鰹烏冬 (駱駝漆大廈第三座)

營業中

休息中

：「『烏冬店，烏冬分勝負！』，店家所言甚是。」《製》《品》【夏一烏冬】$85▫️喜筋道麵條，故點冷麵；▫️果真柔韌彈牙，順口耐嚼，口感奇佳。▫️底有醬油，佐以薑、蔥、青瓜、白芝麻、紫菜、煙肉碎；▫️生蛋黃於其中，諸料各獻一味，配合調和，色、香豐富；▫️清新滋味，低調不奪小麥香。▫️配以微酸檸檬汁，品之清新開胃，暑氣頓消而心曠神怡。🔎#老饕鑑鹹_上中品—————————————————————————【骨附鳥】🔸熟物之法，最重火候；🔸骨附鳥份量令人滿意，且均勻熟透。🔸外皮金黃焦香，得嚐絲絲蜜糖甜味，頗有驚喜。🔸內裡肉質鮮嫩，肉汁流動，滿口肉油香，值得一試！🔸若溫度更熱，可臻上中品。🔎#老饕鑑鹹_上下品—————————————————————————【#金菇牛肉卷】$42♦️老饕喜精瘦之肉，難得此家選牛肉八瘦二肥；♦️精而不柴，正合我意。♦️牛肉片以濃郁燒汁煎過，微焦而掛汁沾香，可以一試。♦️金菇爽口耐嚼，且盡吸肉汁、燒汁之精華，咬之釋出。♦️唯溫度微暖，成一大憾事。🔎老饕鑑鹹_上下品—————————————————————————🗺️觀塘開源道60號駱駝漆大廈3期11樓O室🗺️長沙灣元洲街450/464號寶華

夜晚咁岩同男朋友行駱駝漆，佢知道我中意食烏冬就提議黎呢度食晚餐。入去前都有一條人龍等緊，人流算多。入到去唔算特別好坐，但個場都幾大，容納到幾多人，所以唔洗等太耐都入到去食野。我叫咗個理應係濃味d既咖哩烏冬，雖然預咗佢係偏日式，唔會辣，但都冇諗過好似水咁啖，無論質地定味道都似水，而個烏冬都算煙韌既。之後叫咗個金菇肥牛卷，d牛肉就有d韌，唔係好咬得開，味道就普普通通啦。我地仲叫咗個凍豆腐，有飛魚籽、紫菜同少少青瓜絲，口感同味道都幾夾。男朋友一早叫咗個炸蠔，但等咗半個鐘都未有，就同侍應講如果未整就唔要，個侍應就話炸緊，講完冇耐就到咗，仲好熱，相信係催單個下先整既。另外，男朋友同我講，我後面就係收集碗碟既地方，但完全冇任何野遮掩住，其實望住食野都會降低咗個食欲總結以上咁多樣野，唔會再黎了。

呢到嘅烏冬係手工烏冬，唔係機造，所以食落係比較煙韌，係幾高質嘅烏冬👍🏻— — — — — — — — — — — — — — — — — — — 【黑胡椒粒拌蛋烏冬+ 骨付雞】一上菜完全係芳香撲鼻，嗅到濃嘅黑胡椒味，但食落又唔係好重嘅胡椒味，同想像中有d 唔同。而個炸雞髀係好出色，夠嫩滑多汁，又幾香口，而且都幾大個，呢個可以一試。— — — — — — — — — — — — — — — — — — — 【鰹魚湯烏冬+關東煮】鰹魚湯味幾濃，關東煮🍢有竹輪、蘿蔔、日本蛋、蒟蒻等，味道正正常常。相比之下，骨付雞好食d。

