鳩戟

辛辛苦苦排完隊買咗 跟住仲要等差唔多半個鐘 其實都幾耐吓 而且仲要差唔多$60 1件 pancake嚟講，我覺得比較貴 又要企喺度食 味道嚟講，我覺得唔係真係好出眾 係好正常嘅味道 雪糕份量都唔多 個人嚟講覺得唔會再試…查看更多

鋪如其名，唔難食唔好食但食到一肚氣。比OK 係因為一比腐皮就出唔到po。落單嘅時候店員一直望住電話好似realize唔到有客，見到前面嗰個客都買咗一樣嘅嘢，位店員告知要等15分鐘，咁我都快快手去落單打算過一陣拎嚟食。我落單43分返，返到嚟拎02分，等我問嗰兩個店員拎得未啦，兩個店員只係瘋狂喺度講嘢完全聽唔到我講嘢咁咁我咪問多次囉，跟住可能因為我打斷咗佢哋嘅對話啦，咁就可能其中一位店員有情緒啦，態度就有啲差咁話叫咗，然後求其只吃雪糕就咁成兜掟喺枱面，咁我都忍唔住講咗句話「嘩唧咁嘅？」然後將個pat搖搖欲墜嘅雪糕令畀佢睇 （見圖），佢望都唔望繼續食嘢繼續吹水乜都好啦總言之完全理我。其實我由落單找錢到問佢得未都已經唔該前唔該後，拎個劈咁嘅雪糕我都有講唔該，而個位店員咗一句唔該都冇出現過。其實平時我都唔會寫comment㗎喇，香港服務業人工唔高都唔會期望有啲乜嘢優質態度，但係大佬都唔係要態度惡劣超惡頂咁架嘛，你人工同你要做嘅嘢可能唔成正比呢個係你同你公司之間嘅瓜葛，你啲情緒發洩喺個客身上只會顯得你自己冇質素，老老實實你出街都唔會好似你而家咁突然之間west人啦。😃我承認遲咗四分鐘係好唔要得嘅對唔住，下次唔會因為唔會再有下次 😃 四分鐘令我明白點解啲人會寧願北上消費，唔係話內地啲人服務點好點承，但係正常人都唔會專登揀一個服務態度差嘅地方消費嘅我估。…查看更多

見有其他人食緊朱古力味pancake, 又冇人排隊，只係$50有兩年soufflé pancake, 覺得可以試吓呀。我同老公share 一份脆脆焦糖+牛奶雪糕，我哋覺得真係好好味喎，新鮮熱辣嘅pancake，係少甜，加香滑軟牛奶雪糕，個面有用熱槍燒咗嘅焦糖，變得脆脆👍🏻用心一提，小店叫咗我哋等嘅號碼，知道我哋喺度先會唧雪糕，咁個雪糕就好新鮮，又唔會咁快溶。佢個質素比得上K11地庫嘅日式pancake，但價錢只係一半，所以我覺得性價比非常高，可以值得企喺度食…查看更多

原本好鍾意食，每次都食開心果加開心果雪糕球，自從對上一次轉左係雪糕機嘅開心果味，已經唔好食，早2日再試，希望好食返，點知雪糕得牛奶同芒果選擇，芒果都係要加5蚊，開心果仁碎又小，仲要7拾幾蚊，冇留戀可唔可以比返最原始嘅雪糕球呀？…查看更多

每次過嚟葵涌廣場掃街，甜品通常放到最尾先食，但係好多時食到好飽已經食唔落，所以今次第一樣食嘅就係呢間好多人都話好好食嘅梳乎厘😍不過當時買嘅時候一個人都冇，心諗會唔會有啲伏😂都唔理啦，就要個開心果疏乎厘試吓。見到一男一女，喺自己隔離行嚟行去，見佢都好似唔係整咁🧐得我一個都等咗20分鐘。。。。出到黎上層個梳乎厘都OK，下層果個個直頭扁嘅😫😫雪糕仲要溶溶哋。完全唔似梳乎厘，似蛋糕多d🥺$68極度失望完全唔值呢個價錢，唔怪得知冇人買🥺真係唔知好過試。…查看更多