鰻工房 (已結業)

一直都好鐘意食鰻魚，例如鰻魚滑蛋丼、鰻魚炒飯之類。今次比我搵到一間專食鰻魚既店，當然唔可以走寶。沙羅鰻蛇丼，分量大到誇張，等於我平時係超市買既鰻魚2條咁大條，烤得好靚冇咩燶，味道都好夠，呢個丼好滿足，一個人食好似有啲多，兩個人share就差不多了，好抵食！大大大滿足！…查看更多

今日同朋友去咗尖沙咀赫德道嘅「鰻工房」食晚飯，呢間係專食鰻魚嘅日式小店，鋪頭唔算大，但裝修幾有日本風情，木系枱凳同埋牆上掛住啲鰻魚畫，感覺幾舒服首先叫咗個「鰻魚芝士玉子燒」，一上枱就聞到陣蛋香。玉子燒煎得啱啱好，入面嘅鰻魚肉嫩滑，加埋半溶嘅芝士，口感好豐富跟住試咗招牌嘅「三重鰻魚丼」，真係冇改錯名，一碗飯有三種食法：蒲燒、白燒同鰻魚碎。蒲燒鰻魚油香十足，醬汁甜度適中；白燒就食到原汁原味，魚皮燒得脆脆哋；最驚喜係鰻魚碎，撈埋溫泉蛋同飯一齊食，真係停唔到口。飯底煮得唔錯，軟硬適中，吸晒鰻魚嘅精華最後個「一本蒲燒鰻魚烏冬」 烏冬算彈牙價錢平民 鰻魚專門店好抵食鰻工房 地址:尖沙咀赫德道1-3號利威商業大廈地下7號舖…查看更多

我好後悔朋友生日去左呢度食OR見有184😋得幾個中差評諗住唔會伏啦因為朋友鍾意食日本生燒鰻魚 而呢間係鰻魚專門店叫左成個menu第二最貴嘅生燒鰻魚丼$208冷烏冬+$8鰻魚肝$38+10%=$508個鰻魚落單到上枱20分鐘 食落口完全唔覺得係即燒 個皮有啲硬揀左汁燒但係冇咩汁冇咩味道個飯都冇乜汁 隔離有樽鰻魚汁自己落 但就重酒味啲鰻魚唔知咩部位黎 厚身啲但係唔好食 同日本食原條嘅差好遠而且每塊都有骨最差係成間野唔知射燈太勁定點 問店員可唔可以開大啲冷氣 佢話冇我熱到一路吹住風扇咁食極速埋單走人點解呢間野可以咁高分？如果10分滿分 坦白講 我唔係黎食白飯 我想比0分 …查看更多

因為好掛住日本的鰻魚飯，所以朋友介紹尖沙咀有間鰻魚小店，店舖雖然細小，但很有日本風，7点後已經坐滿客人每人点了套餐定食，每款定食加$18 可配溫泉蛋，流心香滑，鰻魚肝白貝湯，味道鮮甜，還有鹹菜及玄米茶定食～一本蒲燒鰻魚烏冬，原條鰻魚用蒲汁燒，蒲汁味道香濃，滲入新鮮的鰻魚，味道很好，肉質軟綿綿，外皮煙韌有口感，滑滑的烏冬配濃香的芝麻醬，好好味生燒鰻魚(白燒)，新鮮肥美的鰻魚，燒得香噴噴，外皮香脆，肉質爽口彈牙，不需加醬汁，保留鰻魚的鮮甜味道，白飯鋪滿紫菜絲及蛋絲，味道很好。另外建議預留三分一米飯，加入紫菜絲，芝麻及高湯，完成一碗茶漬飯，一款兩食，兩款都非常好味…查看更多

朋友之前社交平台見到恨食咗好耐，講咗幾乎成年之後終於約得成🤣 收工去食要對自己好啲！不過我喉嚨痛未好又唔太餓，所以叫咗個烏冬，朋友就叫咗個生燒鰻魚丼，兩個都要咗set, 有包溫泉蛋，醃菜，鰻魚肝白貝湯同飲品一本蒲燒鰻魚烏冬個鰻魚真係超大條，出街食飯第一次見到咁大隻碟覺得真係有必要 😂 佢哋啲鰻魚燒得啱啱好，調味都perfect 唔會太濃太咸，食極都仲有好滿足XD個烏冬本身都有跟個胡麻醬可以撈，俾咗好多但其實落少少都夠味了，連埋set送嗰個温泉蛋撈落去簡直畫龍點睛❤️ 烏冬連埋蛋黃食更滑，配汁燒嘅鰻魚好正 唔會太濟至於朋友個生燒鰻魚丼，想有少少變化，所以呢個鰻魚揀咗白燒，呢款鰻魚有切開一件件，唔知係咪因為燒完塊皮會比較難咬開，白燒不得了，每啖咬落去都係好香嘅魚油，係滿滿嘅omega 3呀XD 個湯都有驚喜，唔係平時飲到得個咸字嘅味噌湯，除咗有幾粒蜆仲有海帶，好鮮 好味另外推下佢哋個醃蘿蔔，唔會太酸 甜甜哋可以消濟幾好味，另一隻紫嘅我就覺得太酸 唔啱口味…查看更多