要試真係出名好味嘅高品質烏冬，呢一間真係走唔甩！ 啲烏冬口感正，絕對食得出係高質！湯底液好好味， 鰹魚湯底絕對唔會令你失望！ 可能有啲人覺得冇咩特別，但係咁嘅價錢，性價比絕對高！ 今日同小女兒和朋友要嚟觀塘做啲嘢，去到觀塘駱駝漆大廈行一轉，順便上去食一食，小朋友又開心，大人又覺得值得。 今次額外叫咗個骨付雞，亦都冇失望，絕對會再次返嚟光顧。

朋友話想食烏冬，記得之前嚟過呢度幾次，食物唔錯，當然就帶朋友上嚟啦今次食咗紫菜soba加金菇牛肉卷 ... 個soba幾好，不過個牛肉卷呢 ... 我只可以怪自己點解點呢樣 ...另外我未食完，行開咗去攞牙籤，返到位個餐就已經被收咗。同收餐嗰位阿姐講，佢嘅回應竟然係「呵呵，未食完？呵呵」然後就當冇事 點解呢位阿姐可以咁有型

為咗美食，你可以去到有幾盡？我自己經常跑到香港十八區搜尋不同的美饌🐣。但如果一個人，為了貫徹對烏冬和日本文化的熱切追求，跑到日本學習讚歧烏冬的製作方法，再回來開一間烏冬專門店，相信大家不會對其理想的追求作出質疑，更會認同他對食物有一份堅持和執着✊🏼。🏞環境餐廳沒有華麗的裝修，沒有hi-tech的餐飲設備，有的，是一張張烏冬的製造過程，以及讚歧烏冬製作班的宣傳海報，完全感受到餐廳對烏冬的執着。一份誠意，吸引到不少想品嘗真功夫的烏冬同好來朝聖。畢竟裝修只是輔助，美食才能反映餐廳真正的功架💪🏻🍜食物1. 夏一烏冬配金菇牛肉卷🍜（$90）🔸冷烏冬配醬油湯🔸配料有芝麻、青瓜、蛋黃、薑蓉和海苔碎：本身配料已經蘊含清新和冰涼的感覺，擠上檸檬汁，使整個烏冬湯底酸中帶爽，非常適合夏天熱辣辣而不想吃熱湯烏冬的客人🥒🍳🔸烏冬口感煙韌彈牙：如果把蛋黃打碎，蛋汁就會融入醬油湯底，使每條冷烏冬沾上蛋汁，口感滑溜🥚香滑的質感，不禁使人「𠽌𠽌聲」地吃起來🔸金菇牛肉卷：牛肉卷卷得密實不易散開，牛肉肉汁豐富，在卷上灑上芝麻，混和了芝麻香和肉香，香氣撲鼻👃🏼2. 月見熱烏冬配關東煮（$74）🔸熱烏冬配醬油湯🍜🔸以日式魚蛋片

eat乜雞髀 | 心目中第一雞髀|觀塘話說，鰹烏冬出名在佢哋新鮮自家製嘅讚岐烏冬。幾彈牙， 幾好味。不過，小編每次去都係為咗佢哋嘅小食——骨付雞、天婦羅。先講天婦羅，今次叫咗「天婦羅廣島牡蠣」,即廣島蠔。皮薄，新鮮炸出，香脆夠熱。廣島蠔亦非常新鮮，無腥味，唔需要任何醬料已經好正。如果你唔食蠔都唔緊要，普通天婦羅都好味。壓軸出場，骨付雞，即係雞髀。講真，係我食過最好味嘅雞髀。每一次去，都一定會食兩隻，沒有例外。一來夠大隻， 啖啖肉。二來，醃料醬汁非常出色，香口，入味，但又唔會太濃味，食完唔會好口渴。三來，肉汁豐富，唔會好似平時食雞髀咁有啲位太乾。簡單而言，必食。

