鳳凰燒臘飯店

營業中

休息中

本來今晚有飯局，因為有人臨時甩底，而且無良大老闆無良地添加極繁重既工作，慘！慘！慘！好在有冇咁大的老闆龍哥，見我咁可憐，所以分左半盒人地送俾佢的外賣燒肉飯盒俾我食。其實個飯盒，由佢送到之前同我地進食的時間，都相距兩個鐘；如果一盒放左兩個鐘的燒肉飯，有咁的水準，咁佢新鮮應該好好味。首先，d燒肉係芝麻皮，食落仲係脆脆地的；仲有，雖然己經凍晒，但果層皮下脂肪仲可以入口即化；d肉都好嫩滑，加上適量的豉油同薑葱，同埋d軟綿綿既飯，好正！！個湯出奇地仲有微溫 - 我諗佢送黎是係滾熱辣的！好好飲 - 我估佢有落少少味精，比出面d味精湯好飲d, 但又未到老火湯的級數；而且好足料，今日係蓮偶豬展湯 (我估都係配豬展), 好多蓮偶，仲煲到好"淋", 好好味~~我見樓上既人都有寫話呢間野d質素好唔穩定；我今日食到咁高質責的燒肉飯，我真係好好彩 -- 不過我諗個天係公平既，見我咁慘冇得出街食又要做野做得夜，一定要送返d人生既美好俾返我...嘿嘿嘿~~~

外賣$24 雙拼燒味飯 + 例湯或汔水今次選了义燒+燒肉質素一般, 肉汁唔多, 义燒還可以, 但今次斬的燒肉就麻麻, 肉較硬較乾, 皮亦韌.這兒的價錢相宜, 燒味份量夠多 (比大 x 樂多), 故好多人幫襯這兒標榜自家製燒味, 有時亦見到有專車運送

叫得佢\做變相怪傑，梗係次次食都唔同樣啦！有時呢佢\又真係唔錯既，Ｄ野幾新鮮，多油多汁～廿蚊雞有埋野飲或者湯～但係每當我一心諗住食盒好味既燒味飯既時候，佢\就會俾Ｄ驚喜我，例如係無皮燒肉啦，全肥叉啦～真係唔得佢\死。。。。唔食好過食。總括黎講，如果你覺得自己係好好運既就去試下啦...

盂蘭節諗住斬番ｏ的燒肉叉燒，貪平時燒肉皮脆，叉燒肥瘦均勻，點知完全失水準，皮唔脆，叉燒係韌ｏ既？！好失望呀！最難頂未必係ｏ的野食差左，而係果個類似老闆娘ｏ既女人串到暈，買得少就比面口人睇，又唔多願比人家揀燒肉叉燒喎，禮貌些少好唔好！

我係一個燒臘愛好者,而個人比較偏好一d 裝修比較草根,簡單,隨便d 既燒臘店,因為認為咁樣先有食燒臘既風味,而鳳凰燒臘飯店就有呢一種風味..其實同區有一間出名食燒肉既燒臘店英都,當比較一下後,就發覺鳳凰燒臘飯店既燒肉皮同英都既同樣鬆脆,細心咀嚼,就會發現鳳凰燒臘飯店既燒肉唔un 口之餘亦唔太痴牙,加上每一咬都滲出肉汁,確係唔錯~當然,我至愛既燒鵝亦同樣有質素...如果後生仔不妨試下佢地既珍肝..真一流~一碟拼飯$24 送例湯兼食得飽飽,真過癮~

之前食開同區o既英都燒味，都覺得唔錯o既。但朋友介紹完鳳凰燒臘之後，我屋企不知不覺就轉左幫襯哩檔。可能係因為唔係即買即食關係啦，英都果o的係會“走樣”。但鳳凰哩邊呢，無論點，o的叉燒都可以保持咁蜜汁，燒肉同乳豬更加係一個字“脆”，皮脆，o岩哂我哩o的淨係鍾意食皮唔食肉o既人啦，真係正呀～琴日同阿毛食完友記路經，都掙扎買唔買o的番去拆，因近排食得燒味實在太多，都係免喇！