鳥屋花膠米線專門店 (已結業)

好記得呢間3月倒新開既米線，第一次黎食啲湯完全唔得，雞脾又鞋烚烚。但今日有同事話佢地轉左成個湯同多左啲野食。所以膽粗粗比多次機會去食多次，一食就真係同上次好大分別，上次食左花膠雲吞雞脾，今次就試左藥草花藥膳雞脾 ，我朋友就食左豬頸肉清湯米線，豬頸肉份量岩岩好，但味道就偏淡，不過加一包酸辣醬就啱啱好。今次個湯同上次比就真係差好遠，直情成個味道都唔同左。雞脾就真係改善左好多，夠滑身同唔痴牙 。整體黎講可以叫做接受反，希望越做越好

午市時間一入餐廳冇人服務我哋，餐牌上除咗米線以外，其他嘢食都冇供應，我哋一行幾人，每人都揀唔同湯底，雞湯顏色十分怪異，同出面嘅雞湯完全唔同，湯嘅熱度又完全唔夠，試落每個味道都差唔多，湯底本身個味道都唔討好，跟住隻雞髀鞋到同即食雞胸肉一樣咁鞋，配料嘅冬菇又漏俾，嚟到一試配料嘅冬菇又硬到不得了，十分乾水，米線又淋到不得了，所謂嘅新竹米線又唔似新竹，違反商品說明條例，成碗嘢冇一樣可取之處，千祈唔好嚟食！

於2024年3月26日午餐。在openrice見到有新餐廳剛開業，還在試業階段。一行6人，5個都點了招牌花膠雲吞原隻雞髀米線，金黃色的色澤，但沒太濃郁的雞湯味，就是和史雲生雞湯味差不多，但多層黃色的油在湯表面，冬菇和蘿蔔也是死甜，只吃得出用了很多糖份醃製，根本零鮮甜味。雞髀是很大隻，但不算很肉身滑身，米線沒有什麼評價，都叫欣賞他的肉燥和蒜頭在上面，令到味道不會太單一。很可惜，我同事的麵裏發現有蚊蟲，想到煲湯時一直煲着昆蟲實在太嘔心。

🥰第一次寫食評就係俾佢本人好鍾意食雞湯米，見到foodie推介個湯金黃色，雞髀睇落金香嫩滑就去一試。上菜嗰下好震撼，到底咩茶記老火湯咁樣嘅濃郁雜質湯飲落去好彩唔係怪味🙏冇雞味但有伏味。店員見到我面色咁差好有禮貌咁問咩事，再解釋係有客人表示湯底好油所以用少左雞殼煲湯所以冇色冇味👍🏻飲唔到湯唯有食下雞髀，點知又嚡又凍個湯浸佢唔熱。我屋企隻🐶d伙食分分鐘好過佢。大家望下舊雞髀骨，根本就係烚到過龍甩左肉就攤凍嘅湯渣。呢間真係好好食，可一不可再。🥰🥰🥰

早幾日經過見到呢間米線新開，主打花膠雞米線又有藥膳湯底咁幾特別，就突登嚟試吓！今次試咗佢嘅「蟲草花藥膳濃湯原隻雞髀米線」，先講賣相同Menu上嘅顏色有啲唔一樣，湯底夠熱不過偏咸，一路食一路要勁飲嘢🥵，米線還好，但雞髀肉一般不過唔夠熱🥶，相信佢係想靠湯底坐熱隻雞髀，但未如理想。反而「黃金脆皮雞腿捲」有驚喜！熱！脆！味道好，肉嫩！「蟲草花藥膳濃湯原隻雞髀米線」：2/5🌟「黃金脆皮雞腿捲」：4.5/5🌟整體評價：2/5🌟 （唔建議）

喺附近返工 朋友話我知D2開咗花膠雞米二話不說 好快就去咗試咗本身睇張相我以為係好濃嘅雞湯 點知實物係咁樣⬇️⬇️⬇️冇乜雞湯味道 有蘿蔔冬菇花膠雲吞最值得一讚係個雲吞 蝦幾大隻👍🏻雞髀有好大嘅進步空間 完全冇味的雞 肉質又吾太滑可能係因為試業期間 希望會有進步😅😅😅

🍽️食物方面：QRcode落單同門口menu唔一樣Eg無小食同通心米粉暫時得一款餸-原隻嫩滑雞髀揸住食麵另上 有香菇滷肉 湯有花菇同蘿蔔🌸花膠雲吞濃湯💲68等咗30mins 2大粒🦐雲吞 細薄花膠 湯夠濃味🐛蟲草花藥膳濃湯💲52甘甜 多料 唔重藥味 米線好腍 少麵都多🐤清雞湯💲42唔會成口油 好夾新竹米粉 建議少麵🥤可樂💲5📷打卡方面：黑盤銀碗 似food court🔈環境方面：友利入面半個鋪位 提供喵坊紙巾Lunch要等位 上菜有啲混亂💬其他資訊：📍 鳥屋花膠米線專門店荔枝角長順街15號D2 Place TWO 1樓108A, 108B & 112號舖