呢間黃店烏冬係觀塘開咗好多年，係長沙灣同佐敦都有分店。佢地既手打烏冬出晒名，有唔同既口味，凍熱都有得揀。平時我會食佢地既雞髀🍗拼烏冬，今次轉下口味，試個金菇牛肉夏一烏冬，金菇肥牛真係無得輸，牛肉半肥瘦，唔太漏，牛肉汁似足吉野家，好好味🤤烏冬夠晒煙韌彈牙，而且份量多，每次食完都大滿足🤰🏻另外叫左個關東煮🍢（無影相sor)佢汁係鮮甜得黎唔咸👍👍蘿蔔有些微既筋，但都夠淋夠入味～其餘既配料有高麗菜，蒟蒻等等，鍾意關東煮既朋友可以試吓🤗不專業評分，僅供參考食物：⭐️⭐️⭐️⭐️環境：⭐️⭐️⭐服務：⭐️⭐️⭐以上

估唔到係工廠大廈都有啲咁正既野食啊! 雖然話就話係工廠大廈 但係哩到人非常多 枱枱都坐滿客架( Ꙭ )!!個日我同男朋友仔都叫左鰹魚湯白味噌鍋燒烏冬 配菜佢就叫左骨付雞 而我就叫左金菇牛肉卷‪ꔛ‬ 個人覺得佢既雞真係出色既 勁juicy 都嫩滑 牛肉卷都好食 有牛味👌🏻不過衝住佢個烏冬黎既我對烏冬反而有少少失望 烏冬未算話好有咬口 魚湯亦較為淡同唔夠多 而且用石鍋上菜以為食物一定會熱辣辣 但佢只係偏暖 有點失策 估唔到我黎食佢個烏冬反而配菜仲好食🙈

駱駝漆大廈(3 期)出名多性價比高嘅餐廳，所以收工就決定嚟呢度搵食🤩呢度有好多特別口味嘅烏冬，例如抹茶🍵烏冬、柚子烏冬等，不過都係冷烏冬嘅食法，嗰日唔係好想食凍嘢，所以無試到🙈鰹魚湯烏冬配關東煮（$68+$4轉魚湯豆乳）個湯有驚喜！魚🐟嘅鮮味配淡淡嘅豆乳🥛味好夾，夠晒鮮甜又好滑，好味！配埋天婦羅碎一齊食仲正，唔小心就飲咗半碗🤤感覺吸收咗滿滿嘅蛋白質～姐姐話通常到晚市幼烏冬已經賣晒，所以我哋配咗粗烏冬，手工烏冬比平時啲更煙韌，條條嘅形狀都有少少唔同，有啲圓圓地，有啲扁扁地，份量好多，下次一於午市嚟試埋佢個幼烏冬，相信會好掛湯😚關東煮有蘿蔔、菜卷🥬、竹輪、蒟蒻同日本蛋🥚，索晒啲湯，煮得好入味😋月見烏冬配金菇肥牛卷($87)「月見」指放了生雞蛋🍳的料理，撈了蛋漿的湯除咗有魚嘅鮮甜，仲有淡淡嘅蛋香味，層次更豐富👍🏻(不過個人就鍾意豆乳湯多啲)金菇肥牛卷嘅份量都唔少，牛肉味好濃郁，醬汁滲晒落啲金菇度，好惹味😙見到隔離枱叫咗骨付雞好吸引😍本身想加配，但係已經飽到食唔落，下次一定要再嚟！環境﹕7/10抵食﹕8.5/10味道﹕7.5/10

工廈高質手打烏冬，d烏冬口感超正！除左坊間常見既鰹魚湯底烏冬，呢間店仲有好多款唔同烏冬。冷、熱、湯、撈，乜都有。另外佢個骨付雞都超正，雞髀大隻得黎，仲超juicy😆

who says only 丸亀製麵Marugame Seimen serves quality udon? i now introduce you to @udon.hk !!! 💛 it is kinda hidden and one thing bad about the location is how we had to wait for like 20 mins for the lift🤥but anyway i’m willing to wait for good food✌️ they serve hand-made udon which gives a v chewy and satisfying texture✨ seaweed flavour didnt really stand out but i think it was still delectable! and omg i regret choosing oden cuz the whole thing has mushroom flavour i- 😐 (no offence ) but yeesh it

