鰹烏冬 (香港逸東酒店)

營業中

休息中

上個星期嚟咗佐敦Eaton Hotel 🏨 嘅food hall食晚餐，喺food hall兜咗一轉，最終決定食呢間鏗烏冬🥢✨我order咗一份月見烏冬，另外仲加咗$20跟餐要多一份小食，揀咗飛魚籽豆腐月見烏冬入面有一隻溫泉蛋、蔥花、昆布，仲有日式魚蛋🍥，烏冬好煙靭彈牙，而且湯底好清甜，好有鰹魚嘅味道，冇乜味精味，而且烏冬份量好足，好大碗！而飛魚籽豆腐鋪滿咗紫菜碎、青瓜絲同飛魚籽，而且嗰底有鰹魚汁，食落好清新🌱

在酒店food court 內的鰹烏冬，落單後，大約等20分鐘先取餐，店內得2個店員，食品都即時製作，需要耐心等候。除了傳統熱湯烏冬，不時都推出限定款式，可以睇下店舖嘅手寫餐牌，另外仲有冷烏冬選擇。星期一至五有學生餐（$50）。蛤蜊湯烏冬（熱）（$78）：有🧈牛油煮過嘅香味，蛤蜊大約有8粒，粒粒新鮮脹卜卜，好鮮甜！湯底配有🫚薑絲同蔥粒，同蛤蜊好夾。烏冬粗身煙韌彈牙，份量都多～鰹魚湯咖喱烏冬（熱）（$55）：咖喱湯底入面有紅蘿蔔粒同大蔥做配料，日式咖哩湯味道較甜和溫和，容易入口，烏冬吸收咖哩湯汁，特別好食～骨付雞🐓（跟餐$37，單點$47）：即時製作，需要等15分鐘，🐓大雞腿肉灑上七味粉燒烤，配有🍯蜜糖，唔會過份鹹同辣，雞肉厚身嫩滑多汁，唔乾身，帶有香烤風味，推介！素天婦羅（跟餐$54，單點$63）：金菇1件、冬菇1件、🍆茄瓜2件、秋葵2件，炸漿薄身，食落香脆唔油膩，熱辣辣，脆卜卜，好食～。冬菇大粒，茄瓜厚身，食落有口感，金菇就比較奇怪⋯⋯ 之前都有食過呢度嘅素天婦羅，材料試過有南瓜同蕃薯，食材應該會因應供應而改變。公立醫院醫護人員，出示職員證，可享有八折，4樣食物原價$221，八折後$

逸東酒店地庫嘅food court對我嚟講係比較多有特色嘅餐廳，唔會太一式一樣，其中哩一間出名自家製讃岐烏冬麵應該好多人聽過，地理位置比其他分店方便，係市中心，同埋food court唔使點等，其他分店食過都要排隊，真係方便好多 凍番茄烏冬十分清爽嘅一碗麵，凍嘅番茄湯充滿住滿滿嘅番茄味，感覺好fresh，而且會食到番茄粒粒，又唔會太酸，很解膩嘅一個麵，幾適合夏天食，麵質一如既往彈牙煙韌，好有咬口，好有飽足感關冬煮配料有蘿白，雞蛋，蒟蒻，椰菜包肉卷，湯底清清地唔似有味精，蘿白幾甜，其他正常味道

世一手打烏冬 仲有唔少季節限定款式一直都食開鰹烏冬都會揀手打烏冬加骨付雞今次的起心肝試吓其他款烏冬方面我就揀返冷烏冬 鍾意凍食再彈牙啲#比目魚冷烏冬 烏冬嘅份量就一如既往咁多比目魚嘅份量好足一上菜就聞到牛油嘅香味 魚肉煮得好淋 入口即化 又唔怕食到刺係骨付雞以外另一個CP值高嘅選擇鰹烏冬一直嘅出品都唔錯 限定款都值得一試有好多中式fusion元素 味道有保證之餘又有鬼馬啲搞作下次有機會都想試吓佢哋嘅麻辣同碗仔翅烏冬想食烏冬第一時間都會諗起佢👍

逸東酒店裏面有food court有好多選擇都坐得好舒服呢間喺DJ台隔離，主打食烏冬次次都係叫醬油烏冬 ，貪佢夠簡單，主要都係食煙韌彈牙烏冬，最喜歡$51亦都好喜歡佢比2塊檸檬，唧落去啲烏冬度，酸酸地又彈牙，海帶同青蔥佢都比好多，醬油份量都係啱啱好。 簡潔清新彈牙，一如以往食親烏冬都要落沙律醬😂所以叫員工俾咗兜沙律醬不過無任何肉，亦都冇任何餸冇咁飽來自大阪神戶蘋果汁都好好飲$1x

