鳳城1954 (MegaBox)

營業中

休息中

鳳城點心都算精緻得來，價錢相宜。點心大多係新潮有造型，而且耐唔耐重會換下款，好多都好打卡able，一家大細同小朋友一齊尼飲茶一定好開心。味道都係非常唔錯，做得好過一般酒樓，環境碗碟都乾淨，食得更放心！

到咗話冇位，跟住叫你等30分鐘，跟住之後俾你一張兩個人都坐唔落嘅枱叫你三個人坐，佢當你乞兒，一樣比咁多錢係俾啲咁嘅枱你，坐簡直係乞兒餐廳，唔使比錢咩？咁正垃圾餐廳，佢同你講坐就坐就冇得坐，超級唔尊重客人酒樓

非常差的一次體驗滿心歡喜和家人一起來食晚上7點坐低，到9點還沒上齊菜已經催趕多次，平均15分鐘先來一道菜全場只有四位服務員完全無服務可言菜色味道一般，細份炸物完全不及格六碟餸裡面一個粉漿打天下不值得黎食

今日同家人一齊黎到九龍灣，這邊都好多嘢食選擇；我媽媽鍾意飲茶，所以我哋選了這間酒樓！估唔到有驚喜！😍😍😍環境都幾舒服，乾淨明亮，早去未午餐時段都幾休閑點心選擇唔算多，但款式好特別又可愛造型，好味又得意😍（豬豬叉燒包）軟軟的包配叉燒餡又唔會太甜炸物（春卷、腐皮卷、鹹水角）3個炸物各有特色，我個人覺得春卷最好食，蝦爽皮脆口😎點心拼盤這個又是一籠包了不同款式點心，彩虹蝦餃蝦幾大隻，燒賣我試了一粒（魚乾那件）爽口的口感，滿滿的材料，我媽話紅棗糕唔會好甜；奶黃包的心心樣阿囡爭住食🤣🤣🤣（煎蘿蔔糕）都唔錯，不過咸了點（芝麻糕）彈牙，喜歡配了椰絲花生，口感更豐富（魚鬆炆米粉）這個好適合媽媽同阿囡，唔會乾身、多汁、魚鬆多又香，配了脆肉瓜粒，唔錯

從前鳳城是家吃點心的傳統酒樓、老品牌尤其油麻地那家確實寫下了經典和歷史由客人在外邊自取點心、炸物和糕點，點心亞姨蓋印在點心紙，或者場內遊走中的點心車叫賣…人大了，偶然總會想保留這一切！現在的鳳城已變得完全不一樣囉！新裝修、新menu、新派… 價位也定高了點下午茶時段人流少，味道是Ok但被新式酒樓同化了的鳳城，失去了原有的特色椰王也好像沒在賣了？而且新定價亦顯得有點進取同樣預算 還不如吃其他別的

晚餐都有點心🤤🤤本身係蒸籠內上碗時都沒有穿餡的灌湯餃值得尋找的味道湯在餃入面乞丐蒸雞😋金針雲耳蒸雞好入味酸菜魚😋最正係杯人蔘烏龍茶😋😋😋😋心思思想買返屋企沖，但最後比人阻止了🥺九龍灣呢間唔駛等位😁有泊車優惠🤝🏻環境近窗邊望出外既境都可以但大枱就見到要坐另一邊價錢：並唔算係大眾化，大部分中價偏高價位。但都好多人食緊。等外面吉枱。食物：個酸菜魚都滑但未夠濃味，魚片夠鮮沒有魚腥味，但湯底可以濃味一點，本身有水晶粉。金針雲耳蒸雞真係推薦一食👍🏻灌湯餃必點，唔係平但都會必食，回憶的味道👅期待下次再試其他食物每人平均350-400/位

