鴻圖樓茶餐廳

營業中

休息中

「鴻圖茶餐廳」位於觀塘的中心地帶，午膳時間多數都坐滿人，今天工作來到觀塘，放工在「鴻圖茶餐廳」食埋晚飯才回家。餐廳面積很大，有很多座位，大大個紅字招牌，離遠都見到。晚餐有6款套餐，大部分是五十多元，有凍熱飲品，我就簡簡單單食碟梅菜蒸鯇魚飯。$59有大大舊鯇魚腩，還有一個魚卜，很多茶餐廳都不會供應魚卜，很久沒有食過，所以覺得份外好味，魚腩也新鮮，蒸得剛剛熟，魚面灑了很多甜梅菜，伴飯一流。加8元有碗老火靚湯，今晚是紅蘿蔔豬骨湯， 清甜好飲。

我平時好少食茶餐廳，因為覺得座位好迫同埋有種要好快速食完快D走既壓迫感🙈但前排黎過一次呢度食晚飯之後我竟然對呢間茶記幾懷念🙊呢度地方好大，大部分都係卡位，坐得舒服👍🏻侍應們遞完杯水俾我又唔會拿拿林催我落單😙上次試過蒸魚都幾唔錯😋今次決定試下附近幾檯都嗌嘅燒味✌️原本想試乳豬但賣晒🙁結果叫咗個雙拼嘅燒肉燒鴨飯(少飯)加半隻鹹蛋，同埋是日例湯菜乾湯～菜乾湯勁大碗超足料，眼見果皮都有兩大塊😮湯既味道唔會太鹹，仲有唔少南北杏，大熱天時要黎潤肺清熱非常唔錯👏個燒味飯既鹹蛋同醬料都係另上，好細心👍燒肉層次分明肥瘦適中，食落塊皮超級脆！！😍配埋刺激開胃既芥末醬真係無敵😋😋燒鴨食落有微微炭燒香味，肉質幾嫰滑，塊皮都脆口而且唔會太肥，雖然都好食但就無燒肉咁驚艷到我😂鹹蛋加燒味送豉油白飯簡直係一流既平民美食😋如果舊鹹蛋再流油啲就更perfect！👏👏呢間茶記既水準真心唔錯❤️下次要試下今次食唔到既乳豬先得！😈

星期日來到觀塘, 想來過快食晚餐, 經過看到這間茶餐比較大型, 所以便試一試餐廳內位置很多, 有足夠的空間感卡位有充電位, 十分貼心叉燒飯 - 點了肥叉燒飯, 叉燒份量比想像中多叉燒真係比較肥, 個人最喜愛, 肥瘦剛好, 送飯一流仲有幾條菜, 令成日出街食既我都可以健康一點火鴨絲炆米 - 朋友點了火鴨絲炆米, 份量都是很多火鴨絲份量也不馬虎, 每一米粉都佔上醬汁, 十分惹味, 吃得出很有穫氣加$8 會有老火湯, 老火湯是一大碗的是日老火湯是紅蘿蔔煲豬展, 非常足料這間茶餐廳坐位舒適, 野食抵食夾大件, 而且很有穫氣, 值得再來

今日黎到牛頭角食飯，約左閨蜜好耐今日終於約到，就黎到呢間餐廳試下啦，平日都十分多人，服務員熱情既招待好快就坐底左。店面都算大，感覺空間十足。我地叫左兩個餐，都有送例湯，今日係霸王花豬骨湯，非常香濃，係經過高溫慢火熬製而成，非常入味，湯既味道好似住家湯咁，非常健康。閨蜜選左乾炒牛河，份量都好夠，唔會好油膩，岩曬每個人既健康，而且河粉非常彈牙有口感，值得一試。我個人就喜愛食魚，我就選左豆豉蒸鯇魚，份量十足，有魚腩同魚頭，唔算好多骨，小朋友都岩食。豉汁用黎撈飯食真係最好味，魚非常新鮮，真係無選錯。

鴻圖樓同朋友收工行吓觀塘睇吓野，見到依間餐廳都人山人海當然就係要食個飯醫肚啦叉燒燒肉飯叉燒都非常入味，配上燒肉絕對同出邊嘅餐廳都有得比，叉燒嘅脂肪同埋肉啱啱好唔會太過油豉油雞飯朋友就叫咗個招牌豉油雞飯，我就是有味足，雞肉都冇說雪味正，佢哋啲豉油雞雞肉滑肉汁鮮味配埋杯凍檸檬茶絕對係人生一大享受，絕對一讚，喺觀塘區搵到靚燒味都唔容易轉左來講佢哋喺觀塘都可以有咁出色嘅燒味飯絕對係難得，下次午餐都可以過嚟食其他嘢