第二次機會，唔使試伏😙其實想試呢間好耐，一直收藏咗望住個Menu係有選擇困難症，又想食竹簾烏冬又想食醬油烏冬又想試骨付雞又想食關東煮🍢經OpenRice外賣自取，可以用RiceDollar訂單多，等咗接近半個鐘▶️ 醬油烏冬 ($47.5)賣相勁似日本當地手打烏冬😍烏冬粗身，粗過讚岐烏冬係我食過最煙靭彈牙嘅烏冬，要咬多十幾下先吞🙈如果唔係會哽親逐條逐條食都超有質感底部大量醬油，係日本甜豉油味道，調味啱啱好唔會太鹹，而且烏冬好索汁面頭有好多海帶、香蔥、蘿蔔蓉、檸檬，撈勻後令烏冬唔單調👍🏻本身係冷烏冬，夏天食清涼消暑烏冬份量多，大份過出邊一底正常250g烏冬，絕對夠飽肚▶️ 關東煮 (+$24.7)跟餐加叫關東煮有五款：蒟蒻、白蘿蔔、獅子狗卷、椰菜豬肉卷、滷水蛋湯底好清甜😋所以白蘿蔔入味好食蒟蒻彈牙，獅子狗卷夠實身似魚蛋椰菜豬肉卷有驚喜，一層層椰菜咬落爽脆，同樣好掛汁滷水蛋就麻麻，蛋黃全熟，如果係溏心蛋會好食啲-手打烏冬質感真係超正，拍得住日本嗰啲 (香港本身都冇咩邊幾間)關東煮都意外出色，好食過超市預製包其他朋友試咗海苔竹簾烏冬、豆乳湯底烏冬、夏一烏冬同伴蛋烏冬即使配搭製法唔同，味道依然好食

鏗魚清湯烏冬 $68  + 骨付雞 $37 ❤❤❤❤烏冬湯底清爽，麵條口感爽彈；骨付雞香脆可口，肉質鮮嫩。整體搭配不錯，烏冬份量足夠。❤愈多愈推薦(最多5❤)龍豬情侶評價：店舖為於food court，餐點款項選擇不多，唯可自由配搭，可自選冷暖烏冬。推薦指數：8/10好味指數：8/10環境指數：7/10服務指數：7/10餐廳︰鰹烏冬地址︰佐敦彌敦道380號香港逸東酒店Eaton Food Hall LG樓8號舖

鰹烏冬紅咗好耐 以前成日喺駱駝漆經過都冇機會食過 咁啱想喺佐敦食個快飯 就嚟到逸東food court 終於有機會試下鰹魚半湯烏冬 $48作為煙韌控 我食烏冬都好追求彈牙 爬咗幾篇食評之後決定揀半湯烏冬 唔怕浸湯會影響烏冬質感 烏冬淥得啱啱好 夠曬彈牙 甚至食到後面覺得牙骹有啲攰🤣 而鰹魚湯味道就係平時買到嘅沾麵汁 正常發揮關東煮 跟餐$29有椰菜卷 蒟蒻 蘿蔔 蛋 同竹輪 跟餐價錢嚟講性價比算ok啦🤔 味道正常冇乜驚喜 竹輪煮得太耐淋得厲害 要扣啲分整體嚟講 烏冬質地確實唔錯 份量都足 不過湯底同今次揀嘅配菜都比較平庸 下次有機會再食會揀其他味道 同埋今次冇試到嘅另一名物骨付雞☺️⛺鰹烏冬 (香港逸東酒店)📍佐敦彌敦道380號香港逸東酒店Eaton Food Hall LG樓8號舖性價比:🌕🌕🌕🌗🌑味道:🌕🌕🌕🌗🌑服務: 🌑🌑🌑🌑🌑 (food court)賣相:🌕🌕🌕🌕🌑環境:🌕🌕🌕🌗🌑結論: 唔算貴 可以再試下其他款式🔖#fml_jordan#fml_noodles#fml_udon#fml_japanesecuisine🧲#鰹烏冬 #烏冬 #Udon #關東煮 #Oden#佐敦

今日同朋友喺附近做完嘢搵吓有咩食一路都覺得佐敦冇嘢食 點知見到呢間烏冬之前食過其他分店覺得都幾好食 就一齊去食吓.係喺酒店下面嘅美食街 環境都好有特色空間都寬敞.不論去琴邊間都會叫佢既骨付雞 原隻雞髀好juicy!🤤🤤.今次本身諗住叫個關東煮 點知就冇哂🍢咁就叫左隻天婦羅蛋 都開心🤤.聽聞比較出名夏一同月見烏冬而我比較鍾意食佢既鰹魚豆乳烏冬🤤👍.次次都起碼飲返半碗湯底 開心🥳以後黎到附近都有附個好地方食野啦周邊有唔同類型既食店 行入少少就有洗手間 方便哂一班人滿足大家既口味同需要🤤👍

好耐冇食鰹烏冬!叫咗個夏一冷烏冬 青瓜、海苔、檸檬令到成個湯底好清新 凍冰冰好啱夏天食👍🏻酸酸甜甜更加開胃 如果有埋肉就更加好🥹烏冬係讚岐烏冬超彈牙好好食超推介佢嘅天婦羅流心蛋 蛋黃汁簡直係醬爆 外皮好鬆脆 內裏好軟熟 不過小心熱😂