⋆⁺₊⋆.鰹烏冬...一到中午時段駱駝漆大廈就勁多人排隊ㅋ唔知大家有冇食過呢一間烏冬呢～.鰹魚清湯烏冬+關東煮/ $68 /🥨🥨🥨烏冬好有咬口～麵質好煙韌！唔會黐埋一大嚿ㅋ關東煮都上都幾入味🍢不過個人覺得有啲鹹得滯～.拌蛋烏冬+關東煮/ $68 /🥨🥨🥨本身以為冇湯嘅烏冬可能會有啲乾身～但係意外地冇！整體份量都幾多ㅎㅎ做lunch一定夠飽～［滿分5個🥨］...⌫ 鰹烏冬 (觀塘)觀塘開源道60號駱駝漆大廈3期11樓O室.#觀塘咔嚓.

聽老婆講呢度有間烏冬好好食，於是今次佢帶咗我嚟食。入到去座位就普通，唔算闊落。見到餐牌都有幾多款唔同嘅烏冬可以揀，不過今次好多都賣晒(本身想試大麥烏冬同海苔烏冬），於是點了其他款式，分別係三文魚籽醬油烏冬同埋夏一烏冬(兩款都係冷烏冬)。而餸菜配搭方面都幾多選擇，叫咗味噌鯖魚同埋骨付雞(即係燒雞脾)，仲另外叫多個廣島蠔天婦羅。先講兩款烏冬，個麵質口感的確同出面普通日本餐廳唔同，佢粗好多同煙韌好多，食落去好有咬口，不過我就覺得硬咗少少，軟返啲會好啲。三文魚籽好多，醬油都唔鹹，好易入口，同烏冬撈埋一齊食硬硬哋又脆卜卜兩種口感一齊幾好。至於個味噌鯖魚，燒得真係唔錯，魚肉唔"鞋"，食落都幾鮮甜，而且個魚皮好脆，正。連我唔係好食魚嘅老婆都覺得好食，值得推介。另外到骨付雞，呢個係我老婆推介一定要食，佢話之前同個女同事食，個女同事話超好食仲一口氣食咗兩隻，於是今次佢叫錯。食落去我就覺得普通，唔算話真係好突出(可能雞脾我始終都係覺得大家樂隻炸雞脾同KFC啲炸雞好食啲，純粹出於個人口味，無特別)。而廣島蠔天婦羅就幾香口，個炸皮唔算厚，同埋隻蠔都幾多汁，可以再叫。整體嚟講唔錯，可以下次再嚟試試其他烏冬(因為

久仰咗呢間鰹烏冬大名好耐～今日天氣涼涼哋有啲食慾就嚟咗一試！星期六lunch time嚟到，餐廳full哂等咗大概10分鐘有位我本身好鐘意食鰹魚湯烏冬所以今次就嗌咗湯烏冬加呢度嘅名物骨付雞！落單後大概10分鐘左右就有嘢食嚟之前見到呢間餐廳有好多好評，令我期望好高，但係食第一啖就好失望⋯烏冬絕對未去到好好食嘅質素，一來唔算好有咬口，二來鰹魚湯味太淡，就咁飲可能啱啱好⋯但配襯粗烏冬，烏冬本身已經淡味，越食越覺得冇味⋯骨付雞上枱時處於一個又凍又暖嘅狀態？！邊邊位係凍，中間位係暖，擺明係整好咗擺喺度攤凍咗⋯不過味道方面係不錯！本身雞肉好入味，面頭仲有啲五香粉之類嘅調味料同蜜糖，雞肉都嫩滑。唔肯定呢個質素係因為餐廳負荷唔到咁多客人定係點，但我今日嘅經歷就非常失望（哭）