呢排阿仔放暑假，成日都會嚟Megabox比大細放電，呢間鳳城，地方夠大，景觀不錯，食物部分年紀細都食得，加上約埋長老，佢哋喜歡中餐，呢度係又要親子又要食好嘢嘅推介。雀籠下午茶平日抵食98，咸點甜點都有齊，豬包阿仔阿女見到都會雙眼發光，做工精緻可愛，叉燒包味道正常，綠茶就有點苦澀，奶皇流心熱食最驚喜。島籠中層蝦餃燒賣都好味，夠大粒又彈牙。下層有咸水角，煙韌大隻又夠脆。雀仔係鳳梨酥，芒果布甸正常，布甸上的彩色龍鬚糖幾驚喜。口水雞辣，不過夠惹味，肉質嫩。春卷皮夠脆，足料。味道不俗，推介。煎釀鯪魚鯪魚多厚夠大塊，有d骨，食果陣要小心，汁料多，不錯。春風得意腸粉皮夠皮，包住脆皮蝦腸，口感一流。大良炸鮮奶脆皮唔厚，厚度適中，包住鮮奶，鮮奶夠滑，不錯。干燒伊麵麵質彈牙，夠鑊氣，個味道較淡。

鳳城1954(Megabox)之前已經來過幾次，覺得食物質素非常高，所以今日同屋企人再來光顧。環境不錯，枱同枱之間唔會太迫，四個人或以下坐窗邊卡位，望下風景更好。金皮炸子雞每次必食，十級推介，好味到震！雞皮炸得香脆，肉質鮮嫩，一d都唔乾，重食到雞油同肉汁，個個爭住食。1954蝦多士蝦膠彈牙，多士鬆脆，不過油多左少少。金磚豆腐真正做到外脆內軟，外皮香脆，豆腐滑，加埋調味粉，令人想一食再食。金光炸粉果原來配湯食，都幾特別，外皮脆，咬落去粉果煙韌，饀就略淡。福建炒飯蛋炒飯底香，d飯粒粒分明，用料豐富，汁多，味道一流。

mega box真係無乜好食，搭lift個時望下水牌，見到鳯城兩個字，一早已經想試下呢個老字號轉換成時下流行架點心店模式會點。原本想試多幾款點心，但有人比個孖寶吸引左，呢種港式酒樓下架推廣手法，老實又真係幾吸引，佢呢度仲可以揀幾種魚類配搭個炸子雞。環境幾好，人唔太多，睇落乾淨又唔嘈，係方便傾計。窗外望住零碳天地，意外個夜景幾靚，好啱拍拖。15蚊一位茶，就試下叫個荔枝紅茶，一放落好香荔枝味，飲落好舒服，適合唔鐘意茶溼味人仕。個茶壺無爛無塞，倒茶無滴水，呢個係睇到一個中餐廳質素架地方。茶葉有用茶袋包住，代表有心去做好個餐廳。上湯炸粉果，要等大約10分鐘至有，出到黎好熱。係即炸而非炸定架表現。外皮金黃，咬落清脆不黏牙，聞落有奶香味。同蒸粉果不同，裏面包2隻蝦。上湯有落韭黃，提味之餘又增加賣相。粉果浸一浸個湯再食，又係叻架食法。炸子雞等大約20分鐘，更加好。唔係預炸至好食。一上枱無任何調味可以點，證明對隻雞好有信心。雞骨見紅，唔係新鮮都冰鮮，唔使食雪藏雞😊雞皮金黃通透，但又不肥。碟上流滿肉汁。食落肉係嫩口，夠juicy。雞皮夠脆，但可能半隻係切左再炸/淋油，原雞淋油可能仲正，雞內殼夠味，但唔會