今次嚟到鑑烏冬食lunch. Menu入面嘅選擇好多, 分咗凍烏冬同熱烏冬.叫咗個夏一烏冬, 係凍烏冬嚟, 入面仲有檸檬, 蛋黃, 比較清新. 依排咁熱就啱啱好啦.份量中規中矩, 如果唔夠仲可以叫小食添

晏晝要係佐敦搵食，先知逸東酒店樓下有food court! 一見到有好評既鰹烏冬，就去左試。結果都冇令我失望👍🏻熱鰹魚中湯烏冬 ($48)問左店員，原來中湯嘅意思係指特濃湯底。咁當然要試下。上到里，店員會俾啲天婦羅脆脆俾我地加入湯到食，可以吸晒啲汁。湯底醬油味係出既，不過少少搶左鰹魚既味道🤌🏻 手打烏冬彈牙，正常發揮！跟餐加骨付雞 ($37)真係唔可以唔加配骨付雞🍗！幫成個烏冬加唔少分。原隻雞脾上，份量夠！骨付雞底下有爆蒜，好惹味！一啖雞肉一啖蒜蓉，超級正！而且雞皮燒得好脆，迫晒啲雞油出嚟，零罪惡咁！調味都唔錯，唔會好鹹！真心食完一試難忘。

自從鰹烏冬在逸東酒店地庫的Food Court開設分店, 就係成了我在香港吃烏冬的不二之選, 比起觀塘的本店不用等電梯, 也不用等座位, 而且空間感更大. 炎炎夏日, 就是吃冷烏冬的最佳時間. 烏冬外面軟滑, 咬下去內裡口感厚實, 簡單鰹魚汁的鹹鮮味已夠配搭, 上汁均勻, 新鮮手打的製作就是信心保證. 配菜點了炸廣島蠔和汁煮牛肉, 前者廣島蠔鮮味夠, 肉厚多汁, 外面炸皮酥脆金黃, 只是有點厚, 但如果沒有如此厚度, 也許就會被濕潤的生蠔弄得軟糯起來. 汁煮牛肉洋蔥味甘甜, 其實就是連鎖牛丼店的做法, 但無論是份量和牛肉的質素, 當然也會更高. The branch of Katsuo Udon in Eaton hotel is my favorite udon stall in the town due to the convenient location and the quality of udon. In such hot weather the cold udon is our best friend with excellent texture and simple bu

鰹烏冬一向都好想試, 去到佐敦, 一於就去佐敦都有既分店試吓喇😋💡醬油烏冬 ($51)🍜凍既讃岐烏冬厚身彈牙, 海帶同青蔥既香味相輔相成, 加上檸檬汁後, 酸味令成碗清甜既醬油烏冬更加清新, 夏日必點~ 💡魚湯豆乳烏冬 ($53)🍥湯底味道鮮美, 湯汁清淡, 食得出有豆乳香氣, 十分開胃; 烏冬既口感煙韌, 同湯既搭配超級順滑! 💡天婦羅 (5件) (+$54 跟餐)🍤🍆天婦羅包括2款蔬菜(冬菇 / 茄子)及3款海鮮(海老 / 多春魚 / 牛鰍魚) , 天婦羅炸得岩岩好 (可惜係海老沾得太多, 炸漿比較油膩😬) 💡骨付雞 (+$37 跟餐)🍗必點之一😍金黃色既外皮完全鎖住咗肉汁, 啖啖都有肉汁滲出, 而且雞肉嫩滑, 食得出香料既味道, 十分入味👍🏻 💕價錢合理, 而且又係新鮮製既正宗讚岐烏冬, 想一嚐烏冬彈口既口感一定必試呢間!!!    

店名: 鰹烏冬 地址:佐敦彌敦道380號香港逸東酒店Eaton Food Hall LG樓8號舖佐敦站B1出口，行3分鐘環境: 4.5/5價錢:4.5/5味道: 5/5呢間烏冬都算出名，出名在於湯底係用鰹魚湯，今次係food court見到就試下另設長沙灣，觀塘，牛頭角分店鰹魚湯白味噌鍋仔燒烏冬❤️❤️❤️❤️❤️$80湯底有鰹魚嘅清香，加上白味噌，湯底飲落充滿住啖啖嘅魚香，未食之前飲一啖湯，已經好滿足😍入面有牛肉，生蛋，菇等唔同嘅配菜，牛肉都有4,5塊，同樣索哂湯嘅精華🤩烏冬彈牙，唔會煮到淋哂，份量十足，食完飲埋個湯都好飽肚🙈骨付雞❤️❤️❤️❤️❤️$37/$47其實姐係燒雞髀，size好大，拎餐個陣無expect會有咁大隻雞髀，燒嘅熟度啱啱好，外皮煎到金黃色，入面雞肉好嫩滑，可以鎖得住個肉汁得黎，肉質又唔會過老😍#stitchfoodie佐敦#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