有成三層：底層就係茶餐廳，二三樓係酒樓。呢排減肥，6點前就開始食晚飯，岩岩好趕到佢3:30pm-5:30pm下午茶餐，三十蚊都唔洗仲要份量足。🥢乾炒牛河河粉🥢 $28茶餐廳我最喜愛既一道菜，有著家裡炒不出既鍋氣。最重要緊係個河粉炒成點，鍋氣一定唔少得，而且乾爽又味濃，加埋洋蔥甜味韮菜芽菜增加口感，不過河粉就斷哂。🥢鴻圖燒鴨飯🥢 $28So lucky 比左鴨腿我，鴨皮晶瑩油亮，皮脆又有油香，肉嫩軟滑。主角講究配角馬虎，就係燒鴨做得好但係敗左係個飯到，好彩呢到無令我失望，有米飯應有既口感，軟硬適中，粒粒分明。🥢菠蘿冰🥢 特飲+$6 & 🥢凍奶茶🥢 $3

今日要來一個quick lunch … 就在回公司途中，見到「鴻圖酒樓茶餐廳」下午茶時段原來是1:45pm ，所以就直接入去😝下午茶特價推介有8款，如果是3:30-5:30竟然更優惠$28一款和包一杯熱飲😱燒味四寶飯（走紅腸，因為我不吃的😝），燒味師傅給我叉燒代替🤗，叉燒不肥，但都幾腍，有口感。飯則較軟身但都ok 的！雞件肉質鮮嫩，鴨肉也不差🤗都只是$33 😗華田紅豆冰，跟餐加$6….原來紅豆配華田也很夾，值得讚的是紅豆夠淋👍🏻酥皮蛋撻，酥皮夠脆，蛋夠香又夠滑，重點夠熱！

喺A姐公司樓下又等咗一個鐘喇，其實接女朋友收工，最慘唔係等待，係肚餓呀！所以我決定搵間茶記食住等，嚟到位於觀塘嘅鴻圖樓茶餐廳，一支公就梗係要享受男人的浪漫啦！鴻圖樓茶餐廳24小時營業，我可以慢慢坐慢慢等，甚至買埋外賣俾A姐啦！例湯呢碗例湯雖然要另外加錢，但絕對值得。今日嘅例湯係霸王花豬骨湯，夠晒足料之餘，仲唔覺得落咗味精，對於少湯水嘅我，絕對係久違嘅幸福感。金牌豆腐火腩飯嘩！飯底超多，作為男士都肯定夠飽！另外，餐廳亦有燒臘專櫃，所以呢到嘅火腩夠晒有保證。炆過嘅火腩入晒味，而火腩皮仲好鬆化，配上一層肥一層瘦嘅火腩，口感一流呀！

諗吾到食乜好，諗住求求其其解決左餐晚飯就算，點知有驚喜。。。環境舒服，裝修感覺好新，啲牆身佈置晒啲假草係到，有種世外桃源既feel，估吾到茶餐廳都可以咁靚，餐牌勁多選擇，竟然連點心都有埋炭燒燒鴨飯比個名吸引左，炭燒好似好勁咁，份量多燒鴨有成六舊仲要係大大舊的，個皮好香，啲肉都好嫩干炒牛河我個人覺得最試到一間茶餐廳好吾好食最簡單就係試干炒牛河，呢到啲牛河係炒到乾身的，而顏色都好夠好靚，牛肉好多舊都吾會老見到竟然有雜果冰飲，比左成半杯雜果比我，勁開心，果然係好有驚喜

其實舊式茶餐廳都可以好好食，星期日夜晚啊媽話熱辣辣偷懶一日唔煮飯，咁我地就去屋企附近既鴻圖樓茶餐廳解決今晚既晚餐。好耐冇食過豉汁蒸倉魚，所以就叫左條食下，啲魚新鮮，肉質滑，一啲都吾鞋，啊媽都話好食，個豉汁撈飯好正。啊媽就話唔想食飯，所以佢就揀左銀芽肉絲炒麵，我第一次食覺得好得意，啲麵係脆的，有好多肉絲係面，好足料。我就叫左杯凍華田，啊媽叫左凍檸水，啲野飲都係普通茶餐廳既味道呢間茶記都幾多唔同年齡層既人食，不論男女老少都岩食，環境空間都幾大，茶餐廳黎講都坐得幾舒服

