，入到去竟然係懷舊風嘅「龍鳳壽宴廳」！樓高幾層，仲有廂房同大廳，坐窗邊仲可以飽覽觀塘街景～✨ 🍽️ 必食點心： 1️⃣ 至尊蝦餃皇👉🏻 一咬爆汁！皮薄到透光，裏面嘅蝦肉新鮮到彈牙，真係食到海洋嘅鮮甜味～🌊 2️⃣ 蟹子燒賣👉🏻 大過乒乓波！豬肉餡紮實唔油膩，蟹子多到「卜卜聲」，滿足感爆燈！💥 3️⃣ 魚翅灌湯餃👉🏻 湯頭超濃郁，餃子大到拳頭咁，份量良心，暖胃又奢華～🥟 4️⃣ 百花釀魚肚👉🏻 驚喜位！蝦膠竟然保留一粒粒蝦肉口感，魚肚吸滿鮮汁，食落爽滑又唔腥！🦐 🌟 加分位： - 裝修勁有「古早宮廷感」，打卡一流📸 - 侍應姐姐好貼心，會主動介紹點心係二樓工場即日鮮製， 絕對唔係預製菜！👏🏻 - 地方超大，擺壽宴、圍數都夠氣派～🎉 總結：以為酒樓一定貴夾唔飽？呢間性價比爆燈，百幾蚊位食到捧住個肚走！👯♀️ 觀塘友快啲Bookmark啦～ 🔍 搵食Tips：午市勁多人，建議早少少去霸窗邊位睇景！ 鴻圖樓📍地址：觀塘鴻圖樓1樓
繼續閱讀
這間傳統茶樓位於觀塘，地方寬敞，適合一家大細聚會。京式素鵝以豆皮製成，色澤金黃，口感豐富，讓人感受到素食的創意；手帕青瓜雲耳清爽解膩，搭配雲耳的脆嫩，一道小菜也蘊含著大心思。黃金炸豆腐外酥內滑，口感層次鮮明，佐上特製醬汁更是美味倍增。啫啫通菜煲香氣撲鼻，通菜保持了爽嫩口感，搭配豐富的醬汁，成為主食的最佳搭檔。農家小炒肉五花腩肉炒尖椒，鑊氣十足。乾煸蟹籽粉絲煲粉絲吸附了蟹籽的鮮香，口感彈牙，絕不令人失望。
繼續閱讀
以前喺牛頭角返工，每個月我哋一班同事都會去「鴻圖樓」飲茶，已經變成固定節目。呢間酒樓主打平靚正點心，價錢親民、選擇多，成日都見到街坊熟客幫襯。我哋最常叫嘅係燒賣、蝦餃、牛肉球、炸豆腐磚同燒腩仔。燒賣豬肉鮮香、蝦餃皮薄餡靚，牛肉球加埋陳皮特別惹味；炸豆腐磚外脆內嫩，配埋甜醬食落一流。燒腩仔皮脆肉香，肥瘦適中，食完滿足感十足。雖然酒樓唔算華麗，但地方夠大，坐得舒服，最重要係氣氛輕鬆，啱晒同事之間傾計吹水。每次飲茶都食得飽又開心，係忙碌工作中一個好放鬆嘅小確幸。鴻圖樓雖然係街坊酒樓，但味道實在，值得懷念。
繼續閱讀
今日同朋友去咗觀塘鴻圖樓飲茶，呢間酒樓外觀好有特式，好有古典氣派，入面環境好舒服，燈光柔和，啱晒慢慢嘆茶傾計～ 黑松露鵪鶉蛋燒賣，松露香氣好濃郁，鵪鶉蛋細嫩滑溜，同燒賣嘅豬肉餡出奇地夾！醬汁蒸鳳爪都好好味，鳳爪蒸得夠淋，醬汁鹹甜適中，入味得嚟又唔會太膩～ 仲試咗薑蔥牛柏葉，爽脆口感加上微微薑辣，好開胃黃金蒸土魷鮮味十足，點少少辣椒油更加惹味最後當然要叫熊貓流沙包打卡，造型可愛到唔捨得食！一撕開包皮，濃郁嘅流沙餡即刻湧出嚟，甜度剛剛好，為呢餐畫上完美句號✨ 整體嚟講，鴻圖樓嘅點心精緻有心思，係觀塘區難得嘅高質飲茶好去處！下次一定會再嚟試其他點心～
繼續閱讀
您可能會有興趣的...