每次嚟嚫Megabox都係行宜家傢俬或者睇戲，平時去開都係食快餐多，今次我哋揀咗點心做午餐。咁有傳統嘅名但裏面格局都好新式，除咗窗口位嘅座位，感覺似餐廳多啲。價錢比一般酒樓貴少少，不過食物係唔錯嘅。食完先喺門口見到呢個set，每人一個都抵。彩虹蝦餃，除咗顏色特別，裏面嘅餡都做得唔錯。熔岩流沙包，個餡流沙得嚟有個厚度，唔會一搣開就漏晒出嚟。甘筍鹹水角，呢個做得好好味，賣相又可愛。春風得意腸，擺盤幾好，味道可以。風騷蛋散，每逢酒樓有必點。招牌鳳城炒飯，雖然味覺上無特別，不過係炒得幾好，粒粒分明又唔油膩。

2個人帶住小朋友，又唔想去mega box 的親子餐廳。就在openrice 搵到鳳城。佢有可愛豬仔包及小鳥點心，而且下午茶時段重有set for 2....再配多個 灌湯餃，地方大又坐得舒服。下午set 低食，灌湯餃好似糊仔，無味道

在香港，順德菜不算是很普遍的選擇，但我在Megabox找到了一家質素不錯的餐廳，強烈推薦。餐廳的環境和裝修都很好，座位也很舒適，就算是假日客人也不算多，一行2至3人都可以安排坐在大桌上。我看到門口貼著說用餐時間為90分鐘的告示，但服務員卻告訴我不需要理會這個時間限制，應該是因為當時客人比較少，沒有等位的情況。總的來說，食物很好吃，外形也很用心，但服務方面比較普通。價格合理，我會再回來的。

今日係母親節，周圍都好難搵位，但都俾我哋搵到MegaBox的鳳城1954酒樓，可以慶祝母親節！去到酒樓，我們都有一張大枱，環境都坐得舒適， 1家13人可以一起午餐，若果大家大夥兒吃午餐，這裏都有很多圓枱可以容納！食物方面，點心都不錯，而且他們有一些很精緻的包點，全部都是動物樣子，小孩子見到會很開心！另外我們都點了一些點心，比較特別的，例如牛仔骨陳村粉，很野味！另外都點了鳳城炒飯，炒飯味道香，大家都很喜歡❤️

黎過幾次，見出面所有嘢加晒價，佢呢set下午茶仲末加價，真心抵食。仲要座得舒服空間夠，夠靜。佢寫2位用，以下午茶黎講係啱數，不過，其實大部份我食嘅。本身原價一籠點心都要四十幾，而家餐內，有唔同款可以試喎。綠色係抹茶流心奶黃包，另一個係奴心奶黃包同叉燒包，全部包身都軟綿奶黃好滑。佢嘅燒賣心真正，首先上面有櫻花蝦感覺好特別，燒賣饀味夠爽身，肉新鮮唔梅，如唔叫呢個餐，我都會黎食燒賣。蝦餃都正常爽蝦，少豬肉，不過無燒賣咁得我歡心，可能出酗大部份酒樓蝦餃都做到水準，反而燒賣有水準得黎咁童叟無欺比較少嘅。但係個咸水角最唔好食，一來師父炸到好油，二來無乜饀料，空心，油而無乜味，呢個其實可以轉其他如蘿蔔酥會更好。芒果布甸甜度適中，足料芒果，如可再多少少魚膠粉再爽身更佳，加上正彩色棉花糖好夾同好有驚喜一甜一脆。而最正嘅係佢嘅小鳳依人，我次次食完都再叫多一籠打卡再打包返屋企嘆。46蚊三隻，一般台灣鳳梨酥價錢，有造形又新穌，上枱時仲熱嫁，呢我不二之選。

Visited this place for a friday supper, and it was quite pricey than we’ve expected.The fried rice was the first dish to be served. It had nice 鍋氣 and the flavour was well balanced. Shrimps, cha siu, tomatoes, eggs…there’s quite a variety of ingredients for this fried rice.Moving on will be their dim sum. I personally love their shrimp dumplings! The shrimps were al dante in texture and well seasoned, not to mention that the dumpling skin was thin enough to see through the pretty colours. The sa