好耐無食過地道茶餐廳，每次黎都好有屋企既感覺，因為個個店員都好nice，有時仲會過黎關心下近況，食茶餐廳既好處就係有滿滿既人情味，其他餐廳係做吾到的，希望茶餐廳文化可以一直持續落去喇！我每次黎到都最鐘意叫蒸魚🐟因為好有家既味道，自從搬左出去住都好少會自己煮飯，又冇時間返啊媽度，所以黎到鴻圖樓我都係會食返啲家常菜，等我有返啲煮家飯既感覺🥰.今次都吾例外！點左個豉汁倉魚，因為蒸魚係即叫即蒸既關係，所以預左要等一陣，豉汁真係好好送飯，倉魚有陣鮮味，一個人食晒成條魚都飽，價錢勁抵只係$66，你話依家係邊搵👍🏻

今日出左觀塘工廠區買沙煲瓦撐😀路過見到👀$10半隻炸子雞🐓呢排食得太多日、韓、泰式😄半隻炸子雞好吸引😘老公👨🏻‍🦱話好耐未食個中式晚餐🥣就食😋頭盤當然梗係叫佢$10半隻炸子雞（佢個推廣做得幾好👍🏻兩至四人就半隻🐓、五人以上就可以一隻🐓、都係$10蚊雞）隻炸子雞🐓，好似乳鴿咁脆皮、卜卜聲😙連骨都可以食埋，仲有啲肉好嫩滑，都唔使5分鐘ko 晒😄見佢燒臘咁掂👍🏻再嗌多碟叉燒添，兩公婆可以空口就食晒😘飯都可以唔使叫😀😀當然要叫多煲蝦乾雜菜粉絲煲👍🏻有菜有肉👏👏👏埋單走人😀都係$170👏👏三個字（超低食）👍🏻👍🏻👍🏻平時我哋留下酒樓🤣邊有呢個價錢咁抵㗎😁😁😁下次再去觀塘再食過👏👏

今時今日餐廳既選擇太多，每次出街諗食乜都係個世紀大難題😂但我最喜歡既都係港式茶餐廳，原因係好簡單三個字平靚正👍🏻另外三個字就係人情味鴻圖樓茶餐廳雖然稱吾上由細食到大，但都真係食左好多年，見到啲店員叔叔姨姨都已經熟口熟面，次次都會親切咁同我打招呼🥰每次黎到一個人又吾知食咩既話我就會叫燒味飯，因為呢到既燒味飯真係一定吾會中伏，我最愛既係燒肉，幾乎次次都係半肥瘦，個皮係脆口的，油雞好滑，豉油好香甜甜地😋有時候好彩既話咁岩有雞脾位置就仲正

觀塘周圍都係茶餐廳，要搵好食嘅茶餐廳都唔易(｡ ́︿ ̀｡)呢間望落普通，但食落就幾有驚喜，成日經過呢間終於黎試下豉汁蒸䱽魚飯 🐟 $68最鍾意就係食蒸魚🥰䱽魚蒸到啱啱好，夠嫩滑，面頭嘅豉汁調味都好夠香濃，豉油鹹度鮮度都剛好👍🏻燒肉油雞飯🐥燒肉係偏瘦的，醃得有少少過鹹，但面頭仍有脆皮，肉質頭半部分較嫩。油雞就好食好多，油脂同醬油味都剛好，肉質嫩滑。再用葱油撈飯好好餸😋凍檸茶嗌左少甜但都係好甜，下次走甜算🙈

今日黎左位於觀塘好出名既茶餐廳「鴻圖茶餐廳」，原來上一層係鴻圖酒樓來的，又幾方便，下次都想試埋酒樓啲食物質素是日下午茶特價推介（1:45pm-3:30pm)$33，如果（3:30pm-5:30pm）呢個時段會仲更加抵食，真係平平平，試問依家仲有邊幾間茶餐廳做到呢啲價錢，我就試左個蜜汁叉燒飯，啲米飯做得幾好，粒粒分明，而叉燒真係半肥瘦的，加上甜甜地既蜜汁真係好滋味，叉燒都有好多舊，吾會因為係下午茶特價餐而份量小啲。環境就都算光猛乾淨，油雞檔既位置係開放式的，望到入面都幾乾淨，我都食得好放心，依家呢啲舊式茶餐廳真係越黎越小，有住滿滿既人情味，大家都要多多支持茶餐廳啊！